ស្ពានជ្រោយចង្វារទី១ គ្រោងដាក់ឱ្យដំណើរការនៅមុនបុណ្យចូលឆ្នាំខ្មែរខាងមុខនេះ

យោងតាមការបង្ហោះផ្សាយ នៅក្នុងទំព័រហ្វេសប៊ុករបស់រដ្ឋបាលរាជធានីភ្នំពេញនៅថ្ងៃទី២ ខែកុម្ភៈ ឆ្នាំ២០១៩ កន្លងទៅថ្មីៗនេះ បានឱ្យដឹងថា ការដ្ឋានស្ពានជ្រោយចង្វារ មិត្តភាពកម្ពុជា-ជប៉ុន សម្រេចបាន ៩៣% ហើយគ្រោងដាក់ឱ្យដំណើរការនៅបុណ្យចូលឆ្នាំថ្មី ប្រពៃណីជាតិខ្មែរខាងមុខនេះ។

សូមបញ្ជាក់ថា ស្ពានជ្រោយចង្វារទី១ ត្រូវបានផ្អាកដំណើរឆ្លងកាត់ និងជួសជុលឡើងវិញកាលពីអំឡុងខែតុលា ឆ្នាំ២០១៧ បន្ទាប់ពីស្ពានដែលសាងសង់ឡើង ក្រោមជំនួយរដ្ឋាភិបាលជប៉ុន នាអំឡុងឆ្នាំ១៩៦៦មួយនេះ មានសភាពទ្រុធទ្រោមខ្លាំង។ ការជួសជុលស្តារទ្បើងវិញនេះ ត្រូវបានគាំទ្រដោយហិរញ្ញប្បទានឥតសំណងរបស់រដ្ឋាភិបាលជប៉ុន ក្នុងទឹកប្រាក់ប្រមាណជា ៣៣លានដុល្លារអាមេរិក៕