ឯកឧត្តម
នាយឧត្តមសេនីយ៍ នេត្រ សាវឿន អគ្គស្នងការនគរបាលជាតិ នៅថ្ងៃទី១៧ ខែមីនា
ឆ្នាំ២០១៥នេះ បានថ្លែងរម្លឹក ពីការរៀបចំផែនការរបស់គណបក្សប្រឆាំងនៅមុនការបោះឆ្នោត
និងក្រោយការបោះឆ្នោតជ្រើសតាំងតំណាងរាស្ត្រ អាណត្តិទី៥ គឺបក្សប្រឆាំងមានការរៀបចំគំរោងទុកជាមុន
ធ្វើមហាបាតុកម្មផ្តួលរំលំរដ្ឋាភិបាល ក៏ប៉ុន្តែគំរោងរបស់ពួកគេ
ត្រូវបានបរាជ័យ។
ឯកឧត្តម នាយឧត្តម សេនីយ៍ នេត្រ សាវឿន ថ្លែងដូច្នេះ នៅក្នុងសន្និបាតត្រួតពិនិត្យសភាពការណ៍លទ្ធផលកិច្ចកិច្ចប្រតិបត្តិការ ប្រចាំឆ្នាំ២០១៤ និងផ្សព្វផ្សាយទិសដៅភារកិច្ចឆ្នាំ២០១៥ របស់អគ្គស្នងការដ្ឋាននគរបាល រាជធានីភ្នំពេញ កាលពីព្រឹកថ្ងៃទី១៧ ខែមីនា ថា កិច្ចការងារការពារទូទាំងប្រទេស ព្រឹត្តិការណ៍ជាតិ និងអន្តរជាតិ តំបន់ និងព្រឹត្តិការណ៍ប្រពៃណី មានជាង ៧០០០ លើក ហើយនៅក្នុងជុំវិញកិច្ចការការពារនេះ សូមសរសើរគ្រប់កម្លាំងទាំងអស់ដែលបានសហការ ជាពិសេសដៃគូរសហការផ្ទាល់ គឺកងកម្លាំងអាវុធហត្ថរាជធានីភ្នំពេញ ខេមរភូមិន្ទ និងកម្លាំងសហការខាងផ្នែកច្បាប់ រួមទាំងកម្លាំងគណៈបញ្ជាការឯកភាព បានធ្វើឲ្យរាជធានីភ្នំពេញបានជោគជ័យ ពីព្រោះភ្នំពេញជាមជ្ឈមណ្ឌលនយោបាយ សេដ្ឋកិច្ច វប្បធម៌ ដូច្នេះការពារភ្នំពេញបាន ការពារក្បាលម៉ាស៊ីនរាជរដ្ឋាភិបាលបាន ការពារភ្នំពេញបាន ការពារដំណើរប្រក្រតីភាពរបស់រាជាណាចក្រកម្ពុជាទាំងមូល។ ដូច្នេះកិច្ចការងារការពារនេះ សម្រាប់ភ្នំពេញ គឺជាការលះបង់ ពលិកម្មមួយដ៏ធំធេង។
ឯកឧត្តម
បានបន្ថែមថា នៅក្នុងពេលបុណ្យចូលឆ្នាំប្រពៃណីជាតិខ្មែរខាងមុខនេះ ត្រូវដកកម្លាំងថ្នាក់ជាតិទៅជួយនៅខេត្តសៀមរាប
ពីព្រោះខេត្តសៀមរាបរៀបចំព្រឹត្តិការណ៍អង្គរសង្ក្រាន្ត និងបានថ្លែងថា យើងមិនអាចមើលស្រាលបានទេ
ជុំវិញកិច្ចការងារការពារ ការរក្សាបានសណ្តាប់ធ្នាប់ សន្តិសុខ ជុំវិញបាតុកម្ម
កូដកម្ម និងការតវ៉ាផ្សេងៗ។ ជាមួយគ្នានេះ ឯកឧត្តម នាយឧត្តមសេនីយ៍ នេត
