សម្តេចតេជោ ហ៊ុន សែន ចេញសារលិខិតចូលរួមទិវាជាតិអាហារូបត្ថម្ភ លើកទី៨ ក្រោមប្រធានបទ «ការពង្រឹងប្រព័ន្ធស្បៀង ដើម្បីការអភិវឌ្ឍប្រកបដោយចីរភាព»

(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅព្រឹកថ្ងៃទី០៦ ខែវិច្ឆិកា ឆ្នាំ ២០២១ នេះ បានចេញសារលិខិតចូលរួមទិវាជាតិអាហារូបត្ថម្ភលើកទី៨ ដែលតែងប្រារព្ធធ្វើឡើងរៀងរាល់ឆ្នាំនៅថ្ងៃទី០៦ ខែវិច្ឆិកា។ ទិវាជាតិអាហារូបត្ថម្ភនៅឆ្នាំនេះ ធ្វើឡើងក្រោមប្រធានបទ «ការពង្រឹងប្រព័ន្ធស្បៀង ដើម្បីការអភិវឌ្ឍប្រកបដោយចីរភាព»។

ក្នុងសារលិខិតនេះ សម្តេចតេជោ ហ៊ុន សែន បានលើកបង្ហាញពីមូលហេតុដែលនាំឱ្យកម្ពុជា ជ្រើសយកប្រធានបទ «ការពង្រឹងប្រព័ន្ធស្បៀង ដើម្បីការអភិវឌ្ឍប្រកបដោយចីរភាព» សម្រាប់ទិវាជាតិអាហារូបត្ថម្ភនៅឆ្នាំនេះ។ សម្តេចតេជោ ហ៊ុន សែន ក៏បានគូសបញ្ជាក់ពីសារៈសំខាន់នៃអាហារូបត្ថម្ភ ក៏ដូចជាកិច្ចខិតខំប្រឹងប្រែងរបស់រាជរដ្ឋាភិបាលក្នុងការរក្សាសន្តិសុខស្បៀង និងអាហារូបត្ថម្ភនេះ។

សម្តេចតេជោ ហ៊ុន សែន ក៏បានបង្ហាញនូវការងារអាទិភាពចំនួន៤ ដែលរាជរដ្ឋាភិបាលបានដាក់ចេញ ដើម្បីសម្រេចឱ្យបាននូវចក្ខុវិស័យស្តីពីប្រព័ន្ធស្បៀងអាហារឆ្នាំ២០២០ផងដែរ។

ខាងក្រោមនេះ គឺជាសារលិខិតរបស់សម្តេចតេជោ ហ៊ុន សែន ដែលបានផ្ញើជូនជនរួមជាតិនៅថ្ងៃនេះ៖

អង្គភាពព័ត៌មាន និងប្រតិកម្មរហ័សនៃទីស្តីការគណៈរដ្ឋមន្ត្រី៖ «ជោគជ័យលើសមរភូមិវ៉ាក់សាំងជាសរសគ្រឹះសម្រាប់ការបើកប្រទេសឡើងវិញ»

នៅថ្ងៃទី៥ ខែវិច្ឆិកា ឆ្នាំ២០២១នេះ អង្គភាព ព័ត៌មាន និងប្រតិកម្មរហ័ស នៃទីស្តីការគណៈរដ្ឋមន្ត្រី បានបញ្ចេញផ្សាយវីដេអូថ្មីមួយទៀត ក្រោមចំណងជើងថា «ជោគជ័យលើសមរភូមិវ៉ាក់សាំងជាសរសគ្រឹះសម្រាប់ការបើកប្រទេសឡើងវិញ» ។

