អង្គកឋិនទានព្រះរាជទ្រព្យ របស់ព្រះមហាក្សត្រ ដង្ហែចូលវត្តកុលម្ពវន្ត័ (ហៅវត្តតាកុល)

កំពង់ឆ្នាំង៖ អង្គកឋិនទានព្រះរាជទ្រព្យ របស់ព្រះមហាក្សត្រ ព្រះបាទសម្តេចព្រះនរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានដង្ហែចូលវត្តកុលម្ពវន្ត័ (ហៅវត្តតាកុល)  ស្រុកកំពង់ត្រឡាច ខេត្តកំពង់ឆ្នាំង នៅថ្ងៃទី១៨ ខែតុលា ឆ្នាំ២០១៧។

ពិធីនេះធ្វើឡើងក្រោមអធិបតីភាព តំណាងដ៏ខ្ពង់ខ្ពស់ ម្ចាស់ (ស៊ីសុវត្តិពង្សនារី មុនីពង្ស) និង លោក គង់ សំអុល អមដំណើដោយលោក គុយ សុផល និងមានការចូលរួមពីលោក ឈួរ ច័ន្ទឌឿន អភិបាលខេត្តកំពង់ឆ្នាំង ព្រះសង្ឃអស់លោក លោកស្រី ប្រធានអនុប្រធានមន្ទីរ កងកំលាំងប្រដាប់អាវុធ លោកគ្រូ អ្នកគ្រូ សិស្សានុសិស្សជាច្រើនចូលរួមផងដែរ៕

កម្ពុជា-អូស្ត្រាលីចុះអនុស្សរណៈស្ដីពីការពិគ្រោះយោបល់ថ្នាក់ឧត្តមមន្រ្តីរវាងក្រសួងការបរទេសទាំងពីរ

កម្ពុជា-អូស្ត្រាលី ចុះអនុស្សរណៈស្ដីពីការពិគ្រោះយោបល់ថ្នាក់ឧត្តមមន្រ្តីរវាងក្រសួងការបរទេសទាំងពីរ នឹងជួយ សម្រួលដល់ការពិគ្រោះយោបល់ និងកិច្ចសហប្រតិបត្តិការ រវាងប្រទេសទាំងពីរ នៅក្នុងវិស័យនយោបាយ សន្តិសុខ សេដ្ឋកិច្ច និងវប្បធម៌ និងការផ្លាស់ប្តូរទស្សនៈលើបញ្ហានានា ដែលជាការព្រួយបារម្ភ និងការយកចិត្តទុកដាក់រួម ដែលអនុស្សរណៈនេះ ត្រូវបានចុះហត្ថលេខា ដោយលោកទេសរដ្ឋមន្រ្តី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ ជាមួយលោកស្រី អេនជេឡា ខូខូរ៉េន ឯកអគ្គរដ្ឋទូតអូស្រ្តាលី ប្រចាំកម្ពុជានៅទីស្តីការក្រសួង នៅរសៀលថ្ងៃទី១៨ ខែតុលា ឆ្នាំ២០១៧។

លោកទេសរដ្ឋមន្ត្រី ប្រាក់សុខុន មានប្រសាសន៍ថា ការចុះហត្ថលេខាលើអនុស្សរណៈនេះ នឹងកំណត់នូវជំហានថ្មីមួយទៀត ក្នុងការពង្រឹងទំនាក់ទំនងមិត្តភាព និងពង្រីកកិច្ចសហប្រតិបត្តិការទេ្វភាគី ដែលមានស្រាប់រវាងប្រទេសទាំងពីរ កម្ពុជា អូស្រ្ដាលី ដោយឈរលើគោលការណ៍សមភាព មានផលប្រយោជន៍ និងការគោរពគ្នាទៅវិញទៅមក។ ការបង្កើតឲ្យមានកិច្ចពិគ្រោះយោបល់ថ្នាក់ឧត្តមមន្រ្តី រវាងក្រសួងការបរទេសទាំងពីរ នឹងជួយសម្រួលដល់ការពិគ្រោះយោបល់ និងកិច្ចសហប្រតិបត្តិការ រវាងប្រទេសទាំងពីរនៅក្នុងវិស័យនយោបាយ សន្តិសុខ សេដ្ឋកិច្ច និងវប្បធម៌។ ដោយឡែកការពិគ្រោះយោបល់នយោបាយរវាងកម្ពុជា នឹងធ្វើឡើងរៀងរាល់១ឆ្នាំម្តងបើក្នុងករណីចាំបាច់ និងមានជំនួបពិគ្រោះយោបល់គ្នាញឹកញាប់។

