បាឋកថាស្ដីពីការថែរក្សាសន្តិភាពដើម្បីលើកកម្ពស់សិទ្ធិមនុស្ស នៅខេត្តពោធិ៍សាត់

ពោធិ៍សាត់៖ នៅបរិវេណសាលាខេត្តពោធិ៍សាត់ ព្រឹកថ្ងៃទី១៨ ខែកក្កដា ឆ្នាំ២០១៩ លោក កែវ រ៉េមី រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានគណៈកម្មាធិការសិទ្ធិមនុស្សកម្ពុជា លោក ម៉ក់ រ៉ា ប្រធានក្រុមប្រឹក្សាខេត្តពោធិ៍សាត់ លោក អ៊ឹង គឹមលាង អភិបាលរងនៃគណៈអភិបាលខេត្តពោធិ៍សាត់តំណាងលោកបណ្ឌិត ម៉ៅ ធនិន អភិបាលនៃគណៈអភិបាលខេត្តពោធិ៍សាត់ បានអញ្ជើញចូលរួមជាអធិបតីភាពក្នុងបាឋកថា ស្ដីពីការថែរក្សាសន្តិភាពដើម្បីលើកកម្ពស់សិទ្ធិមនុស្ស ដោយមានការចូលរួមពីកងកម្លាំងប្រដាប់អាវុធទាំង ៣ និងយុវជនខេត្ត/ស្រុក រួមទាំងសិស្សានុសិស្សជាច្រើនរូបទៀតសរុប៦០០នាក់។

នៅក្នុងកិច្ចសំណេះសំណាលនោះផងដែរ លោក កែវ រ៉េមី ក៏បានមានប្រសាសន៍ណែនាំដល់យុវជនទាំងអស់ឲ្យចេះគោរពសិទ្ធិគ្នា ចេះផ្ដល់តម្លៃឲ្យគ្នាហើយត្រូវតែមានការលើកកម្ពស់ដល់រាជរដ្ឋាភិបាលដែលមានលោកនាយករដ្ឋមន្រ្តី ហ៊ុន សែន ជាប្រមុខថ្នាក់ដឹកនាំ ហើយត្រូវចេះចូលរួមថែរក្សាសន្តិភាពនិងទប់ស្កាត់សង្រ្គាម.ត្រូវពង្រឹងស្មារតីដើម្បីស្នេហាជាតិ ត្រូវធានាឯករាជ្យភាព និងអធិបតេយ្យភាពរបស់ប្រទេសត្រូវប្រឆាំងរាល់ទង្វើដែលមានចេតនាបំផ្លិចបំផ្លាញជាតិនិងសន្តិភាព៕