វីដេអូនេះ បានរំលេចឱ្យឃើញនូវជោគជ័យដ៏ធំធេងនៃនយោបាយវ៉ាក់សាំង ក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រីនៃរាជរដ្ឋាភិបាលកម្ពុជា បន្ទាប់ពីសម្តេតេជោ បានប្រកាសបើកប្រទេសជាតិរបស់ខ្លួនឡើងវិញលើគ្រប់វិស័យ និងគ្រប់ផ្នែកជាបណ្តើរៗ ចាប់តាំងពីថ្ងៃទី១ ខែវិច្ឆិកា ឆ្នាំ២០២១ តទៅ បន្ទាប់ពីអាចគ្រប់គ្រងបានយ៉ាងល្អប្រសើរនូវជំងឺរាតត្បាត កូវីដ-១៩ ក្នុងរយៈពេលជិត២ឆ្នាំកន្លងមកនេះ ដោយឆ្លងកាត់នូវការលំបាក និងឧបសគ្គគ្រប់បែបយ៉ាងដែលកើតមាននៅក្នុងដំណាក់កាលទាំង៤ នៃការរាតត្បាតនៃជម្ងឺដ៍កាចសាហាវឥតស្រមោលនេះទាំងប្រភេទចាស់និងប្រភេទថ្មី។ 

កត្ដាដ៍សំខាន់បំផុតរបស់កម្ពុជាក្នុងការគ្រប់គ្រងជំងឺនេះបានល្អប្រសើរនោះ គឺជោគជ័យលើសមរភូមិវ៉ាក់សាំងដែលរហូតមកត្រឹមដំណាច់ខែតុលា ឆ្នាំ២០២១នេះ គឺមានប្រជាជន ៨៥.៦៨%នៃចំនួនប្រជាជន១៦នាក់បានទទួលការចាក់វ៉ាក់សាំងរួចរាល់ហើយ ដែលបង្កើតបាននូវភាពសាំក្នុងសហគមន៍យ៉ាងរឹងមាំនៅទូទាំងប្រទេស។ កម្ពុជាជាប្រទេសមួយក្នុងចំណោមប្រទេសដែលបានចាក់វ៉ាក់សាំងបង្ការវីរុសCovid-19 ដល់ប្រជាជនរបស់ខ្លួនបានច្រើនជាងគេបំផុតនៅក្នុងពិភពលោកដោយសារជំនួយពីបណ្តាប្រទេសជាមិត្តនិងដៃគូអភិវឌ្ឍ ជាពិសេសគឺប្រទេសចិន។ ប្រទេសកម្ពុជាបានធ្វើឲ្យមានការប្រែប្រួលដោយនឹកស្មានមិនដល់ ដោយសារតែព្រះរាជាណាចក្រកម្ពុជាមានអត្រាចាក់វ៉ាក់សាំងច្រើនជាងបណ្ដាប្រទេសអ្នកមានមួយចំនួនទៅទៀត រាប់ទាំងសហរដ្ឋអាមេរិកនិងចក្រភពអង់គ្លេសផង»។

ដោយសារតែចំណុចពិសេសនេះហើយ ដែលធ្វើឲ្យសកម្មភាពសង្គមនិងសេដ្ឋកិច្ចកម្ពុជាអាចចាប់ផ្តើមដំណើរការឡើងវិញបានក្នុងទម្រង់នៃជីវភាពប្រក្រតីបែបថ្មីក្នុងបរិការនៃជំងឺកូវីដ- ១៩។ 

កម្ពុជា ត្រូវបានគេកោតសរសើរអំពីការឆ្លើយតបយ៉ាងលឿនរហ័សចំទិសដៅ និងប្រកបដោយប្រសិទ្ធភាពខ្ពស់ក្នុងការប្រយុទ្ធប្រឆាំងជាមួយសត្រូវឥតស្រមោលប្រចាំសតវត្សរ៍ទី២១ នេះ។ ម៉្យាងវិញទៀត វ៉ាក់សាំងពិតជាមានប្រសិទ្ធិភាពអាចបញ្ចៀសអ្នកឆ្លងពីការធ្លាក់ខ្លួនឈឺធ្ងន់ធ្ងរ និងស្លាប់បាត់បង់ជីវិត។ ជាក់ស្តែងយោងតាមរបាយការណ៍ប្រចាំថ្ងៃរបស់ក្រសួងសុខាភិបាលស្តីពីស្ថានភាពជំងឺកូវីដ-១៩ នៅកម្ពុជាបានបង្ហាញថា តួលេខអ្នកជំងឺកូវីដ-១៩ ដែលស្លាប់ភាគច្រើនគឺអ្នកដែលមិនបានចាក់វ៉ាក់សាំង។

កិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ពិតជាបាននិងកំពុងជួយកម្ពុជាក្នុងកាម៉្យាងវិញទៀត វ៉ាក់សាំងពិតជាមានប្រសិទ្ធិភាពអាចបញ្ចៀសអ្នកឆ្លងពីការធ្លាក់ខ្លួនឈឺធ្ងន់ធ្ងរ និងស្លារបើកដំណើការសង្គម និងសេដ្ឋកិច្ចឡើងវិញ ជាពិសេសការឈានទៅបើកប្រទេសឡើងវិញលើគ្រប់វិស័យបានឆាប់រហ័សជាង និងសុវត្ថិភាពប្រកបដោយភាពរឹងមាំ និងការជឿជាក់ ជាងបណ្តាប្រទេសផ្សេងៗជាច្រើន ពោលគឺកម្ពុជាបាននិងកំពុងចាកចេញពីជម្ងឺរាតត្បាតដោយភាពជឿជាក់ និងរឹងមាំ។ 

ប្រជាពលរដ្ឋខ្មែរ ពិតជាមានមោទនភាពយ៉ាងខ្លាំងដែលបានឃើញប្រទេសរបស់ខ្លួនឈរនៅលើកំពូលតារាងក្នុងចំណោម ប្រទេសដែលទទួលបានជោគជ័យក្នុងការការពារអាយុជីវិតពលរដ្ឋរបស់ខ្លួនចេញពីជំងឺឆ្លងសាកលដ៏កាចសាហាវប្រចាំសតវត្សរ៍។ នេះជាកត្តិយស ដ៏ធំធេងសម្រាប់ជាតិសាសន៍ខ្មែរទាំងមូល។ ការបើកប្រទេសឡើងវិញនេះ គឺជាក្តីសង្ឃឹមយ៉ាងមុតមាំថា សង្គមនិងសេដ្ឋកិច្ចកម្ពុជា ក៏ដូចជាជីវភាពរបស់ប្រជាពលរដ្ឋខ្មែរទូទៅនឹងស្ទុះងើបឡើងវិញយ៉ាងឆាប់រហ័ស ក្រោមម្លប់នៃសុខសន្តិភាព៕

សូមទស្សនាវីដេអូ៖

 

#វ៉ាក់សាំង #កម្ពុជា #ហ៊ុនសែន #ប្រតិកម្មរហ័ស

ច្បាប់កំណត់សញ្ជាតិខ្មែរតែមួយ សម្រាប់មេដឹកនាំស្ថាប័នកំពូលរបស់ជាតិ ត្រូវបានព្រះមហាក្សត្រ ឡាយព្រះហស្ថដាក់ឱ្យប្រើប្រាស់ហើយ

ព្រះមហាក្សត្រខ្មែរ ព្រះករុណា ព្រះបាទ សម្តេច ព្រះបរមានថ នរោត្តម សីហមុនី ឡាយព្រះហស្ថលេខាដាក់ឱ្យប្រើប្រាស់ជាផ្លូវការហើយ នូវ ព្រះរាជក្រម ប្រកាសឱ្យប្រើ ច្បាប់ធម្មនុញ្ញ ស្តីពីវិសោធនកម្មមាត្រា១៩ថ្មី មាត្រា៨២ថ្មី មាត្រា១០៦ថ្មី(មួយ) មាត្រា១១៩ថ្មី និងមាត្រា១៣៧ថ្មី និងមាត្រា១៣៧ថ្មី នៃរដ្ឋធម្មនុញ្ញ នៃព្រះរាជាណាចក្រកម្ពុជា និងមាត្រា៣ និងមាត្រា៤ នៃច្បាប់ធម្មនុញ្ញ បន្ថែមសំដៅធានានូវដំណើរការជាប្រក្រតីនៃស្ថាប័នជាតិ ។

លោក គង់ សំអុល ៖ កាកបាទក្រហមកម្ពុជា តែងតែទុកដាក់ពីសុខទុក្ខរបស់ប្រជាពលរដ្ឋគ្រប់រូប ជាពិសេសជនរងគ្រោះ និងងាយរងគ្រោះ ទោះនៅទីណាក៏ដោយ

