តាមរយៈអត្ថបទមួយចុះផ្សាយនៅថ្ងៃទី២៣
ខែឧសភា ឆ្នាំ២០១៦ របស់សារព័ត៌មាន VOD ដែលគេដឹងថា បំរើផ្កាប់មុខឲ្យគណបក្សប្រឆាំង
និងក្បត់វិជ្ជាជីវៈរបស់ខ្លួនជាសារព័ត៌មានឯករាជ្យនោះ បានបង្ហោះខ្លឹមសារបំភ័ន្តសាធារណៈមតិថ្មីមួយទៀត
តាមរយៈផលិតជាអត្ថបទមួយដោយ VOD ខ្លួនឯង ហើយបន្លំគេថា ជាលិខិតមិត្តអ្នកអាន
ដោយដាក់ចំណងជើងថា ៖ យុទ្ធនាការឈុតខ្មៅខ្លាំងត្រង់ដឹកនាំដោយគ្មានអ្នកដឹកនាំ។
បន្ទាប់ពីមានការចុះផ្សាយនូវលិខិតបំពុលនោះមក
ភ្លាមៗ មានក្រុមអ្នកវិភាគមួយដែលដាក់ឈ្មោះថា អ្នកវិភាគតុកាហ្វេ បានបកស្រាយបំភ្លឺតបទៅនឹងការចុះផ្សាយនោះ
ដោយក្រុមអ្នកវិភាគតុកាហ្វេ បានពន្យល់ថា៖
សូមកុំបន្តបំភាន់គេថា ក្រុមអាវខ្មៅគ្មានការដឹកនាំទៀតទៅ!
ខ្លឹមសារទាំងស្រុងរបស់ក្រុមអ្នកវិភាគតុកាហ្វេ
បានរៀបរាប់ថា៖ក្រៅពីចូលរួមផ្សព្វផ្សាយពីយុទ្ធនាការនេះហើយនោះ VOD ខ្លួនឯងដែលមានលោក ប៉ា ងួនទៀង ជាមេកើយក៏បានចូលរួមយុទ្ធនាការស្លៀកពាក់ខ្មៅផងដែរ។
អ្នកវិភាគតុកាហ្វេ
បានបន្ថែមថា៖ ជាងនេះទៅទៀត VOD បានផ្សព្វផ្សាយពីតាក់ទិចក្នុងការធ្វើយុទ្ធនាការស្លៀកពាក់ខ្មៅនេះថែមទៀតផង។
ទង្វើទាំងនេះ គឺអាចឱ្យយើងដឹងពីចម្លើយហើយថា តើVOD ជាប្រព័ន្ធផ្សព្វផ្សាយឯករាជ្យរឺជាឧបករណ៍នយោបាយបក្សប្រឆាំង?
ពាក់ព័ន្ធនឹងការផលិតខ្លឹមសារជាលិខិតមិត្តអ្នកអាន
មានចរិតបំភ្លើសនេះ អ្នកវិភាគតុកាហ្វេ បានអំពាវនាវឲ្យប្រជាពលរដ្ឋ គប្បីធ្វើការពិចារណាថា
បើគ្មានការរៀបចំក៏គ្មានការប្រមូលផ្តុំដែរ!
ក្រុមសកម្មជនដីធ្លី
SOS និងបឹងកក់ កំពុងតែចូលរួមយុទ្ធនាការស្លៀកពាក់ខ្មៅនេះយ៉ាងខ្លាំងក្លា
ដែលវាហាក់ផ្ទុយពីគោលបំណងដើមនៃក្រុមសកម្មជនដីធ្លីទាំងអស់នេះព្រោះការទាមទាររបស់ពួកគេ
គឺមិនទាក់ទងនិងបញ្ហាប្រឈមជាក់ស្តែងរបស់ពួកគេទាល់តែសោះ។ អ្វីដែលពួកគេគួរតែការទាមទារនោះ
គឺនិយាយអំពីផលប៉ះពាល់នៃដំណោះស្រាយដីធ្លី រឺជីវភាពរស់នៅជាក់ស្តែងរបស់ពួគគេ
ប៉ុន្តែផ្ទុយទៅវិញ បញ្ហាទាំងអស់នេះ មិនត្រូវបានយកមកធ្វើប្រធានបទនៃការតវ៉ាំឡើយ
គឺពួកគេបែរជាលាតសន្ធឹងនូវការទាមទារ ដែលប្រាសចាកពីគោលបំណងដើមរបស់ខ្លួនទៅវិញ។
ក្រុមអ្នកវិភាគតុកាហ្វេ
បានធ្វើសេចក្តីសន្និដ្ឋានថា៖ ដូច្នេះតើសកម្មភាពទាំងអស់នេះ
ពិតជាផុសចេញពីការស្ម័គ្រចិត្ត ដោយគ្មានអ្នកដឹកនាំមែន រឺជាការរៀបចំដោយមានប្រព័ន្ធច្បាស់លាស់?
សូមមហាជនចូលរួមពិចារណាទាំងអស់គ្នា។
No comments:
Post a Comment