លោកហ៊ុន ម៉ាណែត លេីកឡេីងថាយោធិនទាំងអស់ នៅតែបន្តការពាររាជរដ្ឋាភិបាលស្របច្បាប់និង ដាច់ខាតមិនជឿការញុះញង់របស់ក្រុមអ្នកធ្វេីនយោបាយប្រឆាំងណាឡើយ

មេបញ្ជាការ បញ្ជាការដ្ឋានជាតិកម្លាំង ពិសេសភេរវកម្ម ឧត្តមសេនីយ៍ឯក ហ៊ុន ម៉ាណែត បានលេីឡើងក្នុងពេលដែលលោកចូលរួមក្នុងពិធីបិទវគ្គហ្វឹកហ្វឺកបាញ់គ្រាប់ពិត ថ្នាក់កងអនុសេនាធំ ថ្មើរជើងគ្រឿងយន្តចល័តវាយសង្រ្គប់ និងវគ្គហ្វឹកហ្វឺនតាមបណ្តាជំនាញ (ថ្មើរជើងអាវុធគាំទ្រ រថពាសដែក) របស់សិក្ខាកាម មកពីកងពល តូចលេខ៧០ យោធភូមិភាគទី១ (កងពលតូអន្តរាគមន៍លេខ១២៨) និងយោធភូមិភាគទី៤ នៅទីលានសាលាហ្វឹកហ្វឺកតំបន់ភ្នំធំម្រះព្រៅ ឃុំក្រាំងអំពិល ស្រុសំរោងទង ខេត្តកំពង់ស្ពឺ នៅថ្ងៃទី ០៩ ខែធ្នូឆ្នាំ២០១៧នេះ។

សូមជម្រាបថាថ្មីៗនេះក្រុមអ្នកធ្វើនយោបាយប្រឆាំងបាននឹងកំពុងញុះញង់អោយកម្លាំងប្រដាប់អាវុធបែរចុងកាណុងផ្តួលរំលំ រាជរដ្ឋាភិបាលស្របច្បាប់ តែទោះជាយ៉ាងណាក៏ដោយនាយទាហាន ពលទាហាន ក្នុងជួរកងទ័ពដាច់ខាតមិនងាករេជឿតាមការអុចអាលនោះឡើយ ផ្ទុយទៅវិញកងទ័ពនៅតែប្តេជ្ញាការពារជាតិ សាសនា ព្រះមហាក្សត្រ រដ្ឋធម្មនុញ្ញរាជរដ្ឋាភិបាលស្របច្បាប់ និងអធិបតេយ្យភាពជាតិមិនអោយបាត់មួយមីលីម៉ែត្រឡើយ។

ក្នុងឱកាសនោះលោក ហ៊ុន ម៉ាណែត បានបញ្ជាក់ថា
ទោះបីជាប្រទេសកម្ពុជា ស្ថិតនៅក្នុងដំណាក់កាលកំពុងអភិវឌ្ឍហើយធនធានវិស័យការពារជាតិនៅមានកម្រិតយ៉ាងណាក្តី ប៉ុន្តែកងទ័ពមានធនធានស្មារតី ឆន្ទៈ និងសមត្ថភាពដែលមិនចាញ់បណ្តាប្រទេសអភិវឌ្ឍន៍ និងបណ្តាប្រទេសមួយចំនួនក្នុងតំបន់នោះឡើយ។

ក្នុងពិធីនោះដែរ លោកឧត្តមសេនីយ៍ឯក ម៉ៅ សុផាន់
មេបញ្ជាការកងពលតូចលេខ៧០ បានមានប្រសាសន៍
ថ្លែងអំណរគុណចំពោះ លោក ហ៊ុន ម៉ាណែតដែលបានយកចិត្តទុកដាក់លើគ្រប់វិស័យក្នុងការកសាង
កងយោធពលខេមរភូមិន្ទ និងតែងតែចុះសាកសូរទុក្ខតាមគ្រប់បណ្តាអង្គភាពទ័ព ជាពិសេសការងារហ្វឹកហ្វឺន ដើម្បីពង្រឹងសមត្ថភាពអោយកងយោធពលខេមរភូមិន្ទទាំងមូល៕

