នាយករដ្ឋមន្ត្រីម៉ាឡេស៊ីបញ្ជាឱ្យមេប៉ូលិសបណ្តេញទណ្ឌិត សម រង្ស៊ី និងបក្សពួកចេញពីម៉ាឡេស៊ី

  នាយករដ្ឋមន្ត្រីប្រទេសម៉ាឡេស៊ី លោក អានវ៉ា អ៊ីប្រាហ៊ីម បានបញ្ជាទៅដល់មេប៉ូលិសម៉ាឡេស៊ីឱ្យបណ្តេញទណ្ឌិត សម រង្ស៊ី និងបក្ខពួករបស់ខ្លួនចេញឱ្យផុតពីប្រទេស ម៉ាឡេស៊ី នៅវេលាម៉ោង៩ព្រឹក (ម៉ោងនៅប្រទេសម៉ាឡេស៊ី) នាថ្ងៃទី៣១ ខែឧសភា ឆ្នាំ២០២៣នេះ។

ការបញ្ជារបស់នាយករដ្ឋមន្ត្រីម៉ាឡេស៊ីទៅមេប៉ូលិសម៉ាឡេស៊ីបណ្តេញមេខ្លោងឧទ្ទាមក្រៅច្បាប់ និងបក្ខពួកមិនឱ្យជាន់ទឹកដីម៉ាឡេស៊ី គឺបង្ហាញពីភាពអាម៉ាស់មុខរបស់ទណ្ឌិតសម រង្ស៊ី និងបក្ខពួកស្របពេលដែលផែនការក្បត់ជាតិបំផ្លាញការបោះឆ្នោតនៅកម្ពុជាត្រូវបានបែកការណ៍ និងទទួលការបរាជ័យជាបន្តបន្ទាប់។

ក្នុងពិធីសម្ពោធដាក់ឱ្យប្រើប្រាស់ជាផ្លូវការស្ពានបេតុងខ្សែកាបឆ្លងទន្លេសាប និងស្ពានអាកាសឫស្សីកែវ ខណ្ឌប្ញស្សីកែវ កាលពីព្រឹក ថ្ងៃទី៣១ ខែឧសភា ឆ្នាំ២០២៣ សម្តេចតេជោ ហ៊ុន សែន នាយករដ្ឋមន្ត្រីកម្ពុជាមានប្រសាសន៍ថា លោក អាន់វ៉ា អ៊ីប្រាហ៊ីម នាយករដ្ឋមន្ត្រីម៉ាឡេស៊ី ធ្លាប់បានសន្យាច្បាស់ជាមួយសម្តេចចំនួនបួនដងមិនអនុញ្ញាតឱ្យពូជក្បត់ជាតិ៣ជំនាន់ សម រង្ស៊ី ចូលទឹកដីម៉ាឡេស៊ីឡើយ។

សម្តេចតេជោនាយករដ្ឋមន្ត្រី បានបញ្ជាក់ថា ការចូលមកដល់ម៉ាឡេស៊ីពីសំណាក់ទណ្ឌិត សម រង្ស៊ី មិនត្រូវបានលោក អាន់វ៉ា អ៊ីប្រាហ៊ីម នាយករដ្ឋមន្ត្រីម៉ាឡេស៊ី ដឹងឡើយព្រោះគេចូលតាមរយៈ វិស័យឯកជនហើយកាន់លិខិតឆ្លងដែនបារាំង។
សម្តេចតេជោ ហ៊ុន សែន បានបញ្ជាក់ថា នៅពេលមកដល់ម៉ាឡេស៊ី សម រង្ស៊ី និងក្រុមរបស់គេ ប្រុងរៀបចំកិច្ចប្រជុំនៅទីនោះ ប៉ុន្តែត្រូវបានអាជ្ញាធរម៉ាឡេស៊ី មិនអនុញ្ញាតឱ្យរៀបចំកិច្ចប្រជុំឡើយ៕
ដោយ៖ពលជ័យ