សាវឿន បានរម្លឹកថា ចំពោះគណបក្ស ដែលបានចូលរួមបោះឆ្នោត និងចំពោះកម្លាំងដែលបានចុះឈ្មោះចូលរួមបោះឆ្នោត
ដោយនិយាយសំដៅបក្សប្រឆាំង ដោយបញ្ជាក់ថា ពួកគេមានផែនការគ្រោងទុកជាមុន
ដោយយើងមើលទៅមាន ៤ដំណាក់កាល ដំណាក់កាលទី១‑ មុនបោះឆ្នោត គាត់ស្រែកថា គាត់ចូលរួមបោះឆ្នោត
ក៏ប៉ុន្តែគាត់មិនទទួលស្គាល់លទ្ធផលបោះឆ្នោត នេះគឺជាចេតនាពិតប្រាកដរបស់គាត់។
ទី២‑ ពេលបោះឆ្នោត នៅរាជធានីភ្នំពេញ ខេត្តកណ្តាល ព្រៃវែង ដែលមានកៅអីយ៉ាងច្រើន
និងកន្លែងបោះឆ្នោតជាច្រើន បង្កអស្ថិរភាពឡោមព័ទ្ធ កន្លែងខ្លះចាប់មន្ត្រីបោះឆ្នោតធ្វើជាចំណាត់ខ្មាំង
ជាក់ស្តែងដូចជាការិយាល័យបោះឆ្នោតនៅសាលាស្ទឹងមានជ័យ កន្លែងខ្លះផ្តុំឡើងទៅជាអំពើហិង្សាបំផ្លិចបំផ្លាញទ្រព្យសម្បត្តិ
សាធារណៈ ដូចជាដុតឡាន ហើយដោយមានការដឹកនាំដ៏ឆ្លាសវៃរបស់សម្តេចតេជោ ហ៊ុន
សែន នាយករដ្ឋមន្ត្រី ទើបអាចទប់ស្កាត់សភាពការណ៍ បាន។ ទី៣‑ ក្រោយបោះឆ្នោតភ្លាមគេបានបដិសេធចោលទាំងស្រុងលទ្ធផលការបោះឆ្នោត
ដោយទាមទាររាប់សន្លឹកឆ្នោតឡើងវិញ និងទី៤.មហាបាតុកម្ម គឺជាចេតនាពេញលេញក្នុងការផ្តួលរំលំដណ្តើមអំណាច
មិនអាចធ្វើទៅបានទេ។ ហើយទី៤ ដំណាក់កាលនេះ មិនអាចធ្វេសប្រហែលមួយវិនាទីណាមួយបានទេ
ពិសេសក្នុងពេលដែលគេប្រើពាក្យមហាបាតុកម្ម។
ការលើកឡើងរបស់ឯកឧត្តម នាយឧត្តមសេនីយ៍ នេត្រ សាវឿន ពាក់ព័ន្ធ ក្នុងសកម្មភាពផ្តួលរំលំរាជរដ្ឋាភិបាល បានកើតឡើងស្របគ្នានឹងការចេញមុខមកបកស្រាយរបស់លោក កឹម សុខា ដែលកាលពីថ្ងៃទី១៤ ខែមីនា លោក កឹម សុខា បានថ្លែងនៅសហរដ្ឋអាមេរិក ក្នុងពេលជួបជុំអ្នកគាំទ្រ ដោយបានសារភាពនូវការបរាជ័យរបស់គណបក្សសង្គ្រោះជាតិ ដែលមិនអាចផ្តួលរំលំរដ្ឋាភិបាលគណបក្សប្រជាជនកម្ពុជា តាមរយៈកម្លាំងមហាជន ធ្វើបាតុកម្ម កុប្បកម្ម ក្រោយការបោះឆ្នោត ខែកក្កដា ឆ្នាំ២០១៣ កន្លងមកនោះ៕
No comments:
Post a Comment