Saturday, July 06, 2019
សម្តេចតេជោនាយករដ្ឋមន្រ្តី ហ៊ុន សែន អញ្ជើញនិវត្តន៍មកដល់មាតុប្រទេសវិញ ប្រកបដោយសុវត្ថិភាព
ភ្នំពេញ ថ្ងៃទី០៦ ខែកក្កដា ឆ្នាំ២០១៩ — បន្ទាប់ពីបានដឹកនាំគណៈប្រតិភូជាន់ខ្ពស់ នៃរាជរដ្ឋាភិបាលកម្ពុជាចូលរួមក្នុងកិច្ចប្រជុំត្រួត ពិនិត្យឡើងវិញជាសកលលើជំនួយសម្រាប់ពាណិជ្ជកម្ម ឆ្នាំ២០១៩ រយៈពេល៥ថ្ងៃ នៅទីក្រុងហ្សឺណែវ ប្រទេសស្វីស សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា នាព្រឹកថ្ងៃទី០៦ ខែកក្កដា ឆ្នាំ២០១៩ បានអញ្ជើញនិវត្តន៍មកដល់កម្ពុជាវិញប្រកបដោយសុវត្ថិភាពតាមជើងយន្តហោះពិសេស។
អញ្ជើញទទួលដំណើរនិវត្តន៍របស់គណៈប្រតិភូជាន់ខ្ពស់ នៅព្រលានយន្តហោះអន្តរ ជាតិភ្នំពេញ មានវត្តមាន សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងឥស្សរជនជាន់ខ្ពស់ជាច្រើនរូបទៀត។
នៅក្នុងទីក្រុងហ្សឺណែវ ប្រទេសស្វីស សម្ដេចតេជោនាយករដ្ឋមន្ត្រី បានអញ្ជើញថ្លែងសុន្ទរកថាគន្លឹះកិច្ចប្រជុំត្រួតពិនិត្យឡើងវិញជាសកល លើជំនួយសម្រាប់ពាណិជ្ជកម្ម ឆ្នាំ២០១៩ ដោយបានគូសបញ្ជាក់ពីបទពិសោធន៍ កិច្ចប្រឹងប្រែង និងយុទ្ធសាស្ត្រកម្ពុជាក្នុងការជម្នះឧបសគ្គនានា នាំមកនូវកំណើនសេដ្ឋកិច្ចគួរឱ្យកោតសរសើរដល់ប្រទេសកម្ពុជា និងប្រកាសជាផ្លូវការនូវយុទ្ធសាស្ត្រសមាហរណកម្មពាណិជ្ជកម្មកម្ពុជាឆ្នាំ២០១៩-២០៣០ ព្រមទាំងអញ្ជើញថ្លែងសុន្ទរកថានៅក្នុងកម្មវិធីសង្គមដែលរៀបចំឡើងដោយ WTO ផងដែរ។ ជាមួយគ្នានេះដែរ សម្ដេចតេជោនាយករដ្ឋមន្ត្រី ក៏បានអញ្ជើញថ្លែងសុន្ទរកថានៅក្នុងកិច្ចប្រជុំជាទៀងទាត់លើកទី៤១ នៃក្រុមប្រឹក្សាសិទ្ធិមនុស្សអង្គការសហប្រជាជាតិ ដែលបានផ្ដល់សារៈសំខាន់និងច្បាស់លាស់មួយ ឆ្លុះបញ្ចាំងពីការប្ដេជ្ញាចិត្តដ៏មោះមុតរបស់រាជរដ្ឋាភិបាលកម្ពុជា ក្នុងការគោរពសិទ្ធិមនុស្ស និងលទ្ធិប្រជាធិបតេយ្យនៅកម្ពុជា។ ក្នុងឱកាសនៃការស្នាក់អាស្រ័យ នៅទីក្រុងហ្សឺណែវនោះដែរ សម្តេចតេជោនាយករដ្ឋមន្រ្តី បានទទួលជួបសន្ទនាការងារដាច់ដោយឡែកៗពីគ្នា ជាមួយលោកបណ្ឌិត រតនាការ អាឌីការី (Ratanakar Adhikari)នាយកប្រតិបត្តិ នៃក្របខ័ណ្ឌពង្រឹងសមាហរណកម្មពាណិជ្ជកម្ម, ឯកឧត្តម វិល ស្គិនណារី (Ville Skinnari) រដ្ឋមន្រ្តីសហប្រតិបត្តិការអភិវឌ្ឍន៍ និងពាណិជ្ជកម្មអន្តរជាតិ នៃប្រទេសហ្វាំងឡង់, លោកជំទាវ មិឆែល បាឆេឡេ (Michelle Bachelet) ឧត្តមស្នងការអង្គការសហប្រជាជាតិ ទទួលបន្ទុកសិទ្ធិមនុស្ស និងជួបសន្ទនាជាមួយក្រុមហ៊ុនធំៗចំនួន៦របស់ស្វីស ព្រមទាំងជួបសំណេះសំណាលជាមួយ នឹងតំណាងសហគមន៍ប្រជាពលរដ្ឋ សិស្ស និស្សិតខ្មែរ ប្រមាណ៧០០នាក់ រស់នៅសហព័ន្ធស្វីស និងមកពីប្រទេសមួយចំនួនរបស់ សហភាពអឺរ៉ុបផងដែរ។
គួរបញ្ជាក់ដែរថា គណៈប្រតិភូជាន់ខ្ពស់នៃរាជរដ្ឋាភិបាលកម្ពុជា ដឹកនាំដោយសម្ដេចអគ្គមហាសេនាបតីតេជោ ហ៊ុន សែន ចាកចេញពីកម្ពុជាកាលពីថ្ងៃទី០២ ខែកក្កដា ឆ្នាំ២០១៩ ដើម្បីចូលរួមកិច្ចប្រជុំ«ត្រួតពិនិត្យឡើងវិញជាសកលលើជំនួយសម្រាប់ពាណិជ្ជកម្ម ឆ្នាំ២០១៩» ដែលប្រព្រឹត្តទៅ ពីថ្ងៃទី០៣ ដល់ថ្ងៃទី០៥ ខែកក្កដា ឆ្នាំ២០១៩ នៅអង្គការពាណិជ្ជកម្មពិភពលោក ទីក្រុងហ្សឺណែវ ប្រទេសស្វីស ដែលជាការតបតាមការអញ្ជើញរបស់ ឯកឧត្ដម រ៉ូបឺតូ អាហ្សេវេដូ អគ្គនាយកអង្គការពាណិជ្ជកម្មពិភពលោក(WTO)៕
ដោយ ជឹម ណារី
បទយកការណ៍ ស្តីពី ដើម្បីពង្រីកសេវាការងារអោយកាន់តែល្អប្រសើរ តាមរយៈការបង្កើតនៅមជ្ឈមណ្ឌលការងារខេត្ត (៣៣៣)
បទយកការណ៍ ស្តីពី ដើម្បីពង្រីកសេវាការងារអោយកាន់តែល្អប្រសើរ តាមរយៈការបង្កើតនៅមជ្ឈមណ្ឌលការងារខេត្ត (៣៣៣)
នាទី ទីផ្សារការងារ និងមុខរបរ Vol 333
Friday, July 05, 2019
ប្រសាសន៍ដើមទាំងស្រុង សម្តេចតេជោ ហ៊ុន សែន ថ្លែងក្នុងពិធីជួបសំណេះសំណាល ជាមួយសិស្ស និស្សិត និងបងប្អូនសហគមន៍ខ្មែររស់នៅទ្វីបអឺរ៉ុប
ប្រសាសន៍ដើមទាំងស្រុង សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ថ្លែងក្នុងពិធីជួបសំណេះសំណាល ជាមួយសិស្ស និស្សិត និងបងប្អូនសហគមន៍ខ្មែររស់នៅទ្វីបអឺរ៉ុប ប្រមាណជាងមួយពាន់នាក់
ទីក្រុងហ្សឺណែវ, ថ្ងៃទី០៤ ខែកក្កដា ឆ្នាំ២០១៩
ផ្សាយឡើងវិញ (Replay) សកម្មភាពសម្តេចតេជោ ហ៊ុន សែន នៅទីក្រុងហ្សឺណែវ ប្រទេសស្វីស ថ្ងៃទី០២-០៥ ខែកក្កដា ឆ្នាំ២០១៩
សកម្មភាពសម្តេចតេជោ ហ៊ុន សែន អញ្ជើញកិច្ចប្រជុំត្រួតពិនិត្យឡើងវិញជាសកល លើកទី៧ «ស្តីពីជំនួយសម្រាប់ពាណិជ្ជកម្ម», អញ្ជើញក្នុងកម្មវិធីព្រឹត្តិការណ៍សង្គម – វប្បធម៌, ថ្លែងក្នុងកិច្ចប្រជុំជាទៀតទាត់លើកទី៤១ នៃក្រុមប្រឹក្សាសិទ្ធិមនុស្សអង្គការសហប្រជាជាតិ, និងអញ្ជើញជួបសំណេះសំណាល ជាមួយបងប្អូនសហគមន៍ខ្មែររស់នៅទ្វីបអឺរ៉ុប ទីក្រុងហ្សឺណែវ ប្រទេសស្វីស។
