លោក ហ៊ុន សែន នាយករដ្ឋមន្ត្រីកម្ពុជា បានផ្តល់អនុសាសន៍អោយសមាគមគ្រឹះស្ថានឧត្តមសិក្សាកម្ពុជាថា ត្រូវចេះសាមគីគ្នា និងកុំបង្កជាបញ្ហានៅក្នុងសង្គម និងត្រូវខិត ខំបំពេញបេសកម្មរបស់ខ្លួនអោយបានពេញលេញ។
ប្រមុខរាជរដ្ឋាភិបាលកម្ពុជាលោក ហ៊ុន សែន បានផ្តល់អនុសាសន៍មួយចំនួនទៅអោយគ្រឹះស្ថានឧត្តមសិក្សាកម្ពុជាថា ត្រូវចេះសាមគីគ្នា កុំបែកបាក់ និងកុំបង្កជាបញ្ហានៅក្នុងសង្គម។ លោក ហ៊ុន សែន មានប្រសាសន៍ដូចនេះ នៅពេលដែលសមាគមគ្រឹះស្ថានឧត្តមសិក្សាកម្ពុជា ចូលជូបសម្តែងការគួសម និងទទូលអនុសាសន៍ពីលោក នារសៀលថ្ងៃទី១៥ ខែធ្នូ ឆ្នាំ២០១៦ នៅវិមានសន្តិភាព។
លោកនាយករដ្ឋមន្ត្រី ហ៊ុន សែន បានអោយសមាគមន៍ធ្វើការជូបប្រជុំគ្នាជាប្រចាំផងដែរ ដើម្បីធ្វើយ៉ាងណាដោះស្រាយបញ្ហាដែលអាចនឹងកើតមានឡើង ដើម្បីចូលរួមអភិវឌ្ឍវិស័យធនធានមនុស្សនៅកម្ពុជា ហើយលោកនាយករដ្ឋមន្ត្រីបានសន្យាថា នឹងជូបជាមួយសមាគមននេះ រៀងរាល់មួយឆ្នាំម្តងផងដែរ។
ក្នុងឱកាសនោះលោក ក៏បានណែនាំអោយក្រសួងអប់រំ និងក្រសួងសុខាភិ ដោយធ្វើយ៉ាងណាសហការគ្នាបង្កើតច្រកចេញចូលតែមួយ ក្នុងការសំរួលបែបបទក្នុងការជូយជំរុញការអភិវឌ្ឍធនធានមនុស្ស។
ក្រៅពីនោះលោក ហ៊ុន សែន ក៏បានផ្តល់អនុសាសន៍អោយសមាគមបំពេញនូវបេសកម្មរបស់ខ្លួនអោយបានហ្មត់ចត់ ដើម្បីធ្វើយ៉ាងណាអោយមានគុណភាពនៅក្នុងវិស័យអប់រំ និងជូយបំផុសអោយយុវជនចូលរៀប បំប៉នធនធានមនុស្ស ចំណេះដឹង ចំណេះធ្វើប្រកបដោយសីលធម៌ និងគុណធម៌។
ជាការឆ្លើយតប ប្រធានក្រុមប្រឹក្សាភិបាលសមាគមគ្រឹះស្ថានឧត្តមសិក្សាកម្ពុជា ដែលដឹកនាំដោយលោក ហេង វ៉ាន់ដា បានជម្រាបប្រាប់លោកនាយករដ្ឋមន្ត្រី ហ៊ុន សែន ថា ក៏ដូចជាសមាគម បានខិតខំបំពេញនូវបេសកម្មរបស់ខ្លួនជាច្រើន ក្នុងន័យលើកកម្ពស់គុណភាពសិក្សារបស់សិស្ស និស្សិត ពង្រឹងគុណភាពគ្រូបង្រៀននៅគ្រប់កម្រិត និងនិរន្តភាពស្ថាប័នស្របតាមអនុសាសន៍របស់លោក។
ជាមួយគ្នានេះដែរ សមាគមក្រៅពីសកម្មភាពមនុស្សធម៌ផ្សេងៗ ក៏បានអញ្ជើញវាគ្មិនសំខាន់ៗ ទាំងជាតិ និងអន្តរជាតិ មកធ្វើបទបង្ហាញទៅតាមផ្នែកផ្សេងៗ ក្នុងគោលបំណងស្វែងយល់អោយបានច្បាស់លាស់ ពីទិដ្ឋភាពដែលទាក់ទងទៅនឹងស្ថានភាពវិស័យអប់រំ៕
ជាមួយគ្នានេះដែរ សមាគមក្រៅពីសកម្មភាពមនុស្សធម៌ផ្សេងៗ ក៏បានអញ្ជើញវាគ្មិនសំខាន់ៗ ទាំងជាតិ និងអន្តរជាតិ មកធ្វើបទបង្ហាញទៅតាមផ្នែកផ្សេងៗ ក្នុងគោលបំណងស្វែងយល់អោយបានច្បាស់លាស់ ពីទិដ្ឋភាពដែលទាក់ទងទៅនឹងស្ថានភាពវិស័យអប់រំ៕
No comments:
Post a Comment