លោកនាយករដ្ឋមន្ត្រី ហ៊ុន សែន ៖ ជាលើកដំបូងនៅក្នុងប្រវត្តិសាស្រ្តដែលកម្ពុជាមានមានប្រទេសតែមួយ តំបន់ត្រួតត្រាតែមួយ(មានវីដេអូ)

ក្នុងឱកាសអញ្ជើញសម្ពោធដាក់ឲ្យប្រើប្រាស់នូវហេដ្ឋារចនាសម្ព័ន្ធ អាគារហ្វឹកហ្វឺនជំនាញចារកម្ម និងបុកគ្រឹះសាងសង់សាលប្រជុំ នៃអគ្គនាយកដ្ឋានស្រាវជ្រាវ ចារកិច្ច នាព្រឹកថ្ងៃអង្គារ៍ ៩រោច ខែមិគសិរ ឆ្នាំរកា ព.ស ២៥៦១ ត្រូវនឹងថ្ងៃទី១២ ខែធ្នូ ឆ្នាំ២០១៧ លោកនាយករដ្ឋមន្រ្តី ហ៊ុន សែន បានថ្លែងថា«ជាលើកតំបូងនៅក្នុងប្រវត្តិសាស្រ្តដែលកម្ពុជាមានមានប្រទេសតែមួយ តំបន់ត្រួតត្រាតែមួយ»។

ក្នុងពេលជាមួយគ្នានោះលោកនាយករដ្ឋមន្ត្រីក៏បានបញ្ជក់ យ៉ាងដូច្នេះថា «ប្រទេស១ដំបន់ត្រួតត្រា៤ មិនមែនជារឿងសុខស្រួលសម្រាប់ប្រជាជនយើងនោះទេ។ នយោបាយឈ្នះ-ឈ្នះ យើងបានអនុវត្តដោយជោគជ័យដែលនាំមកនូវប្រទេសជាតិរបស់យើង មានប្រទេសតែមួយ តំបន់ត្រួតត្រាតែមួយ ដែលជាលើកតំបូងនៅក្នុងប្រវត្តិសាស្រ្ត បើមិនរាប់រយឆ្នាំទេ ក៏រាប់សិបឆ្នាំដែរ ដែលប្រទេសកម្ពុជាមានប្រទេសតែមួយ មានតំបន់ត្រួតត្រាច្រើន។

គួររំលឹកផងដែរថា ក្រោយរំដោះប្រទេសចេញពីរបបប្រល័យពូជសាសន៍ ប៉ុល ពត ឆ្នាំ១៩៧៩ កម្ពុជា មិនទាន់មានឯកភាពជាតែមួយនៅឡើយ គឺប្រទេសកម្ពុជាមានតំបន់ត្រួតត្រា៤ ធ្វើសង្រ្គាមប្រឆាំងគ្នាមិនចេះចប់។