សមណ​និស្សិត​នៃសាកលវិទ្យាល័យ​ព្រះសីហនុរា​ជ ជិត២០០​អង្គនាក់បាន​និមន្តនិង​អញ្ជើញ មក​ធ្វើទស្សន​កិច្ចសិក្សាស្វែងយល់ពីដំណើរការជំនុំជម្រះក្តីលើអតីតមេដឹ​កនាំខ្មែរក្រហម​

សមណនិស្សិតនៃសាកលវិទ្យាល័យព្រះសីហនុរាជ ជិត២០០អង្គនាក់បាននិមន្តនិងអញ្ជើញ មកធ្វើទស្សនកិច្ចសិក្សាស្វែងយល់ពីដំណើរការជំនុំជម្រះក្តីលើអតីតមេដឹកនាំខ្មែរក្រហម និង ទស្សនាសារៈមន្ទីរប្រល័យពូជសាសន៍ទួលស្លែង និងវាលពិឃាតបឹងជើងឯកនៅថ្ងៃទី០៣ ខែសីហា ឆ្នាំ២០១៧ នេះ។ លោកនេត្រ ភក្ត្រា មន្ត្រីនាំពាក្យសាលាក្តីខ្មែរក្រហម បានថ្លែង ថា ដំណើរទស្សនកិច្ចនេះធ្វើឡើងដើម្បីពង្រឹងបន្ថែមនូវការយល់ដឹងអំពីប្រវត្តិសាស្ត្រនៃរបបកម្ពុជាប្រជាធិបតេយ្យ និងការជំនុំជម្រះក្តីទៅលើឧក្រិដ្ឋកម្ម និងសោកនាដកម្មដែលបានកើតឡើងក្នុង របបខ្មែរក្រហម ហើយព្រះសង្ឃក៏អាចចូលរួមក្នុងការផ្សព្វផ្សាយពីដំណើរការស្វែងរកការពិត និងយុត្តិធម៌នេះជូនដល់បងប្អូនប្រជាពលរដ្ឋផងដែរ ព្រោះព្រះសង្ឃដើរតួនាទីយ៉ាងសំខាន់ ក្នុង ការងារផ្សព្វផ្សាយ។

