យោងតាមសេចក្តីប្រកាសព័ត៌មាន
របស់អគ្គិសនីកម្ពុជាចុះថ្ងៃទី១១ ខែមីនា ឆ្នាំ២០១៥ អគ្គិសនីកម្ពុជា បានធ្វើការបដិសេធ
ចំពោះការចុះផ្សាយរបស់កាសែតភ្នំពេញប៉ុស្តិ៍ នៅថ្ងៃទី១១ ខែមីនា ឆ្នាំ២០១៥
ដែលបានសរសេរថា " Derailed dam angers EdC boss
" ក្នុងន័យថា ក្រុមអ្នករស់នៅទីនោះខឹងសម្បា និងអគ្គនាយកអគ្គិសនីកម្ពុជា
ដែលអគ្គិសនីកម្ពុជាចាត់ទុកថា នេះមិនមែនជាលើកទីមួយទេ ដែលកាសែតនេះបានចុះផ្សាយខុសពីការពិត។
អគ្គនាយកអគ្គិសនីកម្ពុជា មិនដែលបានចុះទៅជួបកងទ័ពនៅខេត្តព្រះវិហារ ដូចជាការចុះផ្សាយនោះឡើយ
ហើយការចុះផ្សាយថា គម្រោងវារីអគ្គិសនីស្ទឹងជាយអារ៉ែង មានផែនការដាក់ឲ្យដំណើរការនៅឆ្នាំ២០១៧នោះ
ក៏កាន់តែគ្មានមូលដ្ឋានទាល់តែសោះ។ នេះជាការប្រឌិតទាំងស្រុងរបស់កាសែតភ្នំពេញបុស្តិ៍។
សេចក្តីប្រកាសព័ត៌មានដដែលក៏បានលើកឡើងថា
គម្រោងដែលរាជរដ្ឋាភិបាលបានផ្អាកនេះ មិនទាន់ទាំងបានបញ្ចប់ការសិក្សានោះផងទេ
ហេតុអ្វីក៏មានមូលដ្ឋានផលិតអគ្គិសនីបាននៅឆ្នាំ២០១៧? ម្យ៉ាងវិញទៀតអគ្គិសនីកម្ពុជាបានដកការគិតគូរពីគម្រោងនេះ
១០០% បន្ទាប់ពីមានការប្រកាសរបស់ សម្តេចអគ្គមហាសេនាបតីតេជោ ហ៊ុន សែន
នាយករដ្ឋមន្ត្រី ស្តីពីការផ្អាកការសិក្សាគម្រោងនោះរួចទៅហើយ។ លើសពីនេះទៀត
កាសែតនេះអះអាងថា " អគ្គនាយកអគ្គសនីកម្ពុជា និយាយថា ការពន្យាពេលអនុវត្តគម្រោងខាងលើ
នឹងធ្វើឲ្យអគ្គិសនីកម្ពុជាមានការលំបាកក្នុងការសម្រេចផែនការបញ្ចុះថ្លៃអគ្គិសនីមុនឆ្នាំ២០២០
" ។ នេះជាការអះអាងគ្មានមូលដ្ឋានមួយទៀត ដោយហេតុថា ផែនការបញ្ចុះថ្លៃអគ្គិសនីពីឆ្នាំ២០១៦
ដល់ឆ្នាំ២០២០ គ្មានពាក់ព័ន្ធជាមួយការអភិវឌ្ឍន៍វារីអគ្គិសនីស្ទឹងជាយអារ៉ែងឡើយ
ព្រោះផែនការក្នុងវិស័យថាមពល គ្មានគិតពីគម្រោងនេះមុនឆ្នាំ២០២០ទាល់តែសោះ។
អគ្គិសនីកម្ពុជា
បានបញ្ជាក់បន្ថែមទៀតថា ការចុះផ្សាយគ្មានមូលដ្ឋានរបស់កាសែតភ្នំពេញបុស្តិ៍
គ្រាន់តែអាចបង្ហាញថា កាសែតនេះគ្មានលក្ខណៈអាជីព និងខ្វះការទទួលខុសត្រូវតែប៉ុណ្ណោះ។
ដែលការនេះជាការសោកស្តាយដ៏ធំបំផុតរបស់អគ្គិសនីកម្ពុជា៕
អត្ថបទ៖ ច័ន្ទ ទេវី
No comments:
Post a Comment