គំរោងជួសជុលកំណាត់ផ្លូវជាតិលេខ៥ ក្រាលកៅស៊ូ DBST ក្នុងក្រុងកំពង់ឆ្នាំងសម្រេចបាន ៤០% ហើយ

កំពង់ឆ្នាំង៖ លោក កែវ ពៅ ប្រធានមន្ទីសាធារណការ និងដឹកជញ្ជូនខេត្តកំពង់ឆ្នាំង បានអោយដឹងនៅល្ងាចថ្ងៃទី១០ ខែមេសា ឆ្នាំ២០១៩ នេះថាការជួសជុលកំណាត់ជាតិលេខ៥ ផ្លូវក្រាលកៅស៊ូ DBST ក្នុងសង្កាត់កំពង់ឆ្នាំង ក្រុងកំពង់ឆ្នាំង ប្រវែង១៥០០ម៉ែត្រ ទទឹង ១១ម៉ែត្រ ដែលរងការខូចខាត ដោយជំនន់ទឹកភ្លៀងកន្លងមកដើម្បីអោយប្រជាពលរដ្ឋធ្វើដំណើរដោយសុវត្ថិភាពកែលំអរសោភ័ណភាព បញ្ជៀសគ្រោះថ្នាក់ចរាចរណ៍ ក្នុងក្រុងកំពង់ឆ្នាំងគិតត្រឹមថ្ងៃទី១០ខែមេសា ឆ្នាំ២០១៩ សម្រេចបាន៤០%ហើយ ។

លោក កែវ ពៅ បានអោយដឹងទៀតថា ថវិកាដែលយកមកជួសជុល គឺជាថវិកា របស់ក្រសួងអនុវត្តគំរោងដោយមន្ទីរសាធារណការ និងដឹកជញ្ជូនខេត្តកំពង់ឆ្នាំង ត្រូវបានការសហការ និងអបអរសាទរពីប្រជាពលរដ្ឋដោយអនុវត្តទៅបានដោយរលូន។

លោក កែវ ពៅ ក៏បានអំពាវនាវដល់ប្រជាពលរដ្ឋ ដែលមានទីលំនៅសងខាងផ្លូវ និងអ្នកធ្វើដំណើរសូមនមេត្តាមានការយោគយល់ ផលប៉ះពាល់មួយចំនួននៅក្នុងពេលជួសជុលផ្លូវនេះផងដែរ ។