កំពង់ឆ្នាំង៖ នាព្រឹកថ្ងៃទី៣ ខែវិច្ឆិកា ឆ្នាំ២០២១ លោក  គង់ សំអុល អនុប្រធានអចិន្ត្រៃយ៍កាកបាទក្រហមកម្ពុជា អមដំណើរដោយ លោក គុយ សុផល ឧត្តមក្រុមប្រឹក្សាផ្ទាល់ព្រះមហាក្សត្រ និងជាទេសរដ្ឋមន្ត្រីទទួលបន្ទុកកិច្ចការទូទៅអមក្រសួងព្រះបរមរាជវាំង លោក ស៊ុន សុវណ្ណារិទ្ធ អភិបាលនៃគណៈអភិបាលខេត្តកំពង់ឆ្នាំង លោក ឡុង ឈុនឡៃ ប្រធានក្រុមប្រឹក្សាខេត្ត លោក អម សុភា ប្រធានគណៈកម្មាធិការសាខា និងលោក លោកស្រីសមាជិកសមាជិកាគណៈកម្មាធិការសាខា បានចុះសាកសួរសុខទុក្ខ និងនាំយកអំណោយមនុស្សធម៌សាខាកាកបាទក្រហមកម្ពុជា ខេត្តកំពង់ឆ្នាំង ចែកជូនប្រជាពលរដ្ឋ ចាស់ជរាគ្មានទីពឹង ស្ត្រីមេម៉ាយកូនច្រើន កុមារកំព្រា ជនពិការ និងអ្នកមានជំងឺរាំរ៉ៃ ចំនួន ១៥០គ្រូសារ (ឃុំត្រពាំងចាន់ ឃុំចក ឃុំពពេល និងឃុំឆ្នុកទ្រូ)។

លោក គង់ សំអុល ក៏បានពាំនាំនូវការផ្តាំផ្ញើការសួរសុខទុក្ខពីសំណាក់លោកស្រី ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលកន្លងមកលោកស្រីតែងតែយកចិត្តទុកដាក់ចំពោះប្រជាពលរដ្ឋគ្រប់រូប ជាពិសេសប្រជាពលរដ្ឋដែលរងគ្រោះ និងងាយរងគ្រោះ ទោះនៅទីណាក៏ដោយ។ លោក ក៏បានផ្តាំផ្ញើដល់ប្រជាពលរដ្ឋ ត្រូវមានការប្រុងប្រយ័ត្នខ្ពស់ឲ្យជាប់ជាប្រចាំ  និងសូមថែរក្សាសុខភាពឲ្យបានល្អ ត្រូវអនុវត្តតាមការណែនាំរបស់ក្រសួងសុខាភិបាល និងអនុសាសន៍របស់សម្តេចប្រមុខរាជរដ្ឋាភិបាលគឺ៣ការពានិង៣កុំអោយបានជាប់ជាប្រចាំដើម្បីជៀសផុតពីជំងឺកូវីដ-១៩ ទាំងអស់គ្នា។

អំណោយចែកជូនក្នុងមួយគ្រួសាររួមមាន៖ អង្ករ២៥ គីឡូក្រាម  មី១ កេស  ត្រី ខ ១យួរ ឃីត១កញ្ចប់  (មុង១ សារុង១ ក្រមា១ ភួយ១) និងថវិកា ២០.០០០រៀល ។ ដោយឡែក លោក គង់ សំអុល ក៏បានបន្ថែមនូវថវិកាផ្ទាល់ខ្លួន ចំនួន ៥០.០០០រៀល ក្នុងមួយគ្រួសារ លោក ស៊ុន សុវណ្ណារិទ្ធ អភិបាលបាននៃគណៈអភិបាលខេត្តកំពង់ឆ្នាំង បន្ថែមនូវថវិកា ចំនួន ៣០.០០០រៀល ក្នុងមួយគ្រួសារ (សរុបក្នុងមួយគ្រួសារទទួលបានចំនួន ១០០.០០០រៀល)៕

