គ្រួសារងាយរងគ្រោះ​ និងចាស់ជរាគ្មាន​ទីពឹងជាច្រើនគ្រួសារ​ ទទួលអំណោយ​ពីអនុសាខាកាកបាទក្រហមកម្ពុជា​

កំពង់ឆ្នាំង៖ នៅថ្ងៃទី១៥ ខែមិថុនា ឆ្នាំ២០២០នេះ លោកស្រី ឈឹម ស្រីមុំ អនុប្រធានកិត្តិយសសាខាកាកបាទក្រហមកម្ពុជាខេត្តកំពង់ឆ្នាំង រួមដំណើរដោយលោកស្រី ប៊ន សុភី អនុប្រធានគណៈកម្មាធិការសាខា លោកស្រី ឡុញ ពិសា សមាជិកគណៈកម្មាធិការសាខា លោកស្រី ពេជ្រ ឃន ប្រធានប្រតិបត្តិអនុសាខាកាកបាទក្រហមកម្ពុជាក្រុងកំពង់ឆ្នាំង បានចុះសួរសុខទុក្ខ និងនាំយកអំណោយមនុស្សធម៌អនុសាខាចែកជូនគ្រួសារងាយរងគ្រោះ និងចាស់ជរាគ្មានទីពឹងចំនួន ១០គ្រួសារ នៅភូមិកណ្ដាល សង្កាត់ផ្សារឆ្នាំង ក្រុងកំពង់ឆ្នាំង។

ចំពោះអំណោយដែលបាននាំយកទៅចែកជូនក្នុងឱកាសនោះ ក្នុងមួយគ្រួសារទទួលបាន៖ អង្ករ២៥គីឡូក្រាម, មី១កេស, ត្រីខ១០កំប៉ុង, ឃីត១កញ្ចប់ (មុង ១ ភួយ ១ ក្រម៉ា ១ សារុង ១) និងថវិកាសាខាចំនួន ២០,០០០ រៀល៕