កម្ពុជាប្រារព្ធពិធីអបអរសាទរខួបលើកទី៦៩ ទិវាសិទ្ធិមនុស្សអន្តរជាតិ ១០ ធ្នូ ក្រោមប្រធានបទ «សន្តិភាព គឺជាមូលដ្ឋានគ្រឹះនៃសិទ្ធិមនុស្ស និងការអភិវឌ្ឍ»

រាជរដ្ឋាភិបាលកម្ពុជា នៅព្រឹកថ្ងៃទី១០ ខែធ្នូ ឆ្នាំ២០១៧នេះ បានរៀបចំពិធីអបអរសាទរខួប លើកទី៦៩ ទិវាសិទ្ធិមនុស្សអន្តរជាតិ ១០ ធ្នូ ក្រោមប្រធានបទ «សន្តិភាព គឺជាមូលដ្ឋានគ្រឹះនៃសិទ្ធិមនុស្ស និងការអភិវឌ្ឍ»។

ពិធីនេះ រៀបចំឡើងនៅសាលមហោស្របកោះពេជ្រ ក្រោមការចូលរួមជាអធិបតីភាព ពីលោកទេសរដ្ឋមន្ត្រី ឪម យិនទៀង ប្រធានអង្គភាពប្រឆាំងអំពើពុករលួយ លោក ឃួង ស្រេង អភិបាលរាជធានីភ្នំពេញ លោក កែវ រ៉េមី ប្រធានគណ:កម្មាធិការសិទ្ធិមនុស្សកម្ពុជា និងមន្ត្រីពាក់ព័ន្ធជាច្រើនរូបទៀត។

ទិវាសិទ្ធិមនុស្ស ១០ ខែធ្នូ ត្រូវបានចាត់ជាទិវាសិទ្ធិមនុស្សសកល ដែល អង្គការសហប្រជាជាតិ បានប្រកាសឲ្យប្រើតាំងពីឆ្នាំ ១៩៤៨ ដើម្បីលើកស្ទួយ សិទ្ធិសេរីភាពរបស់មនុស្ស ពោលគឺ ត្រូវការឲ្យមនុស្សចេះ គោរពគ្នាក្នុងនាមជាមនុស្សជាតិតែមួយ៕

លោកនាយករដ្ឋមន្ត្រី ហ៊ុន សែន៖ ថ្ងៃ៧ មករា ១៩៧៩ នាំមកវិញនូវសិទ្ធិសេរីភាព និងវឌ្ឍនៈភាពសម្រាប់ពលរដ្ឋកម្ពុជារហូតមកដល់សព្វថ្ងៃ

លោកនាយករដ្ឋមន្ត្រី ហ៊ុន សែន បានឲ្យដឹងតាមរយៈផេកហ្វេសប៊ុកផ្លូវការរបស់លោកនៅព្រឹកថ្ងៃទី១០ ខែធ្នូ ឆ្នាំ២០១៧នេះថា យើងចាំបានថា “៧ថ្ងៃក្នុង១អាទិត្យ” ចាប់ពីថ្ងៃ ១៧ មេសា ១៩៧៥-៦ មករា ១៩៧៩ គឺជាថ្ងៃដែលពលរដ្ឋខ្មែរគ្មានសិទ្ធិសេរីភាពអ្វីទាំងអស់ រួមទាំងសិទ្ធិរស់រានមានជីវិត និងសិទ្ធិទទួលទានអាហារគ្រប់គ្រាន់។ តែថ្ងៃអាទិត្យទី១០ធ្នូនេះ គឺជាថ្ងៃនៃទិវាសិទ្ធិមនុស្សអន្តរជាតិដែលពលរដ្ឋទូទាំងពិភពលោកបានចូលរួមអបអរសាទរ។ ថ្ងៃ៧ មករា ១៩៧៩ គឺបាននាំមកវិញនូវសិទ្ធិសេរីភាព និងវឌ្ឍនៈភាពសម្រាប់ពលរដ្ឋកម្ពុជារហូតមកដល់សព្វថ្ងៃ។