ទីក្រុងហ្សឺណែវ, ថ្ងៃទី០២-០៥ ខែកក្កដា ឆ្នាំ២០១៩
===============
Website: http://www.khmerunity.org
Facebook: https://www.facebook.com/KhmerTemouyOfficial/
Youtube: https://www.youtube.com/user/winwindc/videos/
Live: https://www.youtube.com/user/winwindc/live
Thursday, July 04, 2019
សម្ដេចតេជោ ហ៊ុន សែន អញ្ជើញទទួលជួបពិភាក្សាការងារជាមួយតំណាងក្រុមហ៊ុនវិនិយោគអន្តរជាតិចំនួន៦
នៅព្រឹកថ្ងៃទី៤ ខែកក្កដា ឆ្នាំ២០១៩ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានទទួលជួបពិភាក្សាការងារជាមួយតំណាងក្រុមហ៊ុនវិនិយោគអន្តរជាតិចំនួន៦ ក្នុងឱកាសដែលសម្ដេចអញ្ជើញចូលរួមកិច្ចប្រជុំនៅអង្គការពាណិជ្ជកម្មពិភពលោក(WTO) ទីក្រុងហ្សឺណែវ ប្រទេសស្វីស។
នៅក្នុងជំនួបនេះ សម្ដេចតេជោនាយករដ្ឋមន្ត្រីបានស្វាគមន៍ដល់តំណាងក្រុមហ៊ុនទាំងអស់នេះបានមកជួបសម្តេចនាពេលនេះ ដែលសម្ដេចតែងតែឆ្លៀតឱកាសជួប ទោះបីជាមានការមមាញឹកយ៉ាងណាក៏ដោយ ដើម្បីកៀងគរអ្នកវិនិយោគ ឬក្រុមហ៊ុនពីបរទេស ដើម្បីមកបណ្ដាក់ទុននៅក្នុងប្រទេសកម្ពុជា។ នៅក្នុងជំនួបនេះ ក្រុមហ៊ុនទាំង៦បានអរគុណចំពោះសម្ដេចតេជោនាយករដ្ឋមន្ត្រី ដែលបានអនុញ្ញាតឲ្យក្រុមហ៊ុនរបស់លោកទាំងអស់ចូលជួបសំដែងការគួរសម និងពិភាក្សាការងារនាព្រឹកនេះ។
តំណាងក្រុមហ៊ុនអន្តរជាតិក៏បានលើកឡើងពីការរីកចម្រើននៅក្នុងប្រទេសកម្ពុជាពិសេសកំណើនសេដ្ឋកិច្ច ក្រោមការដឹកនាំរបស់សម្ដេចតេជោ ជានាយករដ្ឋមន្ត្រី ដែលធ្វើអោយក្រុមហ៊ុនរបស់លោកមានការចាប់អារម្មណ៍ចង់មកធ្វើការវិនិយោគទៅលើវិស័សុខាភិបាល ជាពិសេសមានបំណងចង់កសាងមន្ទីរពេទ្យថ្មី និងមជ្ឈមណ្ឌលថែទាំសុខភាពនៅក្នុងប្រទេសកម្ពុជា។ជាពិសេសទៅទៀតពួកគាត់ក៏មានការចាប់អារម្មណ៍ទៅលើវិស័យថាមពល វិស័យបច្ចេកវិទ្យាផងដែរ។
នៅក្នុងជំនួបនេះ តំណាងក្រុមហ៊ុនបានគូសបញ្ជាក់ថាគាត់បានរៀបចំគម្រោងរួចហើយទាក់ទងនឹងវិស័យសុខាភិបាលដែលគាត់បានរៀបចំនូវគម្រោងវិនិយោគលើទឹកប្រាក់ប្រមាណជាប្រមាណជា ៤០លានដុល្លារ។ លើសពីនេះទៅទៀតគាត់មានបំណងចង់ចូលរួមក្នុងការបណ្ដុះបណ្ដាល និងកសាងសមត្ថភាពលើវិស័យសុខាភិបាលនេះ។