គួរបញ្ជាក់ថា ក្នុងន័យនេះ រាជរដ្ឋាភិបាលកម្ពុជា និងរដ្ឋាភិបាលអូស្ត្រាលី មានកិច្ចសហការជាមួយគ្នា លើវិស័យជាច្រើនដូចជា វិស័យទូរគមននាគមន៍, ច្បាប់ ,អប់រំ ,សេដ្ឋកិច្ចទេសចរណ៍ ,កសិកម្ម, សុខាភិបាល និងការបណ្តុះបណ្តាលធនធានមនុស្សជាដើម ពិសេសកម្ពុជា និងអូស្ត្រាលី មានទំនាក់ទំនងមិត្តភាព និងកិច្ចសហប្រតិបត្តិការ យ៉ាងរឹងមាំជាមួយគ្នា ចាប់តាំងពីការបង្កើតទំនាក់ទំនងការទូត នៅឆ្នាំ១៩៥២ មក។ ជាមួយគ្នានេះដែរ ក្នុងស្មារតីមិត្តភាព និងការគោរពគ្នាទៅវិញទៅមក ប្រទេសយើងទាំងពីរ បានសម្រេចកិច្ចការសំខាន់ៗជាច្រើនរួមគ្នា តាមរយៈកិច្ចសហប្រតិបត្តិការទ្វេភាគីលើគ្រប់វិស័យប្រកបដោយផ្លែផ្កា តាមរយៈកិច្ចសហប្រតិបត្តិការតំបន់ និងពហុភាគី ហើយជាមួយនឹងយន្តការថ្មីនេះ កិច្ចសហប្រតិបត្តិការទ្វេភាគីរវាងកម្ពុជា និងអូស្រ្តាលី នឹងរីកចម្រើនកាន់តែខ្លាំងទៅមុខទៀត ដើម្បីជាប្រយោជន៍ដ៏ប្រសើរបំផុត របស់ប្រជាជន និងប្រទេសយើងទាំងពីរ៕

អត្ថបទ៖ សាវឿន

ប្រធានសមាគមអតីតយុទ្ធជនកម្ពុជា ប្រគល់ថវិកាបេឡាមរណៈសង្រ្គោះ របស់សមាគម ជូនក្រុមគ្រួសារសពអតីតយុទ្ធជន

កំពង់ឆ្នាំង៖ លោក ធន  ធឿន មេបញ្ជាការសឹករងខេត្ត និងជាប្រធានសមាគមអតីតយុទ្ ធជនកម្ពុជាខេត្ត កំពង់ឆ្នាំង, លោក ចក់ កែវចំរើន ប្រធានការិយាល័យ បេឡាជាតិអតីតយុទ្ធជន, លោក ឈឹម វុទ្ធា អភិបាល ស្រុកំពង់ត្រឡាច រួមនឹងមន្រ្តីក្រុមការងារសមាគម អតីតយុទ្ធខេត្ត ស្រុក ឃុំ កងកម្លាំងប្រដាប់អាវុធ និងសមា ជិកអតីតយុទ្ធជន នៅថ្ងៃទី១៨ ខែតុលា ឆ្នាំ២០១៧ បានអញ្ជើញ ចូលរួមគោរពវិញ្ញាណក្ខ័ន្ធ្តធាតុ សព លោក សុខ សុវណ្ណ អតីតជាយោធិនពិការ ដែលទើបនឹង ទទួលមរណភាពដោយជំងឺ នៅថ្ងៃទី១៦ ខែតុលា ឆ្នាំ២០១៧ នៅភូមិធ្នង់ ឃុំអូរឫស្សី ស្រុកកំពង់ត្រឡាច ខេត្តកំពង់ឆ្នាំង។

ប្រធានសមាគមអតីតយុទ្ធជនកម្ពុជា បានប្រគល់ថវិកាបេឡាមរណសង្រ្គោះ របស់សមាគមអតីតយុទ្ធកម្ពុជា ចំនួន ៤,០០០,០០០ រៀល ជូនដល់លោកយាយ កូវ ថន ត្រូវជាម្តាយរបស់សព  ក្នុងឱកាសនោះ លោក បានសូមខមាលទោស ចំពោះវិញ្ញាណក្ខន្តសព និងសូមអភ័យទោស ចំពោះក្រុមគ្រួសារនៃសព ដែលសមាគម យើង ខ្ញុំមិនបានយកថវិកាមកប្រគល់ជូន ទាល់ពេលកំពុងប្រារព្ធពិធីបុណ្យ ក្នុងនោះដែរលោក បានមានមតិ សំណេះសំណាល នឹងបានពាំនាំ នូវការចូលរួមរំលែកទុក្ខ ពីសំណាក់លោកអគ្គលេខាធិការសមាគម អតីតយុទ្ធជនកម្ពុជា លោកអភិបាលខេត្ត ពិសេសពីសំណាក់ លោកនាយករដ្ឋមន្រ្ដី ហ៊ុន សែន ប្រធានសមាគមអតីតយុទ្ធជនកម្ពុជា ជូនចំពោះក្រុមគ្រួសារសពផងដែរ។

