លោក គង់ គាំ អតីតប្រធានគណបក្សសមរង្ស៊ី និងជាមនុស្សជំនិតរបស់ទណ្ឌិត សម រង្ស៊ី និងបច្ចុប្បន្នជាប្រធានកិត្តិយសគណបក្សឆន្ទៈខ្មែរ បានលើកឡើងអំពីគោលការណ៍ចំនួន ៥ចំណុច ដែលសុទ្ធតែជាគោលការណ៍កុហក និងបំផ្លាញទាំងអស់របស់លោក សម រង្ស៊ី។ ជាងនេះទៅទៀត លោកថា គឺគ្មានដាច់ខាតចំពោះការស្នើសុំលើកលែងទោសលើកទីបីឲ្យទណ្ឌិត សម រង្ស៊ី ព្រោះមានការប្តេជ្ញាច្បាស់លាស់រួចហើយ។
លោក គង់ គាំ អតីត ប្រធានកិត្តិយសគណបក្សឆន្ទៈខ្មែរ នៅរសៀលថ្ងៃទី២ ខែកុម្ភៈ ឆ្នាំ២០១៩នេះ បានសរសេរនៅក្នុងផេកហ្វេសប៊ុករបស់លោកឲ្យដឹងថា គោលការណ៍ ឬយុទ្ធសាស្ត្រ ៥ចំណុចរបស់ប្រធានស្តីទីនៃ (មួយចំហៀង CNRP រលាយ) គឺជាអំពើបំពានសីលប្រាំ៖ ១- កុហកបោកប្រាស់, ២- ការពារនីទណ្ឌភាព, ៣- បំផ្លាញអនាគតអ្នកប្រជាធិបតេយ្យ, ៤-សន្និដ្ឋិភាព យកបរទេសចោលខ្មែរ និង ៥- ស្រវឹង វង្វេងយកខ្មៅជាស។
លោក គង់ គាំ ទស្សន៍ទាយថា ដាច់ខាតគ្មានការស្នើសុំលើកលែងទោសលើកទីបីឲ្យទណ្ឌិត សម រង្ស៊ី ព្រោះមានការប្តេជ្ញាច្បាស់លាស់រួចហើយ។ លោកសង្ឃឹម និងជឿជាក់យ៉ាងមុតមាំថា រដ្ឋសភានីតិកាលទី៦ រាជរដ្ឋាភិបាលអាណត្តិទី៦ ដំណើរការជាធម្មតាដល់ទីបញ្ចប់។
ទន្ទឹមគ្នានេះលោក គង់ គាំ ទស្សន៍ទាយថា ពិតជាគ្មាន CNRP ជាថ្មីវិញ និងគ្មានអតីតអ្នកនយោបាយសំខាន់ៗ (ក្រុមមនុស្សប្រឡាំងកាស) អាចមានវត្តមាន ឬបង្កើតគណបក្សនយោបាយថ្មី ដែលឆ្លើយតបដល់ការជឿទុកចិត្តរបស់ប្រជាពលរដ្ឋខ្មែរដូចកន្លងមកបានឡើយ៕
No comments:
Post a Comment