ខ្មែរតែមួយ

Tuesday, April 19, 2016

សម្តេចតេជោ ហ៊ុន សែន អញ្ជើញជាអធិបតីភាពដ៏ខ្ពង់ខ្ពស់ក្នុងពិធីសម្ភោធរោងចក្រស្ករស នៅស្រុកឆែប ខេត្តព្រះវិហារ

យោងតាមទំព័រហ្វេសប៊ុករបស់សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ដែលមានឈ្មោះថា Samdech Hun Sen, Cambodian Prime Minister ចុះផ្សាយថ្ងៃទី១៩ ខែមេសា ឆ្នាំ២០១៦នេះ សម្តេចបានសរសេរថា សម្តេចតេជោបានមកសម្ពោធរោងចក្រផលិតស្ករស កៀបទឹកអំពៅ ក្នុងភូមិ ពោធិទាប ឃុំ ម្លូព្រៃ១ ស្រុក ឆែប ខេត្តព្រះវិហារ។ រោងចក្រនេះជារោងចក្រធំជាងគេនៅអាស៊ីរបស់ក្រុមហ៊ុន Rui Feng Cambodia International Co.,Ltd. លើគម្រោងទឹកប្រាក់ជាង ១ពាន់លានដុល្លារ ដែលនៅជំហានទី១គឺចំណាយជាង ៣៦០ លានដុល្លារហើយត្រូវការពលកម្ម៧០០០នាក់។ រោងចក្រនេះនឹងផ្តល់ការងារដល់ប្រជាពលរដ្ឋជាង ១៤០០០ នាក់នៅពេលគម្រោងវិនិយោគត្រូវបានសាងសង់ចប់សព្វគ្រប់ ។

សម្តេចតេជោ ហ៊ុន សែន ក៏បានសរសេរបន្ថែមថា ទន្ទឹមនឹងផ្តល់ការងារជាច្រើនដល់ពលរដ្ឋនៅក្នុងខេត្តព្រះវិហារ រោងចក្រដ៏ធំនេះនឹងចូលរួមពង្រឹងសេដ្ឋកិច្ចកម្ពុជាផងដែរ។

សម្តេចតេជោ ហ៊ុន សែន ក៏បានអរគុណក្រុមហ៊ុនដែលបានជ្រើសរើសកម្ពុជា ជាទីវិនិយោគលើគម្រោងដ៏ធំនេះ។ នេះដោយសារក្រុមហ៊ុនមានជំនឿទុកចិត្តមកលើរាជរដ្ឋាភិបាលកម្ពុជា។ សម្តេច ក៏បានលើកទឹកចិត្តដល់ក្រុមហ៊ុនវិនិយោគទុនជាតិ និងអន្តរជាតិ និងសំណូឲ្យមន្រ្តីនិងអាជ្ញាធរមានសមត្ថកិច្ចយកចិត្តទុកដាក់ជួយសម្របសម្រួលគ្រប់យ៉ាងដើម្បីជំរុញគម្រោងវិនិយោគនៅទូទាំងប្រទេសទទួលឲ្យបានជោគជ័យ៕

សម្ដេចតេជោ ហ៊ុន សែន លើកទឹកចិត្តដល់ក្រុមហ៊ុននានា អោយធ្វើសមាហរណកម្មមុខរបបជាមួយប្រជាពលរដ្ឋ

សម្ដេចតេជោ ហ៊ុន សែន នាយករដ្ឋមន្រ្ដី បានថ្លែងលើកទឹកចិត្ដ ដល់ក្រុមហ៊ុននានា ជាពិសេស ក្រុមហ៊ុន រូយ ហ្វេង ដែលជាក្រុមហ៊ុនផលិតស្កសររបស់ប្រទេសចិន អោយធ្វើសមាហរណកម្មមុខរបបជាមួយប្រជាពលរដ្ឋ ដែលជាកសិករ ដើម្បីផលប្រយោជន៍រួមរវាងក្រុមហ៊ុន ជាមួយប្រជាពលរដ្ឋ។ សម្ដេច តេជោនាយករដ្ឋមន្រ្ដី បានថ្លែងដូច្នេះ គឺនៅក្នុងពិធីសម្ពោធដាក់ឲ្យដំណើរការរោងចក្រផលិតស្កសរ ក្រុ មហ៊ុន រូយ ហ្វេង ខេមបូឌា អ៊ិនធើណេសិនណល ខមភេនី លីមីតធីត ដែលមានទីតាំងស្ថិតនៅឃុំម្លូព្រៃមួយ ឃុំម្លូព្រៃពីរ ស្រុកឆែប ខេត្ដព្រះវិហារ នាព្រឹកថ្ងៃទី១៩ ខែមេសានេះ។