លោកបានមានប្រសាសន៍បន្ថែមទៀតថា ក្នុងនាមជាប្រធានសមាគមអតីតយុទ្ធជន លោកសូមឱ្យបងប្អូនដែល បានអញ្ជើញចូលរួមនៅពេលនេះ ពិសេសបងប្អូនអតីតយុទ្ធជនរបស់យើង ត្រូវមានការជឿរជាក់ លើរាជរដ្ឋា ភិបាលបច្ចុប្បន្ន ដែលកើតចេញពីការបោះឆ្នោត ដឹកនាំដោយគណបក្សប្រជាជនកម្ពុជា ដែលមានលោក នាយករដ្ឋមន្រ្ដី ហ៊ុន សែន ជាប្រមុខដឹកនាំដ៏ឆ្នើម ជាអ្នកនាំមកនូវសន្តិភាព ជូនប្រទេសជាតិ និងប្រជាជន ដូច្នេះសូមបងប្អូន កុំជឿលើគណបក្សប្រឆាំង ដែលជានិច្ចជាកាល តែងតែសន្យាខ្យល់ មិនដែលឃើញជួយ កសាង អភិវឌ្ឍន៍ប្រទេសជាតិ ឬជួយដល់បងប្អូនអតីតយុទ្ធជនរបស់យើងម្តងណានោះទេ ។

ក្នុងឱកាសពេលនោះ លោកស្រី ហួន សាវ៉ាង ត្រូវជាបងស្រីបង្កើតរបស់សព បានមានប្រសាសន៍ថា លោកស្រី ព្រមទាំងក្រុមគ្រួសាររបស់អ្នកស្រី មិនដែលនឹកឃើញចង់ដូររបបដូចគណបក្សមួយចំនួន មកឃោសនាអូស ទាញម្តងណានោះទេ ព្រោះលោកស្រីតែងគិតហើយថា មានតែគណបក្សប្រជាជន ដែលមានលោក នាយករដ្ឋមន្រ្ដី ហ៊ុន សែន ជាប្រមុខដឹកនាំ ទេដែលជាអ្នកធ្វើឱ្យប្រទេសជាតិ និងប្រជាជន បានសុខ ហើយរូបលោកស្រីនៅតែដើរតាម និង គាំទ្រនូវគោលនយោបាយដឹកនាំរបស់គណបក្សប្រជាជនកម្ពុជាជានិច្ច និងសូមគាំទ្រលោកធ្វើជានាយករដ្ឋមន្រ្តីជារៀងរហូត ៕

អភិបាលខេត្តកំពង់ឆ្នាំង​ អំពាវនាវ​ដល់កងកំលាំង​ប្រដាប់អាវុធ​ និងមន្រ្តីរាជការ​ត្រូវរួមគ្នា​ថែរក្សាសន្តិភាព

កំពង់ឆ្នាំង៖ លោក ឈួរ ច័ន្ទឌឿន អភិបាលខេត្តកំពង់ឆ្នាំង និងជាប្រធានគណៈបញ្ជាឯកភាពរដ្ឋបាលខេត្តកំពង់ឆ្នាំង បានអំពាវនាវដល់កងកំលាំងប្រដាប់អាវុធ និងមន្រ្តីរាជការនៅទូទាំងខេត្តកំពង់ឆ្នាំង ត្រូវបន្តរួមគ្នាថែរក្សាសន្តិភាពដែលមានបច្ចុប្បន្នអោយបានគង់វង្ស និងទប់ស្កាត់ ប្រឆាំងដាច់ខាតរាល់ឧបាយកលរបស់ពួកអគតិ ដែលមានបំណងផ្តួលរំលំរាជរដ្ឋាភិបាលស្របច្បាប់ ដែលកើតចេញពីការបោះឆ្នោត។

លោកអភិបាលខេត្ត បានអំពាវនាវបែបនេះនៅថ្ងៃទី១៩ ខែតុលា ឆ្នាំ២០១៧នេះ ក្នុងកិច្ចប្រជុំផ្សព្វផ្សាយវិធានការរក្សាសន្តិសុខ សណ្តាប់ធ្នាប់សាធារណៈ និងសុខសន្តិភាព ប្រឆាំងចំពោះឧបាយកលផ្តួលរំលំរដ្ឋអំណាចស្របច្បាប់នៅកម្ពុជា ដោយមានការចូលរួមពីលោកស្រី ដោក សុទ្ធា ប្រធានក្រុមប្រឹក្សាខេត្តកំពង់ឆ្នាំង សមាជិកក្រុមប្រឹក្សាខេត្ត អភិបាលរងខេត្ត កងកំលាំងប្រដាប់អាវុធ មន្រ្តីរាជការសរុបចំនួន៨៩៧នាក់។

លោក ឈួរ ច័ន្ទឌឿន ក៏បានជំរុញឲ្យមន្រ្តីរាជការគ្រប់លំដាប់ ត្រូវបន្តបំរើសេវា និងដោះស្រាយរាល់សំណូមពរ ដែលជាតម្រូវការចាំបាច់របស់ប្រជាពលរដ្ឋអោយបានទាន់ពេលវេលា។ ត្រូវលុបបំបាត់ភាពអសកម្មដែលធ្វើឲ្យមានការថ្នាំងថ្នាក់ ពីប្រជាពលរដ្ឋ ជាពិសេសអាជ្ញាធរមូលដ្ឋាន ត្រូវយកចិត្តទុកដាក់ដោះស្រាយជីវភាពរស់នៅ របស់ប្រជាពលរដ្ឋ ដែលជួបការលំបាកក្នុងមូលដ្ឋានទទួលខុសត្រូវរបស់ខ្លួន ឲ្យបានទាន់ពេលវេលា និងត្រូវទប់ស្កាត់ឲ្យបាននូវបទល្មើសផ្សេងៗកុំអោយកើតមានក្នុងមូលដ្ឋានរបស់ខ្លួន សំខាន់ផ្សព្វផ្សាយឲ្យប្រជាពលរដ្ឋយល់ និងចូលរួមគោរពច្បាប់ចរាចរណ៍ទាំងអស់គ្នា៕

