ពិធីចុះហត្ថលេខាលើឯកសារចំនួន១១ និងការថ្លែងការណ៍រួម រវាងនាយករដ្ឋមន្រ្តីកម្ពុជា និងបង់ក្លាដេស បានបញ្ចប់ហើយ

ពិធីចុះហត្ថលេខា លើឯកសារចំនួន១១ និងការថ្លែងការណ៍រួម រវាងលោកនាយករដ្ឋមន្រ្ដី ហ៊ុន សែន និង លោកស្រី សេក្ខ ហាស៊ីណា (Sheikh Hasina) នាយករដ្ឋមន្រ្តីនៃសាធារណរដ្ឋប្រជាមានិតបង់ក្លាដេស នៅវិមានសន្តិភាព បានបញ្ចប់ហើយ នាវេលាម៉ោង១០៖៤៨នាទីព្រឹក ថ្ងៃទី០៤ ខែធ្នូ ឆ្នាំ២០១៧នេះ បន្ទាប់ពីបញ្ចប់ជំនួបទ្វេភាគី របស់នាយករដ្ឋមន្រ្តីប្រទេសទាំងពីរ។

ក្រោយពេលបញ្ចប់ជំនួបទ្វេភាគី និងពិធីចុះហត្ថលេខាលើឯកសារចំនួន១១ ក៏ដូចជាការថ្លែងការណ៍រួមនេះ លោកស្រី សេក្ខ ហាស៊ីណា (Sheikh Hasina) នាយករដ្ឋមន្រ្តីនៃសាធារណរដ្ឋប្រជាមានិតបង់ក្លាដេស នឹងអញ្ជើញបន្តដំណើរចូលគាល់ព្រះមហាក្សត្រកម្ពុជា ព្រះករុណា ព្រះបាទសម្តេចព្រះ បរមនាថ នរោត្តម សីហមុនី នៅព្រះបរមរាជវាំង ៕