លោកនាយករដ្ឋមន្ត្រី ក៏បានជូនពរបងប្អូនជនរួមជាតិទូទាំងប្រទេស សប្បាយរីករាយ នៅក្នុងថ្ងៃអាទិត្យទី១០ធ្នូ នៃទិវាសិទ្ធិមនុស្សអន្តរជាតិ និងសូមមានសុខសុវត្ថិភាពក្នុងការធ្វើដំណើរជិតឆ្ងាយទាំងក្នុង និងក្រៅប្រទេស៕

(សូមទស្សនាវីដេអូ) លិខិតប្រជាជនកម្ពុជា៖ អាមេរិកប្រកាសសងសឹក​ម្តងទៀតដោយការ​រឹតត្បិតទិដ្ឋការ គឺមិនខុសពី​អាមេរិកទម្លាក់គ្រាប់​បែកពីលើក្បាល​សម្លាប់ប្រជាជនខ្មែរ ហើយឲ្យខ្មែរសង​ថ្លៃគ្រាប់បែកនោះទេ

សូមទស្សនាវីដេអូ ៖ តើប្រជាធិបតេយ្យ និងសិទ្ធិមនុស្សនៅកម្ពុជា ពិតជាស្លាប់មែនឫ បន្ទាប់ពីអតីត បក្សប្រឆាំង ត្រូវបានរំលាយ?

ទីភ្នាក់ងារសារព័ត៌មាន KCNA ៖ កូរ៉េខាងជើងនិយាយថា ការគំរាម​កំហែងរបស់​ អាមេរិកនឹង​ធ្វើឱ្យមាន​សង្រ្គាមមិនអាច​ចៀសផុតឡើយ​នៅឧបទ្វីបកូរ៉េ​

​​​​​​​​​​ក្រ​សួង​ការ​បរ​ទេស​កូរ៉េ​ខាង​ជើង​បាន​និយាយ​ថា សម​យុទ្ធ​យោ​ធា​ដ៏​ធំដែល​កំពុង​តែ​ធ្វើ​ឡើង​ដោយ​អា​មេ​រិក និង​កូរ៉េ​ខាង​ត្បូង​ ហើយ​ការ​គំរាម​កំហែង​របស់​អា​មេ​រិក​ចំពោះ​​សង្រ្គាម​ប្រ​ឆាំង​នឹង​ទី​ក្រុង​ព្យុង​យ៉ាងបាន​ធ្វើ​ឱ្យ​ផ្ទុះ​ឡើង​នូវ​សង្រ្គាម​នៅ​ឧប​ទ្វីប​កូរ៉េ​ គឺជា «​ការ​ពិត​មួយដែលត្រូវ​គេ​បង្កើត​ឡើង»។

អ្នក​នាំពាក្យ​ក្រសួង​ការ​បរ​ទេស​កូរ៉េ​ខាង​ជើង​បាន​រិះ​គន់​ផង​ដែរ​ចំពោះ​សុន្ទ​រ​កថា​ដែល​បង្ក​ឱ្យ​មាន​សង្រ្គាម​ដោយ​មន្រ្តី​អា​មេ​រិក​ក្នុង​ការ​ជំរុញ​ឱ្យ​ឧ​ប​ទ្វីប​នេះ​ធ្លាក់​ចូល​ក្នុងមាត់​ជ្រោះ​នៃ​​សង្រ្គាម។

អ្នក​នាំ​ពាក្យ​រូប​នេះ​បាន​និយាយ​កាល​ពី​ល្ងាច​​ថ្ងៃ​ពុធ​នៅ​ក្នុង​សេចក្តី​ថ្លែង​ការ​ណ៍​មួយ​ដែល​ធ្វើ​ឡើង​ដោយ​ទី​ភ្នាក់​ងារ​សារ​ព័ត៌​មាន KCNA ផ្លូវ​ការ​របស់​កូរ៉េ​ខាង​ជើង​ថា «​សំណួរ​ដែលត្រូវ​សួរ​នា​ពេល​នេះ​គឺ​ថា តើ​សង្រ្គាម​នឹង​ផ្ទុះ​ឡើង​នៅ​ពេល​ណា?» គាត់​បាន​បន្ត​ថា «​យើង​មិន​ចង់​ឱ្យ​មាន​សង្រ្គាម​ទេ ប៉ុន្តែ​យើងក៏​​មិ​ន​គួរ​លាក់​បាំង​វា​ដែរ»។

