ស្វាយរៀង ៖ នៅថ្ងៃទី២០ ខែកញ្ញា ឆ្នាំ២០១៩នេះ ខេត្តស្វាយរៀង បានធ្វើការបំភ្លឺចំពោះគណនីហ្វេសប៊ុកឈ្មោះ Saphea Kong ដែលបានបង្ហោះផ្សាយពត៌មានមិនពិតមកផុស ។
រដ្ឋបាលខេត្តស្វាយរៀងបានឱ្យដឹងថា លោក គង់ សាភា គឺជាក្រុមបក្សពួក សម រង្ស៊ី បានយកពត៌មានមិនពិតមកផុស គឺរូបភាពផ្លូវតាំងពីថ្ងៃទី៥ ខែធ្នូ ឆ្នាំ២០១៧ មកម្លេះ ដែលផ្លូវនេះស្ថិតនៅភូមិរាមជោ ឃុំស្វាយតាយាន ស្រុកកំពង់រោទិ៍ ។មកដល់បច្ចុប្បន្នឆ្នាំ២០១៩ នេះផ្លូវមួយខ្សែនេះត្រូវបានមន្ទីរសាធារណការ និងដឹកជញ្ជូនខេត្តស្វាយរៀងបានជួសជុលសម្រួលដល់ប្រជាពលរដ្ឋធ្វើដំណើរស្រួលហើយ ដូចរូបដែលបានបង្ហាញនៅខាងក្រោមនេះ។
រដ្ឋបាលខេត្តស្វាយរៀង បានបញ្ជាក់ថាលោក គង់ សាភា រត់ចោលស្រុកយូពេកបានជាមិនដឹងថាស្រុកទេសមានការអភិវឌ្ឍ ដល់ណា។ អាស្រ័យហេតុនេះសូមសាធារណៈជនកុំមានការយល់ច្រឡំ៕
No comments:
Post a Comment