ឯកឧត្តម បណ្ឌិតសភាចារ្យ សុខ អាន ឧបនាយករដ្ឋមន្ត្រីនិងជារដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រីនិងលោកជំទាវ
រួមនិងមន្រ្ដីក្រោមឪវាទ បានអញ្ជើញ ចូលរួមក្នុងពិធីបុណ្យកាន់បិណ្ឌវេនទី៨ ជាមួយពុទ្ធបរិស័ទនៅវត្តគិរីចុងកោះឃុំគីរីចុងកោះ វត្តឧទុម្ពក្រោម និងវត្តពោធិវង្សលើ ស្ថិតក្នុងស្រុកគីរីវង់
ខេត្តតាកែវ ដើម្បីធ្វើ បុណ្យ ឧទ្ទិសកុសលដល់បុព្វការីជន ជីដូនជីតា ញាតិការទាំង៧សណ្តាន ដែលបានចែកឋានទៅកាន់បរិ លោក
ខាងមុខ និងរួមចំណែកក្នុងការជួយថែរក្សាទំនៀមទំលាប់ប្រពៃណីព្រះពុទ្ធសាសនាឲ្យ
កាន់តែរុងរឿង រីកចំរើនបន្ថែមទៀត។
ជារៀងរាល់ឆ្នាំនៅក្នុងរដូវនៃពីធីបុណ្យដាក់បិណ្ឌភ្ជុំបិណ្ឌ
ឯកឧត្តមបណ្ឌិតសភាចារ្យសុខ អាន និងលោកជំទាវ តែងតែ អញ្ជើញ ចូលរួមធ្វើបុណ្យធ្វើទាន ជាមួយពុទ្ធបរិស័ទ ព្រមទាំងបាននាំយកនូវគ្រឿងសក្ការបូជា មានទៀនធូប ផ្កាភ្ញី បូជាចំពោះព្រះពុទ្ធអង្គនិងព្រះរតនៈត្រ័យ
និងទេយ្យទាន មានគ្រឿងឧបភោគ បរិភោគ
ជាច្រើនមុខ រួមនឹងបច្ច័យ
យកមកប្រគេនព្រះសង្ឃ និងរាប់បាត្រ បង្សុកូល ឧទ្ទិសមគ្គផល ជូនចំពោះ បុព្វការី ជន
មានមាតា បិតា ជីដូន ជីតា ញាតិការទាំង៧សណ្តាន សូមឲ្យមកទទួល នូវផល្លានិសង្ឃ ដែលកូនចៅ
បានឧទ្ទិស ជូនតាមរយៈព្រះសង្ឃ នាបុណ្យកាន់បិណ្ឌ និងភ្ជុំបិណ្ឌនេះ ឲ្យបានទៅសោយសុខនៅទីស្ថាន
បរមសុខគ្រប់ៗជាតិ ។ មួយចំណែកនៃកុសលផលបុណ្យនេះ
ក៏សូមឧទ្ទិសជូនចំពោះ ដូងវិញ្ញាណក្ខ័ន្ធអ្នកស្នេហាជាតិគ្រប់ជំនាន់ ដែលបានបូជាអាយុ ជីវិតក្នុងបុព្វហេតុការពារនិងកសាងជាតិមាតុភូមិ
និង ប្រជាជន សូមឲ្យដួងវិញ្ញាណក្ខន្ធ័អ្នកទាំងនោះយាងយកកំណើតកើតក្នុងឋានសុគតិភពកុំបីខ្លាងឃ្លាតឡើយ។
ក្នុងឱកាសអញ្ជើញ
ចូលរួមធ្វើបុណ្យ កាន់បិណ្ឌវេនទី៨ នៅវត្តគិរីចុងកោះនេះ ឯកឧត្តមបណ្ឌិតសភាចារ្យ
សុខ អាន និងលោកជំទាវ បាននាំមកនូវទេយ្យទាន និងគ្រឿងឧបភោគបរិភោគ ជាច្រើនមុខមក ប្រគេនព្រះសង្ឃ រួមមានៈ សាដក់ ទឹកក្រូច ទឹកបរិសុទ្ធ ទឹកដោះគោខាប់ ស្ករស កាកាវ មៀនកំប៉ុង
តែ ត្រីខ មី អង្ករ និងបច្ច័យសំរាប់វត្តគិរីចុងកោះចំនួន១៤លានរៀល
វត្តឧទុម្ពក្រោមចំនួន១៤លាន៨សែន ព្រមទាំង
ចែកជូនក្រណាត់ស សារ៉ុង និងថវិកា ដល់សីលវ័ន្ត សីលវត្តី និងពុទ្ធបរិស័ទដែល អញ្ជើញមកចូលរួមក្នុងពិធីបុណ្យកាន់បិណ្ឌវេនទី ៨នេះ ។
ដោយឡែកនៅរសៀលថ្ងៃនេះដែរ ឯកឧត្តមឧបនាយករដ្ឋមន្ត្រី សុខ អាន និងលោកជំទាវក៏បានអញ្ជើញចូលរួម ក្នុងពិធីបុណ្យកាន់បិណ្ឌវេនទី៩ នៅវត្តឧទម្ពរលើ ទៅតាមប្រពៃណីព្រះពុទ្ធសាសនា ដោយបាននាំមកនូវទេយ្យទាន និងគ្រឿងឧបភោគបរិភោគនិងបច្ច័យចំនួន១៤លានរៀល ប្រគេនដល់ព្រះសង្ឃ និងចែកជូនសីលវ័ន្ត
សីលវត្តី នូវក្រណាត់ស និង សារុង ដល់ ពុទ្ធបរិស័ទ ដែលបានមកចូលរួម
ក្នុងវេណកាន់បិណ្ឌនេះផងដែរ៕
No comments:
Post a Comment