សម្ដេចតេជោ ហ៊ុន សែន៖ អ្វីៗរស់នៅក្រោមសន្តិភាពទាំងអស់

នៅក្នុងពិធីសម្ពោធដាក់ឲ្យប្រើប្រាស់ជាផ្លូវការ ស្ពានបេតុងខ្សែកាប ឆ្លងកាត់ទន្លេសាប និងស្ពានអាកាសឫស្សីកែវ ស្ថិតក្នុងរាជធានីភ្នំពេញ នៅព្រឹកថ្ងៃពុធ ទី៣១ ខែឧសភា ឆ្នាំ២០២៣ សម្តេចតេជោ ហ៊ុន សែន បានថ្លែងថា ប្រធានបទកីឡារស់ក្រោមសន្តិភាព គឺជារឿងត្រឹមត្រូវបំផុត ប៉ុន្តែមិនត្រឹមតែកីឡានោះទេ អ្វីៗត្រូវរស់នៅក្រោមសន្តិភាពទាំងអស់។

សម្តេចតេជោ ហ៊ុន សែន បានរំលឹកគ្រាអតីតកាល នៃតំបន់ជ្រោយចង្វារ និងឫស្សីកែវ ដែលជាកន្លែងជ្រកពួន លាក់ខ្លួនរបស់ខ្មែរក្រហម ដែលតែងលបលួចចូលវាយប្រហារកន្លែងស្តុកសាំង និងចូលមកកាន់រាជធានីភ្នំពេញ។

សម្តេចតេជោ ហ៊ុន សែន បានប្រកាសកោតសរសើរកិច្ចខិតសំប្រឹងប្រែង និងវិធីសាស្ត្រយកស្លឹកត្នោតខ្ចប់ស្ករត្នោត ឬយករាជធានីភ្នំពេញចិញ្ចឹមរាជធានីភ្នំពេញ ដែលធ្វើឱ្យរាជធានីភ្នំពេញមានការរីកចម្រើនពីមួយថ្ងៃទៅមួយថ្ងៃជាលំដាប់៕

សម្តេចតេជោ ហ៊ុន សែន ៖ អតីតតំបន់ព្រៃ បច្ចុប្បន្នប្រែមុខមាត់ថ្មី ទៅជាតំបន់អភិវឌ្ឍ

សម្តេចតេជោ ហ៊ុន សែន ថ្លែងថា រាជរដ្ឋាភិបាលឈរនៅវិធីសាស្ត្រមួយដ៏ត្រឹមត្រូវ នៅត្រង់ថា យកស្លឹកឆ្នោត ខ្ចប់ស្ករត្នោត មានន័យថា យកចំណូលពីទីក្រុងភ្នំពេញ មកអភិវឌ្ឍទីក្រុងភ្នំពេញតែម្តង។

សម្តេចតេជោ ហ៊ុន សែន ថ្លែងបែបនេះ នៅព្រឹកព្រឹកថ្ងៃទី៣១ ខែឧសភា ឆ្នាំ២០២៣ ក្នុងឱកាសអញ្ជើញសម្ពោធដាក់ឱ្យប្រើប្រាស់ស្ពានឆ្លងទន្លេ និងស្ពានអាកាសឫស្សីកែវ ក្នុងរាជធានីភ្នំពេញ។

សម្តេចតេជោ ហ៊ុន សែន ថ្លែងបន្តថា កាលពីដើមតំបន់ដែលកំពុងនៅទីនេះ ឬស្សីកែវ គឺជាតំបន់ដែលមានការប្រុងប្រយ័ត្នខ្ពស់ ជាមួយការតភ្ជាប់រហូតដល់ទីតាំងប្រកួតស៊ីហ្គេម (ពហុកីឡាដ្ឋានមរកតេជោ) និងវិមានឈ្នះឈ្នះ សុទ្ធតែតំបន់បានបញ្ជូនយុវជនពីត្រើយម្ខាងក្រុងភ្នំពេញ ដោយរាប់ទាំងស្ថាប័ន ដូចជាក្រសួងការបរទេសជាដើម មកកាប់ព្រៃនៅតំបន់នេះ ឬស្សីកែវ ដើម្បីការពារកុំឱ្យពួកខ្មែរក្រហមចូលមកកៀកទីក្រុងភ្នំពេញ។

