Hun Maneth asks DTN to provide names of his 20 assistants

Hun Maneth, the oldest son of the prime minister HUN SEN wrote on his Facebook page today to ask DTN news to provide names of his 20 assistants.

He wrote: Getting off the plane at around 1AM this morning from a long flight and turned on my phone. Suddenly, I busted laughing because of a news report by Deum Thnot News (DTN) which stated I have more than 20 assistants with the ranks of Colonel.

I was at the same time trying to figure out who are those 20 plus supposed assistants of mine that DTN wrote about. I tried to read the article 2 to 3 times to see if it gives any clues who are those assistants of mine just in case I forgot.

Unfortunately, DTN did not show any evidence such as names or supporting documents to support their article. As a result, I still have no clue what DTN is talking about. For this reason, I would politely ask DTN to provide names and supporting documents to support their claim that I have more than 20 assistants with the ranks of Colonel.

Should it be unable to provide, I would ask ask DTN to do what a professional and responsible media would do, which is to rectify the story and acknowledgement that it has no sufficient proof to support what it wrote. I hope to get answer to my above request from DTN daily soon.

ក្រសួងពាណិជ្ជកម្ម ជួយសម្របសម្រួលដល់គ្រឹះស្ថានមីក្រូហិរញ្ញវត្ថុប្រាសាក់ផ្លាស់ប្តូរស្លាកសញ្ញាថ្មី

ភ្នំពេញ៖ លោក អ៊ុក ប្រជា រដ្ឋលេខាធិការក្រសួងពាណិជ្ជកម្ម តំណាងលោករដ្ឋមន្ត្រី ប៉ាន សូរស័ក្តិ បានបើកកិច្ចប្រជុំបន្ទាន់ជាមួយលោក សាយ សូនី នាយកប្រតិបត្តិគ្រប់គ្រងទីផ្សារ តំណាងគ្រឹះស្ថានមីក្រូហិរញ្ញវត្ថុប្រាសាក់ ដើម្បីពិភាក្សាអំពីការផ្លាស់ប្តូរស្លាកសញ្ញាថ្មី នៅថ្ងៃទី២២ ខែកុម្ភៈ ឆ្នាំ២០១៧នេះ ។

សូមជម្រាបផងដែរថា កិច្ចប្រជុំនេះ បានធ្វើឡើងដោយអនុលោមតាមច្បាប់ស្តីពីម៉ាក ពាណិជ្ជនាម និងការប្រកួតប្រជែងមិនស្មោះត្រង់ ដែលអនុម័តដោយរដ្ឋសភាជាតិ កាលពីឆ្នាំ២០០២ ព្រមទាំងសំណើរបស់ប្រមុខរាជរដ្ឋាភិបាលលោកនាយករដ្ឋមន្ត្រីហ៊ុន សែន ។
ជាការឆ្លើយតប លោក សាយ សូនី តំណាងគ្រឹះស្ថានមីក្រូហិរញ្ញវត្ថុប្រាសាក់ បានឯកភាពធ្វើការកែតម្រូវម៉ាកពាណិជ្ជកម្មរបស់ខ្លួន ដោយដកនិមិត្តសញ្ញាប្រាក់រៀល “៛” ដែលមានលក្ខណៈស្រដៀងទៅនឹងនិមិត្តសញ្ញារបស់ធនាគារជាតិនៃកម្ពុជាចេញ និងដាក់ជំនួសវិញដោយពាក្យ “ប្រាសាក់” ដើម្បីបញ្ចៀសរាល់ការភ័ន្តច្រលំរបស់ប្រជាពលរដ្ឋ មកលើគ្រឹះស្ថានសាធារណៈ។
លោកនាយកប្រតិបត្តិគ្រប់គ្រងទីផ្សារ ក៏បានសន្យាបញ្ឈប់រាល់ការប្រើប្រាស់និមិត្តសញ្ញាប្រាក់រៀល “៛” នៅលើសម្ភារៈ និងបរិក្ខាផ្សព្វផ្សាយរបស់គ្រឹះស្ថាន ព្រមទាំងបានថ្លែងអំណរគុណដល់ថ្នាក់ដឹកនាំ និងមន្ត្រីរបស់ក្រសួងពាណិជ្ជកម្ម ដែលបានជួយសម្របសម្រួលនូវកិច្ចការទាំងអស់នេះ៕