អាជ្ញាធរជាតិអប្សរា រៀបចំដាំបង្គោលការពារសុវត្ថិភាពក្នុងការចតយានយន្ត នៅបរិវេណខ្លោងទ្វារជ័យ

សៀមរាប៖ ភ្នាក់ងារសណ្ដាប់ធ្នាប់ សហការជាមួយមន្ត្រីភ្នាក់ងារទេសចរណ៍ ក្នុងការដាំបង្គោលសងខាងផ្លូវការពារការចតយានយន្តគ្រប់ប្រភេទនៅក្បែរខ្លោងទ្វារជ័យ។ ក្នុងនោះ ក្រុមការងារបានដាំបង្គោលបានចំនួនដាំ៤៦បង្គោល ហើយនិងបន្តដាំចំនួន២៥បង្គោលនៅសងខាងបន្ថែមទៀត រក្សាបាននូវសណ្តាប់ធ្នាប់ល្អ មានរបៀបរៀបរយ រួមទាំងលើកកម្ពស់បរិស្ថានបរិវេណខ្លោងទ្វារជ័យដែលជាច្រកចេញចូលសំខាន់របស់ក្រុងអង្គរធំ និងផ្លូវវង់តូចឱ្យកាន់តែល្អប្រសើរ។

សូមបញ្ជាក់ថា អាជ្ញាធរជាតិអប្សរាតែងតែយកចិត្តទុកដាក់ទៅលើសណ្តាប់ធ្នាប់ សោភ័ណភាព រួមទាំងសុវត្ថិភាពចំពោះភ្ញៀវទេសចរជាតិ និងអន្តរជាតិដែលបានមកទស្សនាប្រាសាទ នៅក្នុងតំបន់អង្គរ ដែលជាតំបន់បេតិកភណ្ឌពិភពលោក។ សូមភ្ញៀវទេសចរដែលបានមកទស្សនាចូលរួមអនុវត្តទាំងអស់គ្នា ដើម្បីលើកតម្លៃរមណីយដ្ឋានអង្គររបស់យើង៕

អភិបាលខេត្តកោះកុង អនុញ្ញាតឲ្យអ្នករៀបរៀងសៀវភៅស្តីពី"ទស្សនៈសម្ដេចក្រឡាហោម ស ខេង" ចូលជួបសម្តែងការគួរសម និងប្រគល់ជូនសៀវភៅ ដ៏មានតម្លៃបំផុត

កោះកុង៖  នាថ្ងៃទី៤ ខែវិច្ឆិកា ឆ្នាំ២០២១ លោកស្រី មិថុនា ភូថង អភិបាលនៃគណ:អភិបាលខេត្តកោះកុង បានអនុញ្ញាតឲ្យលោក រ៉េន រតនៈ អ្នករៀបរៀងសៀវភៅ"ទស្សនៈសម្ដេចក្រឡាហោម ស ខេង" ជួបសម្តែងការគួរសម និងប្រគល់ជូនសៀវភៅ"ទស្សន:សម្តេចក្រឡាហោម ស ខេង" ចំនួន ៣៥ ក្បាល។

នាឱកាសនោះផងដែរ លោក រ៉េន រតនៈ បានរាយការណ៍ជូនលោកស្រីអភិបាលខេត្ត អំពីសាវតានៃដំណើរការរៀបរៀងរហូតឈានដល់ការបោះពុម្ភ ជាផ្លូវការនូវសៀវភៅ"ទស្សនៈសម្ដេចក្រឡាហោម" ដែលមានខ្លឹមសារប្រសាសន៍ខ្លីៗ ខ្លឹមៗ អត្ថន័យជ្រៅ ពាក់ព័ន្ធនឹងការងារនយោបាយ រដ្ឋបាល និងសន្តិសុខ។ លោកក៏បានអានលិខិតប្រគល់ជូនសៀវភៅរបស់ឯកឧត្តម នាយឧត្តមសេនីយ៍ សាស្ត្រាចារ្យ ឯក មនោសែន ផ្ញើជូនលោកស្រីអភិបាលខេត្តផងដែរ។ 