លិខិតចំហរជូនទូតបរទេសមួយចំនួន៖ កម្ពុជាមិនអនុញ្ញាតឲ្យមាន «បដិវត្តន៍ពណ៌» ហើយ «កម្ពុជាគ្មានច្បាប់លែងអ្នកទោសដោយឥតលក្ខខណ្ឌនោះទេ»!

ប្រជាជនកម្ពុជាសូមបញ្ជាក់សារជាថ្មីនូវជំហរម៉ឺងម៉ាត់ជូនទូតបរទេសមួយចំនួន ដែលធ្វើសេចក្តីថ្លែងការណ៍ថ្មីៗអំពីសភាពការណ៍កម្ពុជា។ ប្រជាជនកម្ពុជាយល់ច្បាស់ណាស់រវាងសារជាតិនៃវោហាសាស្ត្រពង្រឹងប្រជាធិបតេយ្យ និងរវាងវោហាសាស្ត្រលើកទឹកចិត្តដល់អង្គការចាត់តាំងបដិវត្តន៍ពណ៌ ដែលនេះគឺជារឿងពីរផ្សេងគ្នា និងមានខ្លឹមសារខុសគ្នា។ ប្រជាជនកម្ពុជាយល់ច្បាស់ណាស់អំពីតម្លៃនៃការបោះឆ្នោតតាមបែបប្រជាធិបតេយ្យ និងអំពើទុច្ចរិតរបស់អង្គការចាត់តាំងបដិវត្តន៍ពណ៌ ដែលឆក់ឱកាសក្នុងពេលបោះឆ្នោត ដើម្បីធ្វើបដិវត្តន៍ពណ៌បង្ករគ្រោះថ្នាក់ដល់ប្រជាជន និងទីបំផុតបំផ្លាញប្រទេសជាតិឯងទាំងមូល។ យើងក៏សូមបញ្ជាក់ជូនមិត្តបរទេសថា៖ «កម្ពុជាគ្មានច្បាប់លែងអ្នកទោស ដោយឥតលក្ខខណ្ឌនោះទេ»។

ប្រវត្តិសាស្ត្របានប្រាប់យើងច្បាស់ថា បដិវត្តពណ៌បានកំពុងបំផ្លិចបំផ្លាញប្រទេសជាង២០នៅលើពិភពលោក។ ភាពខ្លោចផ្សារ វិនាសកម្ម និងភាពខ្ទេចខ្ទាំពីបដិវត្តន៍ពណ៌នៅស្រស់ៗនៅឡើយ ហើយគ្មានអ្នកណាចេញមុខទទួលខុសត្រូវចំពោះសោកនាដកម្មនេះទេ។ ដូច្នេះ អ្នកណាក៏ដោយ តាមវិធីណាក៏ដោយ សុំកុំយកបដិវត្តន៍ពណ៌ដ៏ខ្មៅងងិតនេះមកសាបព្រួសនៅមាតុភូមិកម្ពុជាឲ្យសោះ។

យើងសូមឲ្យមិត្តបរទេសទាំងឡាយត្រូវមានភាពស្មោះត្រង់ជាមួយប្រជាជនកម្ពុជា។ អ្នកគួរមានភាពស្មោះត្រង់ ហើយរួមជាមួយប្រជាជនកម្ពុជាក្នុងការបំផ្លាញចោលអង្គការចាត់តាំង «បដិវត្តន៍ពណ៌» ដើម្បីកុំឲ្យកើតមានសារជាថ្មី នោះទើបជាកង្វល់ពិត។ កម្ពុជាធ្លាប់បានពុះពារយ៉ាងលំបាកក្នុងការរំលាយចោលអង្គការចាត់តាំង «ខ្មែរក្រហម» ទម្រាំបង្កើតបាននូវ «សន្តិភាព» ដែលមានតម្លៃដ៏ពិសិដ្ឋសម្រាប់ស្ថេរភាពជាតិនិងការអភិវឌ្ឍន៍កម្ពុជាដូចសព្វថ្ងៃនេះ។ ដូច្នេះ កម្ពុជាស្គាល់ច្បាស់ណាស់រវាងផលប្រយោជន៍ជាតិ និងសកម្មភាពដែលបំផ្លាញជាតិ។