 នាឱកាសនោះ សម្តេចតេជោ ហ៊ុន សែន ថ្លែងបញ្ជាក់ថា នៅចាំបានទេនៅឆ្នាំ១៩៨៩ គឺក្រោយ ១០ឆ្នាំ ជាពេលក្រោយរំដោះចេញពីរបបប៉ុល ពត ជាពេលដែលធ្វើពិធីបុណ្យធំមួយ ដោយមានព្យុះហយាត្រានៃកងកម្លាំងប្រដាប់អាវុធ ក៏ដូចមហាជនផង ពេលនោះពួកខ្មែរក្រហម បានបាញ់ហាសបេ ១២ ចូលមកតំបន់ឬស្សីកែវ សំដៅមកឃ្លាំងសាំង ដូចនេះ រដ្ឋាភិបាលជំនាន់នោះ តម្រូវឱ្យមានកាប់ព្រៃនៅខាងតំបន់ឆ្នេរត្រើយម្ខាងតំបន់ជ្រោយចង្វា និងឬស្សី ធ្វើឱ្យរដូវវស្សាគឺទឹក នៅរដូវប្រាំងដុះដើមត្រែង ឥឡូវមិនឃើញមានដើមត្រែងយោលទៀតទេ បែរជាឃើញសំណង់ផ្សេងៗ អគារធំខ្ពស់ សុទ្ធបម្រើឱ្យការអភិឌ្ឍន៍៕

សម្តេចតេជោ ហ៊ុន សែន ៖ រាជរដ្ឋាភិបាល ខិតខំកសាងស្ពានតភ្ជាប់ជាច្រើន ដើម្បីបម្រើដល់វិស័យដឹកជញ្ជូន

សម្តេចតេជោ ហ៊ុន សែន នាយករដ្ឋមន្ត្រី មានប្រសាសន៍ឲ្យដឹងថា បើពិនិត្យស្ថានភាពនៃការតភ្ជាប់ស្ពានតំបន់ឬស្សីកែវ ទៅត្រើយម្ខាងជ្រោយចង្វា ធ្វើឱ្យនឹកឃើញដល់អ្នករត់ទូកដរ និងអ្នកបើកសាឡាងទាំងឡាយ ត្រូវបានកាត់ផ្តាច់មុខរបររបស់ពួកគេ។ សម្តេចថា រដ្ឋមិនអាចតម្រូវចិត្តមនុស្សប៉ុន្មាននាក់ ហើយបំភ្លេចចោលប្រជាពលរដ្ឋរាប់លាននាក់ដែលត្រូវឆ្លងកាត់ស្ពាននោះបានទេ។

សម្តេចតេជោ ហ៊ុន សែន ថ្លែងបែបនេះ នៅព្រឹកព្រឹកថ្ងៃទី៣១ ខែឧសភា ឆ្នាំ២០២៣ ក្នុងឱកាសអញ្ជើញសម្ពោធដាក់ឱ្យប្រើប្រាស់ស្ពានឆ្លងទន្លេ និងស្ពានអាកាសឫស្សីកែវ ក្នុងរាជធានីភ្នំពេញ។

