សមាជិកបក្សសង្គ្រោះជាតិ, បក្សហ្វុនស៊ិនប៊ិច និងបក្សខ្មែររួបរួមជាតិ ប្រមាណ​២២៥នាក់ ​បានដើរចេញ​ពីគណបក្សខ្លួន​ មកចូលរួមជា​មួយគណបក្ស​ប្រជាជនកម្ពុជា​

ខេត្តបន្ទាយមានជ័យ៖ លោក អ៊ុ រាត្រី អភិបាលរងខេត្តបន្ទាយមានជ័យ និងជាប្រធានក្រុមការងារចុះជួយស្រុកអូជ្រៅ ក្នុងពិធីសំណេះសំណាល និងប្រកាសបញ្ចូលសមាជិកគណបក្សនយោបាយផ្សេង ដែលស្ម័គ្រចិត្តចូលរួមរស់ជាមួយគណបក្សប្រជាជនកម្ពុជា នៅថ្ងៃទី១៩ ខែឧសភា ឆ្នាំ២០១៧នេះ បានមានប្រសាសន៍ថា
ពេលនេះគ្មានការគិតគូររើសអើងចំពោះបងប្អូនជានរណាមកពីគណបក្សនយោបាយណានោះទេ គឺជាប្រជាពលរដ្ឋខ្មែរ ស្រលាញ់សុខសន្តិភាព និងសាទរចំពោះសមិទ្ធផលស្នាដៃជាច្រើន ដែលគណបក្សប្រជាជនកម្ពុជា ក៏រាជរដ្ឋាភិបាលបាននឹងកំពុងខិតខំប្រឹងប្រែងរក្សាការពារ និងបង្កើតឡើង ដើម្បីបម្រើអោយការរស់នៅប្រកបដោយភាព សុខសាន្ត របស់ប្រជាពលរដ្ឋនៅមូលដ្ឋាន។ ប្រជាពលរដ្ឋយើងដែលបានភ្ញាក់រលឹក និងស្ម័គ្រចិត្តមកចូលរួមរស់ជាមួយគណបក្សប្រជាជនកម្ពុជា ជាចំណែកមួយ ក៏ដូចជាកម្លាំងសាមគ្គី បន្ថែមទៀត សម្រាប់បោះឆ្នោតជ្រើសក្រុមប្រឹក្សាឃុំ~សង្កាត់ និងបោះឆ្នោតជាតិ ដើម្បីបន្តដឹកនាំកសាងអភិវឌ្ឍមូលដ្ឋាន របស់បងប្អូនឱ្យកាន់តែរីកចំរើនឡើងថែមទៀត។

កម្មវិធីបញ្ជូនសមាជិក សមាជិកបក្សដែលចាកចេញពីគណបក្សផ្សេងៗ មករួបរួមជាមួយគណបក្សប្រជាជនកម្ពុជានេះ គឺមានចំនួន២២៥នាក់ មកពី៤ឃុំ ក្នុងស្រុកអូរជ្រៅ ។

គួរបញ្ជាក់ថា សមាជិកសង្គ្រោះជាតិ គណបក្សហ្វុនស៊ិនប៊ិច និងគណបក្សខ្មែររួបរួមជាតិ ប្រមាណ២២៥នាក់ បានដើរចេញពីគណបក្សខ្លួន មកចូលរួមរស់ជាមួយគណបក្សប្រជាជនកម្ពុជា មកពី៥ឃុំក្នុងស្រុកអូរជ្រៅ ,១.ឃុំ កូបចំនួន ៤៤នាក់ ស្រី២៥នាក់ ,២.ឃុំអូរបីជាន់ ៣១នាក់ ស្រី១៤ នាក់,៣.ឃុំសិង្ហ ចំនួន២២នាក់ ស្រី៩នាក់ ,៤.ឃុំគុត្តសត ស្រីចំនួន២ នាក់, និង៥.ឃុំសំរោង ចំនួន១២៨នាក់ ស្រី៧៨ នាក់៕