លោក សុខ ឥសាន ៖ ការបង្ក្រាបអ្នកតវ៉ា លទ្ធផលបោះឆ្នោត

លោក សុខ ឥសាន អ្នកនាំពាក្យគណបក្សប្រជាជនកម្ពុជា នៅព្រឹកថ្ងៃទី២៣កុម្ភៈឆ្នាំ២០១៧នេះ បាន​លើក​ឡើង​ថា ចាប់តាំងពីមានការបោះឆ្នោតសកលប៉ុន្មានលើកកន្លងទៅ សម រង្សី មេបក្សប្រឆាំង តែងតែដឹកនាំធ្វើ​បាតុ​កម្ម​តូច-ធំ និងប្រព្រឹត្តអំពើអនាធិបតេយ្យផ្សេងៗ តវ៉ាលទ្ធផលបោះឆ្នោត ដោយសំអាងទ្បេះនេះ ទ្បេះនោះ តាមការ​នឹក​ឃើញរបស់ខ្លួន រហូតដល់បណ្តាលឲ្យខូចខាតទ្រព្យសម្បត្តិឯកជន និងសាធារណៈ បាត់បង់​អាយុ​ជីវិត​របស់​មនុស្សទៀតផង។ លោក សុខ ឥសាន បញ្ជាក់ថា ពេលនោះទាំងបក្សប្រឆាំង និងមជ្ឈដ្ឋានប្រឆាំង សុទ្ធតែនាំគ្នា​ថ្កោល​ទោសរាជរដ្ឋាភិបាលថា ប្រើអំពើហិង្សា រំលោភសិទ្ធិមនុស្ស ធ្វើឲ្យប៉ះពាល់ដល់​លទ្ធិប្រជាធិប​តេយ្យរបស់​ប្រទេស។

មន្ត្រីនាំពាក្យគណបក្សប្រជាជនកម្ពុជារូបនេះបន្តថា ប៉ុន្តែ នាពេលថ្មីៗនេះ សម រង្សី ដែលភ្លើតភ្លើន នឹងជ័យ​ជំនះ​ខ្យល់របស់ខ្លួន ក៏ស្រមើស្រមៃថា ខ្លួនឈ្នះឆ្នោត ទាំងមិនទាន់ដល់ថ្ងៃបោះឆ្នោតផងថា នឹងបង្ក្រាប​រាល់​សកម្មភាព​ណា ដែលប្រឆាំងលទ្ធផលបោះឆ្នោត ហើយមិនព្រមប្រគល់អំណាច។

លោក សុខ ឥសាន អះអាងថា ដូច្នេះ ពាក្យនិយាយរបស់អតីតមេបក្សប្រឆាំងរូបនេះមានន័យថា ការបង្ក្រាប​សកម្មភាព​តវ៉ាប្រឆាំងលទ្ធផលបោះឆ្នោតដឹកនាំដោយ សម រង្សី កន្លងទៅ គឺជាការត្រឹមត្រូវ ហើយរាល់ការ​ខូច​ខាត និងបាត់បង់អាយុជីវិតមនុស្ស គឺជាការទទួលខុសត្រូវរបស់មេដឹកនាំបាតុកម្មតវ៉ានោះ៕

ប្រធានរដ្ឋឡាវ៖ ភ្នំពេញអភិវឌ្ឍន៍គួរឲ្យកត់សម្គាល់ មានអគារខ្ពស់ៗ ជីវភាពពលរដ្ឋរីកចម្រើន

នៅពេលអញ្ជើញ មកបំពេញទស្សនកិច្ចជាផ្លូវការ និងមិត្តភាព នៅព្រះរាជាណាចក្រកម្ពុជា លោក ប៊ុនញុំាង វ៉ូរ៉ាជិត អគ្គលេខាធិការ​បក្ស និងជាប្រធានរដ្ឋនៃ​សាធារណ​រដ្ឋ​ប្រជា​ធិបតេយ្យ​​​ប្រជា​មានិត​ឡាវ បានចូលជួបសវនាការជាមួយ ប្រធានរដ្ឋសភា លោក ហេង សំរិន នៅវិមានរដ្ឋសភា នារសៀលថ្ងៃទី២២ ខែកុម្ភៈ ឆ្នាំ២០១៧ ដោយនៅក្នុងឱកាសនោះ លោកបាន អបអរសាទរ ជាមួយលោកប្រធានរដ្ឋសភា ពីការរីកចម្រើនគួរឲ្យកត់សម្គាល់របស់រាជធានីភ្នំពេញ ដែលជាបេះដូងរបស់ព្រះរាជាណាចក្រកម្ពុជា។