សម្តេចតេជោ ហ៊ុន សែន ថ្លែងបន្តថា ការតភ្ជាប់មានស្ពានព្រែកក្តាម ស្ពានព្រែកព្នៅ ស្ពានឬស្សីកែវ និងស្ពានជ្រោយចង្វា មានទីពីរ ស្ពានមិត្តភាពកម្ពុជា-ចិន និងស្ពានមិត្តភាពកម្ពុជា-ជប៉ុន។ ប៉ុន្តែនៅសល់ស្ពានមួយកន្លែងទៀត ដែលនឹងត្រូវតភ្ជាប់រវាងម្ខាងទន្លេរសាប ត្រូវតភ្ជាប់មកតំបន់ជ្រោយចង្វា និងតភ្ជាប់ទៅអរិយក្សត្រ នេះជាគម្រោងរបស់សាធារណៈរដ្ឋកូរ៉េ ដែលប្រមុខរាជរដ្ឋាភិបាល បានខិតខំស្នើសុំជំនួយម្តងហើយម្តងទៀត រហូតដល់ឆ្លងកាត់ប្រធានាធិបតីកូរ៉េដល់ទៅពីររូប ទើបបានគម្រោងនេះចេញសម្រេចបាន ដែលនឹងបើកការដ្ឋានសាងសង់។ 

ទន្ទឹមនោះ សម្តេចតេជោ ហ៊ុន សែន ថ្លែងបញ្ជាក់ថា ឥឡូវនេះ តំបន់ទីក្រុងភ្នំពេញ គឺត្រូវការស្ពានចំនួន ៣ បន្ថែមទៀត ហើយស្ពានចំនួន ២ អាចនឹងចេញរូបរាងរយៈពេលឆាប់ៗនេះ គឺស្ពានមិត្តភាពកម្ពុជា-កូរ៉េ និងស្ពានសម្រាប់ផ្លូវល្បឿនលឿន ទើបត្រូវទិញយកស្ពានព្រែកព្នៅពីឯកជន មករដ្ឋគ្រប់គ្រង ដូចនេះប្រជាជនត្រូវឆ្លងកាត់ប៉ុន្មានដងក៏បាន ដោយមិនបាច់បង់លុយនោះទេ។ រីឯស្ពានឆ្លងទន្លេ គឺរដ្ឋជាអ្នកចេញលុយចំណាយតែម្តង ហើយនៅមានស្ពានមួយទៀតគ្រោងនឹងកសាងដែរ គឺស្ពានចាក់អង្រែ៕

សម្តេចតេជោ ហ៊ុន សែន ៖ ការបែងចែកផ្លែផ្កាប្រកបដោយសមធម៌ធ្វើឱ្យសេដ្ឋកិច្ចជាតិកាន់តែរីកចម្រើន

សម្តេចតេជោ ហ៊ុន សែន ថ្លែងផ្តាំផ្ញើទៅអ្នកបន្តវេនជានាយករដ្ឋមន្ត្រីនៅពេលអនាគត សូមប្រើថវិការវិភាជថវិការទៅលើហេដ្ឋារចនាសម្ព័ន្ធពន្លឿនសេដ្ឋកិច្ច ដែលប្រើពាក្យថា បែកចែកផ្លែផ្កាប្រកបដោយសមធម៌ និងដឹកនាំក្របខណ្ឌគោលនយោបាយស្តីពីការអភិវឌ្ឍន៍។

សម្តេចតេជោ ហ៊ុន សែន ថ្លែងបែបនេះ នៅព្រឹកព្រឹកថ្ងៃទី៣១ ខែឧសភា ឆ្នាំ២០២៣ ក្នុងឱកាសអញ្ជើញសម្ពោធដាក់ឱ្យប្រើប្រាស់ស្ពានឆ្លងទន្លេ និងស្ពានអាកាសឫស្សីកែវ ក្នុងរាជធានីភ្នំពេញ។

សម្តេចតេជោ ហ៊ុន សែន ថ្លែងបន្តថា ពាក្យបែងបែងផ្លែផ្កាប្រកបដោយសមធម៌ គឺសំដៅដល់វិភាជថវិការទាំងឡាយ ដើម្បីបម្រើដល់ផលប្រយោជន៍ឱ្យដល់មនុស្សទាំងអស់គ្នា ដូចជាទាក់ទងការធ្វើផ្លូវ ស្ពាន មន្ទីរពេទ្យ សាលារៀន ប្រឡាយទឹក ទាំងអស់នេះគឺជាផ្លែផ្កានៃការបែងចែកកំណើនសេដ្ឋកិច្ចដោយសមធម៌ធ្វើឱ្យប្រទេសជាតិកាន់តែរីកចម្រើន៕

