នៅក្នុងព្រះរាជាណាចក្រកម្ពុជា
ព្រះពុទ្ធសាសនា ធ្លាប់ជាសាសនាដែលមានឥទ្ធិពលខ្ពស់បំផុតដល់កំរិតកំពូល
ក្នុងសម័យកាលនៃព្រះបាទជ័យវរ្ម័នទី ៧ នៃចក្រភពខ្មែរ- ជាសម័យកាលដែលប្រទេសជាតិនេះមានឯកភាពជាតិយ៉ាងរឹងមាំ។
ប្រាង្គប្រាសាទមួយចំនួន
ដូចជា ប្រាសាទបាយ័ន ព្រះខ័ន តាព្រហ្ម តាសោម បន្ទាយក្តី។ល។
ត្រូវបានស្ថាបនាឡើង ដើម្បីឧទ្ទិសថ្វាយចំពោះព្រះពុទ្ធសាសនា។ តែជាប្រការគួរឲ្យសោកស្តាយជាទីបំផុត ដែលក្រោយមក
ឥទ្ធិពលរបស់សាសនានេះបានធ្លាក់ចុះជាបន្តបន្ទាប់ រហូតដល់រលាយសាបសូន្យតែម្តងក្នុងសម័យកាលដ៏ខ្មៅងងឹតនៃរបបកម្ពុជាប្រជាធិបតេយ្យ
ប៉ុល ពត។
ទើបតែក្រោយថ្ងៃរំដោះ ៧ មករា ឆ្នាំ ១៩៧៩ ដែលសាសនានេះបានចាប់កំណើតឡើងវិញ
មានអត្ថភាព និងរីកចំរើនគួរឲ្យមោទនៈរហូតមកដល់បច្ចុប្បន្នកាលនេះ។ ឥឡូវនេះ ជាថ្មីម្តងទៀត
សញ្ញានៃការធ្លាក់ចុះ អាប់ឱន និងឈានទៅរកការរលំរលាយម្តងទៀត ត្រូវបានគេឃើញកើតមានឡើងជាបន្តបន្ទាប់។
ប៉ុន្តែម្តងនេះ មិនមែនបណ្តាលមកពីកត្តាខាងក្រៅនោះទេ គឺវាស្តែងចេញតាមរូបភាពនៃដំណើរច្រេះស៊ីដែក។
រឿងអាស្រូវជាច្រើនបានកើតមានឡើងជាបន្តបន្ទាប់ក្នុងសង្ឃគណៈ ដោយរំលោបបំពានទៅលើវិន័យសង្ឃដែលព្រះពុទ្ធជាបរមគ្រូនៃយើងបានសំដែង
និងបញ្ញត្តិទុកមក។ បន្ថែមទៅលើរឿងរ៉ាវអស់ទាំងនោះ នៅមានបុគ្គលពួកខ្លះ ដែលជាក្រុមស្វែងរកផលប្រយោជន៍ពីនយោបាយ
និងជ្រកក្រោមផ្លាកព្រះពុទ្ទសាសនា ថ្មីៗនេះបានពោលអះអាងថា តួនាទីរបស់ព្រះសង្ឃដែលឆាន់បាយប្រជាជន
ត្រូវតែជួយប្រជាជន នៅពេលដែលពួកគេមានទុក្ខ។ល។ និង ។ល។
ទោះជាដោយវិធីណាក៏ដោយ? បើនិយាយពីសតិញាណ
គេថ្លែងថាះ « វាគ្មិនអវិជ្ជា
បណ្តោយឲ្យអារម្មណ៍របស់ខ្លួននិយាយ ហើយពួកគេបានសាងឡើងនូវកំហុសស្ទួនៗ
ដែលសឹងជាមូលហេតុនៃសេចក្តីទុក្ខ។ វាគ្មិនឈ្លាសវៃ
ទុកឲ្យវិចារណញ្ញាណរបស់គេនិយាយ ហើយរស់នៅ
ក្នុងសភាពមួយ សមរម្យ ត្រឹមត្រូវ ប៉ុន្តែដូចជាមិនមែនជីវិតពិតនោះទេ។ វាគ្មិនគតិបណ្ឌិត ទុកឲ្យគតិបណ្ឌិតនិយាយ ហើយពួកគេក៏ក្លាយជាផ្នែកមួយនៃ អរិយសច្ចសកល »។