លោក នេត្រ ភក្ត្រា បានជម្រាបប្រគេនព្រះសង្ឃអំពីដំណើរការជំនុំជម្រះក្តី នៅចំពោះមុខអង្គជំនុំជម្រះវិសាមញ្ញក្នុងតុលាការកម្ពុជា ដែលបានកំណត់ដោយដែនយុត្តាធិការរបស់តុលាការដោយជំនុំជម្រះក្តី តែទៅលើជនពីរជំពូកប៉ុណ្ណោះ គឺអតីតមេដឹកនាំជាន់ខ្ពស់នៃរបបខ្មែរក្រហម និងអ្នកទទួលខុសត្រូវខ្ពស់ក្នុង ឧក្រិដ្ឋកម្មធ្ងន់ធ្ងរបំផុតដែលប្រព្រឹត្តឡើងចន្លោះពីថ្ងៃទី១៧ ខែមេសា ឆ្នាំ ១៩៧៥ ដល់ថ្ងៃទី៦ ខែមករា ឆ្នាំ ១៩៧៩។
លោក នេត្រ ភក្ត្រា បានបញ្ជាក់ថា ជនជាប់ចោទដែលត្រូវជំនុំជម្រះក្នុងសំណុំរឿង ០០២ មាន នួន ជា ដែលជាអនុលេខាបក្សកុម្មុយនីស្តកម្ពុជា និង ខៀវ សំផន ជាប្រមុខរដ្ឋនៃរបបកម្ពុជាប្រជាធិបតេយ្យ។ជនជាប់ចោទទាំងពីរត្រូវបានអង្គជំនុំជម្រះតុលាការកំពូលសម្រេចផ្តន្ទាទោសដាក់ពន្ធនាគារអស់មួយជីវិតចំពោះឧក្រិដ្ឋកម្មប្រឆាំងនឹងមនុស្សពាក់ព័ន្ធនឹងការជម្លៀសប្រជាជនដោយបង្ខំក្នុងសំណុំរឿង ០០២/០១ កាលពីថ្ងៃទី២៣ ខែវិច្ឆិកា ឆ្នាំ ២០១៦ កន្លងទៅ។
លោកបានបញ្ជាក់ថា បច្ចុប្បន្ន ជនជាប់ចោទទាំងពីរនេះ កំពុងរង់ចាំការប្រកាសសាលក្រមលើសំណុំរឿង ០០២/០២ ដោយបទចោទនៅក្នុងសំណុំរឿងនេះផ្តោតឧក្រិដ្ឋកម្មប្រឆាំងនឹងមនុស្សជាតិ អំពើប្រល័យពូជសាសន៍ និងការបំពារបំពានយ៉ាងធ្ងន់ធ្ងរទៅលើអនុសញ្ញាទីក្រុងហ្សឺណែវ ពាក់ព័ន្ធទៅនឹងទីតាំងឧក្រិដ្ឋកម្ម និងការចោទប្រកាន់លើអង្គហេតុជាច្រើនក្នុងនោះក៏មានការចោទប្រកាន់ពាក់ព័ន្ធនឹងការប្រព្រឹត្តិចំពោះពុទ្ធសាសនិកជនផងដែរ។ លោក នេត្រ ភក្ត្រា បានលើកឡើងថា យោងតាមដីកាដំណោះស្រាយសំណុំរឿង ០០២ បក្សកុម្មុយនិស្តកម្ពុជាបានអនុវត្តគោលការណ៍ ហាមឃាត់មិនឱ្យមាន និងគោរពព្រះពុទ្ធសាសនា។ វត្តអារាម និងព្រះវិហារជាច្រើនត្រូវបានបំផ្លាញចោល ឬត្រូវបានផ្លាស់ប្តូរសម្រាប់គោលដៅផ្សេងៗដូចជាមន្ទីរសន្តិសុខ ទ្រុងជ្រូក រោងបាយរួម មន្ទីរពេទ្យ ឬឃ្លាំង ស្តុកសម្ភារៈ។ ព្រះពុទ្ធបដិមាត្រូវបានគេបំផ្លាញចោល ហើយសូម្បីតែការអុជទៀនធូបក៏ត្រូវបានហាមឃាត់ ផងដែរ។
តាមដីកាដំណោះស្រាយដដែល បក្សកុម្មុយនិស្តកម្ពុជាបានជំរុញឱ្យមានការស្អប់ខ្ពើមព្រះសង្ឃ និងដូនជីដោយបានផ្សព្វផ្សាយថា ព្រះសង្ឃគឺជាប៉ារ៉ាសិត ឈ្លើងជញ្ជក់ឈាម តេនញ៉ា។ ព្រះសង្ឃនិងដូនជីស្ទើរទាំងអស់ត្រូវបានចាប់ផ្សឹក។ ព្រះសង្ឃមួយចំនួនត្រូវបានគំរាមកំហែងដល់អាយុជីវិត ឬត្រូវសម្លាប់ បើសិនជាមិនព្រមធ្វើតាម។ បន្ទាប់ពី ត្រូវផ្សឹកហើយ ព្រះសង្ឃទាំងនោះត្រូវបង្ខំឱ្យធ្វើពលកម្ម និងធ្វើស្រែចម្ការ។ ការលុបបំបាត់សាសនា ការបំផ្លិចបំផ្លាញវត្តអារាម និងការប្រើប្រាស់វត្តអារាមក្នុងគោល បំណងផ្សេងទៀត។ល។ បានកើតជាទូទៅនៅគ្រប់ខេត្តទាំងអស់នៃប្រទេសកម្ពុជាក្រោមរបបកម្ពុជាប្រជា ធិបតេយ្យ។ ដើមបណ្តឹងរដ្ឋប្បវេណីចំនួន ៨៧ នាក់ត្រូវបានប្រកាសទទួលស្គាល់នៅក្នុងបរិបទនៃ «ប្រព្រឹត្តកម្មលើពុទ្ធសាសនិក»៕

