ភ្នំពេញ៖ សមាជិក សមាជិកា គណបក្សប្រជាជនកម្ពុជា នៅក្នុងរាជធានីភ្នំពេញ ប្រមាណជាង៥ម៉ឺននាក់ បានមកជួបជុំគ្នាយ៉ាងអធិកអធម នៅមុខសាលមហោស្រពកោះពេជ្រ រាជធានីភ្នំពេញ នាព្រឹកថ្ងៃទី៧កក្កដា ដើម្បីប្រារព្ធមិទ្ទិញអបអរសាទរខួបលើកទី៦៧ នៃថ្ងៃបង្កើតគណបក្សប្រជាជនកម្ពុជា (២៨មិថុនា ១៩៥១ – ២៨មិថុនា ២០១៨) និងបើកយុទ្ធនាការឃោសនាបោះឆ្នោតជ្រើសតាំងតំណាងរាស្ត្រនីតិកាលទី៦នៃរដ្ឋសភា ខណៈដែលបណ្តាគណបក្សចំនួន១៩ផ្សេងទៀត ក៏បានបើកយុទ្ធនាការដូចគ្នានេះផងដែរ។
ព្រឹត្តិការណ៍ជាប្រវត្តិសាស្ត្រនេះ
ត្រូវបានប្រារព្ធក្រោមអធិបតីភាពដ៏ខ្ពង់ខ្ពស់
សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា
និងសម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុន សែន ,
សម្តេចអគ្គមហាពញាចក្រី ហេង សំរិន ប្រធានកិត្តិយសគណបក្ស
និងលោកជំទាវ ព្រមទាំងវត្តមាន សម្តេចអនុប្រធានគណបក្ស ,ឯកឧត្តម
លោកជំទាវ ជាសមាជិកអចិន្ត្រៃយ៍
គណៈកម្មាធិការកណ្តាលគណបក្សមួយចំនួនទៀត ។
ជាមួយនឹងមោទនភាព
នៃជោគជ័យ និងការគោរពដឹងគុណដល់ស្នាព្រះហស្ថ
អតីតព្រះមហាក្សត្រ សម្តេចឪ សម្តេចម៉ែ និងព្រះមហាក្សត្រ
ព្រមជាមួយនឹងការគោរពដឹងគុណដ៏ជ្រាលជ្រៅ ចំពោះ វីរៈកម្មាភិបាល
យុទ្ធជន យុទ្ធនារី អ្នកស្នេហាជាតិ ដែលបានលះបង់សាច់ស្រស់ឈាមស្រស់
ធ្វើពលិកម្មនៅក្នុងបុព្វហេតុជាតិមាតុភូមិ
ហើយនៅលើកំណាត់ផ្លូវដ៏វែងឆ្ងាយ ក្នុងការរំដោះជាតិ មាតុភូមិ
គណបក្សប្រជាជនបានការពារ
ទប់ស្កាត់មិនឱ្យរបបប្រល័យពូជសាសន៍វិលត្រឡប់មកវិញ
,បានស្តារអភិវឌ្ឍធ្វើឱ្យប្រទេសជាតិ រក្សាបានសន្តិភាព ស្ថេរភាព
សន្តិសុខ សណ្តាប់ធ្នាប់សង្គម រក្សាបាននូវការឯកភាពជាតិ
ឯកភាពទឹកដី និងលើកស្ទួយកិត្តិនាមជាតិបានខ្ពស់ត្រដែត
ទាំងនៅលើក្របខណ្ឌតំបន់ និង អន្តរជាតិ
ព្រមជាមួយនឹងដំណើរការបោះឆ្នោតដោយជោគជ័យ
ទោះបីមានមជ្ឈដ្ឋានអគតិមួយចំនួនតែងតែបង្កការរំខាន ញុះញង់
បង្កអស្ថេរភាព សន្តិសុខ សណ្តាប់ធ្នាប់សង្គមយ៉ាងណាក៏ដោយ ហើយចលនា
នៃបដិវត្តពណ៌ ដែលមានបរទេសនៅពីក្រោយ ក៏ត្រូវបានការពារ
ទប់ស្កាត់បានទាន់ពេលវេលា,
