(បទពាក្យប្រាំបី)
- តាំងពីបោះឆ្នោតជាសកលមក បើតាមលែលក យកតាមសន្មត់
គិតរាប់ជាខែ ក្បែរដប់ខែគត់ ប្រជាពលរដ្ឋ លោកនៅចាំច្បាស់ ។
- លទ្ធផលបោះឆ្នោត កាលពីឆ្នាំមុន បក្សប្រជាជន ពិតជាអ្នកឈ្នះ
អ្នកសង្កេតការណ៍ ចំនួនច្រើនណាស់ បានបង្ហាញច្បាស់ ឥតប្រកែកបាន ។
- បក្សសង្រ្គោះជាតិ ឈរថ្នាក់ទី២ តាមគេសំភី វក់វីតាមដាន
គ.ជ.ប ក្តី មន្រ្តីមូលដ្ឋាន សុទ្ធតែអះអាង ថាថ្នាក់ទី២ ។
- ដោយសារមហិច្ឆតា ធំធេងហួសមាឌ បក្សសង្រ្គោះជាតិ ខ្មីឃ្មាតវក់វី
ធ្វើបាតុកម្ម នៅគ្រប់ទិសទី រំលោភជាន់ឈ្លី ក្បួនច្បាប់តម្រា ។
- ពោលពាក្យញុះញង់ ចាក់ចុចបំផ្លើស បំផ្លោងពន្លើស ស្រេចតែចិន្តា
មាត់ឥតគំរប ជេរវាយប្រហារ ធ្វើឫកសង្ហា ថាខ្លួនឯងហំ ។
- បង្កវិវាទ ឆ្លៀតបង្កាត់ភ្លើង ឲ្យឆាបឆេះឡើង ដូចជាគេដំ
តាមផ្លូវវេងស្រេង ខូចខាតតំណំ អួតខ្លួនស្អាតស្អំ ហំឥតមានពីរ ។
- ឥឡូវដល់ពេល ចុះយុទ្ធនាការ រើសក្រុមប្រឹក្សា រាជធានី
ខេត្តក្រុងស្រុកខណ្ឌ ស្របតាមបញ្ជី តាមតួនាទី នៃ គ.ជ.ប ។
- គណបក្សដទៃ និងប្រជាជន អនុវត្តទន់ភ្លន់ ដោយចិត្តស្មោះសរ
តាមការណែនាំ តាមសារាចរ គោរពបានល្អ ឥតមានសង្កា ។
- ចម្លែកតែគណបក្សសង្រ្គោះជាតិ ធ្វើអ្វីច្រើនឃ្លាត ពីច្បាប់មាត្រា
គេតែងធ្វើអ្វី ទៅតាមអាត្មា ផ្ទុយពីគោលការណ៍ ប្រជាធិបតេយ្យ ។
ដោយ ៖ មូល មិត្ត
No comments:
Post a Comment