ឥឡូវនេះ កម្ពុជាមានមូលហេតុពិតប្រាកដរបស់ខ្លួនក្នុងការបន្តពង្រឹងនីតិរដ្ឋនិងផ្លូវច្បាប់ដើម្បីជាមូលដ្ឋានសម្រាប់ការពារអធិបតេយ្យជាតិ ការពារអាយុជីវិតជាតិនិងអាយុជីវិតប្រជាជនទាំងអស់។ យើងយល់ច្បាស់ណាស់ថា៖ «អង្គការចាត់តាំងខ្មែរក្រហមព្រៃផ្សៃយ៉ាងណា គឺអង្គការចាត់តាំងបដិវត្តន៍ពណ៌ ក៏គ្រោះថ្នាក់ចំពោះជាតិដូចគ្នាដែរ»។ ប្រជាជនកម្ពុជាមិនជំទាស់ចំពោះទស្សនៈនយោបាយនោះទេ ក៏ប៉ុន្តែទាំងអស់គ្នាគួរតែមានទស្សនៈប្រាកដនិយម ទទួលស្គាល់ការពិត ហើយត្រូវតែគោរពនូវសេចក្តីត្រូវការពិតប្រាកដរបស់ប្រជាជនកម្ពុជា ពីព្រោះប្រជាជនកម្ពុជាយល់ស្របគ្នាថា៖ «សន្តិភាពនិងការអភិវឌ្ឍន៍» គឺធំជាងអ្វីៗទាំងអស់ ហើយសំខាន់ជាអ្វីៗទាំងអស់។

ប្រជាជនកម្ពុជាមានបទពិសោធន៍ផ្ទាល់ខ្លួនឯងគ្រប់គ្រាន់អំពីផលវិបាករបស់ជាតិនិងប្រជាជនដែលបង្ករដោយសារសង្គ្រាម និងអំពើប្រល័យពូជសាសន៍ ប៉ុល ពត កាលពីអតីតកាលដែលជា «មរតកនៃសង្គ្រាមត្រជាក់»។ ដូច្នេះ នៅពេលដែលអ្នកលើកពីការនិពន្ធអំពីប្រវត្តិសាស្ត្រតែមួយចំណែកតូច យើងគួរតែក្លាហានហ៊ានលាតត្រដាងប្រវត្តិសាស្ត្រពិភពលោកទាំងមូល និងត្រូវតែហ៊ានទទួលស្គាល់ការពិត ហើយពេលនោះអ្នកអាចយល់បានថា ហេតុដូចម្តេចកម្ពុជាមានការប្តេជ្ញាចិត្តខ្ពស់អំពីផលប្រយោជន៍ជាតិបែបនេះ?៖

ទី១៖ ប្រជាជនកម្ពុជា បានមើលឃើញយ៉ាងច្បាស់អំពីទុក្ខសោករបស់ជនភៀសខ្លួនដែលបង្ករឡើងដោយសារអំពើឈ្លានពាន និងការផ្តួលរំលំរដ្ឋាភិបាលស្របច្បាប់តាមរយៈ«បដិវត្តន៍ពណ៌» ដែលអុជអាលដោយបរទេស មានដូចជានៅប្រទេស៖ យូហ្គោស្លាវី, ទុយណេស៊ី, អ៊ុយក្រែន, អាម៉ានៀ, អេហ្ស៊ីប, ហ្សកហ្ស៊ី, ហ្សកដង់, ម៉ារ៉ុក, ស៊ូដង់, ម៉ូរីស, លីបង់, អ៊ីរ៉ាក់, គុយវ៉ែត, អេហ្ស៊ីប, លីប៊ី, យេម៉ែន, ស៊ីរី និងនៅបណ្តាប្រទេសមួយចំនួនទៀត។

ទី២៖ ប្រជាជនកម្ពុជាក៏បានយល់ដឹងច្បាស់ណាស់អំពីសោកនាដកម្មរបស់ប្រជាជននៅជុំវិញពិភពលោកដែលបង្ករដោយពួកជ្រុលនិយម និងអំពើភេរវកម្មដែលកំពុងបន្តកើតមានជាបន្តបន្ទាប់រហូតមកទល់សព្វថ្ងៃនេះ។ប្រជាជនកម្ពុជាក៏បានដឹងដែរថា ប្រទេសមួយចំនួននៅមជ្ឈិមបូព៌ាកំពុងប្រឈមវិបត្តិធ្ងន់ធ្ងរនៃការបែកបាក់ជាតិ សង្គ្រាមស៊ីវិល និងការទាមទារបំបែករដ្ឋបន្ទាប់ពី«បដិវត្តន៍ពណ៌»។ យើងទាំងអស់គ្នាគួរមានការសោកស្តាយដែលបរទេសមួយចំនួនធ្វើជាមិនដឹងមិនឮចំពោះផលវិបាកនិងទុក្ខសោករបស់ប្រជាជនទាំងស្ត្រី និង កុមារ នៅជុំវិញពិភពលោក ដែលបង្ករឡើងដោយសារបដិវត្តន៍ពណ៌នេះ។

ទី៣៖ ប្រជាជនកម្ពុជាបានដឹងថា ប្រទេសខ្លះបានសម្រេចព្យួរចោលប្រជាធិបតេយ្យ ដើម្បីស្តារឡើងវិញនូវស្ថេរភាពសង្គម និងការផ្សះផ្សារជាតិ ហើយប្រទេសខ្លះបានបន្តការដឹកនាំតាមរបៀបឯកបក្សដើម្បីពង្រឹងអភិបាលកិច្ច និងបន្តពង្រីកសេដ្ឋកិច្ចទីផ្សារសេរី។

