រដ្ឋបាលខេត្តកោះកុង ចូលរួមកិច្ចប្រជុំប្រចាំឆ្នាំរបស់បណ្តាញរដ្ឋបាលមូលដ្ឋាន ដើម្បីការអភិវឌ្ឍតំបន់ឆ្នេរប្រកបដោយចីរភាព

កោះកុង៖ នៅថ្ងៃទី២៤ ខែវិច្ឆិកា ឆ្នាំ២០២០ លោក អ៊ុក ភ័ក្ត្រា អភិបាលរងខេត្តកោះកុង និងជាតំណាងលោកស្រីអភិបាលខេត្ត បានចូលរួមកិច្ចប្រជុំប្រចាំឆ្នាំរបស់បណ្តាញរដ្ឋបាលមូលដ្ឋាន ដើម្បីការអភិវឌ្ឍតំបន់ឆ្នេរប្រកបដោយចីរភាព (PNLG Forum 2020) តាមរយៈវីដេអូអនឡាញ។

នៅក្នុងកិច្ចប្រជុំនេះ មានការចូលរួមពីបណ្តាប្រទេសអាស៊ីបូព៌ា ដែលជាសមាជិក អ្នកសិក្សាស្រាវជ្រាវ និងអង្គការដៃគូផ្នែកបរិស្ថាន ដើម្បីបង្ហាញ និងចែករំលែកបទពិសោធន៍ជោគជ័យនៃការគ្រប់គ្រងតំបន់ឆ្នេរ និងសមុទ្រ ក្នុងគោលដៅចូលរួមអនុវត្តចក្ខុវិស័យរួមមួយ "សុខុមាលភាពសមុទ្រ និងប្រជាពលរដ្ឋ"។

សូមជម្រាបថា រដ្ឋបាលខេត្តកោះកុង បានចូលជាសមាជិក PNLG នេះ នៅឆ្នាំ២០១៦ និងបានពង្រឹង និងពង្រីកការគ្រប់គ្រងតំបន់ឆ្នេរតាមបែបសមាហរណកម្ម (Integrated Coastal Management) របស់ខ្លួន យ៉ាងល្អប្រសើរ តាមរយៈការដាក់ចេញនូវយុទ្ធសាស្ត្រតំបន់ឆ្នេរខេត្តកោះកុង សេចក្តីព្រាងរបាយការណ៍ស្ថានភាពតំបន់ឆ្នេរខេត្តកោះកុង ការបញ្ជ្រាបការយ់ដឹងអំពីគណៈកម្មាធិការគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជាខេត្តកោះកុង និងការអភិវឌ្ឍសមត្ថភាពមន្ត្រីបច្ចេកទេស និងប្រជាពលរដ្ឋនៅមូលដ្ឋានជាដើម៕