ខឿនការពារជាតិត្រូវបានការពារយ៉ាងរឹងមាំ, បញ្ហាសិទ្ធិមនុស្ស
,សិទ្ធិសេរីភាព ស្ថេរភាព សន្តិសុខ សណ្តាប់ធ្នាប់សាធារណៈ
ត្រូវបានលើកកំពស់យ៉ាងល្អប្រសើរឡើង ។ ជាងនេះទៀត
ការកែទម្រង់នានា គឺអនុវត្តបានយ៉ាងល្អប្រសើរ
រាប់ទាំងការគិតគូរដល់គោលនយោបាយគាំពារសង្គម ជូនទៅដល់កម្មករ
និយោជិត ហើយចំណូល របស់កសិករ កម្មករ អាជីវករ
ក៏កាន់តែត្រូវបានលើកកំពស់។
តាមរយៈសមិទ្ធផលជាច្រើនខាងលើ
គឺបានឆ្លុះបញ្ចាំងឱ្យឃើញថា គណបក្សប្រជាជនកម្ពុជា
បានធ្វើដំណើរនៅលើផ្លូវដ៏ត្រឹមត្រូវ
ដែលមានការចូលរួមពីប្រជាជន
និងការចូលរួមជួយគាំទ្រដោយស្មោះសពីមិត្តភក្តិបរទេស
ស្របតាមគោលនយោបាយដឹកនាំដ៏ត្រឹមត្រូវរបស់គណបក្សប្រជាជនកម្ពុជា។
ឆ្លៀតឱកាសដ៏ថ្លៃថ្លានេះ
សម្តេចតេជោប្រមុខគណបក្សប្រជាជនបានថ្លែងថា
បើពិនិត្យមើលកាលពីជាង២ទសវត្សមុន កម្ពុជា
ជាប្រទេសដែលមានទាហ៊ានមួកខៀវ ចូលមកជួយរៀបចំពីការបែកបាក់
ហែកហួរគ្នា ប៉ុន្តែកម្ពុជាបច្ចុប្បន្ន
បានក្លាយជាប្រទេសដែលបានបញ្ជូនទាហ៊ានមួកខៀវរបស់ខ្លួន
ទៅជួយដល់ប្រទេសគេវិញ
និងជាប្រទេសដែលកំពុងដើរតួនាទីយ៉ាងសកម្ម ស្មើមុខ ស្មើមាត់
ស្មើសិទ្ធិ ជាមួយនឹងបណ្តាប្រទេសនៅក្នុងតំបន់ និងលើសកលលោក
ជាប្រទេសដែលសម្រេចបាននូវវឌ្ឍនភាពយ៉ាងល្អប្រសើរ
បានប្រែក្លាយពីប្រទេសដែលមានចំណូលទាប
មកជាប្រទេសដែលមានចំណូលមធ្យមកំរិតទាប
និងកំពុងធ្វើដំណើរទៅកាន់ប្រទេសដែលមានចំណូលមធ្យមកំរិតខ្ពស់នៅ
ឆ្នាំ២០៣០ និងជាប្រទេសមានចំណូលខ្ពស់នៅឆ្នាំ២០៥០។
ក្នុងន័យនេះ
សម្តេចថា
ការបោះឆ្នោតជ្រើសតាំងតំណាងរាស្ត្រនីតិកាលទី៦នៃរដ្ឋសភា
នៅថ្ងៃទី២៩កក្កដាខាងមុខនេះ ជាព្រឹត្តិការណ៍ប្រវត្តិសាស្ត្រ,
ជាការកំណត់នូវជោគវាសនា របស់ប្រទេសជាតិជាបន្តទៀត។
ដូច្នេះបើការសម្រេចចិត្តខុសនឹងធ្វើឱ្យប្រទេសជាតិរបស់យើង
ដើរថយក្រោយ ហើយសម្តេចថា បើស្រឡាញ់សន្តិភាព និងការអភិវឌ្ឍ
សូមបោះឆ្នោតជូនគណបក្សប្រជាជនកម្ពុជា។
សម្តេចក៏បានប្រកាសអំពីគោលនយោបាយចំនួន១១ចំណុច
របស់គណបក្សប្រជាជនកម្ពុជា សម្រាប់នីតិកាលទី៦ នៃរដ្ឋសភា ជាពិសេស
ការការពារឯករាជ្យ អធិបតេយ្យ បូរណភាពទឹកដី សន្តិភាព
និងសន្តិសុខរបស់ជាតិឱ្យរឹងមាំ