ភាព​តាន​តឹង​នៅ​ឧប​ទ្វីប​កូរ៉េ​បាន​កើន​ឡើង​គួរ​ឱ្យ​កត់​សម្គាល់​ក្នុង​រយៈ​ពេល​ប៉ុន្មាន​ខែ​ថ្មីៗ​នេះ បន្ទាប់​ពីការ​ធ្វើ​តេស្ត​នុយ​ក្លេ​អ៊ែរ និង​​មីស៊ីលនា​ពេល​ចុង​ក្រោយ​របស់​កូរ៉េ​ខាង​ជើង​ដែល​បាន​ធ្វើ​ឡើង​ផ្គើន​នឹង​សម្ពាធ​អន្តរ​ជាតិ និង​សេចក្តី​សម្រេច​របស់​អង្គ​ការ​សហ​ប្រ​ជាជាតិ។

កូរ៉េ​ខាង​ជើង​បាន​​និយាយ​កាល​ពី​សប្តាហ៍​មុន​ថា ខ្លួន​បាន​ធ្វើ​តេស្ត​មី​ស៊ីល​បាញ់​ឆ្លង​ទ្វីប​ដ៏​ទំនើប​បំផុត​ ដែលមាន​សមត្ថ​ភាព​​អាច​ឈាន​ទៅ​ដល់​ទឹក​ដី​អា​មេ​រិក។

ទី​ប្រឹក្សា​សន្តិ​សុខ​ជាតិ​នៅ​សេត​វិ​មាន​ លោក H.R. McMaster បាន​និយាយ​កាល​ពី​ចុង​សប្តាហ៍​ថា លទ្ធ​ភាព​នៃ​សង្រ្គាម​ជា​មួយ​កូរ៉េ​ខាង​ជើង​កំពុង​តែ​កើន​ឡើង​ជា​រៀង​រាល់​ថ្ងៃ។

សមា​ជិក​ព្រឹទ្ធ​សភាអា​មេ​រិក​​មក​ពី​គណ​បក្ស​សាធា​រណ​រដ្ឋ​ លោក ​Lindsey Graham កាល​ពី​ថ្ងៃ​អាទិត្យ​​បាន​ជំរុញ​ផង​ដែរ​ឱ្យ​មន្ទីរ​ Pentagon ចាប់​ផ្តើមឱ្យ​ក្រុម​គ្រួសារ​យោ​ធា​អា​មេ​រិក ដូច​ជា​ប្រ​ពន្ធ និង​កូនចាក​ចេញ​ពី​កូរ៉េ​ខាង​ត្បូង ដែល​គាត់​និយាយ​ថា ជម្លោះ​ជា​មួយ​នឹង​កូរ៉េ​ខាង​កាន់​តែ​ខិត​ជិត​មក​ដល់​ហើយ។

កាល​ពី​ថ្ងៃ​ពុធ យន្ត​ហោះ​ទម្លាក់​គ្រាប់​បែកមួយ​គ្រឿង​​របស់​អា​មេ​រិក​ម៉ាក B-1B បាន​ចូល​រួម​នៅ​ក្នុង​សមយុទ្ធ​យោ​ធា​អា​មេ​រិក-កូរ៉េ​ខាង​ត្បូង​រួម​គ្នា​ ដែល​គេ​ហៅ​ថា «​Vigilant Ace» ហើយ​នឹង​បន្តរហូត​ដល់​ថ្ងៃ​សុក្រ។

កូរ៉េ​ខាង​ជើង​ដែល​តែង​តែ​គំរាម​កូរ៉េ​ខាង​ត្បូង អា​មេ​រិក និង​សម្ព័ន្ធមិត្ត​របស់​ពួក​គេ​នោះ បាន​ថ្កោល​ទោស​សមយុទ្ធ​នេះ។