ទី៤៖ ប្រជាជនកម្ពុជាក៏បានដឹងដែរថា ពិភពលោកគ្មានស្តង់ដារការដឹកនាំទេ ហើយនៅក្នុងប្រទេសបិតាប្រជាធិបតេយ្យ ក៏គ្មានវត្តមានគណបក្សប្រឆាំងដែរ។ យើងក៏បានដឹងដែរថា ប្រជាជននៅក្នុងប្រទេសបិតាប្រជាធិបតេយ្យមួយបានកំពុងសម្តែងការឈឺចាប់ដោយចោទប្រទេសមហាអំណាចមួយទៀតថា «ជ្រៀតជ្រែក» កិច្ចការផ្ទៃក្នុងរបស់ប្រទេសខ្លួន។ កម្ពុជាក៏មានទស្សនៈដូចគ្នាដែរថា ដាច់ខាតគឺមិនទទួលយកការជ្រៀតជ្រែកពីបរទេសណាឡើយ តែកម្ពុជាមិនទាន់ដល់កម្រិតត្រូវបណ្តេញមន្ត្រីទូតឲ្យចាកចេញពីប្រទេស ដោយសារបញ្ហា«ជ្រៀតជ្រែក»នោះទេ។

ឆ្លងតាមបទពិសោធន៍ជាក់ស្តែង និងការពិតរបស់ពិភពលោកខាងលើនេះ ប្រជាជនកម្ពុជាសូមបញ្ជាក់ជូនបរទេសមួយចំនួនថា ប្រជាជនកម្ពុជានៅតែបន្តប្រកាន់យកការដឹកនាំប្រទេសតាម «របបរាជានិយមអាស្រ័យរដ្ឋធម្មនុញ្ញ ដែលមានបាវចនា ជាតិ សាសនា ព្រះមហាក្សត្រ»។ ប្រជាជនកម្ពុជាគោរពស្មារតីរដ្ឋធម្មនុញ្ញដែលចែងអំពី «ប្រជាធិបតេយ្យសេរីពហុបក្ស»។ ប្រជាជនកម្ពុជាមានសុភវិនិច្ឆ័យប្រកបដោយមនសិការជាតិខ្ពស់ដោយបោះឆ្នោតបន្តទៀតជូនមេដឹកនាំជាតិរបស់យើងដែលមានសមត្ថភាពនិងលទ្ធភាពពេញលេញក្នុងការការពារ «អធិបតេយ្យជាតិ»។

យើងក៏សូមគូសបញ្ជាក់ជូនមិត្តបរទេសថា នៅក្នុងប្រវត្តិនយោបាយកម្ពុជា បើគណបក្សនយោបាយណាមួយទទួលយកមនោគមន៍វិជ្ជាបរទេសមកអនុវត្ត គឺបក្សនយោបាយនោះតែងតែអនុវត្តដោយជ្រុលនិយម ហើយអំពើជ្រុលនិយមនេះមិនត្រឹមតែបំផ្លាញតម្លៃដើមនៃទស្សនៈវិជ្ជានយោបាយប៉ុណ្ណោះទេ គឺថែមទាំងបំផ្លាញជាតិនិងប្រជាជនរបស់ខ្លួនឯងតែម្តង។ ដូច្នេះ ប្រជាជនកម្ពុជានឹងមិនអត់ឱនចំពោះមនោគមន៍វិជ្ជាពិសពុលទាំងឡាយណា រួមទាំងមិនអនុញ្ញាតឲ្យមានបដិវត្តន៍ពណ៌កើតឡើង ដែលនាំដល់ការបែកបាក់ជាតិ បំផ្លាញសន្តិភាពដ៏ពិសិដ្ឋរបស់ជាតិ ហើយបង្កើតឡើងនូវភ្លើងសង្គ្រាមនៅកម្ពុជាដូចក្នុងទសវត្សរ៍ឆ្នាំ១៩៧០នោះទេ។

យើងសូមគូសបញ្ជាក់ដែរថា កម្ពុជាបច្ចុប្បន្ននេះ គឺមានសមត្ថភាពគ្រប់គ្រាន់ក្នុងការធ្វើជាដៃគូសន្ទនារជាមួយបរទេសគ្រប់កម្រិត គ្រប់ទម្រង់ គ្រប់មធ្យោបាយ និងគ្រប់រូបភាព ដោយគោរពគ្នាទៅវិញទៅមកនិងដោយតម្កល់ផលប្រយោជន៍គ្នាទៅវិញទៅមក។ រាជរដ្ឋាភិបាលកម្ពុជារួមជាមួយប្រជាជនកម្ពុជាខិតខំកសាងមិត្តភាព កិច្ចសហប្រតិបត្តិការ និងភាពជាដៃគូជាមួយបណ្តាប្រទេសជាមិត្តទូទាំងពិភពលោក។