ក្នុងសភាពមួយ សមរម្យ ត្រឹមត្រូវ ប៉ុន្តែដូចជាមិនមែនជីវិតពិតនោះទេ។ វាគ្មិនគតិបណ្ឌិត ទុកឲ្យគតិបណ្ឌិតនិយាយ ហើយពួកគេក៏ក្លាយជាផ្នែកមួយនៃ អរិយសច្ចសកល »។
ការចូលប្រឡូកយ៉ាងសកម្មក្នុងហ្វូងបាតុករ
ជាមួយនឹងកាយវិការ លោតកញ្ឆេង ច្រងេងច្រងាង ពោលពាក្យអសុរោះ ហិង្សា អា មឹង ទៅលើអ្នកសារព័ត៌មាន
និងមនុស្សដទៃទៀតដែលមិនគាំទ្រ និង
ព្យាយាមទប់ស្កាត់បាតុកម្មហិង្សារបស់ក្រុមដែលហៅខ្លួនឯងថាជា « សង្ឃឯករាជ្យ» នោះ ត្រូវបានចោទជាសំនួរថា តើព្រះសម្មាសម្ពុទ្ធជាអម្ចាស់
ពិតជាបានត្រាស់សំដែង និងបញ្ញត្តិទុកមកថា សង្ឃជាសាវករបស់ព្រះអង្គ ហើយដែលត្រូវបានគេចាត់ទុកថាជា
ឧត្តមភេទ ជាស្រែបុណ្យជាសរណបុគ្គល ( បុគ្គលជាទីពឹង ទីរឭក )។ល។ នោះ
ហើយដែលឆាន់បាយប្រជា
ជន ត្រូវតែជួយប្រជាជនដែលមានទុក្ខ ដូចអ្វីដែល «សង្ឃឯករាជ្យ» បានធ្វើកន្លងមកហើយនោះមែនឬ?។
ជន ត្រូវតែជួយប្រជាជនដែលមានទុក្ខ ដូចអ្វីដែល «សង្ឃឯករាជ្យ» បានធ្វើកន្លងមកហើយនោះមែនឬ?។
ពាក់ព័ន្ធនឹងសំនួរនេះ ព្រះពុទ្ធជាបរមគ្រូនៃយើង មុនព្រះអង្គយាងចូលព្រះបរិនិព្វាន ព្រះអង្គបានមានព្រះរាជបន្ទូលទៅកាន់សាវករបស់ព្រះអង្គដែលកំពុងតែមានទុក្ខក្រៀមក្រំថា៖ «ម្នាលភិក្ខុទាំងឡាយ អត់ពីតថាគតទៅ ធម៌ឯណាដែលតថាគតបានសំដែងហើយ វិន័យឯណាដែលតថាគតបានបញ្ញត្តិទុកហើយ ធម៌ និងវិន័យនោះ ជាគ្រូរបស់អ្នកហើយ...»។ ដោយធម៌ និងវិន័យទាំងអស់នោះ មាននៅក្នុងគម្ពីរព្រះត្រៃបិដក ទើបបានជាអ្នកប្រាជ្ញ បណ្ឌិត ទាំងឡាយតែងពោលថា៖ «គម្ពីរព្រះត្រៃបិដក ជាព្រះពុទ្ធសាសនា ឬ ព្រះពុទ្ធសាសនា គឺគម្ពីរព្រះត្រៃបិដក»។
គម្ពីរព្រះត្រៃបិដកនេះចែកចេញជាបីផ្នែកផ្សេងគ្នាគឺ
ផ្នែកវិន័យបិដក ផ្នែកប្រសូត្រ
ឬសុតន្តបិដក និងផ្នែក អភិធម្មបិដក។
ឬសុតន្តបិដក និងផ្នែក អភិធម្មបិដក។
ដោយឡែក អ្វីដែលមាននៅក្នុងវិន័យបិដកនោះ
គឺជាធម៌ ជាវិន័យដែលព្រះពុទ្ធជាអម្ចាស់ បានត្រាស់សំដែង និងបញ្ញត្តិទុកមកយ៉ាងពិតប្រាកដ
មិនមែនសម្រាប់តែព្រះសង្ឃដែលជាភិក្ខុ និងសាមណេរប៉ុណ្ណោះទេ
គឺសម្រាប់ពុទ្ធបរិស័ទដែលជាគ្រហស្ថ គោរព និងប្រតិបត្តិផងដែរ។តែគួរឲ្យសោកស្តាយ