អ្នក​នាំ​ពាក្យ​ក្រសួង​ការ​បរ​ទេស​ដែល​​ប្រើ​ឈ្មោះ​ផ្លូវ​ការ​របស់​កូរ៉េ​ខាង​ជើង​បាន​និយាយ​ថា «​នា​ពេល​ថ្មីៗ​នេះ ខណៈ​ដែល​អា​មេ​រិក​កំពុង​តែ​ធ្វើ​សម​យយុទ្ធ​រួម​គ្នា​ដ៏​ធំ​មួយ​ដែល​មិន​ធ្លាប់​មាន​នៅ​ឧប​ទ្វីប​កូរ៉េ​ដោយ​តម្រង់​ទិស​ដៅ​មក​លើ​សាធា​រណ​រដ្ឋ​ប្រ​ជា​មានិត​កូរ៉េនោះ អ្នក​នយោ​​បាយ​ជាន់​ខ្ពស់​របស់​ពួក​គេ​កំពុង​តែ​បង្ហាញ​សញ្ញាតាម​រយៈ​សុន្ទ​រ​កថា​បង្ក​សង្រ្គាម​ជា​បន្ត​បន្ទាប់​»។

គាត់​បាន​និយាយ​ថា «​សុន្ទ​រ​កថា​ដែល​បង្ក​ឱ្យ​មាន​សង្រ្គាម​ទាំង​នេះ​មិន​អាច​ត្រូវ​បាន​គេ​បក​ស្រាយ​តាម​វិធី​ផ្សេង​ទេ ប៉ុន្តែ​គឺ​បាន​ព្រ​មាន​យើង​ឱ្យ​ត្រៀម​ខ្លួន​ដើម្បី​ធ្វើ​សង្រ្គាម​នៅ​ឧ​ប​ទ្វីប​កូរ៉េ»៕

ប្រភព: Reuters ចុះថ្ងៃទី០៧ ខែធ្នូ ឆ្នាំ២០១៧

អារ៉ាប់ អឺរ៉ុប អង្គការសហប្រជាជាតិបដិសេធការទទួល​ស្គាល់របស់លោក​ Trump​ ថា ទីក្រុង​ហ៊្សេរុយសាឡិម​ជារដ្ឋធានី​អ៊ីស្រាអែល​

កាលពីថ្ងៃពុធ ប្រទេសអារ៉ាប់ និងជនមូស្លីមនៅទូទាំងមជ្ឈឹមបូព៌ាបានថ្កោលទោសការទទួលស្គាល់របស់អាមេរិកថា ទីក្រុងហ៊្សេរុយសាឡិមជារដ្ឋធានីរបស់អ៊ីស្រាអែល ជាការបញ្ឆេះធ្វើឱ្យស្ថានភាពនៅក្នុងតំបន់មិនឋិតថេរ ហើយជនប៉ាឡេស្ទីនបាននិយាយថា អាមេរិកកំពុងតែបោះ បង់តួនាទីនាំមុខរបស់ខ្លួនថា ជាអ្នកសម្របសម្រួលសន្តិភាព។

សហភាពអឺរ៉ុប និងអង្គការសហប្រជាជាតិបានបញ្ចេញនូវការមិនសប្បាយចិត្តចំពោះសេចក្តី សម្រេចចិត្តរបស់ប្រធានាធិបតីអាមេរិកលោក Donald Trump ក្នុងការរើទីតាំងស្ថានទូតអាមេរិកនៅអ៊ីស្រាអែលទៅដាក់នៅទីក្រុងហ៊េ្សរុយសាឡិម ហើយនិងផលប៉ះពាល់ណាមួយរបស់ខ្លួនទៅលើឱកាសធ្វើឱ្យរស់ឡើងវិញនូវការបង្កើតឱ្យមានសន្តិភាពរវាងអ៊ីស្រាអែល និងប៉ាឡេស្ទីន។

សម្ព័ន្ធមិត្តសំខាន់ៗរបស់អាមេរិកប្រឆាំងនឹងការផ្លាស់ប្តូរគោលជំហររបស់លោក Trump ទៅលើការងារដែលបានកើតឡើងអស់ជាច្រើនទសវត្សរ៍ នូវនយោបាយអន្តរជាតិរបស់អាមេរិក ចំពោះ ទីក្រុងហ៊េ្សរុយសាឡិម។