លោក ញឹក ប៊ុនឆៃ ត្រូវបានសមត្ថកិច្ចនាំខ្លួនទៅសាកសួររឿងផលិតគ្រឿងញៀន

លោក ញឹក ប៊ុនឆៃ ប្រធានគណបក្សខ្មែររួបរួមជាតិ ត្រូវបានសមត្ថកិច្ចស្នងការនគរបាលរាជធានីភ្នំពេញ នាំខ្លួនទៅសាកសួរពាក់ព័ន្ធករណីកែច្នៃ និងផលិតគ្រឿងញៀន នៅខេត្តកំពង់ស្ពឺ កាលពីប៉ុន្មានឆ្នាំមុន។ ការចាប់ខ្លួននេះ បានធ្វើឡើងកាលពីម៉ោងជាង១២ថ្ងៃត្រង់ ថ្ងៃទី០៣ ខែសីហា ឆ្នាំ២០១៧ នេះ។

នាយឧត្តមសេនីយ៍ នេត សាវឿន អគ្គស្នងការនគរបាលជាតិ បានបញ្ជាក់ថា ស្នងការនគរបាលរាជធានីភ្នំពេញ បានអនុវត្តដីការបស់តុលាការឲ្យលោក ញឹក ប៊ុនឆៃ ចូលខ្លួនដើម្បីសាកសួរពាក់ព័ន្ធករណីកែច្នៃគ្រឿងញៀន និងផលិតគ្រឿងញៀននៅខេត្តកំពង់ស្ពឺ។ នាយឧត្តមសេនីយ៍ នេត សាវឿន បានឱ្យដឹងទៀតថា សមត្ថកិច្ចគ្រាន់តែហៅទៅដើម្បីសាកសួរ មិនទាន់ឃាត់ខ្លួនទេ ហើយលោក ញឹក ប៊ុកឆៃ កំពុងស្ថិតក្នុងស្នងការនគរបាលរាជធានីភ្នំពេញ ដោយសមត្ថកិច្ចកំពុងសាកសួរ៕

ផ្ទះមនុស្សធម៌ទី២៧ ត្រូវបានកាកបាទក្រហមខេត្តសៀមរាប ប្រគល់ជូនស្រ្តីមេម៉ាយក្រីក្រម្នាក់ ដែលរស់នៅស្រុកក្រឡាញ់

ផ្ទះមនុស្សធម៌ទី២៧ មានទំហំ ៤ម៉ែត្រ គុណ ៦ម៉ែត្រ សង់ពីឈើ កម្ពស់ពីដី១,៦០ម៉ែត្រ ប្រក់ស័ង្កសី ក្រាលក្តារជញ្ជាំងក្ដារ ជាអំណោយរបស់កញ្ញា ឃឹម មុនីរត្នន៍​ កូនស្រីលោក ឃឹម ប៊ុនសុង អភិបាលខេត្តសៀមរាប និងជានិសិ្សត ទើបបញ្ចប់ការសិក្សានៅក្រៅប្រទេស ផ្តល់តាមរយៈសាខាកាកបាទក្រហមខេត្តសៀមរាប ជូនបងស្រី ប៉ាន់ សារិន អាយុ៤៨ឆ្នាំ ជាស្ត្រីមេម៉ាយក្រីក្រ រស់នៅឃុំកំពង់ថ្កូវ ស្រុកក្រឡាញ់ ខេត្តសៀមរាប នៅព្រឹកថ្ងៃទី ០៣ ខែសីហា ឆ្នាំ២០១៧។
លោកស្រី គួយ ណាលីន ឃឹម ប៊ុនសុង អនុប្រធានគណៈកម្មាធិការសាខាកាកបាទក្រហមកម្ពុជាខេត្ត បានធ្វើការប្រគល់ ផ្ទះមនុស្សធម៌នេះ ព្រមជាមួយនឹងគ្រឿងឧបភោគបរិភោគ ដែលជាអំណោយសប្បុរសធម៌ របស់សាខាកាកបាទក្រហមកម្ពុជាខេត្តមួយចំនួនទៀតផងដែរ។