ប្រមុខរាជរដ្ឋាភិបាល បានថ្លែងពន្យល់ថា ការធ្វើសមាហរណកម្មមុខរបប គឺក្រុមហ៊ុននានា ជាពិសេសក្រុមហ៊ុន រូយ ហ្វេង តែម្ដង ត្រូវចងសម្ព័ន្ធភាព និងបង្កើនទំនាក់ទំនងល្អជាមួយប្រជាពលរដ្ឋ ដែលជាកសិករ ដោយក្រុមហ៊ុនរូយហ្វេង នឹងក្លាយជាទីផ្សាររបស់កសិករ តាមរយៈការទទួលទិញអំពៅពីកសិករ មកផ្គត់ផ្គង់ផលិតកម្មរបស់ខ្លួន។ សម្ដេចតេជោ ក៏បានជំរុញដល់ក្រុមហ៊ុនរូយ ហ្វេង សូមជួយប្រជាកសិករនៅខេត្ដព្រះវិហារ តាមរយៈការផ្ដល់ពូជអំពៅ និងផ្ដល់ទុនសម្រាប់ឲ្យពួកគាត់បង្កើនការដាំដុះ ឲ្យបានកាន់តែច្រើនថែមទៀត ដើម្បីយកមកផ្គត់ផ្គង់ឲ្យរោងចក្ររបស់ក្រុមហ៊ុនរូយ ហ្វេងនេះផងដែរ។

សម្ដេចតេជោនាយករដ្ឋមន្រ្ដី ក៏បានលើកឡើងផងដែរថា ប្រជាពលរដ្ឋរស់នៅខេត្ដព្រះវិហារ បានទទួលផលប្រយោជន៍ជាច្រើន បន្ទាប់ពីរោងចក្រផលិតស្កសររបស់ក្រុមហ៊ុនចិនរូយ ហ្វេង បានបង្កើតឡើង នៅលើទឹកដីនៃខេត្ដព្រះវិហារនេះ។ ផលប្រយោជន៍ដំបូងបំផុតនោះ គឺការបានទទួលបាននូវការប្រើប្រាស់ហេដ្ឋារចនាសម្ព័ន្ធ ដូចជាផ្លូវថ្នល់ សាលារៀន មន្ទីរពេទ្យ និងប្រព័ន្ធធានាសាស្រ្ដជាដើម។ ម្យ៉ាងទៀត ប្រជាពលរដ្ឋក៏កាន់តែងាយស្រួលនៅក្នុងការលក់អំពៅ ព្រោះក្រុមហ៊ុនបានខិតជិតនៅក្បែរផ្ទះរបស់ពួកគាត់ហើយ។ ជាមួយគ្នានេះសម្ដេចតេជោ ក៏បានលើកឡើងថា ក្រុមហ៊ុន រូយ ហ្វេង បានបង្កើតការងារជូនប្រជាពលរដ្ឋកម្ពុជាជាច្រើនម៉ឺននាក់ នៅពេលដែលក្រុមហ៊ុននេះ បញ្ចប់គម្រោងសាងសង់រោងចក្ររបស់ខ្លួនទាំងអស់ ដោយជួយរាជរដ្ឋាភិបាលកម្ពុជា ក្នុងកាត់បន្ថយការចំណាកស្រុករបស់ប្រជាពលរដ្ឋ ទៅធ្វើការនៅក្រៅប្រទេស។