ឥឡូវនេះ គឺជាពេលវេលានៃការពង្រឹងប្រជាធិបតេយ្យដោយស្មោះត្រង់ ដោយគោរពនូវសិទ្ធិពេញលេញរបស់ប្រជាជនកម្ពុជា និងទុកឱកាសឲ្យប្រជាជនកម្ពុជាមានសិទ្ធិស្វ័យសម្រេចក្នុងការបន្តជ្រើសរើសមេដឹកនាំជាតិរបស់ខ្លួនតាមដំណាក់កាលបោះឆ្នោតនីមួយៗដោយសន្តិវិធី ព្រមទាំងគោរពនូវឯករាជ្យភាព សេរីភាព និងអធិបតេយ្យរបស់កម្ពុជា។ កម្ពុជាមិនមែនត្រូវការពង្រឹងតែមួយវិស័យនោះទេ ប៉ុន្តែកម្ពុជាត្រូវការពង្រឹងពង្រីកលើគ្រប់វិស័យ។ ដូច្នេះ មិត្តបរទេសទាំងឡាយគួរបន្តភាពជាដៃគូស្មោះត្រង់ជាមួយរាជរដ្ឋាភិបាលកម្ពុជាលើគ្រប់វិស័យទាំងនយោបាយ ការទូត សេដ្ឋកិច្ច ការវិនិយោគ ទេសចរណ៍ និងវប្បធម៌ ដើម្បីផលប្រយោជន៍ប្រជាជនយើងទាំងអស់គ្នា៕

យើង, ប្រជាជនកម្ពុជា

UN ប្រគល់ប្រាក់សំណង ២៨ម៉ឺនដុល្លារដល់គ្រួសារសពទាហានមួកខៀវ ៤នាក់ ដែលពលីជីវិតនៅអាហ្វ្រិកកណ្តាល

អង្គការសហប្រជាជាតិ (UN) បានប្រគល់ថវិកា២៨ម៉ឺនដុល្លារអាមេរិក ដល់គ្រួសារសពទាហានមួកខៀវ ៤នាក់ ដែលបានពលីជីវិតនៅអាហ្រ្វិកកណ្តាលកាលពីខែឧសភា ឆ្នាំ២០១៧កន្លងទៅ ដែលពិធីប្រគល់ និងទទួលប្រាក់សំណងនេះ ត្រូវបានធ្វើឡើងក្រោមអធិបតីភាពលោកទេសរដ្ឋមន្រ្ដី ប្រាក់ សុខុន រដ្ឋមន្រ្តីក្រសួងការបរទេស និងលោកស្រី ក្លែវ៉ាន់ឌឺវ៉ារិន តំណាងអង្គការសហប្រជាជាតិ នារសៀលថ្ងៃទី១៨ ខែតុលា ឆ្នាំ២០១៧ម្សិលមិញ។

នាយឧត្តមសេនីយ សែម សុវណ្ណី អគ្គនាយកមជ្ឈមណ្ឌលជាតិរក្សាសន្តិភាពបានថ្លែងថា ចាប់តាំងពីឆ្នាំ២០០៦ មកមជ្ឈមណ្ឌលជាតិបានបញ្ជូនកម្លាំងមួកខៀវកម្ពុជា ៤,៧៦៩នាក់ក្នុងនោះ ស្រី២០៣នាក់ ទៅចូលរួមក្នុងបណ្តាបេសកកម្មចំនួន១០ ក្នុងប្រទេសចំនួន៨ មានសាធារណរដ្ឋស៊ូដង់ ស៊ូដង់ខាងត្បូង ឆាដ អាហ្វ្រិកកណ្តាល លីបង់ ស៊ីរី សាយប្រីសនិងម៉ាលី។

បច្ចុប្បន្នមានកម្លាំងមួកខៀវកម្ពុជាចំនួន៨១១រូប ស្រី៥៦រូប កំពុងបំពេញបេសកកម្មក្រោមឆ័ត្រ អង្គការសហប្រជាជាតិ (UN) នៅប្រទេសលីបង់ ហើយចាប់តាំងពីឆ្នាំ២០១៤មកដល់បច្ចុប្បន្ន មានទាហានមួកខៀវ៩រូប បានពលី និង១១រូប របួសដោយសារជម្ងឺគ្រុនចាញ់ ផ្ទុះអាវុធយុទ្ធភណ្ឌ និងការវាយប្រហារដោយក្រុមឧទ្ទាម។

លោកទេសរដ្ឋមន្រ្តី ប្រាក់ សុខុន បានលើកឡើងថា ការងាររក្សាសន្តិភាព របស់អង្គការសហប្រជាជាតិ គឺមានការប្រឈមនឹងគ្រោះថ្នាក់ច្រើន ហើយថ្នាក់ដឹកនាំ នៃរាជរដ្ឋាភិបាល តែងតែបន់ស្រន់ ឲ្យកងកម្លាំងយើង ទទួលបានសេចក្តីសុខ ពិសេសក្នុងការជំរុញ ការហ្វឹកហ្វឺនប្រើប្រាស់អាវុធ និងវិន័យកងកម្លាំងជាការចាំបាច់ណាស់ សម្រាប់ទាហានគ្រប់រូប ដូចជាការគោរពវិន័យជាតិ អន្តរជាតិនិងវិន័យត្រូវមានការប្រុងប្រយ័ត្នជាប្រចាំ ព្រោះប្រទេសដែលត្រូវទៅបំពេញការងារនោះ ជាប្រទេសដែលមានបញ្ហាកងកម្លាំងមានភាព «ក្លាហាន តែកុំព្រហើន និងកុំប្រហែសឲ្យសោះ កេរ្តិ៍ឈ្មោះនិងវីរៈភាព របស់ទាហានដែលបានពលីកម្មកម្ពុជាមិនភ្លេចទេនឹងចងចាំជានិច្ច»។