លោក ស៊ុ សំអន នាយកប្រតិបត្តិសាខាកាកបាទក្រហមខេត្តសៀមរាប បានរាយការណ៍ពីប្រវត្តិរបស់ក្រុមគ្រួសារបងស្រី ប៉ាន់ សារិន អាយុ៤៨ឆ្នាំ ជាស្ត្រីមេម៉ាយ មានកូនស្រីម្នាក់ ដើរធ្វើកម្មករសំណង់ដើមី្បបានប្រាក់ផ្គត់ផ្គង់គ្រួសារ ម្តាយវាយថ្មភ្នំលក់ ដែលមានទីលំនៅភូមិភ្នំទ្រង់ បាត្រ ឃុំ កំពង់ថ្កូវ ស្រុកក្រឡាញ់ ខេត្តសៀមរាប ។ ដោយមើលឃើញភាពទុក្ខលំបាក ក្នុងទីជម្រកស្នាក់នៅ ក្រោមការយកចិត្តទុកដាក់របស់អាជ្ញាធរឃុំ ស្រុក សាខាកាកបាទក្រហមកម្ពុជាខេត្ត ក៏បានសាងសង់ផ្ទះមនុស្សធម៌ជូនដល់គ្រួសារបងស្រីឲ្យបានស្នាក់នៅបានសមរម្យ ហើយក៏ជាផ្ទះទី២៧ របស់សាខាកាកបាទក្រហមកម្ពុជា ខេត្តសៀមរាប និង ជាផ្ទះទី៣ហើយនៅក្នុងស្រុកក្រឡាញ់នេះ ។

មានប្រសាសន៍ក្នុងឱកាសនោះលោកស្រី គួយ ណាលីន ឃឹម ប៊ុនសុង ក៏បានពាំនាំនូវការផ្ដាំផ្ញើសួរសុខទុក្ខពីលោកស្រី ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលតែងតែព្រួយបារម្ភ និងយកចិត្តទុកដាក់ចំពោះប្រជាពលរដ្ឋគ្រប់រូប មិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយណាមួយឡើយ ។ លោកស្រីក៏បានបន្តថា ដោយមើលឃើញពីទុក្ខលំបាករបស់ក្រុមគ្រួសារបងស្រី ប៉ាន់ សារិន ទើបសាខាកាកបាទក្រហមកម្ពុជាខេត្តសៀមរាប បានសម្រេចសាងសង់ផ្ទះមួយខ្នងជូនគ្រួសារនេះ ក្រោមការយកចិត្តទុក ដាក់ដ៏ខ្ពង់ខ្ពស់របស់លោកស្រី ប៊ុន រ៉ានី ហ៊ុន សែន ចំពោះប្រជាពលរដ្ឋគ្រប់រូប ពិសេសគឺកាកបាទក្រហមកម្ពុជា ដូចដែលបានលើកឡើងថា កាកបាទក្រហមកម្ពុជាមានគ្រប់ទីកន្លែង សម្រាប់គ្រប់ៗគ្នា និងទីណាមានទុក្ខលំបាកទីនោះមានកាកបាទក្រហមកម្ពុជា។ លោកស្រី ក៏បានបន្តថា សូមកុំអស់សង្ឃឹមចំពោះវាសនារបស់ខ្លួន ទោះបីបងស្រីមានភាពក្រីក្រក៏ពិតមែន ក៏សង្គមជាតិមិនបោះបង់ចោលក្រុមគ្រួសារបងឡើយ ដោយយើងមានអាជ្ញាធរមូលដ្ឋានជាអ្នកគ្រប់គ្រងនៅជិតខ្លួន ។ ​ក្នុងនោះដែរលោកស្រីក៏បានផ្តាំផ្ញើដល់បងប្អូនទាំងអស់ដែលបានចូលរួម ត្រូវមានការប្រុងប្រយ័ត្នខ្ពស់ នៅក្នុងរដូវវស្សានេះ នៅពេលមានភ្លៀង ផ្គរន្ទះ ខ្យល់កន្ទ្រាក់ មិនត្រូវប្រើប្រាស់ទូរស័ព្ទ គ្រឿងអេឡិចត្រូនិចឡើយ ដែលបង្កឲ្យគ្រោះ ថា្នក់ និង នៅពេលមានប្រធានស័ក្តណាមួយកើតឡើង គឺត្រូវរត់ទៅរកទីទួលសុវត្ថិភាព និង ត្រូវចេះធ្វើការថែទាំសុខភាព ត្រូវសម្រានក្នុងមុង និងថែទាំកូនតូចៗរបស់ខ្លួន នៅពេលមានជំងឺត្រូវបញ្ជូនកូនទៅកាន់មណ្ឌលសុខភាព និង ជម្រុញកូនៗរបស់ខ្លួនឲ្យបានទៅសិក្សារៀនសូត្រផងដែរ ។ ម៉្យាងទៀតក្រៅពីការងារបង្កបង្កើនផល រដូវវស្សា សូមបងប្អូនធ្វើការដាំដុះដំណាំរួមផំ្ស ដើមី្បធ្វើការទ្រទ្រង់ជីវភាពក្នុងក្រុមគ្រួសារផងដែរ ។