ឯកឧត្ដមទេសរដ្ឋមន្រ្ដី ចម ប្រសិទ្ធ រដ្ឋមន្រ្ដីក្រសួងឧស្សាហកម្ម និងសិប្បកម្ម បានមានប្រសាសន៍ថា បច្ចុប្បន្ននៅទូទាំងប្រទេសកម្ពុជា មានក្រុមហ៊ុនចំនួន៥ ដែលទទួលបានគោលការណ៍វិនិយោគពីរាជរដ្ឋាភិបាល ឲ្យបង្កើតរោងចក្រផលិតស្កសរ មាននៅខេត្ដក្រចេះ, កំពង់ស្ពឺ, កោះកុង, និងខេត្ដព្រះវិហារ។ ចំណែករោងចក្រដែលសម្ពោធដាក់ឲ្យដំណើរការនៅថ្ងៃនេះ ជារោងចក្រដែលធំជាងគេនៅកម្ពុជា ហើយក៏ជារោងចក្រមួយ ដែលមានសមត្ថភាពផលិតធំជាងគេនៅអាស៊ី ។ ក្រុមហ៊ុន រូយហ្វេងនេះ បាននឹងកំពុងបង្កើតរោងចក្រចំនួន៤ លើផ្ទៃដី៥៦ហិកតា ដែលមានទីតាំងស្ថិតនៅឃុំម្លូព្រៃមួយ ឃុំម្លូព្រៃពីរ និងឃុំសង្កែពីរ ស្រុកឆែប ខេត្ដព្រះវិហារ ដែលរួមមានៈ រោងចក្រផលិតស្កសរ រោងចក្រផលិតថាមពលអគ្គសនី រោងចក្រផលិតអាល់កុល និងរោចក្រផលិតជីសរីរាង្គ ព្រមទាំងសាងសង់អាងស្ដុកទឹក៦លានម៉ែត្រត្រីគុណ សម្រាប់ប្រើប្រាស់ក្នុងរោងចក្រផង និងសម្រាប់ស្រោចស្រពដំណាំអំពៅផង។

ឯកឧត្ដមទេសរដ្ឋមន្រ្ដី ចម ប្រសិទ្ធ មានប្រសាសន៍បន្ដថា ការអភិវឌ្ឍន៍គម្រោងដ៏ធំនេះ ត្រូវរៀបចំគម្រោងផែនការអភិវឌ្ឍន៍ពង្រឹងផលិតកម្មបន្ថែមជា៣ដំណាក់ធំៗ មានដូចជាៈ

-ដំណាក់កាលទី១ រោងចក្រ និងចាប់ផ្ដើមដំណើរការផលិតស្កសរចំនួន៣សែន៦ម៉ឺនតោនក្នុងមួយឆ្នាំ ហើយមានផ្ទៃដីដាំដុះប្រមាណជាង៤ម៉ឺនហិកតា និងមានរោងចក្រផលិតអគ្គិសនី ដើរដោយជីវម៉ាស ដែលអាចផលិតបាន៣៩មេហ្គាវ៉ាត់ ដោយនៅដំណាក់កាលនេះ មានទុនវិនិយោគ៣៦០លានដុល្លារសហរដ្ឋអាមេរិក។

-ដំណាក់កាលទី២ ក្រុមហ៊ុនគ្រោងរៀបចំដំណើររោងចក្រចំនួន២ទៀត នៅក្នុងខែមីនា ឆ្នាំ២០១៧ ខាងមុខនេះ គឺរោងចក្រផលិតអាល់កុល ពីទឹករងូ ដែលមានសមត្ថភាពផលិត ចំនួន៥ម៉ឺនតោនក្នុងមួយឆ្នាំ សម្រាប់នាំចេញទៅប្រទេសចិន និងសហគមន៍អឺរ៉ុប និងទី២ រោងចក្រផលិតជីសរីរាង្គ មានសមត្ថភាពផលិតចំនួន១សែនតោនក្នុងមួយឆ្នាំ សម្រាប់ប្រើប្រាស់ក្នុងចំការអំពៅ របស់ក្រុមហ៊ុនផ្ទាល់ ដោយប្រើប្រាស់ថវិកា៣៦០លានដុល្លារសហរដ្ឋអាមេរិក។

-ដំណាក់កាលទី៣ ដើម្បីសម្រេចតាមគម្រោងផលិតស្កសរ ឲ្យបាន១លាន៤សែនតោន ក្នុងមួយ ក្រុមហ៊ុនត្រូវការពង្រីកផ្ទៃដីដាំដុះចំនួន៦ពាន់ហិកតា និងប្រើប្រាស់ទុនរហូតដល់១ពាន់លានដុល្លារសហរដ្ឋអាមេរិកដូចដែលបានគ្រោងទុក។ តម្រូវកម្លាំងពលកម្មនៅដំណាក់កាលទី១ ចំនួន៧ពាន់នាក់ ក្នុងនោះផ្នែករោងចក្រ ៤រយនាក់ និងដំណាក់កាលទី២ និងបន្ដដំណាក់កាលទី៣ នឹងកើនឡើងដល់ ២ម៉ឺន ១ពាន់នាក់ ក្នុងនោះផ្នែករោងចក្រចំនួន ១ពាន់ ២រយនាក់។

