រដ្ឋសភាជូនដំណឹងអំពីកាលបរិច្ឆេតប្រជុំអនុម័តលើសេចក្ដីព្រាងច្បាប់ស្ដីពីវិសាធនកម្មច្បាប់ស្តីពីចរាចរណ៏ផ្លូវគោក

យោងតាមសេចក្តីជូនដំណឹងរបស់អគ្គលេខាធិការដ្ឋានរដ្ឋសភា ចុះថ្ងៃទី២២ ខែធ្នូ ឆ្នាំ២០១៦ បានឱ្យដឹងថា រដ្ឋសភានឹងប្រជុំអនុម័តលើសេចក្ដីព្រាងច្បាប់ស្ដីពីវិសាធនកម្មច្បាប់ស្តីពីចរាចរណ៏ផ្លូវគោកនៅថ្ងៃចន្ច ទី២៦ ខែធ្នូ ឆ្នាំ២០១៦ វេលាម៉ោង ៨:០០ព្រឹក។
សម័យប្រជុំរដ្ឋសភាលើកទី ៧ នីតិកាលទី៥នេះ នឹងប្រព្រឹត្តទៅ ក្រោមអធិបតីភាពរបស់ ប្រធានរដ្ឋសភាលោក ហេង សំរិន ដើម្បីធ្វើការពិភាក្សា និងអនុម័តសេចក្ដីព្រាងច្បាប់ស្ដីពីវិសាធនកម្មមាត្រា ៨ មាត្រា ៤០ មាត្រា ៤១ មាត្រា ៤៧ មាត្រា ៤៨ មាត្រា ៧៥ មាត្រា ៧៧ មាត្រា ៨២ និងមាត្រា ៩០ នៃច្បាប់ស្ដីចរាចរណ៍ផ្លូវគោក ដែលត្រូវប្រកាសឱ្យប្រើដោយព្រះរាជក្រមលេខ នស/រកម/០១១៥/០០១ ចុះថ្ងៃទី០៩ ខែមករា ឆ្នាំ២០១៥ ៕