ពិធីសម្ពោធដាក់នូវឧបករណ៍លំហាត់ប្រាណចំនួន ២៦ គ្រឿង នៅសួនច្បារមុខសាលាខេត្ត ដើម្បីជួយសម្រួលដល់សុខភាពប្រជាពលរដ្ឋ

 កោះកុង៖ នៅថ្ងៃទី២ ខែកញ្ញា ឆ្នាំ២០២០ លោកស្រី មិថុនា ភូថង អភិបាលនៃគណៈអភិបាលខេត្តកោះកុង និងស្វាមី បានអញ្ជើញបើកសម្ពោធដាក់នូវឧបករណ៍លំហាត់ប្រាណចំនួន ២៦ គ្រឿង នៅសួនច្បារមុខសាលាខេត្ត ដើម្បីជួយសម្រួលដល់សុខភាពប្រជាពលរដ្ឋ។

លោកស្រីអភិបាលខេត្ត បានលើកឡើងថា ឧបករណ៍លំហាត់ប្រាណ ចំនួន ២៦ គ្រឿង ជាអំណោយ របស់លោកវេជ្ជបណ្ឌិត ទៅ ម៉ឹង ប្រធានមន្ទីរសុខាភិបាលខេត្ត និងលោក ម៉ា ទី មន្ត្រីកងរាជអាវុធហត្ថខេត្តកោះកុង និងសប្បុរសជន សម្រាប់ដាក់នៅសួនច្បារមុខសាលាខេត្ត គឺទុកសម្រាប់បងប្អូនធ្វើលំហាត់ប្រាណ ជួយសម្រួល ដល់សុខភាពប្រជាពលរដ្ឋ។

ជាមួយគ្នានេះផងដែរ លោកស្រីអភិបាលខេត្ត ក៏បានស្នើសុំបងប្អូនប្រជាពលរដ្ឋការពារជម្ងឺឆ្លងផ្សេងៗ ជាពិសេសការពារជម្ងឺកូវីដ-១៩។ សូមឲ្យបងប្អូនប្រជាពលរដ្ឋចូលរួមហាត់ប្រាណទាំងអស់គ្នា និងសូមជួយថែរក្សាឧបករណ៍ហាត់ប្រាណទាំងអស់នេះឲ្យល្អដើម្បីសុខភាពយើងគ្រប់ៗគ្នា៕