ការឆ្លើយតប សម្ដេចតេជោនាយករដ្ឋមន្ត្រីបានមានប្រសាសន៍ថា សម្ដេចគាំទ្ររាល់ការវិនិយោគក្នុងប្រទេសកម្ពុជា ជាពិសេសការកសាងនូវហេដ្ឋារចនាសម្ព័ន្ធថ្មី ដូចជាមន្ទីរពេទ្យជាដើមនេះ មិនត្រឹមតែប៉ុណ្ណោះទេ ក្នុងការបណ្ដុះបណ្ដាលធនធានមនុស្សនិងរួមទាំងវិស័យថាមពលនេះ។ សម្ដេចតេជោនាយកមន្ត្រី ក៏បានអរគុណចំពោះក្រុមហ៊ុនដែលបានចាប់អារម្មណ៍ចង់ទៅបណ្ដាក់ទុននៅក្នុងប្រទេសកម្ពុជាលើវិស័យផ្សេងៗ ជាពិសេសលើវិស័យសុខាភិបាលនេះ។ ដូច្នេះសម្តេចបានគូសបញ្ជាក់ថាកន្លងទៅនេះ ប្រជាជនកម្ពុជាតែងតែទៅព្យាបាលនៅឯក្រៅប្រទេសដូចជា ប្រទេសវៀតណាម ប្រទេសថៃ និងប្រទេសសិង្ហបុរីជាដើម។ សម្តេចតេជោបានបញ្ជាក់បន្ថែមថា ប្រសិនបើមានអ្នកវិនិយោគទៅដាក់ទុនលើវិស័យសុខាភិបាលនៅឯប្រទេសកម្ពុជានោះ វាជារឿងល្អដោយសារអាចផ្ដល់សេវាផ្នែកសុខាភិបាលនេះ ដល់ប្រជាពលរដ្ឋខ្មែរ និងអាចមានជំនឿទុកចិត្តពីប្រជាពលរដ្ឋខ្មែរផងដែរ។ តេជោក៏បានគូសបញ្ជាក់ផងដែរថា បច្ចុប្បន្ននេះដោយសារតែកម្ពុជាមានកំណើនភ្ញៀវទេសចរ ច្រើន ដូច្នេះវិស័យសុខាភិបាលដែលបង្កើតនៅប្រទេសកម្ពុជានោះ មិនត្រឹមតែសម្រាប់ព្យាបាលដល់ប្រជាពលរដ្ឋកម្ពុជា ប៉ុណ្ណោះទេ ក៏ប៉ុន្តែ ក៏អាច បំរើសេវាកម្មផ្នែកសុខាភិបាលនៅដល់ភ្ញៀវទេសចរដែលមកទស្សនាប្រទេសកម្ពុជាផងដែរ។
លើសពីនេះទៅទៀត សម្ដេចតេជោនាយករដ្ឋមន្ត្រីបានមានប្រសាសន៍ថា សូមឲ្យក្រុមហ៊ុនអ្នកវិនិយោគទាំងអស់ទៅសិក្សាក៏ដូចជាទៅទស្សនកិច្ចនៅក្នុងប្រទេសកម្ពុជា ដើម្បីធ្វើការពិភាក្សាការងារជាក់ស្ដែង និងដើម្បីអាចធ្វើការវិនិយោគក្នុងប្រទេសកម្ពុជាតែម្ដងលើវិស័យដែលមានបំណងចង់វិនិយោគនោះនោះ ជាពិសេសលើផ្នែកបណ្ដុះបណ្ដាលធនធានមនុស្ស សម្ដេចបានមានប្រសាសន៍ថាប្រសិនបើអាចចាប់ជាដៃគូជាមួយសាលារៀន ដែលមានស្រាប់នៅប្រទេសកម្ពុជាទាំងសាលារដ្ឋនិងសាលាឯកជនគឺកាន់តែប្រសើរ។
ជាចុងក្រោយ សម្តេចតេជោនាយករដ្ឋមន្ត្រីក៏បានគូសបញ្ជាក់ថា សម្ដេចពិតជារីករាយ និងស្វាគមន៍ដល់បណ្ដាក្រុមហ៊ុនវិនិយោគទាំងអស់ ហើយសម្តេចបានជំរុញធ្វើយ៉ាងណាឲ្យគាត់យកចិត្តទុកដាក់ដាក់ការបណ្ដុះបណ្ដាលផង ជាពិសេសលើវិស័យដែលក្រុមហ៊ុនចង់ទៅវិនិយោគនោះ៕
Subscribe to:
Posts (Atom)