ឯកឧត្តម ឡាយ អ៊ីពិសិទ្ធ ឯកឧត្តម សួស គង់ និង ឯកឧត្តម នួន ផារ័ត្ន ដឹកនាំក្រុមគ្រូពេទ្យស្ម័គ្រចិត្តចុះពិនិត្យព្យាបាលជំងឺ ជូនប្រជាពលរដ្ឋដោយឥតគិតថ្លៃ

នាព្រឹកថ្ងៃទី១១ ខែមករា ឆ្នាំ២០១៦ នៅសាលាបឋមសិក្សាត្រែងត្រយឹង ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ មានរៀបចំពិធីសំណេះសំណាល សួរសុខទុក្ខ និងពិនិត្យព្យាបាល ជំងឺទូទៅ និងជំងឺមាត់ធ្មេញ ជូនប្រជាពលរដ្ឋដោយឥតគិតថ្លៃ ក្រោមការដឹកនាំរបស់​ឯកឧត្តម ឡាយ អ៊ីពិសិទ្ធ អនុប្រធានគណៈកម្មការទី៤ និងជាអនុប្រធានក្រុមសមាជិកព្រឹទ្ធសភា ប្រចាំ ភូមិភាគទី៧ ឯកឧត្តម សួស គង់ រដ្ឋលេខាធិការអភិវឌ្ឍន៍ជនបទ សហការជាមួយឯកឧត្តម ហ៊ុន ម៉ានី តំណាងរាស្រ្ដមណ្ឌលខេត្តកំពង់ស្ពឺ ដែលមានឯកឧត្តម នួន ផារ័ត្ន ជាតំណាង និងដោយមានការអញ្ជើញចូលរួមពីសំណាក់ថ្នាក់ដឹកនាំស្រុក ឃុំ ភូមិ នៃស្រុកភ្នំស្រួច និងប្រជាពលរដ្ឋចំនួន ៣០០នាក់ កម្មវិធីពិនិត្យ និងព្យាបាលជំងឺប្រព្រឹត្តទៅរយៈពេល ៥ថ្ងៃ ចាប់ពីថ្ងៃទី១១​ ដល់ថ្ងៃទី១៥ ខែមករា ឆ្នាំ២០១៦ ។