លោកប្រធានរដ្ឋបានលើកឡើងថា ការអញ្ជើញមកដល់កម្ពុជានាឱកាសនេះ លោកនិងគណៈប្រតិភូ មានក្តីរីករាយយ៉ាងខ្លំាង ដោយបានឃើញ ការរីកចម្រើនរបស់រាជធានីភ្នំពេញ។ ភ្នំពេញមានអគារខ្ពស់ៗព្រោងព្រាត ហើយបើពិនិត្យមើលប្រាក់ចំណូលរបស់ពលរដ្ឋ គឺមានការកើនឡើង ពិសេស កំណើនសេដ្ឋកិច្ចកម្ពុជា ស្ថិតក្នុងរង្វង់៧%។

“ការរីកចម្រើនរបស់កម្ពុជា គឺជាសញ្ញាល្អណាស់ ក្នុងការពង្រឹងពង្រីកចំណងមិត្តភាព និងកិច្ចសហប្រតិបត្តិការ ប្រទេសយើងទំាងពីរ ដែលជាបងប្អូន នឹងគ្នានោះ។ យើងខ្ញុំសប្បាយរីករាយ និងចូលរួមអបអរសាទរ ជាមួយប្រជាជនកម្ពុជា” លោកប្រធានរដ្ឋ បានគូសបញ្ជាក់ ជាមួយក្តីរីករាយយ៉ាង ក្រៃលែង។

លោក ហេង សំរិន បានស្វាគមន៍ចំពោះវត្តមានដ៏ខ្ពង់ខ្ពស់របស់លោកប្រធានរដ្ឋ និងគណៈប្រតិភូនៅកម្ពុជា ក្នុងឱកាសនេះ។ លោកបានលើកឡើងថា ដំណើរទស្សនកិច្ចនេះ ជាកិត្តិយស និងមាន​អត្ថន័យជាប្រវត្តិសាស្រ្ត សម្រាប់ព្រះរាជាណាចក្រ​កម្ពុជា និង​ប្រជាជនកម្ពុជា ដែលបានឆ្លុះ​បញ្ចាំងយ៉ាងមុតមាំពីទំនាក់ទំនងចំណង​​មិត្តភាពជាប្រពៃណី និង​​កិច្ចសហ​ប្រតិបត្តិការស្អិតរមួតរវាងកម្ពុជា-ឡាវ ដែលមាន យូរលង់មកហើយឲ្យ​កាន់​តែរឹងមាំ ស្ថិតស្ថេរ​គង់វង្សយូរអង្វែង។

ក្នុងនាមប្រធានរដ្ឋសភា លោកបាន សម្តែងក្តីសោមនស្សរីករាយ ដោយសង្កេតឃើញ ប៉ុន្មានឆ្នាំចុងក្រោយនេះ មានការផ្លាស់ប្តូរទស្សនកិច្ចរវាងគ្នា យ៉ាងមមាញឹក ចាប់តាំងពីថ្នាក់​ដឹក​នាំ​កំពូល រហូតដល់ថ្នាក់មូលដ្ឋាន នៃប្រទេសទំាងពីរ។ លោកគូសបញ្ជាក់ថា ការផ្លាស់ប្តូរដំណើរទស្សនកិច្ចទៅវិញ ទៅមកទំាងស្ថាប័ននីតិប្បញ្ញត្តិ និងនីតិប្រតិបត្តិនោះ បានបង្ហាញពី​ទំនាក់​ទំនងស្អិតរមួត មិត្តភាព សាមគ្គីភាពជា​ប្រពៃណី និង​កិច្ចសហប្រតិបត្តិការ រវាងប្រទេសយើង​ទំាងពីរ កម្ពុជា​-​ឡាវ ជា​បងប្អូន ត្រូវបានពង្រឹងនិងពង្រីក។

