អភិបាលខេត្តកំពត ថ្វាយសារលិខិតថ្វាយព្រះពរព្រះករុណា ព្រះមហាក្សត្រ​ ក្នុងព្រះរាជពិធីខួបលើកទី១៤ នៃការគ្រងរាជ្យសម្បត្តិ

ក្នុងឱកាសព្រះរាជពិធីគម្រប់ខួប១៤ព្រះវស្សានៃការគ្រងព្រះបរមសិរីរាជសម្បត្តិ តាងនាមថ្នាក់ដឹកនាំខេត្តកំពត លោក​ ជាវ តាយ សូមព្រះរាជានុញ្ញាតសម្តែងថ្វាយនូវអំណរសាទរ ដោយក្តីរំភើបរីករាយ សូមថ្វាយព្រះពរ ព្រះករុណាជាអម្ចាស់ជីវិតលើត្បូង សូមទ្រង់ប្រកបដោយព្រះរាជសុខភាពល្អបរិបូរណ៍ ព្រះជន្មាយុយឺនយូរជាងរយព្រះវស្សាដើម្បីគង់ប្រថាប់ក្នុងព្រះបរមសិរីរាជសម្បត្តិ ជាម្លប់ដ៏ត្រជាក់ត្រជុំដល់កូនចៅប្រជានុរាស្រ្តទូទាំងប្រទេសតរៀងទៅ៕