នៅថ្ងៃទី ១០ ដល់១២ ខែកញ្ញា
ឆ្នាំ២០១៦ខាងមុខនេះ សម្តេចតេជោ ហ៊ុន សែន នឹងដឹកនាំគណៈប្រតិភូជាន់ខ្ពស់មួយចំនួនទៅចូលរួមការតាំងពិព័រណ៌អាស៊ាន-ចិនលើកទី១៣
ដែលមានប្រធានបទ ការកសាងផ្លូវសូត្រសមុទ្រសតវត្សទី២១ និង វេទិកាវិនិយោគ
និងពាណិជ្ជកម្មកម្ពុជា-ចិន លើកទី១ ដែលនឹងប្រព្រឹត្តទៅនៅទីក្រុងណាននីញ
ខេត្តក្វាងស៊ី សាធារណរដ្ឋប្រជាមានិតចិន ហើយដំណើរទៅចូលរួមកិច្ចប្រជុំនេះ
ធ្វើឡើងតបតាមការអញ្ជើញរបស់រដ្ឋាភិបាលចិន។
បើយោងតាមសេចក្តីជូនដំណឹង
របស់ក្រសួងការបរទេសកម្ពុជា បានឲ្យដឹងថា
គណៈប្រតិភូអមដំណើររួមមានឯកឧត្តម
ប្រាក់ សុខុន ទេសរដ្ឋមន្រ្តី និងជារដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ
និង ឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម ព្រមទាំងសមាជិករាជរដ្ឋាភិបាលកម្ពុជាដទៃទៀត៕
ប្រភព៖ Fresh News
No comments:
Post a Comment