លោកក៏បានគូសបញ្ជាក់ថា “អ្វីដែលថ្នាក់ដឹកនាំជំនាន់យើងត្រូវខិតខំបន្ត គឺធ្វើយ៉ាងណាពិនិត្យរួមគ្នា ដើម្បីជម្រុញដោះស្រាយបញ្ចប់ ឲ្យបានឆាប់ នូវការបោះបង្គោលកំណត់ខ្សែបន្ទាត់ព្រំដែនរវាងប្រទេសយើងទំាងពីរ ប្រែក្លាយជាព្រំដែន មិត្តភាព សន្តិភាព កិច្ចសហប្រតិបត្តិការ និងការអភិវឌ្ឍ សម្រាប់ជាមរតកដល់កូនចៅជំនាន់ក្រោយ”។

លោក ប៊ុនញុំាង វ៉ូរ៉ាជិត បានគំាទ្រ ប្រសាសន៍លើកឡើង របស់លោកប្រធានរដ្ឋសភា។ ជាមួយគ្នានេះ លោកក៏បាន ជម្រាបលោកប្រធានរដ្ឋសភា ពីស្ថានការណ៍នៅប្រទេស ពិសេសនៅក្នុងរយៈពេល១ឆ្នាំ បន្ទាប់ពីប្រទេសបានជ្រើសតាំងថ្នាក់ដឹកនាំស្ថាប័នកំពូលៗរបស់ខ្លួន ពោលឃើញថា ឡាវក៏ មានការអភិវឌ្ឍគួរឲ្យកត់សម្គាល់ដែរ ប៉ុន្តែកំណើនសេដ្ឋកិច្ច គឺនៅក្នុងរង្វង់៦,៩%។

លោកប្រធានរដ្ឋបានគោរពអញ្ជើញ លោក ហេង សំរិន ដឹកនាំគណៈប្រតិភូជាន់ខ្ពស់រដ្ឋសភាកម្ពុជា ទៅបំពេញទស្សនកិច្ចនៅ ប្រទេសឡាវ តាមពេលសមស្របណាមួយ។ លោក ហេង សំរិន បានទទួលយកសំណើគោរពអញ្ជើញនេះ។

សូមជម្រាបថា តបតាមការអញ្ជើញរបស់ ព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា លោក ប៊ុនញុំាង វ៉ូរ៉ាជិត ប្រធានរដ្ឋ នៃ​សាធារណ​រដ្ឋ​ប្រជា​ធិបតេយ្យ​​​ប្រជា​មានិត​ឡាវ បានដឹកនាំគណៈប្រតិភូ មកបំពេញទស្សនកិច្ចជាផ្លូវការ និងមិត្តភាព នៅព្រះរាជាណាចក្រកម្ពុជា ចំនួនពីរថ្ងៃ គឺថ្ងៃទី២២ និងថ្ងៃទី២៣ ខែកុម្ភៈ ឆ្នាំ២០១៧៕

ប្រមុខរាជរដ្ឋាភិបាលកម្ពុជា និងប្រធានរដ្ឋប្រទេសឡាវ បានឯកភាពគ្នាបន្តកិច្ចសហប្រតិបត្តិការ អភិវឌ្ឍតំបន់ព្រំដែននៃប្រទេសទាំងពីរ

លោកនាយករដ្ឋមន្ត្រី ហ៊ុន សែន នារសៀលថ្ងៃទី២២ ខែកុម្ភៈ ឆ្នាំ២០១៧នេះ បានជួបពិភាក្សាការងារកម្រិតទ្វេភាគីជាមួយប្រធានរដ្ឋនៃសាធារណរដ្ឋប្រជាធិបតេយ្យ ប្រជាមានិតឡាវ លោក ប៊ុនញ៉ាំង វរជិត (Bounnhang Vorachith) នៅវិមានសន្តិភាព។