លោក Liu Feng(លូ ហ្វេង) ប្រធានក្រុមហ៊ុន រូយហ្វេង ខេមបូឌែ អ៊ិនធើណេសិនណល ខមភេនី លីមីតធីត បានមានប្រសាសន៍ថា តាមគម្រោងផែនការជាដំណាក់កាលនីមួយៗ លើគម្រោងទុនចំនួន១ពាន់លានដុល្លារសហរដ្ឋអាមេរិក ក្រុមហ៊ុនប្ដេជ្ញាចិត្ដយ៉ាងមុះមាត់ថា នឹងជំរុញការអភិវឌ្ឍន៍ និងអនុវត្ដគម្រោងនេះ អោយទទួលបានជោគជ័យ ហើយនឹងតាមការគម្រោងទុក នឹងប្រែក្លាយតំបន់ខេត្ដព្រះវិហារ អោយជាកន្លែងផ្គត់ផ្គង់ស្កសរធំជាងគេ នៅអាស៊ី និងជារោងចក្រលំដាប់ពិភពលោក។ សូមបញ្ជាក់ថា យោងតាមរបាយការណ៍របស់ក្រសួងឧស្សាហកម្ម និងសិប្បកម្ម បានឲ្យដឹង ថា បច្ចុប្បន្នវិស័យឧស្សាហកម្ម បានចូលរួមចំណែកប្រមាណជា ២៧ភាគរយ នៃផលិតក្នុងស្រុកសរុប ព្រមទាំងចូលរួមអនុវត្ដគោលនយោបាយ កាត់បន្ថយភាពក្រីក្ររបស់រាជរដ្ឋាភិបាលបានយ៉ាងមានប្រសិទ្ធភាព តាមការបង្កើតការងារជូនប្រជាពលរដ្ឋ៕

លោកស្រី ឡាក់ សុភាព ស្នើសុំឱ្យ លោក កឹម សុខា ចូលមកបំភ្លឺលើខ្សែអាត់សំឡេង

លោកស្រី ឡាក់ សុភាព ប្រធានគណបក្សខ្មែរសាមគ្គី បានថ្លែងថា តុលាការត្រូវតែហៅលោកកឹម សុខា មកបំភ្លឺផង រឿងស្នេហាជាមួយស្រីមុំ ហើយលោកស្រីបានមានប្រសាសន៍ថា នឹងធ្វើលិខិតដាក់ជូនតុលាការស្នើសុំអោយលោកកឹម សុខាចូលបំភ្លឺ។ លោកស្រីបានមានប្រសាសន៍បែបនេះ នៅក្នុងបទសម្ភាសន៍មួយជាមួយអ្នកសារព័ត៌មាន នៅមុខសាលាដំបូងរាជធានីភ្នំពេញ នៅព្រឹកថ្ងៃទី១៩ ខែមេសា ឆ្នាំ២០១៦នេះ ខណៈដែលកញ្ញា ខុម ចាន់តារាទី ហៅស្រីមុំ បានចូលខ្លួនបំភ្លឺនៅសាលាដំបូងរាជធានី។

លោកស្រីបានមានប្រសាសន៍ថា លោកស្រីគាំទ្រចំពោះស្រ្តីដូចគ្នាដែលរងនូវទុក្ខសោកដោយសារអំពើ ឆ្គាំឆ្គង ដែលលោក កឹម សុខា បានប្រព្រឹត្តិទៅលើរូបរាងកាយរបស់នាងហើយអត់មានការទទួលខុសត្រូវបន្តិចណាសោះឡើយ។ លោកស្រីបានបន្ថែមទៀតថា លោកកឹម សុខា ជាប្រធានស្តីទី របស់គណបក្សសង្រ្គោះជាតិ មិនមែនជាបុគ្គលដែលគួរទុកចិត្តបានទេ ហើយក៏មិនអាចដឹកនាំប្រទេសជាតិបានឡើយ។

លោកស្រី ក៏បានសម្តែងនូវការសោកស្តាយ ហើយថ្កោលទោសយ៉ាងខ្លាំងចំពោះលោក កឹម សុខា មេដឹកនាំដែលគ្មានការទទួលខុសត្រូវ។ លោកស្រី បានមានប្រសាសន៍ថា ប្រសិនបើអស់លោកជាមេដឹកនាំ ដូចជាលោក កឹម សុខា ធ្វើរបៀបនេះ យើងឃើញថា នៅពេលដែលគាត់មិនទាន់ឈានទៅដល់ការដឹកនាំប្រទេសជាតិមួយទាំងមូលផង លោកប្រព្រឹត្តនូវអំពើអនាចារ ទាំងអស់នេះហើយ លោកបានលាក់បាំងទាំងអស់នូវរឿងអាស្រូវ តែយើងឃើញថាការលាក់ក៏មិនជិតបាំងក៏មិនជាប់។