នៅក្នុងវិន័យបិដកដែលមានទាំងអស់ ១៣ គម្ពីរក្នុងបណ្តារ ១១០ គម្ពីរនោះ
មិនមានឃើញកន្លែងណាមួយដែលព្រះពុទ្ធជាបរមគ្រូបញ្ញត្តិថា សាវកទាំងឡាយរបស់ព្រះអង្គ
ដែលជាភិក្ខុ សាមណេរ ត្រូវតែជួយប្រជាជន នៅពេលដែលពួកគេមានទុក្ខ ដូចអ្វីដែលក្រុម
«សង្ឃឯករាជ្យ» បានអះអាង និងកំពុងធ្វើនៅកម្ពុជានោះឡើយ។
«សង្ឃឯករាជ្យ» បានអះអាង និងកំពុងធ្វើនៅកម្ពុជានោះឡើយ។
ពិតមែនតែមានការបែងចែក
រវាងវិន័យសម្រាប់សង្ឃ និងវិន័យសម្រាប់គ្រហស្ថក៏ដោយ
ក៏ពុទ្ធបរិស័ទដែលជាគ្រហស្ថ គួរតែយល់ដឹងអំពីវិន័យសម្រាប់សង្ឃឲ្យបានច្រើនផងដែរ
ចៀសវាងធ្វើការគោរពបូជាទាំងងងឹត ងងល់
ចំពោះសង្ឃបង់វិន័យ សង្ឃក្លែងក្លាយ សង្ឃដែលជាស្រែបាប។
នៅក្នុងព្រះពុទ្ធសាសនា ដើម្បីធ្វើបុណ្យឧទ្ទិសកុសលជូនជីដូនជីតា
បុព្វការីជន ដែលបាក់បែកចែកស្ថានទៅហើយ ឲ្យបានសំរេចផលនោះ កូនចៅត្រូវធ្វើតាមរយៈអ្នកមានសីល
ដែលពុទ្ធ
សាសនិកទាំងឡាយតែងតែយល់ថា អ្នកមានសីលនោះ គឺអ្នកបួសហ្នឹងឯងហើយ ហើយបើធ្វើតាមរយៈអ្នកបួសដែលជាសង្ឃបង់វិន័យ និងទ្រុស្តសីលវិញនោះ ទោះជាខំប្រឹងបរិច្ចាកធនធានច្រើនសន្ធឹកសន្ធាប់យ៉ាងណាក៏ដោយ ក៏មិនបានបុណ្យកុសលអ្វីមកដល់ខ្លួនឡើយ ហើយបុណ្យកុសលដែលឧទ្ទិសជូនជីដូនជីតា បុព្វការីជននោះ ក៏រិតតែមិនបានដល់ថែមទៀតផង។
សាសនិកទាំងឡាយតែងតែយល់ថា អ្នកមានសីលនោះ គឺអ្នកបួសហ្នឹងឯងហើយ ហើយបើធ្វើតាមរយៈអ្នកបួសដែលជាសង្ឃបង់វិន័យ និងទ្រុស្តសីលវិញនោះ ទោះជាខំប្រឹងបរិច្ចាកធនធានច្រើនសន្ធឹកសន្ធាប់យ៉ាងណាក៏ដោយ ក៏មិនបានបុណ្យកុសលអ្វីមកដល់ខ្លួនឡើយ ហើយបុណ្យកុសលដែលឧទ្ទិសជូនជីដូនជីតា បុព្វការីជននោះ ក៏រិតតែមិនបានដល់ថែមទៀតផង។
ពាក់ព័ន្ធនឹងរឿងព្រះសង្ឃឆាន់បាយប្រជាជន
ត្រូវតែជួយប្រជាជននេះទៀត វាពិតជាមិនខុសអ្វីទេបើបដិបត្តិឲ្យបានត្រឹមត្រូវតាមព្រះវិន័យដែលជាពុទ្ធបញ្ញត្តិពិតប្រាកនោះ។
តួនាទីសំខាន់របស់ព្រះសង្ឃនៅក្នុងព្រះសាសនានេះ
ដែលព្រះពុទ្ធជាអម្ចាស់បានសំដែងទុកមកគឺ ការព្យាយាមរៀនសូត្រធម៌
វិន័យរបស់ព្រះអង្គ និងផ្សព្វផ្សាយធម៌ វិន័យនោះដល់ពុទ្ធបរិស័ទដែលជាគ្រហស្ថ