នៅក្នុងជំនួបពិភាក្សាការងារនេះ ប្រមុខរដ្ឋនៃប្រទេសកម្ពុជានិងឡាវបានផ្តោតសំខាន់ទៅលើការជំរុញការតភ្ជាប់រវាងប្រទេសទាំងពីរ ជាពិសេសភាគខាងត្បូងនៃប្រទេសឡាវ និងភាគឥសាន នៃព្រះរាជាណាចក្រកម្ពុជាតែម្តង។ នៅក្នុងចំណុចនេះ គឺភាគីទាំងពីរបានឯកភាពជំរុញឱ្យមានការតភ្ជាប់ទាំងបណ្តាញអគ្គីសនី បណ្តាញផ្លូវគោក ផ្លូវទឹក និងផ្លូវដែកជាដើម។ ជាងនេះទៅទៀត ស្របពេលដែលមានការកត់សម្គាល់ឃើញថា ទំនាក់ទំនងរវាងប្រទេស កម្ពុជា-ឡាវ ក្នុងរយៈពេលមួយឆ្នាំមកនេះ មានភាពល្អប្រសើរហើយនោះ លោក ប៊ុនញ៉ាំង វរជិត ក៏ចង់ជំរុញបន្ថែមទៅលើការផ្លាស់ប្តូរបទពិសោធន៍ ការផ្លាស់ប្តូរព័ត៌មានរវាងគ្នាទៅវិញទៅមកផងដែរ ដើម្បីរួមគ្នាអភិវឌ្ឍតំបន់ត្រីកោណ។
នៅក្នុងចំណុចនេះ ប្រមុខរដ្ឋទាំងពីរក៏បានឯកភាពគ្នាក្នុងការអភិវឌ្ឍ និងជំរុញកិច្ចសហប្រតិបត្តិការ លើវិស័យពាណិជ្ជកម្ម ការវិនិយោគ វិស័យឧស្សាហកម្ម កសិកម្ម និងវិស័យសេវាកម្ម រវាងប្រទេសទាំងពីរផងដែរ។

គួរបញ្ជាក់ថា ភាគីកម្ពុជា និងឡាវ កាលពីថ្ងៃទី១០ខែមករា ឆ្នាំ២០១៧ កន្លងមកនេះ បានបើកសម្ពោធច្រកទ្វារអន្តរជាតិ រួមនឹងអគារទីស្នាក់ការច្រកត្រួតពិនិត្យ ត្រពាំងក្រៀល-ណងណុកខៀន ដែលជាច្រកទ្វារអន្តរជាតិទ្វេភាគីដំបូងរវាងប្រទេសទាំងពីរដែលជាការជួយសម្រួលយ៉ាងសំខាន់ដល់ទំនាក់ទំនងនៅតាមបន្ទាត់ព្រំដែន នៃខេត្តស្ទឹងត្រែង និងខេត្តចំប៉ាសាក់។

ហើយភាគីទាំងពីរក៏បានឯកភាពបន្តសហការគ្នាឱ្យកាន់តែប្រសើរក្នុងការគ្រប់គ្រងការចេញចូលឆ្លងកាត់ព្រំដែន ដើម្បីរួមគ្នាបង្ការ ទប់ស្កាត់ បង្ក្រាបបទល្មើសព្រៃឈើ និងឧក្រិដ្ឋកម្មឆ្លងដែនគ្រប់ប្រភេទផងដែរ៕

លោក សាយ ឈុំ ថ្លែងអំណរគុណដល់បក្សបដិវត្តន៍ឡាវរដ្ឋាភិបាល និងប្រជាជនឡាវ ដែលបានផ្តល់ការឧបត្ថម្ភគាំទ្រយ៉ាងធំធេងចំពោះបុព្វហេតុដ៏យុត្តិធម៌របស់ប្រជាជនកម្ពុជានៅគ្រប់ដំណាក់កាល

រសៀលថ្ងៃទី២២ ខែកុម្ភៈ ឆ្នាំ២០១៧ វេលាម៉ោង ១៤:៤០នាទី ប្រធានព្រឹទ្ធសភាព លោក សាយ ឈុំ  បានប្រទានសវនការ ជូនលោក ប៊ុនញាំង វរជិត ប្រធានរដ្ឋ នៃសាធារណរដ្ឋប្រជាធិបតេយ្យ ប្រជាមានិតឡាវ និងគណៈប្រតិភូ អញ្ជើញចូលជួបសម្តែងការគួរសម នៅវិមានព្រឹទ្ធសភា។