ពាក់ព័ន្ធនឹងបញ្ហានេះដែរ លោកស្រីក៏បានអំពាវនាវដល់ស្ត្រីទាំងអស់ មេត្តាផ្តល់នូវកិត្តិយសដល់ស្រ្តីនៅក្នុងសង្គមខ្មែរ កុំឱ្យមេដឹកនាំទាំងអស់យកកិត្តិយសស្រ្តីខ្មែរមកជាន់ឈ្លីធ្វើរបៀបយ៉ាងនេះទៀត។ កញ្ញាស្រី មុំ បានបាត់បង់នូវកិត្តិយសនូវតម្លៃ ក្នុងសង្គមគ្រួសារ ក្នុងសុភមង្គល។ ដូច្នេះ ស្រ្តីទាំងអស់គួរក្រោកឈរឡើងគាំទ្រស្ត្រី ដើម្បីកុំឱ្យបុរសជាមេដឹកនាំធ្វើបាបស្រ្តីបន្តទៀត។

លោកស្រី ឡាក់ សុភាព ក៏បានរិះគន់ដែរថាពាក្យស្លោកនៅក្នុងគណបក្សសង្រ្គោះជាតិដែលបានលើកឡើងថា មិនឈ្លោះ មិនឆ្លង មិនឆ្លើយ នោះគឺជាពាក្យខន្តីទាល់ច្រករបស់ លោក កឹម សុខា តែប៉ុណ្ណោះ។

Monday, April 11, 2016

សេចក្តីជូនដំណឹងរបស់អជ្ញាធរជាតិអប្សរា ស្តីពីការប្រលងជ្រើសរើសមគ្គុទេសទេចរណ៍ កម្ពុជាឱ្យចូលរួមវគ្គបណ្តុះបណ្តាលនៅម៉ាកាវ សាធារណរដ្ឋប្រជាមានិតចិន

វិស័យបីជាអាទិភាព នៅស្រុកគីរីវង់ ខេត្តតាកែវ បាននិងកំពុងផ្តល់នូវអត្ថប្រយោជន៍ជាច្រើនដល់ប្រជាពលរដ្ឋ

យ៉ាងហោចណាស់វិស័យបី ក្នុងចំណោមវិស័យដទៃទៀត គឺវិស័យ សេដ្ឋកិច្ច អប់រំ និងសុខាភិបាល ត្រូវបានទទួលការគាំទ្រពីរាជរដ្ឋាភិបាល ក្រុមការងារថ្នាក់ជាតិ និងចូលរួមយ៉ាងសកម្មពីប្រជាពលរដ្ឋ ហើយបានប្រែក្លាយជីវភាពរស់នៅរបស់ពួកគាត់កាន់តែប្រសើរឡើង គួរជាទីមោទនៈ។

វិស័យទាំងបីនេះ ត្រូវបានបង្ហាញជូនគណៈប្រតិភូពិសេស ក្នុងដំណើរទស្សនកិច្ចរបស់ឯកឧត្តមរដ្ឋមន្ត្រី សុង តាវ នៃសាធារណៈរដ្ឋប្រជាមានិតចិន ក្នុងឱកាសសិក្សាស្វែងយល់ ចែករំលែកបទពិសោធន៍ និងការពង្រឹងកិច្ចសហប្រតិបត្តិការ ខណៈដែលឯកឧត្តមរដ្ឋមន្ត្រី សុង តាវ អញ្ជើញជាអធិបតីចូលរួមសំណេះសំណាលជាមួយតំណាងក្រុមការងារថ្នាក់ជាតិ មន្ត្រីខេត្ត សហគមន៍កសិកម្ម មូលនិធិគ្រូបង្រៀន មូលនិធិសមធម៌ដើម្បីសុខភាព និងសហគមន៍នេសាទ ដោយមានការចូលរួមពីអភិបាលស្រុកទាំង១១នៃខេត្តតាកែវ ដើម្បីស្តាប់នូវរបាយការណ៍លទ្ធផលការងារសម្រេចបាន បញ្ហាប្រឈមខ្លះៗ នៃវិស័យទាំងបី កាលពីព្រឹកថ្ងៃទី៩ ខែមេសា ឆ្នាំ២០១៦ ក្នុងស្រុកគីរីវង់ ខេត្តតាកែវ។

