នៅថ្ងៃទី១៩ ខែឧសភា ឆ្នាំ២០១៧នេះ លោក គឹម សន្តិភាព អ្នកនាំពាក្យក្រសួងយុត្តិធម៌ បានលើកឡើងនៅក្នុងទំព័រហ្វេសប៊ុករបស់លោកថា «អំពើណាមួយ ដែលបានអនុវត្តផ្ទុយ ពីច្បាប់ស្តីពីការបោះឆ្នោត ជ្រើសរើសក្រុមប្រឹក្សាឃុំ-សង្កាត់ នោះ ទោសប្បញ្ញត្តិ ដែលមានចែងក្នុងច្បាប់នេះ នឹងត្រូវអនុវត្ត ហើយអំពើនោះ ក៏នឹងត្រូវទទួលការផ្តន្ទាទោស តាមច្បាប់ព្រហ្មទណ្ឌបន្ថែមទៀត ប្រសិនបើអំពើនោះជាបទល្មើសដែលមានចែងក្នុងច្បាប់ព្រហ្មទណ្ឌ»។
សូមរំលឹកថា នៅថ្ងៃទី៤ ខែមិថុនា ឆ្នាំ២០១៧ខាងមុខនេះ គឺជាថ្ងៃបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៤ ហើយថ្ងៃទី២០ ខែឧសភា ឆ្នាំ២០១៧ ខាងមុខនេះ គឺជាថ្ងៃចាប់ផ្តើមយុទ្ធនាការឃោសនាបោះឆ្នោត ជ្រើសរើសក្រុមប្រឹក្សាឃុំ-សង្កាត់ ហើយថ្ងៃទី២ ខែមិថុនា យុទ្ធនាការឃោសនានឹងត្រូវបិទបញ្ចប់៕
No comments:
Post a Comment