ឲ្យបានយល់ជ្រួតជ្រាបពីសីលធម៌ព្រះពុទ្ធសាសនា ឲ្យស្គាល់បុណ្យ ស្គាល់បាប
លះបង់អំពើជាអកុសល ហើយងាកមករកអំពើដែលជាកុសលវិញ។ល។
ដូចពុទ្ធភាសិតមួយឃ្លាបានចែងថា៖
‑ «សព្វបាបស្ស អករណំ ការមិនធ្វើអំពើបាបទាំងពួង ដោយកាយ ដោយវាចារ
និងដោយចិត្ត ១
និងដោយចិត្ត ១
‑កុសលស្សូ បសម្បទា ការញ៉ាំងកុសលឲ្យដល់ព្រមដោយកាយ ដោយ
វាចារ និង ដោយចិត្ត ១
‑សចិត្តបរិយោ ទបនំ ការជំរះចិត្តឲ្យបរិសុទ្ធ
មិនមានកិលេស ជាគ្រឿង
សៅហ្មង ១
សៅហ្មង ១
ឥតំ ពុទ្ធានសាសនំ ពាក្យនេះឯងជាសាសនៈ ពាក្យប្រៀនប្រដៅ នៃព្រះពុទ្ធ
ទាំងឡាយ »។
នៅក្នុងសម័យពុទ្ធកាល ក៏ដូចជាសម័យបច្ចុប្បន្នកាលនេះដែរ
ទំនាស់តែងកើតមានជាធម្មតា ដូចជាទំនាស់ក្នុងគ្រួសារ ក្នុងសង្គម
និងរហូតដល់មានទំនាស់រវាងប្រទេស និងប្រទេសថែមទៀតផង។ ពាក់ព័ន្ធនឹងបញ្ហាទំនាស់នេះ
ព្រះពុទ្ធជាម្ចាស់ មិនដែលបដិសេធតួនាទីជាអ្នកសម្របសម្រួល និងជួយរកដំណោះស្រាយនោះឡើយ
តែវិធីដោះស្រាយរបស់ព្រះអង្គ គឺផ្អែកលើសច្ចធម៌ និងអហិង្សា លើការអត់ឱន និងយោគយល់គ្នា។
ទន្ទឹមនឹងប្រៀនប្រដៅ និងផ្សព្វផ្សាយព្រះធម៌
ព្រះវិន័យរបស់ព្រះអង្គ ព្រះពុទ្ធនៅបានជួយដោះស្រាយវិវាទជាច្រើនផងដែរ ដូចជា ៖ នាសម័យថ្ងៃមួយ
ប្រជារាស្ត្រនៃនគរ «កោលិយៈ»និងនគរ « សក្យៈ
» ដែលជាប្រទេសជិតខាងគ្នាពីរ
ស្ថិតនៅជាប់នឹងដងស្ទឹង «រោហិណី » មានទំនាស់នឹងគ្នាដោយសារតែដណ្តើមទឹកគ្នា
ដែលស្ទើរតែរីងស្ងួតអស់ទៅហើយនោះ ដើម្បីស្រោចស្រពស្រែរៀងៗខ្លួន។
ក្រោយពីការជេរប្រមាថ និងវាយតប់គ្នាទៅវិញទៅមកព័ត៌មាននេះក៏បានលេចឮទៅដល់ព្រះរាជានៃប្រទេសទាំងពីរ។
ពេលនោះ ទំនាស់នោះលែងជាទំនាស់បញ្ហាទឹកធ្វើស្រែទៀតហើយ
ព្រោះព័ត៌មានដែលព្រះរាជាទទួលបាន គឺជាការជេរប្រមាថចំពោះព្រះរាជា ពីសំណាក់ប្រជារាស្ត្រនៃប្រទេសទាំងពីរទៅវិញ។
អធិករណ៍នេះបានឈានដល់ការត្រៀមកម្លាំងទ័ពរៀងៗខ្លួនដើម្បីធ្វើសង្គ្រាម។