បន្ទាប់ពីតំណាងសហគមន៍ និងមូលនិធិទាំងបី បានធ្វើការបូកសរុបការងាររួចមក ជាលទ្ធផល បង្ហាញថា វិស័យទាំងបី បានបង្កើតឲ្យមានកិច្ចសហការគ្នាកាន់តែស្អិតរមួតរវាងក្រុមការងារថ្នាក់ជាតិ ជាមួយប្រជាពលរដ្ឋ ពិសេស ប្រជាពលរដ្ឋបានទទួលអត្ថប្រយោជន៍ជាច្រើន តាមរយៈការជួយសម្រួលដោះស្រាយបញ្ហាបានលឿន រហ័ស ដែលផ្តើមចេញពីការចាត់ចែង ការទទួលខុសត្រូវលើការគ្រប់គ្រង ដឹកនាំដោយផ្ទាល់របស់ប្រជាពលរដ្ឋ ទាំងការងារមូលនិធិគ្រូបង្រៀន មូលនិធិសមធម៌ដើម្បីទ្រទ្រង់សុខភាព និងប្រជាសហករនេសាទ។

ឆ្លើយតបទៅនឹងបញ្ហាប្រឈមតិចតួច ដែលកើតមានឡើង ដូចជាការខ្វះខាតប្រព័ន្ធធារាសាស្ត្រ តម្រូវការទុនបន្ថែម ក៏ដូចជាឧបករណ៍បច្ចេកទេសកសិកម្មនានា ឯកឧត្តមឧបនាយករដ្ឋមន្ត្រី សុខ អាន បានលើកទឹកចិត្តដល់ក្រុមការងារថ្នាក់ជាតិជួយជ្រោមជ្រែង និងពិនិត្យពិចារណាបន្ថែមទុន សហការជាមួយប្រាក់បដិភាគរបស់គ្រូបង្រៀន និងប្រជាពលរដ្ឋ ដើម្បីធានាដំណើរការរបស់មូលនិធិដែលកំពុងប្រព្រឹត្តទៅ ឲ្យមានប្រសិទ្ធភាព ។

ដោយឡែកពាក់ព័ន្ធនឹងមូលនិធិសមធម៌ដើម្បីសុខភាពខេត្តតាកែវ ដែលបានចាប់ផ្តើមបង្កើតឡើងតាំងពីឆ្នាំ២០១២មកនោះ ដែលមានការគាំទ្រពីរាជរដ្ឋាភិបាល និងសហការពីដៃគូអភិវឌ្ឍនានា បាននិងកំពុងធ្វើឲ្យប្រជាពលរដ្ឋចាប់អាម្មណ៍ខ្ពស់ និងចូលរួមយ៉ាសស្រាក់សស្រាំ។ មូលនិធិនេះ បានជួយចេញថ្លៃព្យាបាលជម្ងឺ ជូនប្រជាពលរដ្ឋក្រីក្រដែលងាយរងគ្រោះបំផុត តួយ៉ាងដូចជាថ្លៃធ្វើដំណើរទៅកាន់មន្ទីរពេទ្យបង្អែក និងមណ្ឌលសុខភាព នៅខេត្ត និងស្រុក ចំពោះចាស់ជរា ជនពិការ ស្ត្រីមានផ្ទៃពោះក្រីក្រ ជាដើម។ល។ ដែលក្នុងមួយឆ្នាំៗ មូលនិធិសមធម៌បានជួយប្រជាពលរដ្ឋរាប់ម៉ឺននាក់នៅក្នុងខេត្តតាកែវទាំងមូល។

ទោះយ៉ាងណា ដើម្បីធានានិរន្តរភាពទៅមុខទៀតឲ្យកាន់តែប្រសើរ ឆ្លើយតបទៅនឹងតម្រូវការជាក់ស្តែងរបស់ប្រជាពលរដ្ឋ ពាក់ព័ន្ធនឹងបញ្ហាសុខភាពនេះ ឯកឧត្តមឧបនាយករដ្ឋមន្ត្រី សុខ អាន ក៏បានអំពាវនាវឲ្យក្រុមការងារថ្នាក់ជាតិក្តី ឬប្រជាពលរដ្ឋដែលមានជីវភាពប្រសើរហើយនោះ ប្រមូលគ្នីគ្នាឲ្យបានច្រើន ដោយសមាណចិត្ត ដើម្បីជួយទិញប័ណ្ណទ្រទ្រង់សុខភាព ដែលប័ណ្ណមួយសន្លឹកមានតម្លៃពី៥$ ទៅ៨$ អាមេរិក ទើបជាបង្ហាញពិការផ្សាភ្ជាប់ទំនាក់ទំនងល្អរវាងមូលនិធិ និងប្រជាពលរដ្ឋ ដើម្បីសុខភាពប្រជាពលរដ្ឋទាំងអស់គ្នា។

