អភិបាលខេត្តព្រះវិហារ អំពាវនាវដល់កងកម្លាំងត្រូវកាពារឧ្យបាននូវសុខសន្តិភាព ដែលមិនអាចកាត់ថ្លៃបាន ទោះជាតម្លៃណាក៏ដោយ

 ព្រះវិហារ៖ នៅថ្ងៃទី២៩ ខែមករា ឆ្នាំ២០២១ លោក ប្រាក់ សុវណ្ណ អភិបាលនៃគណៈអភិបាលខេត្ត និងជាប្រធានគណៈបញ្ជាការ ឯកភាពរដ្ឋបាលខេត្តព្រះវិហារ អញ្ជើញជាអធិបតីភាព ក្នុងពិធីបិទវគ្គហ្វឹកហ្វឺនមុខវិជ្ជាយោធាច្បាប់ និងជំនាញវិជ្ជាជីវ: អាវុធហត្ថ ដល់នាយ នាយរង កងរាជអាវុធហត្ថខេត្តព្រះវិហារ ឆមាសទី១ ឆ្នាំ២០២១ ដោយមានការចូលរួមពីអភិបាលរងខេត្ត មេបញ្ជាការកងកម្លាំងទាំងបី ក្នុងខេត្ត ប្រធានមន្ទីរ អង្គភាពជុំវិញខេត្ត អភិបាលក្រុងព្រះវិហារ និងកងកម្លាំងកងរាជអាវុធហត្ថខេត្តជាច្រើនរូបនៅទីបញ្ជាការដ្ឋាន កងរាជអាវុធហត្ថខេត្តព្រះវិហារ។

មានប្រសាសន៍ក្នុងឱកាសនេះ លោកអភិបាលខេត្ត ផ្តាំផ្ញើរនិងសាកសួរសុខទុក្ខពីសំណាកលោកនាយករដ្ឋមន្រ្តី ហ៊ុន សែន និងលោកស្រីបណ្ឌិត ដែលជានិច្ចជាកាលសម្តេចទាំងទ្វេរតែងតែងតែគិតគូរយកចិត្តទុកដាក់បំផុតដល់កងកម្លាំងរបស់យើង តាមរយះការផ្គត់ផ្គង់សម្ភារៈជាតម្រូវការផ្សេងៗ សាងសង់លំនៅដ្ឋាន និងផ្តល់ដីសម្បទានសម្រាប់បង្កបង្កើនផល ជាច្រើននាពេលកន្លងមក ។ លោកអភិបាល បានថ្លែងការកោតសសើរ និងវាយតម្លៃខ្ពស់ពីការខិតខំបំពេញភារកិច្ច របស់កងរាជអាវុធហត្ថខេត្តក្នុងការបង្រ្កាបបទល្មើសនានាប្រកប ដោយប្រសិទ្ធភាពខ្ពស់ បន្ថែមពីនេះទៀត ក្រោមការដឹកនាំរបស់ នាយឧត្តមសេនីយ៍ សៅ សុខា តែងតែបន្តយកចិត្តទុកដាក់ខ្ពស់លើការងារហ្វឹកហ្វឺននេះ សំដៅធានាឲ្យកងកម្លាំងយើងមានសមត្ថភាពគ្រប់គ្រាន់ក្នុងការអនុវត្តកាព្វកិច្ចទទួលបានជោគជ័យជូនជាតិមាតុភូមិ។

នាឱកាសនោះផងដែរ លោក អំពាវនាវដល់កងកម្លាំងត្រូវកាពារឧ្យបាននូវសុខសន្តិភាព ដែលមិនអាចកាត់ថ្លៃបាន ទោះជាតម្លៃណាក៏ដោយ ការពារព្រះមហាក្ស ការពាររាជរដ្ឋាភិបាល ស្របច្បាប់ ដែលបានដឹកនាំកម្ពុជាទទួលបាននូវសុខសន្តិភាព ការអភិវឌ្ឍរុងរឿងតកូនចៅគ្រប់ជំនាន់តរៀងទៅ លើសពីនេះទៀតក្នុងនាមកងកម្លាំងត្រូវគោរពវិន័យ សាមគ្គីភាពផ្ទៃក្នុង គោរពបទបញ្ជាថ្នាក់លើ មានមនសិការជាតិ មានសីលធម៌ គុណធម៌ល្អ ជាពិសេសគោរពអនុវត្តនូវអភិក្រមទាំង៥ឲ្យខ្ជាប់ខ្ជួន គឺឆ្លុះកញ្ចក់ ងូតទឹក ដុសក្អែល ព្យាបាល និងវះកាត់

ក្នុងឱកាសនោះលោកអភិបាលខេត្តបាននាំយកនូវសម្ភារមួយចំនួនរួមមានទឹកសុទ្ធ២០កេស ភេសជ្ជះ ២០កេស និងថវិកា២លានរៀលជូនកងកម្លាំហ្វឹកហ្វឺនផងដែរ៕