ថ្លែងនៅក្នុងពិធីចែកសញ្ញាបត្រ
ជូនដល់និស្សិតជ័យលាភីថ្នាក់បរិញ្ញាបត្រ និងបរិញ្ញា បត្រ ជាន់ខ្ពស់សាកលវិទ្យាល័យ
អាយអាយស៊ី នាព្រឹកថ្ងៃទី ២០ ខែវិច្ឆិកា ឆ្នាំ២០១៤នេះ
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា
បានបញ្ជាក់ថា ទាំងសម្តេចតេជោ ទាំងរាជរដ្ឋាភិបាល
មិនមានសិទ្ធិទៅលើប្រពន្ធ័តុលាការនោះទេ។ ការចាប់ខ្លួននោះ គឺជាដែនសមត្ថកិច្ច
របស់កងកំលាំង និងតុលាការតែប៉ុណ្ណោះ។
ការថ្លែងប្រតិកម្មរបស់សម្តេចតេជោ
គឺនៅគ្រាដែលមន្ត្រីជាន់ខ្ពស់បក្សប្រឆាំងបានចោទថា
បក្សកាន់អំណាចបានប្រើប្រាស់ប្រពន្ធ័តុលាការជាឧបករណ៍បង្ក្រាបបក្សប្រឆាំង
តាមរយៈការចាប់ខ្លួន សកម្មជនបក្សប្រឆាំងបញ្ជូនទៅតុលាការជាបន្តបន្ទាប់ ។
ការថ្លែងរបស់សម្តេចតេជោ
គឺជួនចំពេលដែលសកម្មជនគណបក្សសង្រ្គោះជាតិ ត្រូវបានគេស្គាល់ថា ដូចជា លោក មាជ
សុវណ្ណរ៉ា ត្រូវបានអាជ្ញាធរឃាត់ខ្លួន
និងបញ្ជូនទៅតុលាការពីបទបំផុស បំផុលឲ្យមានអំពើហឹង្សា យោងតាមក្រមព្រហ្មទណ្ឌ
ប្រព្រឹត្តនៅទីលានប្រជាធិបតេយ្យ និងបទចោទមួយចំនួនទៀត។ គណបក្សសង្គ្រោះជាតិ
បានហៅការចាប់ខ្លួននោះថា ជាការរំលោភទៅលើកិច្ចព្រមព្រៀងរវាងបក្សទាំងថ្ងៃទី ២២
ខែកក្កដា ឆ្នាំ២០១៤។
សម្តេចបានសង្កត់ធ្ងន់ថា
កិច្ចព្រមព្រៀងបក្សទាំង ពីកាលពីថ្ងៃទី ២២ ខែកក្កដា
មិនមែនជាកិច្ចព្រមព្រៀងបញ្ចប់នូវដំណើររបស់តុលាការទៅលើរឿងក្តីព្រហ្មទណ្ឌ
ហើយក៍មិនមែន ជាកិច្ចព្រមព្រៀងរំលត់បណ្ដឹងអាជ្ញានោះទេ
ហើយទន្ទឹងនឹងប្រព្រឹត្តទៅនៃដំណើរការលទ្ធិប្រជា ធិបតេយ្យ ក៍ចាំបាច់ត្រូវពង្រឹងនីតិរដ្ឋផងដែរ មិនអាចយោគយល់ រឺអនុគ្រោះបានទេ
។ នេះជាគូស បញ្ជាក់ របស់សម្តេចតេជោ
ហ៊ុន សែន នាយករដ្ឋមន្ត្រី។ សម្តេចតេជោ បានបញ្ជាក់ថា
ការចាប់ខ្លួនសកម្ម ជនគណបក្សសង្គ្រោះជាតិនោះ
នឹងមិនធ្វើឲ្យរាំងស្ទះដល់ដំណើរការចរចារ របស់បក្សទាំងពីរ
ក្នុងការ ជំរុញការរៀបចំច្បាប់ស្តីពីការចាត់តាំង
និងការប្រព្រឹត្តទៅនៃគណៈកម្មាធិការជាតិរៀបចំការបោះឆ្នោត
និងការបន្តធ្វើវិសោធនកម្មបទបញ្ជាផ្ទៃក្នុង ក្នុងសភានោះឡើយ៕
អត្ថបទ៖ ខេមរា
No comments:
Post a Comment