ប្រទេសបារាំងបានបដិសេធសេចក្តីសម្រេចចិត្តថា «ឯកតោភាគី» នេះ ខណៈដែលអំពាវនាវឱ្យមានភាពស្ងប់ស្ងាត់នៅក្នុងតំបន់នេះ។ ចក្រភពអង់គ្លេសបាននិយាយថា ទង្វើនេះនឹងមិនជួយដល់ការខិតខំដើម្បីឱ្យមានសន្តិភាពទេ ហើយទីក្រុងហ៊្សេរុយសាឡិមនៅទីបញ្ចប់គួរតែចែករំលែកជាមួយអ៊ីស្រាអែល ហើយនិងអនាគតរដ្ឋប៉ាឡេស្ទីនមួយ។ អាល្លឺម៉ង់បាននិយាយថា ស្ថានភាពរបស់ទីក្រុងហ៊្សេរុយសាឡិមអាចត្រូវបានគេដោះស្រាយ ទៅតាមគោលការណ៍ដំណោះស្រាយរដ្ឋពីរតែប៉ុណ្ណោះ។

ផ្ទុយទៅវិញ អ៊ីស្រាអែលបានអបអរសាទរទៅនឹងជំហររបស់លោក Trump ។ នាយករដ្ឋមន្ត្រី លោក Benjamin Netanyahu បានថ្លែងនៅក្នុងសារវីដេអូដែលបានថតទុកជាមុនថា វាជា «ជំហានដ៏សំខាន់មួយឆ្ពោះទៅរកសន្តិភាព» ហើយវាក៏ជា «គោលដៅដំបូងបង្អស់របស់អ៊ីស្រាអែល» ផងដែរ។

គាត់បានបន្ថែមថា រាល់កិច្ចព្រមព្រៀងសន្តិភាពណាមួយជាមួយប៉ាឡេស្ទីននឹងត្រូវតែរាប់បញ្ចូលទីក្រុងរដ្ឋហ៊្សេរុយសាឡិមថា ជារដ្ឋធានីរបស់អ៊ីស្រាអែល ហើយគាត់បានទាមទារបណ្តាប្រទេសផ្សេងទៀតដើម្បីធ្វើតាមគំរូរបស់លោក Trump ។

លោក Trump បានធ្វើឱ្យអាក់អន់ស្រពន់ចិត្តដល់នយោបាយអាមេរិកជាច្រើនទសវត្សរ៍នៅក្នុង ការតវ៉ានៃការព្រមានជុំវិញពិភពលោកថា ឥរិយាបថបែបនោះនឹងធ្វើឱ្យមានហានិភ័យនៃជម្លោះនៅមជ្ឈឹមបូព៌ាដែលបានឆាបឆេះរួចទៅហើយនោះ។

ស្ថានភាពនៃទីក្រុងហ៊្សេរុយសាឡិម ជាទីសក្ការៈសាសនាសម្រាប់ជនម៉ូស្លីម អ្នកដែលមានជំនឿកាន់សាសនាគ្រឹស្ត និងចេហ្វ។ នៅសង្គ្រាមឆ្នាំ១៩៦៧ អ៊ីស្រាអែលបានកាន់កាប់ប៉ែកខាងកើត ហើយផ្នែកនោះ មិនត្រូវបានទទួលស្គាល់ជាអន្តរជាតិឡើយ។ ប៉ាឡេស្ទីនបានអះអាងថា ប៉ែកខាងកើតនៃទីក្រុងហ៊្សេរុយសាឡិមនេះ គឺជារដ្ឋឯករាជ្យមួយដែលពួកគេកំពុងស្វែងរក។

អ៊ីស្រាអែលបានចាត់ទុកទីក្រុងហ៊្សេរុយសាឡិមជារាជធានីដែលមិនអាចបែងចែកបាន និងជាអមតៈ តាំងពីបុរាណកាលមកម្ល៉េះ ហើយស្ថានភាពនៅទីក្រុងហ៊្សេរុយសាឡិមនេះ គឺជាឧបសគ្គដ៏ចម្រូងចម្រាសបំផុតក្នុងការធ្វើឱ្យមានសន្តិភាពជាប់ឋិតថេររវាងអ៊ីស្រាអែល និងប៉ាឡេស្ទីន។