បន្ទាប់មក រឿងរ៉ាវខាងលើនេះក៏បានលេចឮទៅដល់ព្រះពុទ្ធជាអម្ចាស់ដែលកំពុងគង់សមាធិនៅឯក្រុងកបិលវត្ថុ( នគរសក្យៈ ) ។ ព្រះអង្គឈ្វេងយល់ថា បញ្ហានេះធ្ងន់ធ្ងរណាស់ បើព្រះអង្គមិនប្រញាប់ទៅជួយទេ ពួកគេនឹងសម្លាប់គ្នាទៅវិញទៅមកជាមិនខាន។ ពេលយាងទៅដល់ ព្រះអង្គបានគង់ប្រថាប់នៅចន្លោះកងទ័ពទាំងសង្ខាងដែលត្រៀមនឹងប្រយុទ្ធគ្នា។ ខណៈនោះព្រះអង្គបានត្រាស់សួរទៅព្រះរាជា «សក្យៈ» អំពីមូលហេតុដែលបណ្តាលឲ្យមានអធិករណ៍នេះកើតឡើង។
ទាំងព្រះរាជា
ទាំងមហាមន្ត្រីក្នុងព្រះរាជវាំង សុទ្ធតែមិនបានដឹងពីមូលហេតុពិតនៃជំលោះនោះទាំងអស់។
ទីបញ្ចប់មានតែពលករនៃប្រទេសទាំងពីរប៉ុណ្ណោះដែលទូលថ្វាយការពិត ថាទំនាស់នេះកើតចេញពីការដណ្តើមទឹកគ្នាធ្វើស្រែប៉ុណ្ណោះ។
បន្ទាប់មកព្រះពុទ្ធបានត្រាស់សួរទៅព្រះរាជា «សក្យៈ» ថា តើទឹកនោះថ្លៃប៉ុន្មាន?
ព្រះរាជាឆ្លើយតបថា
ទឹកនោះមានតម្លៃតិចតួចណាស់។ ព្រះពុទ្ធបានសួរទៀតថា បពិត្រព្រះមហារាជ ចុះមនុស្សទាំងឡាយរបស់ព្រះអង្គ
មានតម្លៃប៉ុន្មានដែរ? បពិត្រព្រះអង្គ
មនុស្សទាំងអស់នោះមានតម្លៃកាត់ថ្លៃមិនបានទេ។ ទីបញ្ចប់
ព្រះពុទ្ធជាអម្ចាស់បានជួយបំបែកអធិករណ៍នោះបានដោយជោគជ័យ។
អធិករណ៍ខាងលើនេះ បើព្រះអង្គយាងទៅមិនទាន់ពេលទេនោះ
ស្ទឹង « រោហិណី » នឹងក្លាយជាស្ទឹងឈាមបាត់ទៅហើយ។ បន្ទាប់មក
ព្រះអង្គក៏បានណែនាំឲ្យប្រជារាស្ត្រនៃប្រទេសទាំងពីរ រស់នៅដោយសុខសាន្តជាមួយគ្នា
លះបង់នូវគំនុំសងសឹកនឹងគ្នាទៅថ្ងៃក្រោយ។
រឿងដែលបានដកស្រង់មកជាគតិខាងលើនេះ
សមល្មមនឹងពុទ្ធបរិស័ទដែលជាសង្ឃសាវកពិតប្រាកដ
និងពុទ្ធបរិស័ទដែលជាគ្រហស្ថ អាចយល់បាន និងប្រតិបត្តិតាមបាន ដោយលះបង់នូវហិង្សាទាំងបីគឺ : ហិង្សាដោយគំនិត ហិង្សាដោយពាក្យសំដី និងហិង្សាដោយកាយ
( វៀរប្រព្រឹត្តខុសក្នុងកាយកម្ម វចីកម្ម
មនោកម្ម ) ដោយនាំគ្នាងាកមករកគម្ពីរព្រះត្រៃបិដកដែលជាព្រះពុទ្ធបរមគ្រូនៃយើង។
ព្រះពុទ្ធបានប្រៀនប្រដៅ ធម៌អហិង្សា
ធម៌ខន្តិ និង សច្ចធម៌ ដែលសុទ្ធតែជាធម៌នាំផ្លូវមនុស្សទៅរកសន្តិភាព។
ទង្វើផ្ទុយពីនេះ មនុស្សជាតិពិតជាមិនអាចឃើញនូវពន្លឺសន្តិភាពបានឡើយ។
«
ធម្មោ ហវេ រក្ខតិ ធម្មចារី » - ធម៌
រមែងរក្សានូវអ្នកដែលប្រព្រឹត្តធម៌ ៕
អត្ថបទ៖ សុខ - សាធ
អ្នកនិពន្ធសៀវភៅ 'កំណប់សីលធម៌' និង'កំរងអភិសមាចារ'
No comments:
Post a Comment