លោកស្រី មិថុនា ភូថង បានសម្ដែងការកោតសរសើរ និងគាំទ្រខ្ពស់ ជូនក្រុមការងារ ពិសេសលោក រ៉េន រតនៈ ដែលបានខិតខំព្យាយាមចងក្រងស្នាដៃនេះឡើង។ លោកស្រី បានសង្កត់ធ្ងន់ថា សៀវភៅនេះពិតជារួមចំណែកផ្ដល់នូវពុទ្ធិល្អៗ ជូនអ្នកអាន បានសិក្សាស្រាវជ្រាវ ជាពិសេសលើខ្លឹមសារដែលមានអត្ថន័យផ្សាភ្ជាប់ទៅនឹងការបំពេញភារកិច្ចរបស់មន្ត្រីរាជការថ្នាក់ក្រោមជាតិតែម្ដង។ សៀវភៅទស្សនៈ សម្តេចក្រឡាហោម ស ខេង និងចែកជូនអង្គភាព ស្ថាប័ននានា សម្រាប់ថ្នាក់ដឹកនាំ និងមន្ត្រីរាជការទាំងអស់ ដកស្រង់នូវទស្សនៈល្អៗ របស់សម្តេចក្រឡាហោម ស  ខេង យកមកអនុវត្តនៅក្នុងអង្គភាពរបស់ខ្លួន ព្រមទាំងផ្សព្វផ្សាយបន្តឱ្យបានកាន់តែទូលំទូលាយបន្ថែមទៀត។ យ៉ាងណាក៏ជាធាតុចូលសំខាន់បំផុត សម្រាប់ថ្នាក់ដឹកនាំ និងមន្ត្រីរាជការទាំងអស់ យកទៅអនុវត្តសម្រាប់អភិវឌ្ឍន៍នៅក្នុងអង្គភាព និងបង្កើនសមត្ថភាពសម្រាប់របស់ខ្លួនបន្ថែមទៀត៕

អាជ្ញាធរជាតិអប្សរា ចុះពិនិត្យលក្ខណៈបច្ចេកទេសនៃការសាងសង់លំនៅដ្ឋានជូនប្រជាពលរដ្ឋ ក្នុងតំបន់អង្គរចំនួន ៣៦៩គ្រួសារ

សៀមរាប ៖ នាយកដ្ឋានរៀបចំដែនដី និងគ្រប់គ្រងលំនៅដ្ឋាន ក្នុងឧទ្យានអង្គរនៃអាជ្ញាធរជាតិអប្សរាឱ្យដឹងថា ក្នុងអំឡុង ខែតុលា ឆ្នាំ២០២១ ក្រុមការងារបានចុះពិនិត្យ និងជួយសម្រួលលក្ខណៈបច្ចេកទេស នៃការសាងសង់លំនៅដ្ឋាន និងសំណង់ឧបសម្ព័ន្ធផ្សេងៗទៀត ដល់ប្រជាពលរដ្ឋដែលរស់នៅក្នុងឧទ្យាន និងក្រៅឧទ្យានអង្គរបានចំនួន៣៦៩គ្រួសារ។ 

ចំពោះប្រជាពលរដ្ឋដែលរស់នៅក្នុងឧទ្យានអង្គរចំនួន៣៥៤គ្រួសារ៖ ក្រុងសៀមរាប ១២៦គ្រួសារ  ស្រុកប្រាសាទបាគង ៧០គ្រួសារ ស្រុកបន្ទាយស្រី ៦៥គ្រួសារ ស្រុកពួក ២៩គ្រួសារ និងស្រុកអង្គរធំ ៦៤គ្រួសារ។ ចំណែកប្រជាពលរដ្ឋរស់នៅក្រៅឧទ្យានអង្គរចំនួន១៥គ្រួសារ៖ គឺនៅស្រុកសូទ្រនិគម ០៣គ្រួសារ និងស្រុកស្វាយលើ ១២គ្រួសារ។

សូមបញ្ជាក់ថា រាល់ការអនុញ្ញាត និងដាក់ពាក្យស្នើសុំសាងសង់ គឺមិនតម្រូវឱ្យប្រជាពលរដ្ឋបង់ប្រាក់នោះឡើយ៕