រដ្ឋមន្ត្រីក្រសួងបរិស្ថាន ឯកឧត្តម សាយ សំអាល់ បានមានប្រសាសន៍ថា ក្រសួងបរិសា្ថន នឹងខិតខំធ្វើយ៉ាងណាដោះស្រាយបញ្ហាជម្លោះដីធ្លីរវាងប្រជាពលរដ្ឋ
ស្រុកបុទុមសាគរ និងគីរីសាគរ ក្នុងខេត្ត កោះកុង ជាមួយក្រុមហ៊ុនចិន យូញៀន
ឌីវើលឡុបមែនគ្រុប (Union
Development Group) ដោយតម្លាភាព និងយុត្តិធម៌ ហើយដាច់ខាតនឹងមិនមានការប្រើអំពើហិង្សាលើប្រជាពលរដ្ឋក្នុងការដោះស្រាយជម្លោះដីធ្លីនេះឡើយ។
កាលពីថ្ងៃទី ៥ ខែឧសភា ឆ្នាំ២០១៥ បន្ទាប់ពីចេញ ពីបកស្រាយបំភ្លឺ
នៅចំពោះមុខគណៈកម្មការទី១ នៃរដ្ឋសភា គឺគណៈកម្មការ ទទួលពាក្យបណ្តឹងអង្កេត និងទំនាក់ទំនងរដ្ឋសភា
ព្រឹទ្ធសភា ពាក់ព័ន្ធនឹងបញ្ហាទំនាស់ដីធ្លីនៅក្នុងខេត្តកោះកុង ឯកឧត្តម សាយ
សំអាល់ បានមានប្រសាសន៍ទៅកាន់អ្នកសារព័ត៌មានថា «ជាគោលការណ៍រួមយើងមិនមានគោលនយោបាយបង្ខិតបង្ខំ
រឺមួយរុញឲ្យបងប្អូនប្រជាពលរដ្ឋទាំងអស់នោះចាកចេញ រឺមួយប្រើអំពើហិង្សាលើបងប្អូននោះទេ»។
ឯកឧត្តម សាយ សំអាល់ បានលើកឡើងផងដែរថា «យើង
ខ្ញុំគិតថា
ការឆ្លើយឆ្លងគ្នា ផ្លាស់ប្តូរនូវព័ត៌មានគ្នា និងការជជែកគ្នា
រវាងក្រសួងបរិស្ថាន
និងគណៈកម្មការទី១នៃរដ្ឋសភានេះ ក៏ជារឿងល្អមួយ
ដើម្បីឲ្យគណៈកម្មាការទី១
បានយល់ច្បាស់អំពីបញ្ហារបស់ក្រសួងបរិស្ថាននៅក្នុងការដោះស្រាយបញ្ហាដី
ធ្លីនៅស្រុកបុទុមសាគរ
និងគីរីសាគរនេះ។»
ឯកឧត្តម សាយ សំអាល់ ក៏បានបន្ថែមទៀតថា ជាធម្មតាគណៈកម្មាការទី១
មានពាក្យបណ្តឹងផ្សេងៗពីបញ្ហាដីធី្ល ដែលយកមកក្នុងពេលនេះ ដូច្នេះយើងមកនេះ
គឺដើម្បីបកស្រាយ និងបំភ្លឺជូនគាត់។ ដោយឡែកករណីមួយចំនួន ដែលខាងគណៈកម្មការទី១
ក៏ដូចជា ឯកឧត្តម អេង ឆៃអ៊ាង បានលើកឡើងចំនួន៤ចំណុចនោះ ដែលក្នុងនោះនិយាយអំពី
ភាពមិនប្រក្រតីក្នុងការដោះស្រាយបញ្ហាជម្លោះដីធ្លីនេះ «ខ្ញុំបាន
ជម្រាបជូនលោក
ក៏បានជម្រាបទៅដល់សមាជិក នៃសមាជិកប្រជុំទាំងអស់ថា
បើមានភាពមិនប្រក្រតី
ប្រហែលជាមាន នៅក្នុងកំរិតបុគ្គល មិនមានជាកំរិតប្រព័ន្ធទេ
នេះបើតាមអ្វីដែលយើងខំប្រឹងប្រែងធ្វើរាល់ថ្ងៃគឺយើងចៀសវាង
ណាស់ត្រង់ចំណុចនេះ»។
ឯកឧត្តម សាយ សំអាល់ បន្តថា បច្ចុប្បន្នក្រសួងគឺចៀសវាងណាស់នៅបញ្ហាមិនប្រក្រតីនេះ
ព្រោះការដោះស្រាយបញ្ហាយើងចង់ឲ្យមានតម្លាភាព និងមានភាពយុត្តិធម៌ជូន អ្នកដែលមានការពាក់ព័ន្ធទាំងអស់គ្នា។
ដោយឡែក ចំពោះសំណើរផ្សេងៗទៀតដែលគណៈកម្មាការទី១បានលើកមក គឺយើងខ្ញុំទទួលយក
ដើម្បីសិក្សានិងពិភាក្សាគ្នាបន្ត ថាតើយើងអាចដោះស្រាយរបៀបម៉េច? ជូនបងប្អូនប្រជាពលរដ្ឋរបស់យើងទាំង
នៅក្នុងស្រុកបុទុមសាគរ ទាំងនៅគីរីសាគរ។
គួរបញ្ជាក់ថា ក្រោយជំនួបបិទទ្វាររយៈពេលប្រមាណ ៣ម៉ោងកន្លះរួចមក
ឧត្តម អេង ឆៃអ៊ាង ប្រធានគណៈកម្មការសិទ្ធិមនុស្ស ទទួលពាក្យបណ្ដឹង អង្កេត
និងទំនាក់ទំនងនៃរដ្ឋសភា ក៏បានស្នើរដ្ឋមន្ត្រីក្រសួងបរិស្ថាន ចំនួន ៤ចំណុច
រួមមាន ពិនិត្យលទ្ធភាពក្នុងការឆ្វៀលដីជូនប្រជាពលរដ្ឋដែលនៅសេសសល់ប្រមាណ
៣១៨គ្រួសារ នៅក្នុងស្រុកទាំងពីរ ដែលមិនព្រមទទួលយកសំណង។ ទី២ ស្នើអោយក្រសួងកុំមានវិធានការគំរាមកំហែង
ឬប្រើប្រាស់វិធានតុលាការចំពោះពលរដ្ឋទាំងនោះ។ ទី៣ ស្នើអោយស៊ើបអង្កេតអំពីភាពមិនប្រក្រតីនៃការដោះស្រាយផលប៉ះពាល់
កន្លងមក និងទី៤ គណៈកម្មការនេះ បានស្នើសុំរបាយការណ៍ និងឯកសារពាក់ព័ន្ធជាមួយនឹងប្រជាពលរដ្ឋដែលបានទទួលយកសំណងពី
ក្រុមហ៊ុន៕
No comments:
Post a Comment