ប្រធានាធិបតីប៉ាឡេស្ទីនលោក Mahmoud Abbas បានថ្លែងនៅក្នុងសុន្ទរកថាថតទុកមួយ ថា ទីក្រុងហ៊្សេរុយសាឡិមគឺជារាជធានីអមតៈរបស់រដ្ឋប៉ាឡេស្ទីន ហើយនិយាយថា ទង្វើរបស់លោក Trump គឺស្មើទៅនឹងអាមេរិកបោះបង់ចោលនូវតួនាទីរបស់ខ្លួនជាអ្នកសម្របសម្រូលសន្តិភាព។

ការចរចាលើកក្រោយបង្អស់នៃការសម្របសម្រួលការចរចារបស់អាមេរិក ដែលបានបង្កើតឡើងនៅឆ្នាំ២០១៤ ទៅលើបញ្ហាទាំងអស់នេះ រាប់បញ្ចូលទាំងការពង្រីកការសង់លំនៅដ្ឋាននៅក្នុងតំបន់ដែលខ្លួនគ្រប់គ្រងនៅ West Bank ហើយនិងការចោទប្រកាន់របស់អ៊ីស្រាអែលចំពោះការញុះញង់របស់ប៉ាឡេស្ទីន ដើម្បីប្រព្រឹត្តអំពើហិង្សា និងការបដិសេធចំពោះការទទួលស្គាល់តំបន់នោះថា ជារដ្ឋរបស់ជនជាតិចេហ្វ។

បាតុករបានផ្ទុះឡើងនៅក្នុងរាជធានី Amman នៃប្រទេសហ្ស៊កដានី ដែលមានជនភៀសខ្លួនប៉ាឡេស្ទីនរស់នៅ ហើយមានយុវជនក្មេងៗបានស្រែកដោយមានកាន់ពាក្យស្លោកប្រឆាំងសហរដ្ឋអាមេរិកផង។

តុលាការរបស់សូឌីបានចេញសេចក្តីប្រកាសព័ត៌មានមួយថា ប្រទេសខ្លួនបានសោកស្តាយជាពន់ពេកចំពោះសេចក្តីសម្រេចចិត្តរបស់លោក Trump ហើយបានព្រមានអំពីផលវិបាកដ៏គ្រោះថ្នាក់ចំពោះការផ្លាស់ទីតាំងទូតអាមេរិកទៅកាន់ទីក្រុងហ៊្សេរុយសាឡិម។

សេចក្តីថ្លែងការណ៍នោះ ក៏បានពិពណ៌នាជំហររបស់អាមេរិកថា ជាការបោះជំហានថយក្រោយដ៏ធំនៅក្នុងការខិតខំប្រឹងប្រែងដើម្បីធ្វើឱ្យដំណើរការសន្តិភាពឆ្ពោះទៅមុខ ហើយក៏បានទាមទារឱ្យរដ្ឋបាលអាមេរិកផ្លាស់ប្តូរនូវសេចក្តីសម្រេចរបស់ខ្លួន ព្រមទាំងប្រកាន់ភ្ជាប់នូវសុច្ឆន្ទៈជាអន្តរជាតិ។

អេហ្សីបដែលបានចុះកិច្ចព្រមព្រៀងសន្តិភាពអារ៉ាប់លើកដំបូងជាមួយអ៊ីស្រាអែល នៅឆ្នាំ១៩៧៩ បានទាត់ចោលសេចក្តីសម្រេចចិត្តរបស់លោក Trump ហើយបាននិយាយថា ខ្លួនមិនបានផ្លាស់ប្តូរគោលជំហរទៅលើស្ថានភាពផ្លូវច្បាប់នៃទឹកដីហ៊្សេរុយសាឡិម ដែលមានជម្លោះនោះទេ។