ឯកឧត្តម រដ្ឋមន្ត្រី គណៈប្រតិភូចិន សុង តាវ ក៏បានចាប់អារម្មណ៍ខ្ពស់ចំពោះបទបង្ហាញរបស់តំណាងក្រុមការងារក្នុងស្រុកគីរីវង់ ជាមួយនឹងការរំលឹកពីប្រវត្តិនៃទំនាក់ទំនងរវាងកម្ពុជា-ចិន ដែលចាប់ផ្តើមតាំងពីជំនាន់សម្តេចព្រះនរោត្តម សីហនុ ព្រះបរមរតនកោដ្ឋ ជាមួយឯកឧត្តម ជូ អែនឡាយ បន្តមកដល់រាជរដ្ឋាភិបាលបច្ចុប្បន្នដឹកនាំដោយសម្តេចតេជោ ហ៊ុន សែន ដោយបញ្ជាក់ថា វិស័យទាំងបីនេះ ជាវិស័យអាទិភាពដូចនៅប្រទេសចិនដែរ និងបានផ្តល់នូវសេចក្តីសង្ឃឹមថា គណៈប្រតិភូ មានបំណងស្វែងរកវិធីសាស្ត្រ ដើម្បីជួយដល់កម្ពុជា ក្នុងកិច្ចសហប្រតិបត្តិការ និងដំណើរការអភិវឌ្ឍទៅមុខបន្ថែមទៀត។ ឯកឧត្តម រដ្ឋមន្ត្រី បានឲ្យដឹងថា ក្រសួងទំនាក់ទំនងអន្តរជាតិចិន កំពុងស្វែងរកកិច្ចសហការជាច្រើនទៀត ក្នុងបំណងជួយកែលម្អសេដ្ឋកិច្ចមូលដ្ឋានដល់កម្ពុជា។

ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី សុខ អាន ក៏បានបញ្ជាក់បន្ថែមថា កម្ពុជា-ចិន មកដល់បច្ចុប្បន្ន "ស្ថិតក្នុងសហប្រតិបត្តិការយុទ្ធសាស្ត្រគ្រប់ជ្រុងជ្រោយ" ។ ឆ្លៀតក្នុងឱកាសនេះ ក៏បានជម្រាបទៅគណៈប្រតិភូចិន អំពីតម្រូវការបន្ថែមទៀតក្នុងការសាងសង់វិទ្យាល័យនៅក្នុងស្រុកគីរីរង់ ដើម្បីសម្រួលដល់ការខ្វះបន្ទប់សិក្សារបស់សិស្សានុសិស្ស និងក៏បានបង្ហាញជូនឯកឧត្តមរដ្ឋមន្ត្រី សុង តាវ អំពីតម្រូវការប្រព័ន្ធធារាសាស្ត្រក្នុងខេត្តតាកែវ ផងដែរ ហើយត្រូវបានឯកឧត្តមរដ្ឋមន្ត្រី សុង តាវ បញ្ជាក់ថា នឹងយកសំណូមពរនេះទៅពិចារណាដើម្បីរកលទ្ធភាពជួយ៕

Friday, April 08, 2016

សម្តេច ហេង សំរិន៖ រាជរដ្ឋាភិបាលកំពុងគិតគូរបញ្ហាប្រាក់បៀវត្សជូនមន្ត្រីរាជការ និងប្រសិទ្ធិភាពសេវាសាធារណៈជូនពលរដ្ឋ

សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា បានមានប្រសាសន៍ នៅចំពោះព្រះសង្ឃ ប្រជាពលរដ្ឋ និងមន្រ្តីរាជការ ក្នុងខេត្តត្បូងឃ្មុំថា រាជរដ្ឋាភិបាល បានកំពុងបន្តកែលំអរប្រសិទ្ធភាពនៃការផ្តល់សេវាសាធារណៈ និងពង្រឹងសមត្ថភាព របស់មន្ត្រីសាធារណៈ ក្នុងការផ្តល់សេវាជូន ប្រជាជនប្រកបដោយភាពស្មោះត្រង់ និងការទទួលខុសត្រូវខ្ពស់។ ជាមួយគ្នានេះរាជរដ្ឋាភិបាល ក៍កំពុងខិតខំដំឡើងប្រាក់បៀវត្សជូនមន្ត្រីរាជការ លោកគ្រូអ្នកគ្រូ និងកងកម្លាំងប្រដាប់អាវុធ ដើម្បីអោយមានជីវភាពល្អប្រសើរឡើង។