អំណោយមនុស្សធម៌ រួមមានអង្ករ ៥០គីឡូក្រាម ឃីត១កញ្ចប់ មី១កេស ត្រីខ១យួរ ទឹកត្រី១យួរ ទឹកបរិសុទ្ធ៥យួរ កន្ទេល១ សម្ភារៈផ្ទះបាយមួយចំនួន និងថវិកា២០ម៉ឺនរៀល ក្នុងនោះលោកស្រីក៏បានផ្តល់នូវទូរទស្សន៍មួយគ្រឿងដល់ក្រុមគ្រួសារនេះផងដែរ ។ សម្រាប់លោកតា លោកយាយ និង ប្រជាពលរដ្ឋដែលបានអញ្ជើញ ចូលរួមពិធី ម្នាក់ៗទទួលបានថវិកាមួយចំនួនផងដែរ ៕

(សូមទស្សនាវីដេអូ) បើ​គណ​បក្ស​ណា​ ហ៊ាន​បំពាន​ច្បាប់​អាច​ប្រឈប​ នឹង​ការ​រំ​លាយ​គណបក្ស​នោះ​ចោល!​ (ប្រភពពីGN)

(សូមទស្សនាវីដេអូ) រដ្ឋមន្រ្តីក្រសួងពាណិជ្ជកម្ម លើកឡើងពីយុទ្ធសាស្រ្តក្នុងការបង្កើនទំហំពាណិជ្ជកម្មរបស់កម្ពុជា

កាលថ្ងៃទី០២ ខែសីហា ឆ្នាំ២០១៧ លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានផ្តល់កិច្ចសម្ភាសន៍ពិសេសជាមួយបណ្តាញទូរទស្សន៍ CNC ក្រោមប្រធានបទ យុទ្ធសាស្ត្ររបស់ក្រសួងក្នុងការបង្កើនទំហំពាណិជ្ជកម្មរបស់កម្ពុជា។

សូមទស្សនាវីដេអូខាងក្រោម៖

ប្រជាពល​រដ្ឋចំនួន២ឃុំ ទទួលអំ​ណោយពីអភិបាលខេត្ត​ត្បូងឃ្មុំ ដើម្បីជួយស​ម្រួលជីវភាពក្នុ​ងរដូវទឹក​ជំនន់

ខេត្តត្បូងឃ្មុំ៖ នៅថ្ងៃទី០៣ ខែសីហា ឆ្នា២០១៧នេះ ប្រជាពលរដ្ឋចំនួន២ឃុំ គឺឃុំទន្លេបិទ និងឃុំជីរោទិ៍ទី១ ទទួលអំណោយពីអភិបាលខេត្តត្បូងឃ្មុំ ដើម្បីជួយសម្រួលជីវភាពក្នុងរដូវទឹកជំនន់ នៅចំណុចលើទីទួលសុវត្ថិភាពស្ថិតខាងក្រោយ សណ្ឋាគារសុវណ្ណភូមិ ស្ថិតក្នុងភូមិព្រែកតូចឃុំទន្លេបិទ ស្រុកត្បូងឃ្មុំ ខេតត្បូងឃ្មុំ ។