ជាកិច្ចចាប់ផ្តើម លោក សាយ ឈុំ បានថ្លែងស្វាគមន៍យ៉ាងកក់ក្តៅ ចំពោះដំណើរបំពេញទស្សនកិច្ចផ្លូវរដ្ឋ របស់គណៈប្រតិភូជាន់ខ្ពស់ នៃសាធារណរដ្ឋប្រជាធិបតេយ្យប្រជាមានិតឡាវ នៅព្រះរាជាណាចក្រកម្ពុជា។

បន្ទាប់ពីបានស្តាប់ប្រសាសន៍ របស់លោកប្រធានរដ្ឋ នៃសាធារណរដ្ឋប្រជាធិបតេយ្យប្រជាមានិតឡាវ ដែលថ្លែងសរសើរអំពីទំនាក់ទំនងមិត្តភាព សាមគ្គីភាព និងកិច្ចសហប្រតិបត្តិការ ដ៏រឹងមាំរវាងប្រជាជន និងប្រទេសយើងទាំង២ និងការថ្លែងសរសើរចំពោះការរីកចម្រើនរបស់កម្ពុជាបច្ចុប្បន្ន។ លោក សាយ ឈុំ បានថ្លែងអបអរសាទរ និងវាយតម្លៃខ្ពស់ចំពោះលទ្ធផលជាផ្លែផ្កា នៃកិច្ចសហប្រតិបត្តិការលើគ្រប់វិស័យដែលរដ្ឋាភិបាលនៃប្រទេសទាំង២សម្រេចកន្លងមក។ លោកក៏បានអបអរសាទរ និងវាយតម្លៃប្រកបដោយមោទនភាពខ្ពស់ ផងដែរ ចំពោះលទ្ធផលនៃកិច្ចសហប្រតិបត្តិការទ្វេភាគី ពហុភាគី ប្រកបដោយផ្លែផ្ការវាងព្រឹទ្ធសភាកម្ពុជា និងរដ្ឋសភាឡាវ។

ក្នុងនាមព្រឹទ្ធសភា ប្រជាជនកម្ពុជា និងរូបលោកផ្ទាល់ លោកសូមថ្លែងអំណរគុណយ៉ាងជ្រាលជ្រៅបំផុត ចំពោះបក្សប្រជាជនបដិវត្តន៍ឡាវ រដ្ឋាភិបាល និងប្រជាជនឡាវជាបងប្អូន ដែលបានផ្តល់នូវការឧបត្ថម្ភគាំទ្រយ៉ាងធំធេងចំពោះបុព្វហេតុដ៏យុត្តិធម៌របស់ប្រជាជនកម្ពុជានៅគ្រប់ដំណាក់កាល។ កម្ពុជាប្រកាន់ខ្ជាប់នូវជំហរឥតងាករេក្នុងការបន្តពង្រឹងពង្រីកទំនាក់ទំនងសាមគ្គីភាព មិត្តភាពជាប្រពៃណី សហប្រតិបត្តិការជិតស្និទ្ធរវាងប្រជាជន និងប្រទេសយើងទាំងពីរកម្ពុជាឡាវទាំងក្នុងពេលបច្ចុប្បន្ន និងទៅអនាគត។

លោក ផៃ ស៊ីផាន ឆ្លើយតបមតិរបស់បរទេសដែលមានចរិតក្រអឺតក្រទមដែលតាំងខ្លួនជាគ្រូបង្រៀនដល់ថ្នាក់ដឹកនាំ

(ភ្នំពេញ)៖ នៅរសៀលថ្ងៃទី២២ ខែកុម្ភៈ ឆ្នាំ២០១៧នេះ លោក ផៃ ស៊ីផាន អ្នកនាំពាក្យរាជរដ្ឋាភិបាលកម្ពុជា បានចេញលិខិតចំហរមួយឆ្លើយតបចំពោះមតិ របស់ជនបរទេសមួយចំនួន ដែល​មានចរឹតក្រអឺតក្រទម តាំងខ្លួនជាគ្រូបង្រៀនដល់ថ្នាក់ដឹកនាំ។

