លោកឧបនាយករដ្ឋមន្ត្រី ទៀ បាញ់៖ សូមបងប្អូនកងទ័ព និងប្រជាពលរដ្ឋប្រុងប្រយ័ត្នអោយបានខ្ពស់ចំពោះព័ត៌មានក្លែងក្លាយដែលផ្សព្វផ្សាយក្នុងចេតនាទុច្ចរិត

នៅថ្ងៃទី១៧ ខែមេសា ឆ្នាំ២០២០ តាមរយៈបណ្តាញផ្សព្វផ្សាយសង្គមរបស់ខ្លួន លោកឧបនាយករដ្ឋមន្ត្រី ទៀ បាញ់ រដ្ឋមន្ត្រីក្រសួងការពារជាតិ បានបញ្ជាក់ថា ដេីម្បីប្រយុទ្ធប្រឆាំងជាមួយនឹងមេរោគCOVID-19 សូមបងប្អូនកងទ័ព និងប្រជាពលរដ្ឋប្រុងប្រយ័ត្នអោយបានខ្ពស់ចំពោះព័ត៌មានក្លែងក្លាយដែលផ្សព្វផ្សាយក្នុងចេតនាទុច្ចរិតណាមួយរបស់ពួកគេ។

លោកឧបនាយករដ្ឋមន្ត្រី ទៀ បាញ់ ក៏បានអំពាវនាវឱ្យតាមដានព័ត៌មានអំពីការណែនាំ និងវិធានការការពារនានារបស់ក្រសួងសុខាភិបាល ជាពិសេសបន្តចូលរួមគាំទ្រឱ្យអស់ពីកម្លាំងកាយចិត្តដល់រាជរដ្ឋាភិបាលរបស់យើង ដែលដឹកនាំដោយលោក ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដើម្បីប្រយុទ្ធប្រឆាំងជាមួយនឹងមេរោគ COVID-19 នេះ៕