គោលការណ៍បក្សប្រឆំាងនៅប្រទេសណាក៏ដូចតែគ្នា ពោល គឺរកមធ្យោបាយបំផ្លាញ
រដ្ឋាភិបាល នៃប្រទេសខ្លួនឯង ដែលជារដ្ឋាភិបាលរបស់គណបក្សឈ្នះឆ្នោត ឲ្យវិនាសហិនហោចដើម្បីខ្លួន
ឯងយកកម្លាំងក្នុងការកេងចំណេញនយោបាយ សម្រាប់ឲ្យគណបក្សខ្លួនឯង ឈ្នះឆ្នោតនាអាណត្ដិខាងមុខ។
ជាក់ស្ដែង ក្នុងជំនួបរយៈពេល១ម៉ោង កាលពីថ្ងៃទី១៨
ខែវិច្ឆិកា ឆ្នាំ២០១៤ នេះ រវាងលោក កឹម សុខា ប្រធានស្ដីទីគណបក្សសង្គ្រោះជាតិ
(បក្សប្រឆំាង) បានយកយកវិមានរដ្ឋសភាកម្ពុជាធ្វើជាលេណដ្ឋាននយោបាយរបស់ខ្លួន ដើម្បីជួបជាមួយលោកស្រី
សារ៉ា ហាន់សុន-យ៉ាំង (Sarah Hanson-Young)
សមាជិកព្រឹទ្ធសភា ពីគណបក្សបៃតង (Green
Party) ដែលជាបក្សប្រឆំាងនៅប្រទេសអូស្រ្ដាលី ក្នុងន័យរកយុទ្ធសាស្រ្ដចងសម្ព័ន្ធនយោបាយរវាងបក្សប្រឆំាងទាំងពីរ
ដើម្បីប្រឆំាងនឹងនយោបាយនៃប្រទេសរបស់ខ្លួនឯង។
អនុស្សរណៈលើបញ្ហាអន្តោប្រវេសន៍ ដែលបានព្រមព្រៀងគ្នារួចហើយ
រវាងរដ្ឋាភិបាលនៃប្រទេសទំាងពីរ កាលពីថ្ងៃទី២៦ ខែកញ្ញា កន្លងទៅនេះ គឺជាកិច្ចព្រមព្រៀងផ្នែកមនុស្សធម៌សុទ្ធសាធ
សំដៅផ្ទេរជនភៀសខ្លួន ដែលបានរសាត់អណ្ដែត មកជ្រកកោននៅប្រទេសអូស្រ្ដាលី
ដែលប្រទេសនេះកំពុងមានបញ្ហានយោបាយអន្ដោប្រវេសន៍
(Immigration Policy) ផងនោះ។
ក្នុងន័យនេះ ក្រោយពីការស្នើសុំពីសំណាក់រដ្ឋាភិបាលអូស្រ្តាលី
រាជរដ្ឋាភិបាលកម្ពុជា ក្រោមការដឹកនំាដ៏ឈ្លាសវៃរបស់ សម្ដេចតេជោ ហ៊ុន សែន
បានឯកភាពជាបឋម ជាមួយរដ្ឋាភិបាលអូស្រ្ដាលី យល់ព្រមទទួលយកជនភៀសខ្លួនដែលកំពុងមានបញ្ហានៅប្រទេសអូស្រ្ដាលី
មកទំនុកបម្រុងនៅកម្ពុជា ក្នុងក្របខ័ណ្ឌគោលការណ៍ «ជួយគ្នាទៅវិញទៅមក»។
យើងយល់ថា កិច្ចព្រមព្រៀងនេះ គឺមិនគ្រាន់តែជាគោលការណ៍លើកកម្ពស់នយោបាយមនុស្សធម៌ប៉ុណ្ណោះទេ
តែនេះក៏ជារឿងចំណងមិត្ដភាព រវាងប្រទេសទំាងពីរផងដែរ។ ព្រោះថា ចាប់តំាងពីដំណាក់កាលបញ្ចប់នូវសង្រ្គាមរ៉ាំរ៉ៃជាងពីរទសវត្ស
ដោយសារកិច្ចព្រមព្រៀងសន្ដិភាពទីក្រុងប៉ារីសកាលពីឆ្នាំ១៩៩១ មក ប្រទេសអូស្រ្ដាលីជាប្រទេសឈានមុខមួយ
បានផ្ដល់ជំនួយយ៉ាងក្រាស់ក្រែលមកកម្ពុជា ដើម្បីជួយស្ដារនយោបាយសេដ្ឋកិច្ច
និងសង្គម។
ជាក់ស្ដែង បន្ទាប់ពីកិច្ចព្រមព្រៀងសន្ដិភាពទីក្រុងប៉ារីស ដែលបានចុះហត្ថលេខានៅខែតុលា
ឆ្នាំ១៩៩១ ហើយរួចភ្លាមនោះ អូស្រ្ដាលីជាប្រទេសឈានមុខ ក្នុងការដឹកនំាខាងយោធារបស់អង្គការសហប្រជាជាតិ