ខាងក្រោមនេះជាខ្លឹមសារទាំងស្រុង ​របស់អ្នកនាំពាក្យរាជរដ្ឋាភិបាលកម្ពុជា៖

លិខិតចំជូនបងប្អូនជនរួមជាតិទាំងក្នុងព្រះរាជាណាចក្រកម្ពុជា ក៏ដូចជាអ្នកឯនាយសមុទ្រ ជាពិសេសលោក«អាឡាន ឡូវិនថល (Alan Lowanthal)» នៅក្នុងរយៈពេលកន្លងមកកម្ពុជាទទួល​បានការ សម្តែងមតិរបស់ជនបរទេស ដែលមានចរឹតក្រអឺតក្រទម តាំងខ្លួនជាគ្រូបង្រៀន​ដល់ថ្នាក់ដឹកនាំ ក៏ប៉ុន្តែអ្នកទាំងអស់នោះ គ្មានបទពិសោធន៍ ឬសមត្ថភាពទាល់តែសោះ ក្នុងទទួលខុសត្រូវចំពោះប្រជាជាតិមួយ។

សមាជិកសភារបស់សហរដ្ឋអាមេរិកដែលលេចធ្លោ ក្នុងបញ្ហាប្រឆាំង និងកុម្មុយនីស្ត គឺសុទ្ធតែជាអ្នកបរាជ័យ ក្នុងការធ្វើសង្រ្គាមនៅឥណ្ឌូចិន ហើយមួយចំនួនទៀតក៏បានតាំងខ្លួនជាអ្នកប្រាជ្ញ ប៉ុន្តែបរាជ័យក្នុងការរៀបចំប្រទេសមួយណាឲ្យបានក្លាយជាប្រទេសដែល តំណាងរាស្រ្តសហរដ្ឋអាមេរិក យល់ឃើញថា បណ្តុះ“ប្រជាធិតេយ្យ និងសិទ្ធិមនុស្ស”។ សួរថា តើមានប្រ​ទេសណាមួយ ដែលទទួលបានជោគជ័យនៅក្នុងគោលនយោបាយរបស់ខ្លួនដែរឬទេ? មានតែវិនាសកម្ម ហិនហោច ខ្លោចផ្សារហូតដល់ធ្វើឲ្យមានចលនាភៀសខ្លួន ពាសពេញពិភពលោក ដែលកើតចេញពីនយោបាយរបស់ខ្លួន។ គួរឲ្យសសើរ លោកប្រធានាបតី ដូណាល់ ត្រាំ មានសេច​ក្តីក្លាហាននិយាយថា គោលនយោបាយសហរដ្ឋអាមេរិកបរាជ័យ។

សមាជិកសភាសហរដ្ឋអាមេរិក និងជាសហប្រធានក្រុមតំណាងរាស្រ្ត ដែលតែងតាំងដោយខ្លួនឯងទទួលបន្ទុកកម្ពុជា «អាឡាន ឡូវិនថល (Alan Lowanthal)» បានប្រតិកម្មទៅនឹងវិសោធកម្មច្បាប់ ស្តីពី គណបក្សនយោបាយ គឺជាច្បាប់បើកសិទ្ធិឲ្យរដ្ឋាភិបាលមានអំណាច កាន់តែខ្លាំងឡើ្ងងក្នុងការរារាំងបក្សនយោបាយ ដទៃមិនឲ្យធ្វើនយោបាយហើយវាក៏ជាគ្រោះថ្នាក់មួយដល់ប្រជាធិបតេយ្យនៅកម្ពុជា។

