ក្រសួងការងារគ្រោងនឹងបង្កើតរបបសន្ដិសុខ​សង្គមដល់មន្រ្ដីរាជការនៅឆ្នាំ២០១៧

ក្រសួងការងារ និងបណ្ដុះបណ្ដាលវិជ្ជាជីវៈ គ្រោងនឹងបង្កើតឲ្យមានរបបសន្ដិសុខសង្គមរបបគ្រោះថ្នាក់ការងារ និងរបបសន្ដិសុខសង្គមថែទាំសុខភាពទៅដល់មន្រ្ដីរាជការ ខណៈកន្លងមកកម្មវិធីនេះ បានអនុវត្តន៍ចំពោះ កម្មករ និងបុគ្គលិកក្រុមហ៊ុនឯកជនទទួលបានបានការគាំទ្រច្រើន។

គម្រោង បង្កើតសេវារបបសន្ដិសុខសង្គមគ្រោះថ្នាក់ការងារ និងថែទាំសុខភាពទៅដល់មន្រ្ដីរាជការនេះ និងចាប់ផ្តើមអនុវត្តន៍នៅឆ្នាំ ២០១៧ខាងមុខ។

ឯកឧត្តម អ៊ិត សំហេង រដ្ឋមន្រ្ដីក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍ ថា ក្រសួងការងារកំពុងរៀបចំយន្ដការអន្ដរក្រសួងមួយ ដើម្បីរៀបចំដាក់ឲ្យអនុវត្ដន៍របបសន្ដិសុខសង្គមគ្រោះថ្នាក់ការងារ និងរបបសន្ដិសុខសង្គមថែទាំសុខភាពទៅដល់មន្រ្ដីរាជការ ដូចជាកម្មករវិនិយោជិតរបស់សគ្រាស គ្រឹះដ្ឋានឯកជនផងដែរ ។

ឯកឧត្តម អ៊ិត សំហេង បានបញ្ជាក់ថា ការពង្រីកសេវារបបសន្តិសុខសង្គម ដល់មន្ត្រីរាជការឲ្យដូជាកម្មករនិយោគជិកនេះដើម្បីធ្វើយ៉ាងណាឲ្យពួកគេទទួលបានអត្ថប្រយោជន៍ពេលជួបគ្រោះថ្នាក់ការងារ ខណៈសព្វថ្ងៃនេះ មន្ត្រីជារការមានតែប្រាក់ចូលនិយវត្តន៍តែប៉ុណ្ណោះចំណែកប្រាក់សុខភាព និងប្រាក់ឧត្ថមពេលគ្រោះថ្នាក់ការងារមិនទាន់មាននៅឡើយ។

លោកវេជ្ជបណ្ឌិត អ៊ាវ តារាវុធ ជាមន្ត្រីរាជក្នុងក្រសួងសុខាភិបាលបានគាំទ្រចំពោះគម្រោង បង្កើតសេវារបបសន្ដិសុខសង្គមគ្រោះថ្នាក់ការងារ និងថែទាំសុខភាពទៅដល់មន្រ្ដីរាជការនេះ ។ ដោយលោកចាត់ទុកថា ការអនុវត្តន៍គម្រោងនេះ និងជួយកាត់បន្ថយការចំណាយរបស់មន្ត្រីរាជការនៅពេលជួបគ្រោះថ្នាក់ក្នុងពេលបំពេញការងារ៕