លោក លី ឡេង អភិបាលនៃគណៈអភិបាលខេត្តត្បូងឃ្មុំ បានបញ្ជាក់ថា កន្លងមកអាជ្ញាធរតែងតែយកចិត្តទុក ដាក់ជួយដល់ប្រជាពលរដ្ឋទាំងអស់នៅក្នុង ទាំងសន្តិសុខស្បៀង សន្តិសុខសណ្តាប់ធ្នាប់ សន្តិសុខសង្គម ។ អាជ្ញាធរខេត្តបានផ្តល់ស្រូវពូជដល់ប្រជាពលរដ្ឋ ក្នុងឃុំស្រឡប់ ឃុំអញ្ចើម និងឃុំជីគរ សរុបជិត១០តោន ។ លោក លី ឡេង បានចែកអង្ករជូនដល់ប្រជាពលរដ្ឋចំនួន៥០០គ្រួសារ មកពីឃុំចំនួន២គឺ ឃុំទន្លេបិទ និងឃុំជីរោទិ៍ទី១ ដែលក្នុង១គ្រួសារទទួលបាន អង្ករចំនួន១០គីឡូក្រាម មី១កេស និងទឹកសុទ្ធចំនួន១កេសផងដែរ ។
លោកអភិបាលក៏បានបញ្ជាក់ទៀតថា អំណោយទាំងអស់នេះ គឺបានមកពីរាជរដ្ឋាភិបាលជាអ្នកផ្តល់ឲ្យ មិនថាតែថ្ងៃនេះទេ គឺរយៈពេលជាង៣០ឆ្នាំកន្លងមកហើយ ដែលរាជរដ្ឋាភិបាលតែងតែយកចិត្តទុកដាក់ដល់ប្រជាពលរដ្ឋ ហើយទៅថ្ងៃមុខទៀត ក៏នៅតែបន្តជួយដល់ប្រជាពលរដ្ឋរបស់ រហូតទាំងសន្តិសុខសេដ្ឋកិច្ច សន្តិសុខនយោបាយ និងការអភិវឌ្ឍសង្គមជាតិឲ្យបានប្រសើរឡើងថែមទៀតផងដែរ៕

សូមចូលរួមទាំងអស់គ្នាកម្មវិធី”សំលេងការពិតដើម្បីប្រជាជន” វេទិការតុមូលស្តីពី “វិសោធនកម្មច្បាប់ស្តីពីគណបក្សនយោបាយ”

សូមចូលរួមពិភាក្សាក្នុងកម្មវិធី”សំលេងការពិតដើម្បីប្រជាជន” វេទិការតុមូលស្តីពី “វិសោធនកម្មច្បាប់ស្តីពីគណបក្សនយោបាយ” ដោយមានលោក គឹម សន្តិភាព អ្នកនាំពាក្យក្រសួងយុត្តិធម៌ ជាអ្នកសម្របសម្រួលកម្មវិធី នឹងមានការចូលរួមជាវាគ្មិនកិត្តិយសពីសំណាក់លោក ម៉ម ប៊ុននាង អ្នកនាំពាក្យព្រឹទ្ធសភា ដែលនឹងផ្សាយផ្ទាល់តាមរយៈfacebook Page “យុវជន៧មករា” និងស្ថានីយ៍វិទ្យុបាយ័ន នៅថ្ងៃសុក្រ ទី០៤ ខែសីហា ឆ្នាំ២០១៧ វេលាម៉ោង ១០:០០ព្រឹកដល់ម៉ោង១២:០០ថ្ងៃត្រង់ តាមប្រព័ន្ធទូរស័ព្ទ 061686999 067686999 និង 093686999!
សម្រាប់បងប្អូនខ្មែរនៅក្រៅប្រទេស សូមទំនាក់ទំនងចូលកម្មវិធីតាមរយៈប្រព័ន្ធ WhatApp, Telegram, Viber, Line ដែលមានលេខ +855 88 6198999!