សម្តេចតេជោ ហ៊ុន សែន គណបក្សប្រជាជន គឺជាគូប្រកួតមួយដែលមិនជាប់ពាក់ព័ន្ធនឹងសេចក្ដីសម្រេចរបស់ គ.ជ.ប និងក្រុមប្រឹក្សាធម្មនុញ្ញឡើយ

 សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅព្រឹកថ្ងៃទី៣១ ខែឧសភា ឆ្នាំ២០២៣នេះ បានបញ្ជាក់ថា គណបក្សប្រជាជនកម្ពជា គឺជាគូប្រកួតមួយដែលមិនជាប់ពាក់ព័ន្ធនឹងសេចក្ដីសម្រេចរបស់គណៈ កម្មាធិការជាតិរៀបចំការបោះឆ្នោត និងក្រុមប្រឹក្សាធម្មនុញ្ញឡើយ។

ជាមួយគ្នានេះសម្ដេចតេជោ ហ៊ុន សែន បានប្រាប់ទៅគណបក្សប្រឆាំងថា មិនត្រូវដឹកនាំអ្នកគាំទ្ររបស់ខ្លួនធ្វើបាតុកម្ម ឬការតវ៉ាណាមួយពាក់ព័ន្ធនឹងការសម្រ ចរបស់ គ.ជ.ប និងក្រុមប្រឹក្សាធម្មនុញ្ញ ចំពោះការបដិសេធការចុះបញ្ជីគណបក្សនយោបាយ ដោយសារការខ្វះឯកសារនោះឲ្យសោះ ព្រោះវាជាកំហុសខ្លួនឯង។

សម្ដេចតេជោ ហ៊ុន សែន មានប្រសាសន៍បន្ថែមថា សូមកុំដឹកនាំអ្នកគាំទ្ររបស់ខ្លួនធ្វើបាតុកម្ម ឬការតវ៉ាណាមួយទៅលើការសម្រេចរបស់ គ.ជ.ប និងក្រុមប្រឹក្សាធម្មនុញ្ញ ហើយសារជាសំឡេងរបស់សម្ដេចនាពេលកន្លងមកពាក់ព័ន្ធនឹងការការពារសន្តិសុខ និងសណ្ដាប់ធ្នាប់ នៅតែមាន តម្លៃសម្រាប់ប្រើប្រាស់។

សម្ដេចតេជោ ហ៊ុន សែន បញ្ជាក់ថា៖ «ខ្ញុំបានផ្ដល់សារ សារខ្ញុំនៅតែមានតម្លៃ ខ្ញុំមិនចាំបា ច់ចេញសារទីពីរទេ សារទីមួយនៅតែមានតម្លៃ»។

ជាមួយគ្នានេះ សម្ដេចតេជោ ហ៊ុន សែន បានណែនាំទៅអាជ្ញាធរមានសមត្ថកិច្ចថាត្រូវចាប់យកទាំងអស់នូវអ្នកណាក៏ដោយដែលចេញមកបំផ្លាញនូវស្ថិរភាពទាំងថ្នាក់ជាតិ និងថ្នាក់ក្រោមជាតិ គឺមិនឲ្យរួចខ្លួនឡើយ ។

សម្ដេចតេជោនាយករដ្ឋមន្ត្រី ក៏បានបញ្ជាក់ថាដំណើរការបោះឆ្នោតខាងមុខ នឹងមិនថយក្រោយដោយសារតែបក្សមួយឬពីរឡើយ បើទោះបីជាខំប្រឹងតវ៉ាដល់ណាក៏ដោយក៏មិនអាចទៅរួចដែរ។ 

ផ្សាយបន្តផ្ទាល់៖ សម្ដេចតេជោ ហ៊ុន សែន អញ្ជើញសម្ពោធដាក់ឲ្យ ប្រើប្រាស់ជាផ្លូវការស្ពានបេតុងខ្សែកាបឆ្លងទន្លេសាប និងស្ពានអាកាសឫស្សីកែវ

