សម្ដេចតេជោ ហ៊ុន​ សែន ៖ ការប្រារព្វពិធីបុណ្យអុំទូកបានបញ្ចប់ដោយជោគជ័យ

នៅថ្ងៃទី ១៦ ខែ វិច្ឆិកា ឆ្នាំ ២០១៦ បន្ទាប់ពីព្រះរាជពិធីបុណ្យអុំទូក បណ្តែតប្រទីប អកអំបុក និងសំពះព្រះខែ មានរយៈពេល៣ថ្ងៃបានបញ្ចប់ដោយជោគជ័យរួចមក នៅក្នុងផេក  Samdech Hun Sen, Cambodian Prime Minister បញ្ជាក់ថា ព្រះរាជពិធីបុណ្យអុំទូក បណ្តែតប្រទីប អកអំបុក និងសំពះព្រះខែ មានរយៈពេល៣ថ្ងៃ បានបញ្ចប់ ដោយជោគជ័យកាលពីម្សិលមិញគឺ (១៣វិច្ឆិកា -១៥វិច្ឆិកា ២០១៦) គឺបានបង្ហាញអោយយុវជនកម្ពុជាក៏ដូចជាទេសចរណ៍បរទេសបានស្គាល់នូវវប្បធម៍ ទំនៀមទម្លាប់ប្រពៃណីដ៏ល្អផូរផង់របស់ជាតិយើង។

ប្រជាពលរដ្ឋមកពីគ្រប់ទិសទីបានសប្បាយរីករាយ និងមានមោទនៈភាពបំផុតចំពោះការរីកចម្រើនរបស់ ប្រទេសយើងសព្វថ្ងៃនៅក្រោមការដឹកនាំប្រកបដោយគតិបណ្ឌិត និងជោគជ័យរបស់សម្តេចតេជោហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងនៅក្រោមម្លប់ដ៏ត្រជាក់ត្រជុំបំផុតនៃ ព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា។

មានសន្តិភាពទើបមានការអភិវឌ្ឍ ហើយមានការអភិវឌ្ឍទើបធ្វើអោយប្រទេសជាតិយើងរីកចម្រើនជឿនលឿនទៅមុខដែលផ្តល់ឱកាសគ្រប់យ៉ាងដល់ប្រជាពលរដ្ឋបានកសាងសង្គមគ្រួសារ អោយកាន់តែរីកចម្រើនទៅព្រមគ្នា កម្ពុជាត្រូវតែមានសន្តិភាពជានិច្ចនិរន្តរ៍៕