ប្រជាពលរដ្ឋខ្មែរ ដែលមានការពិសោធន៍ដ៏ជូរចត់ពីផលសង្រ្គាម គឺយល់ច្បាស់ពីតម្លៃសន្តិភាពហើយតម្លៃសន្តិភាពនេះ មិនមានតម្លៃនៅក្នុងអារម្មណ៍របស់ លោកទេ ត្បិតប្រជាជាតិសហរដ្ឋអាមេរិកគ្មាន ប្រធានាធិបតីណាមួយដែលមិនបានធ្វើសង្រ្គាមទេ សូម្បីតែលោកប្រធានាធិបតី ដូណាល់ ត្រាំ ក៏ទទួលស្គាល់ សហរដ្ឋអាមេរិក ក៏ជា ឃាតករមួយដែរ ដែលលោកប្រឆាំង។​ អ្វីដែលខ្ញុំផ្ទាល់បានរៀន និងយល់ពីប្រវត្តិសាស្រ្តរបស់សហរដ្ឋអាមេរិក គឺប្រជាធិបតេយ្យ បានចាប់ផ្តើម ក្រោយបញ្ចប់សង្រ្គាម «ឯករាជ្យ និង សន្តិភាព» ហើយក្រោយ នយោបាយនេះក៏បានបន្តពង្រឹងនូវសណ្តាប់ធ្នាប់នយោបាយ ជាបន្តបន្ទាប់ ក៏ប៉ុន្តែប្រវត្តិសាស្រ្ត បានចែងថា អាមេរិកកាំងស្បែកខ្មៅ «លោកម៉ាក់លូ តើឃីង» ត្រូវបានគេសម្លាប់អាស្រ័យដោយ សកម្មជនស្បែកខ្មៅនេះ ធ្វើការទាមទារ សេរីភាពពីការប្រកានពូជសាសន៍ របស់សង្គមស្បែកសរ។ តើចាប់ពីពេលនោះមកដល់បច្ចុប្បន្នលទ្ធិប្រជាធិបតេយ្យរបស់អាមេរិកាំង ត្រូវបានដោះស្រាយ តាមបំណងអាមេរិកាំងស្បែកខ្មៅនោះដែរឬទេ? ហើយបន្ទាប់ពីលទ្ធផល នៃការបោះឆ្នោតរើសប្រធានាធិបតី សហរដ្ឋអាមេរិកទី៤៥នេះ ពិភពលោក បានយកចិត្តទុកដាក់ យ៉ាងខ្លាំងរវាងសេរីភាព នៃការបញ្ចេញយោបល់ និង លទ្ធិប្រជាធិបតេយ្យ ដែលគេយល់ឃើញថាជាការចាប់ផ្តើម នៃការញែកសង្គម អាមេរិកាំងជាពីរ តើលោកអាឡាន ឡាវិនថល(Alan Lowanthal)មានសេចក្តីថ្លែងការណ៍ព្រួយបារម្មណ៍បែបណាទេ?

ឬមួយប្រជាធិបតេយ្យសហរដ្ឋអាមេរិកជិតស្លាប់ហើយ? ប្រព័ន្ធសហរដ្ឋអាមេរិកម៉ត់ចត់ណាស់ ក្នុងកិច្ចប្រជុំសម្រិតសម្រាំងបេក្ខជននីមួយៗ ហើយក៏មិនអនុគ្រោះ ដល់ជនដែល មានករណីព្រហ្មទណ្ឌក្លាយជាបេក្ខជនអ្វីមួយដែរ សូម្បីតែការងាររដ្ឋទោះឯកជនក៏មិនអនុគ្រោះអោយផងដែរ។ បញ្ជាក់ឲ្យឃើញថា តុលាការកោះ ហៅប្រធានាធិបតី ក៏ដូចជាតុលាការកោះហៅឯកជនមួយចំនួន ឲ្យចូលខ្លួនហើយបុគ្គលនោះ ក៏បានឆ្លើយតបនិង តុលាការផងដែរ ដែលខុសគ្នាពីកម្ពុជា។ ខ្ញុំសូមគោរពជម្រាបជូន ឯកឧត្តមសមាជិកសភាសហរដ្ឋអាមេរិកថា តាមរយៈសេចក្តីថ្លែងការណ៍របស់គណកម្មាធិការជាតិរៀបចំការបោះឆ្នោត បានប្រកាសឱ្យដឹងថា កម្ពុជាមានគណបក្សនយោបាយចំនួនសែសិបប្រាំ(៤៥) ចុះឈ្មោះក្នុងការចូលរួមជីវភាពនយោបាយហើយ​អ្វី ដែលគណបក្សសង្រ្គោះជាតិ បានប្រកាសតាមហ្វេសប៊ុករបស់ខ្លួន គឺគណបក្សនេះនៅតែរឹងប៉ឹង និងមានសកម្មភាពរស់រវើកក្នុងកិច្ចត្រៀមខ្លួន ប្រកួតប្រជែងនាពេលបោះឆ្នោត ឃុំសង្កាត់ខាងមុខនេះ។ នេះហើយវប្បធម៌ប្រជាធិបតេយ្យសេរីពហុបក្ស បានចាក់ឫស នៅកម្ពុជា ដែលលោកពុំហ៊ាននិយាយការពិត៕