នៅព្រឹក ថ្ងៃពុធ ១២កើត ខែជេស្ឋ ឆ្នាំថោះ បញ្ចស័ក ព.ស. ២៥៦៧ ត្រូវនឹង ថ្ងៃទី៣១ ខែឧសភា ឆ្នាំ២០២៣ ស្អែកនេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជាអធិបតីភាពដ៏ខ្ពង់ខ្ពស់ ក្នុងពិធីសម្ពោធដាក់ឲ្យប្រើប្រាស់ជាផ្លូវការ នូវស្ពានបេតុងខ្សែកាប ឆ្លងកាត់ទន្លេសាប និងស្ពានអាកាសឫស្សីកែវ។ 

គួររំលឹកផងដែរថា សម្ដេចតេជោ ហ៊ុន សែន បានអញ្ជើញជាអធិបតីបើកការដ្ឋានសាងសង់ ស្ពានបេតុងខ្សែកាបឆ្លងទន្លេសាបនេះ កាលពីថ្ងៃទី២៣ ខែតុលា ឆ្នាំ២០១៧។ស្ពានបេតុងខ្សែកាបឆ្លងទន្លេសាប មានប្រវែង ៩២២ម៉ែត្រ ទទឹង២០,៥ម៉ែត្រ ចិញ្ចើមស្ពាន សម្រាប់ថ្មើរជើងមានទទឹង ១,២៥ម៉ែត្រសងខាង, កម្ពស់សរសរស្ពាន សម្រាប់ព្យួរខ្សែកាបធៀបនឹង កម្រាលស្ពាន៣៤ម៉ែត្រ។ សរសរសម្រាប់ព្យួរ ខ្សែកាបមានសរសរចំនួន៤, គន្លងខ្សែយានយន្ត ទទឹង៣.៧៥ម៉ែត្រ, គន្លងធ្វើចរាចរ២ខ្សែទៅ និង២ខ្សែ មក, កម្ពស់នាវាចរ ក្រោមស្ពានអតិបរមានៅរដូវវស្សា ១០.៥ម៉ែត្រ, កម្ពស់នាវាចរ ក្រោមស្ពាន អប្បរមា នៅរដូវប្រាំង ២០,៥ម៉ែត្រ បំពាក់បង្គោលភ្លើងបំភ្លឺ និងដាក់ស្លាកសញ្ញាចរាចរ។ ស្ពាននេះ សាងសង់ដោយក្រុមហ៊ុន OCIC ដោយប្រើរយៈពេលវេលា ២៨ខែ ក្រោយការស្ថាបនារួចស្ពានបេតុងខ្សែកាបនេះ នឹងបង្កើតលំហូរចរាចរថ្មី តភ្ជាប់ពីផ្លូវជាតិលេខ៥ នៃខណ្ឌឫស្សីកែវ និងផ្លូវជាតិលេខ៦ នៃខណ្ឌជ្រោយចង្វារ។

ដោយឡែកសម្រាប់ស្ពានអាកាសឫស្សីកែវ បានបើកការដ្ឋានស្ថាបនាកាលពីថ្ងៃទី៣១ ខែមករា ឆ្នាំ២០២២ ក្រោមអធិបតីភាពសម្ដេចតេជោនាយករដ្ឋមន្ត្រី។ ស្ពាននេះមានបណ្ដោយ ៤៨៣ម៉ែត្រ ទទឹង១៥,៨ម៉ែត្រកំពស់ ៥ម៉ែត្រ ដោយហោះនៅលើបណ្ដោយ ផ្លូវជាតិលេខ៥ នៅចន្លោះស្ពានបេតុងឆ្លងកាត់ទន្លេសាបថ្មីនេះ ដោយប្រើប្រាស់រយៈពេលសាងសង់ចំនួន១៥ខែ៕