ប្រទេសហ៊្សកដានីបាននិយាយថា ទង្វើរបស់លោក Trump មានតម្លៃសូន្យនិយាយផ្នែកច្បាប់ ដោយសារតែខ្លួនពង្រឹងការគ្រប់គ្រងរបស់អ៊ីស្រាអែលទៅលើតំបន់ហ៊្សេរុយសាឡិមប៉ែកខាងកើត។

ប្រធានាធិបតីលីបង់បាននិយាយថា សេចក្តីសម្រេចចិត្តរបស់លោក Trump ក្នុងករណីហ៊្សេរុយសាឡិមនេះ ជាការគ្រោះថ្នាក់ និងគំរាមទៅដល់ការជឿទុកចិត្តបានរបស់អាមេរិកក្នុងឋានៈជា អ្នកសម្របសម្រួលឱ្យមានសន្តិភាពនៅមជ្ឈឹមបូព៌ា។

រដ្ឋមន្ត្រីការបរទេសកាតាឯណោះវិញ បាននិយាយថា សេចក្តីសម្រេចចិត្តរបស់លោក Trump គឺជាការដាក់ទោសប្រហារជីវិត សម្រាប់អ្នកទាំងឡាយណាដែលស្វែងរកសន្តិភាព ហើយបានហៅស្ថានភាពនេះថា ជាភាពអាក្រក់កាន់តែគ្រោះថ្នាក់ឡើង។

ប្រទេសតួកគីនិយាយថា ទង្វើរបស់លោក Trump គឺជាការមិនទទួលខុសត្រូវ។

នៅក្នុងការថ្កោលទោសដ៏ធ្ងន់ធ្ងររបស់អ៊ីរ៉ង់ចំពោះទង្វើរបស់លោក Trump ថា ជាការរំលោភទៅលើសេចក្តីសម្រេចចិត្តរបស់អង្គការសហប្រជាជាតិ ស្តីពីជម្លោះអ៊ីស្រាអែល និងប៉ាឡេស្ទីន។

នៅក្នុងអាស៊ីអាគ្នេយ៍ឯណោះវិញ មេដឹកនាំឥណ្ឌូនេស៊ី និងម៉ាឡេស៊ីបានបដិសេធទង្វើរបស់លោក Trump ។

ប្រធានាធិបតីឥណ្ឌូនេស៊ីលោក Joko Widodo ថា ស្ថានភាពនេះអាចធ្វើឱ្យរង្គោះរង្គើដល់ស្ថិរភាព និងសន្តិភាពពិភពលោក។

នាយករដ្ឋមន្ត្រីអង់គ្លេសមិនយល់ស្របទៅនឹងទង្វើរបស់លោក Trump ។

ប្រធានាធិបតីបារាំងនិយាយថា គាត់មិនគាំទ្រទង្វើឯកតោភាគីរបស់លោក Trump ឡើយ។

អគ្គលេខាធិការអង្គការសហប្រជាជាតិលោក Anntonio Guterres និយាយថា មិនមានការផ្លាស់ប្តូរចំពោះដំណោះស្រាយរដ្ឋពីរ ហើយទីក្រុងហ៊្សេរុយសាឡិមមិនមែនជាចំណុចចុងក្រោយបង្អស់ដើម្បីធ្វើការដោះស្រាយ តាមរយៈការចរចាដោយត្រង់នោះទេ។

លោក Guterres បាននិយាយថា «ខ្ញុំបាននិយាយប្រកាន់គោលជំហរដដែលប្រឆាំងទៅនឹងវិធានការឯកតោភាគីណាមួយ ដែលធ្វើឱ្យគ្រោះថ្នាក់ដល់ផែនការសន្តិភាព សម្រាប់អ៊ីស្រាអែល និងប៉ាឡេស្ទីន។ ខ្ញុំនឹងធ្វើអ្វីៗគ្រប់យ៉ាងនៅក្នុងសិទ្ធិអំណាចរបស់ខ្ញុំ ដើម្បីគាំទ្រមេដឹកនាំប៉ាឡេស្ទីន និងអ៊ីស្រាអែលត្រឡប់ទៅរកការចារចាប្រកបដោយអត្ថន័យ»៕

ប្រភព : Reuters ចុះថ្ងៃទី០៨ ខែធ្នូ ឆ្នាំ២០១៧