លោកស្រី ក្លែវ៉ាន់ ឌឺវ៉ារិន តាងនាមឲ្យអង្គការសហប្រជាជាតិ បានថ្លែងរំលឹកគុណដល់វីរៈភាព របស់កងកម្លាំងមួកខៀវកម្ពុជាទាំង៤រូប ដែលបានបូជាជីវិត ក្នុងអំឡុងពេលបំពេញបេសកកម្ម កាលពីខែឧសភាកន្លងទៅ នៅសាធារណរដ្ឋអាហ្វ្រិកកណ្តាល និងចូលរួមរំលែកទុក្ខដ៏ក្រៀមក្រំ ជាមួយគ្រួសារសព និងរាជរដ្ឋាភិបាលម្ពុជា ព្រមទាំងបានអំពាវនាវដល់សាធារណរដ្ឋអាហ្វ្រិកកណ្តាល ធ្វើការស្រាវជ្រាវ ដើម្បីនាំជននោះទៅកាត់ទោសតាមច្បាប់។

គួរបញ្ជាក់ថា នាយទាហ៊ានមួកខៀវកម្ពុជា០៤រូប បានស្លាប់ដោយសារការវាយប្រហារពីក្រុមឧទ្ទាមនៅសាធារណរដ្ឋអាហ្រ្វិកកណ្តាលរួមមាន៖ លោកអនុសេនីយទោ អ៊ឹម សំ នៅកងឯកភាពមជ្ឈមណ្ឌលជាតិរក្សាសន្តិភាព លោកអនុសេនីយ៍ឯក ម៉ៅ អេង កងឯកភាពសាកលវិទ្យាល័យការពារជាតិ លោកព្រឹន្ទបាលទោ ស៊ាង នរិន្ទ នៅកងឯក ភាពមជ្ឈមណ្ឌលជាតិ រក្សាសន្តិភាព និង លោក ព្រឹន្ទបាលទោ មុំ តុលា នៅកងឯកភាពមជ្ឈមណ្ឌលជាតិរក្សាសន្តិភាព៕

អត្ថបទ៖ សាវឿន

ខេត្តសៀមរាប រៀបចំសិក្ខាសាលាស្តីពី “អត្ថប្រយោជន៍នៃការធានារ៉ាប់រង”

សៀមរាប៖ ព្រឹកថ្ងៃទី១៩ ខែតុលា ឆ្នាំ២០១៧នេះ លោក លី សំរិទ្ធ អភិបាលខេត្តសៀមរាបស្តីទី បានចូលរួមជាគណៈអធិបតី ក្នុងសិក្ខាសាលាស្តីពី “អត្ថប្រយោជន៍នៃការធានារ៉ាប់រង” នៅសណ្ឋាគារអង្គរមីរ៉ាខល ខេត្តសៀមរាប។

ក្នុងសិក្ខាសាលានេះ លោក លី សំរិទ្ធ ក៏មានជំនឿចិត្តថា ការទទួលបានសេវាធានារ៉ាប់រង គឺ​ជា​កត្តាសំខាន់សម្រាប់ការកសាងផែនការជីវិត ការការពារវិបត្តិហិរញ្ញវត្ថុគ្រួសារ ក៏ដូចជាការទទួល​បានសន្តិភាពផ្លូវចិត្ត សម្រាប់ក្រុមគ្រួសារនៃប្រជាជនកម្ពុជាទាំងមូល។

ក្នុងកិច្ចការនេះ យើងអាចនិយាយបានថាជាការងាយស្រួលក្នុងការនិយាយ ហើយងាយស្រួលក្នុងការស្តាប់ ប៉ុន្តែវាតម្រូវឱ្យប្រជាពលរដ្ឋដែលជាអតិថិជនមានការយល់ដឹងខ្ពស់ ថាតើសេវាធានារ៉ាប់រងមានសារសំខាន់ និងផលប្រយោជន៍អ្វីខ្លះ សម្រាប់ពួកគាត់ មុននឹងឈានទៅដល់ការសម្រេចចិត្តជ្រើសរើសយកសេវានេះ ពីក្រុមហ៊ុនណាមួយ។ ដូចនេះ ការរៀបចំសិក្ខាសា​លា​នៅពេលនេះ នឹងអាចជួយបង្កើនការយល់ដឹងរបស់ប្រជាពលរដ្ឋ ជាពិសេសអ្នករស់នៅក្នុងខេត្តសៀមរាប យើងដឹងអំពីអត្ថប្រយោជន៍ ដែលទទួលបានពីការធានារ៉ាប់រងបានមួយកម្រិត​ថែម​ទៀត៕