កំណាព្យ៖ លោក សម រង្សី និងកឹម សុខា ដុតភ្លើងកំហឹងពូជសាសន៍

លោក សម រង្សី និងកឹម សុខា

ដុតភ្លើងកំហឹងពូជសាសន៍

(បទពាក្យប្រាំបី)

នយោបាយបោកប្រាស់លោក សម រង្សី        នៅក្នុងពិធី គួរឲ្យអាម៉ាស់

រំលឹកព្រឹត្តិការណ៍ យូរយារឆ្នាំណាស់             ដែលកើតមានខ្លះ កាលពីអតីត            ។

ហេតុការណ៍ផុតទៅ ជាច្រើនទសវត្សន៍         ទោះអ្នកចេះស្ទាត់ ស្ទើរតែភ្លេចគិត

រឿងកម្ពុជាក្រោម ឋិតក្នុងគំនិត                    បញ្ហាត្រូវគិត ប៉ុលពតអប្រិយ៍               ។

លោក សម រង្សី និងកឹម សុខា                    ធ្វើជាហ៊ឺហា ឆ្កាជើងឆ្កាដៃ

ដោះស្រាយអតីត ធ្វើឫកបែបហៃ                 តាមការស្រមៃ គ្មានអ្វីជាតាង               ។

ពោលពាក្យឆ្កឹះឆ្កៀលបង្កទំនាស់                  បំផុសជំលោះ នឹងជាតិក្បែរខាង

លើកប្រវត្តិសាស្ត្រ ជាគ្រឿងសំអាង              តែភាគីម្ខាង យកល្បិចស៊កសៀត         ។

ដុតភ្លើងកំហឹង ប្រឆាំងពូជសាសន៍               ដែលផ្ទុយស្រឡះ ច្បាប់អន្តរជាតិ

បង្កសង្រ្គាម ជំលោះវិវាទ                            ឈានទៅពិឃាត ជាតិសាសន៍ដទៃ      ។

ប្រវត្តិស្រុកខ្មែរ ប្រែប្លែកពីគេ                       រឿងដែលរិះរេ គិតគ្នេររាល់ថ្ងៃ

ប្រល័យពូជសាសន៍ នាំឲ្យក្សិណក្ស័យ          ដែលត្រូវលកលៃ ច្នៃពិចារណា            ។

អ្នកសល់ពីស្លាប់ ដែលបាននៅរស់               ពុំភ្លេចរបូស ឈឺចាប់ពើតផ្សា

រងទុក្ខទារុណ ធ្ងន់ស្ទើរមរណា                     ពុំអាចវាចា ថ្លាថ្លែងប្រាប់បាន               ។

លោកសម រង្សី និងកឹម សុខា                     ប្រើពាក្យវោហា កុំថាស្មានៗ

សំដីមួយម៉ាត់ អាចស្លាប់រាប់លាន                កុំអាងតែប្រាណ ឈរពុំជាប់ដី              ។

ប្រជាពលរដ្ឋ ធ្លាប់ក្តៅឆេះឆួល                     ពុំអាចទទួល នូវពាក្យសំដី

ចាក់ដោតអុចអាល គ្មានត្រាប្រណី               បង្កជាថ្មី សង្គ្រាមពូជសាសន៍               ។

                                                                          ដោយ មូល មិត្ត