ស្ថិតស្ថេរគង់វង្ស,អភិវឌ្ឍសេដ្ឋកិច្ចឱ្យសម្រេចបានកំណើនក្នុងរង្វង់៧%
ក្នុង១ឆ្នាំ ប្រកបដោយចីរភាព, ការមិនយកពន្ធលើដីកសិកម្ម
របស់កសិករ,ការតម្លើងប្រាក់ឈ្នួលប្រចាំខែរបស់កម្មករ និយោជិត
បូកនឹងប្រាក់អត្ថប្រយោជន៍ផ្សេងៗទៀត,
ការតម្លើងប្រាក់បៀវត្សជូនមន្ត្រីរាជការ
កងកម្លាំងប្រដាប់អាវុធគ្រប់ប្រភេទ
និងបង្កើនប្រាក់សោធនសម្រាប់និវត្តជន និងអតីតយុទ្ធជន
ហើយចំពោះការបើកប្រាក់បៀវត្សនេះ សម្តេចក៏បញ្ជាក់ថា
ក្នុងអាណត្តិទី៥នេះ ការបើកប្រាក់បៀវត្ស
គឺធ្វើឡើងក្នុងរង្វង់ថ្ងៃ២៧ ឬ២៨ មុនដំណាច់ខែ
ប៉ុន្តែបើសិនជាគណបក្សប្រជាជនកម្ពុជា
បន្តជាប់ឆ្នោតនៅក្នុងនីតិកាលទី៦បន្តទៀត នោះការបើកប្រាក់បៀវត្ស
ទាំងវិស័យរដ្ឋ និងឯកជន នឹងអនុញ្ញាតឱ្យបើក២សប្តាហ៍ម្តង
ព្រមជាមួយនឹងគោលនយោបាយថ្មីៗដទៃទៀត
ដូចជាការអនុញ្ញាតឱ្យអាជីវករ លក់ដូរតាមផ្សារលើទីតាំង ដីរដ្ឋ
អាចផ្ទេរសិទ្ធិកាន់កាប់ ប្រើប្រាស់ និងអាស្រ័យផលទៅកូន ចៅ
ឬអ្នកដទៃបាន ដោយពុំមានកំណត់អាណត្តិ,
យុវជនគ្រប់រូបមានឱកាសក្នុងការអប់រំបង្កើតឱកាសការងារ
និងប្រាក់ចំណូលបន្ថែមទៀតដល់យុវវ័យ ,
ការអភិវឌ្ឍនិងពង្រីកប្រព័ន្ធគាំពារសង្គមប្រកបដោយប្រសិទ្ធភាពនិងចីរភាពពង្រីកការផ្គត់ផ្គង់អគ្គិសនី
ពីបណ្តាញជាតិឱ្យដល់ភូមិទាំងអស់នៅឆ្នាំ២០២០ និង
បញ្ចុះតម្លៃអគ្គិសនី ដែលនឹងផ្តល់នូវផលប្រយោជន៍កាន់តែប្រសើរ
ដល់ជីវភាពរបស់នៅរបស់ប្រជាជន ,ការផ្តល់សេវាសាធារណៈនៅគ្រប់ថ្នាក់
ជូនប្រជាជនប្រកបដោយគុណភាព តម្លាភាព ប្រសិទ្ធភាពនិងងាយស្រួល
រក្សាសុវត្តិភាព ឃុំ សង្កាត់ឱ្យបានល្អ និងរឹងមាំ ។
អង្គពិធីក៏បានបញ្ចប់ដោយការលែងព្រាប
បង្ហោះប៉េងប៉ោង និង បំបែកដង្ហែក្បួនឃោសនា
ទៅតាមគោលដៅនីមួយៗខណ្ឌ សង្កាត់ នីមួយៗដែលបានគ្រោងទុក
អមដោយចម្រៀងកំដរ យ៉ាងអធិកអធម។
នៅក្នុងឱកាសដ៏វិសេសវិសាលនេះ
សមាជិក សមាជិកា នៃគណបក្សប្រជាជនកម្ពុជា
សុទ្ធតែបានសំដែងការរីករាយ ពេញចិត្តយ៉ាងខ្លាំងចំពោះការដឹកនាំ
ដ៏ត្រឹមត្រូវ ជាពិសេសគោលនយោបាយរបស់គណបក្សប្រជាជនកម្ពុជា
ដែលបាននាំមកនូវសេចក្តីសុខសាន និងការអភិវឌ្ឍ ដល់សង្គមជាតិ៕
No comments:
Post a Comment