យោងតាមសេចក្តីជូនដំណឹងរបស់អគ្គលេខាធិការដ្ឋានព្រឹទ្ធសភា នៅថ្ងៃច័ន្ទ ទី១១
ខែមករា ឆ្នាំ២០១៦ បានឲ្យដឹងថា នៅថ្ងៃអង្គារ ទី១២ ខែមករា ឆ្នាំ២០១៦
វេលាម៉ោង៨៖០០ព្រឹក គណៈកម្មាធិការអចិន្រ្តៃយ៍ព្រឹទ្ធសភា
នឹងបើកកិច្ចប្រជុំក្រោមអធិបតីភាព សម្តេចវិបុលសេនាភក្តី សាយ ឈុំ
ប្រធានព្រឹទ្ធសភា នៃព្រះរាជាណាចក្រកម្ពុជា។
តាមសេចក្តីជូនដំណឹងនេះដែរក៏បានឱ្យដឹងថា
កិច្ចប្រជុំនេះមានរបៀបវារៈចំនួនពីរគឺ ១-
ពិនិត្យនិងសម្រេចលើសណើរបស់គណៈកម្មការទី៣ព្រឹទ្ធសភា
សុំដាក់សេចក្តីព្រាងច្បាប់ ស្តីពីសុខភាពសត្វ និងផលិតកម្មសត្វ
នៅក្នុងរបៀបវារៈសម័យប្រជុំលើកទី៨ព្រឹទ្ធសភា នីតិកាលទី៣ និង២- កំណត់របៀបវារៈ
និងកាលបរិច្ឆេទ បន្តសម័យប្រជុំលើកទី៨ព្រឹទ្ធសភា និតិកាលទី៣៕
No comments:
Post a Comment