(UNAMIC -UN Advance Mission In Cambodia) ដែលដឹកនំាដោយលោក ឧត្ដមសេនីយ៍ឯក ចន សាន់ ដឺសុន (John
Sanderson) ក្នុងការជួយរៀបចំពង្រឹងបរិយាកាសនយោបាយ សន្ដិភាព
និងការបោះឆ្នោតនៅកម្ពុជា រហូតបានចេញផ្លែផ្កានាឆ្នាំ១៩៩៣។
បន្ទាប់ពីបោះឆ្នោត
ក៏មានការរៀបចំរដ្ឋធម្មនុញ្ញថ្មី ការរៀបចំការរៀបចំរដ្ឋសភាជាតិ ការរៀបចំរាជរដ្ឋាភិបាលចំរុះក៏ចាប់ដំណើរការ។
រីឯកងកម្លាំងអ៊ុនតាក់ (UNTAC) បានដកថយអស់ពីកម្ពុជាក៏ពិតមែន
តែកងកម្លំាងយោធារបស់អូស្រ្ដាលីខាងវិស្វកម្ម នៅតែបន្ដជួយជ្រោមជ្រែងបង្ហាត់បង្រៀនកងកម្លាំងរំសាយរបស់កម្ពុជាផ្នែកបច្ចេកទេសបោសសំអាតមីន
តទៅទៀតផងដែរ។ ទន្ទឹមនឹងនេះ ប្រទេសអូស្រ្ដាលី ក៏ជាប្រទេសឈានមុខគេមួយ
ក្នុងការផ្ដល់ជំនួយយ៉ាងក្រាស់ក្រែលដើម្បីស្ដារសេដ្ឋកិច្ច-សង្គម ហេដ្ឋារចនាសម្ព័ន្ធ។ល។ នៅកម្ពុជារហូតដល់បច្ចុប្បន្ន។
យើងយល់ថា
នេះជាគុណបំណាច់ដ៏ធំធេងណាស់ ដែលរដ្ឋាភិបាលកម្ពុជា បានតបស្នងវិញ នៅគ្រាដែលរដ្ឋាភិបាលអូស្រ្ដាលីកំពុងជួបប្រទះនូវបញ្ហាអន្តោប្រវេសន៍
ហើយមកសុំការពឹងពាក់ពីកម្ពុជា។ ដោយឡែក ចំពោះការទទួលយកជនភៀសខ្លួនពីអូស្ដ្រាលីនេះទៀតសោក
ក៏ឈរលើគោលការណ៍ស្ម័គ្រចិត្ត និងការទទួលឧបត្ថម្ភគ្រប់គ្រាន់ពីអូស្រ្ដាលីទៀតផង។
យើងសូមសួរថា
ហេតុអ្វីក៏ក្រុមបក្សប្រឆំាងទាំងពីរ ដែលមានសមាជិកភាគតិចក្នុងសភាឈឺក្បាលនឹងសេចក្ដីសំរេចរបស់រដ្ឋាភិបាលខ្លំាងម្លេះ។
គេត្រូវយល់ថារដ្ឋាភិបាលនេះគឺត្រូវបង្កើតទ្បើងដោយគណបក្សឈ្នះឆ្នោត។
នរណាក៏ដឹងដែរថា នៅទីណាក៏ដោយ ប្រទេសណាក៏ដោយ បក្សប្រឆំាងតែងខិតខំស្វះស្វែងរកការងារប្រឆំាង
បើទោះបីដឹងថាការប្រឆំាងទាំងនេះ ធ្វើទំាងងងើលក៏ដោយ។ និយាយឲ្យខ្លី បក្សប្រឆំាងណាក៏ដោយនៅលើពិភពលោកនេះ
គឺមានគោលដៅតែមួយ ធ្វើអ្វីៗគឺក្នុងន័យ «កេងចំណេញនយោបាយ» របស់ខ្លួនតែប៉ុណ្ណោះ
ដោយមិនបានឈរលើគោលការណ៍ច្បាប់ជាធរមានទ្បើយ។
យើងសូមសួរថា
តើលោកស្រី Sarah បន្ទាប់ពីត្រទ្បប់ទៅប្រទេសរបស់ខ្លួនវិញ អាចធ្វើចលនាឲ្យសភាអូស្រ្ដាលីលុបកិច្ចព្រមព្រៀងនេះបានដែរឬទេ
បើគណបក្សរបស់ខ្លួនមានសមាជិកសភាតិចជាង សមាជិកសភារបស់គណបក្សកាន់អំណាចនោះ? នេះជាមូលដ្ឋានគ្រឹះដ៏រឹងមំាបំផុតនៃរបបប្រជាធិបតេយ្យនៅលើពិភពលោក៕
ដោយ៖
រត្ន័ សណ្ដាប់
No comments:
Post a Comment