គណៈកម្មាធិការជាតិរៀបចំការបោះឆ្នោត (គ.ជ.ប) នៅរសៀលថ្ងៃអាទិត្យ ១១កើត ខែផល្គុន ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី២៥ ខែកុម្ភៈ ឆ្នាំ២០១៨ បានប្រកាសលទ្ធផលបណ្តោះអាសន្នរបស់ខ្លួន សម្រាប់ការបោះឆ្នោតព្រឹទ្ធសភា ដោយបង្ហាញថា គណបក្សប្រជាជនកម្ពុជា (CPP) ដែលជាបក្សកាន់អំណាចបានទទួល៥៨អាសនៈ ខណៈគណបក្ស៣ផ្សេងទៀត មិនបានទទួលអាសនៈនោះទេ។
តាមប្រភពពី គ.ជ.ប បានឱ្យដឹងថា ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៤ ដែលមានសរុបចំនួន៣៣ការិយាល័យ និង៨ភូមិភាគ ក្នុងឃុំ-សង្កាត់១.៦៤៦ គឺមានអ្នកទៅបោះឆ្នោតសរុបចំនួន ១១.៦៧០នាក់ ស្មើនឹង៩៩,៧៩% ក្នុងចំណោមអ្នកមានឈ្មោះទៅបោះឆ្នោតចំនួន ១១,៦៩៥នាក់។
គួរបញ្ជាក់ថា សមាជិកព្រឹទ្ធសភាពីមុនមានចំនួន ៦១នាក់ ប៉ុន្តែនីតិកាលទី៤នេះ សមាជិកព្រឹទ្ធសភា ត្រូវបានបង្កើនដល់៦២នាក់ ដោយក្នុងនោះ ២រូប ត្រូវបានតែងតាំងដោយព្រះមហាក្សត្រ និង២រូបទៀត ត្រូវបានជ្រើសតាំងដោយរដ្ឋសភា ហើយ៥៨រូបទៀត កើតចេញពីការបោះឆ្នោត៕
No comments:
Post a Comment