ក្រុមការងារថ្នាក់ជាតិចុះមូលដ្ឋានស្រុកសាមគ្គីមានជ័យ រៀបចំពិធីអបអរសាទរខួបអនុស្សាវរីយ៍លើកទី៤១ ថ្ងៃកំណើតរណសិរ្សសាមគ្គី អភិវឌ្ឍន៍មាតុភូមិកម្ពុជា

កំពង់ឆ្នាំង៖ លោកបណ្ឌិត ចាន់ ដារ៉ុង រដ្ឋលេខាធិការក្រសួងអភិវឌ្ឍន៍ និងជាប្រធានក្រុមការងារថ្នាក់ជាតិចុះមូលដ្ឋានស្រុកសាមគ្គីមានជ័យខេត្តកំពង់ឆ្នាំង បានអញ្ជើញជាគណៈអធិបតីក្នុងពិធីអបអរសាទរខួបទី៤១ ថ្ងៃកំណើតរណសិរ្សសាមគ្គី អភិវឌ្ឍន៍មាតុភូមិកម្ពុជា (២ ធ្នូ ១៩៧៨-២ ធ្នូ ២០១៩) នាព្រឹកថ្ងៃទី៥ ខែធ្នូ ឆ្នាំ២០១៩ នៅឃុំខ្នាឆ្មារ ស្រុកសាមគ្គីមានជ័យ ដោយមានការចូលរួមពីសំណាក់អាជ្ញាធរស្រុក ឃុំ ភូមិ មកពីឃុំខ្នាឆ្មារ និងឃុំធ្លកវៀន សមាជិក សមាជិកា ក្រុមការងារចូលរួមសរុបចំនួន១០២ រូប។ ក្នុងឱកាសនោះដែរ លោក បានឧបត្ថម្ភថវិកាសម្រាប់អ្នកចូលរួមក្នុងម្នាក់ ១ម៉ឺនរៀល មន្ត្រីរាជការ កងកម្លាំងប្រដាប់អាវុធ។

ថ្លែងក្នុងឱកាសនោះ លោកបណ្ឌិត ចាន់ ដារ៉ុង បានសំដែងនូវការដឹងគុណចំពោះយុវជនជំនាន់មុន ក៏ដូចជាថ្នាក់ដឹកនាំយើងដែលបានខិតខំលះបង់គ្រប់បែបយ៉ាងផ្ដួលរំលំរបបប្រល័យពូជសាសន៍ ប៉ុល ពត ហើយដឹកនាំកសាងអភិវឌ្ឍន៍ប្រទេសជាតិដើម្បីយើងទាំងអស់គ្នាដែលជាយុវជនជំនាន់ក្រោយ ហើយប្តេជ្ញាចងចាំ និងការពារគំរូវីរភាព និងស្នាដៃទាំងនេះមិនឱ្យសាបសូន្យឡើយ៕