សម្តេចប្រធានរដ្ឋសភា បានមានប្រសាសន៍ ឡើងបែបនេះ ក្នុងឱកាសសម្តេច និងលោកជំទាវបានអញ្ជើញជាអធិបតីដ៏ខ្ពង់ខ្ពស់ក្នុងពិធីសម្ពោធដាក់អោយប្រើប្រាស់ជាផ្លូវការ នូវឧបដ្ឋានសាលាថ្មី និងសមិទ្ធិផលនានា នៅក្នុងវត្តសុវណ្ណមុន្នីជោតិ ហៅវត្តស្វាយតាមែក ស្ថិតនៅក្នុងឃុំតំបែរ ស្រុកតំបែរ ខេត្តត្បូងឃ្មុំ នៅព្រឹកថ្ងៃទី៧ ខែមេសា ឆ្នាំ២០១៦នេះ។

ពិធីនេះមានការចូលរួមដោយ ឯកឧត្តម លោកជំទាវ ជាសមាជិក សមាជិកា រដ្ឋសភា ព្រឹទ្ធសភា រាជរដ្ឋាភិបាល ថ្នាក់ដឹកនាំខេត្តត្បូងឃ្មុំ អស់លោក លោកស្រី ជាមន្ត្រីរាជការ កងកម្លាំងប្រដាប់អាវុធ គ្រប់ប្រភេទ លោកយាយ លោកតា លោកគ្រូ អ្នកគ្រូ សិស្សានុសិស្ស និងប្រជាពលរដ្ឋ ខេត្តត្បូងឃ្មុំ យ៉ាងច្រើនកុះករ។

ឯកឧត្តម ប្រាជ្ញ ចន្ទ អភិបាលនៃ គណៈអភិបាល ខេត្តត្បូងឃ្មុំ បានមានប្រសាសន៍ថា ឧបដ្ឋានសាលាថ្មី និងសមិទ្ធិផលនានាក្នុងវត្តសុវណ្ណមុន្នីជោតិ ហៅវត្តស្វាយតាមែក គឺជាគំនិតផ្តួចផ្តើម របស់សម្តេចអគ្គមហាពញាចក្រី ហេង សំរិន ប្រធានរដ្ឋសភា និងលោកជំទាវ រួមជាមួយកិច្ចខិតខំប្រឹងប្រែងរបស់ព្រះចៅអធិការវត្ត ព្រះថេរានុត្ថេរៈគ្រប់ព្រះអង្គ និងពុទ្ធបរិស័ទ្ធចំណុះជើងវត្ត ព្រមទាំងសប្បុរ ជនជិតឆ្ងាយនានា បានរួមសាមគ្គីគ្នា កសាងបានសមិទ្ធិផលដ៏ច្រើននៅក្នុងវត្តនេះ។

ឯកឧត្តមអភិបាលបានរំឭកពីប្រវត្តិថា វត្តសុវណ្ណមុន្នីជោតិ បានចាប់ផ្តើមកសាង ឡើងនៅឆ្នាំ១៨៨៦ ដោយមានព្រះសង្ឃ ព្រះនាមអ៊ូ កសាងបានសាឡុំ១ កុដិ១ខ្នង សាលាឆាន់១ខ្នង រហូតមកដល់ឆ្នាំ១៩៧៥ វត្តនេះត្រូវបានបំផ្លាញដោយរបបប្រល័យពូជសាសន៍ប៉ុលពត។

ក្រោយថ្ងៃរំដោះ៧មករា១៩៧៩ វត្តនេះត្រូវបានកសាងឡើងវិញ ក្រោមការដឹកនាំរបស់ព្រះអធិការ វត្តព្រះនាមញ៉ាញ់ ដោយកសាងបានព្រះវិហារ កុដិ សាលាឆាន់ និងឧបដ្ឋានសាលាធ្វើអំពី ឈើប្រក់ក្បឿង។ តែជាអកុសលនៅឆ្នាំ២០១០ ឧបដ្ឋានសាលាត្រូវបានភ្លើងឆេះអស់។

ឯកឧត្តម ប្រាជ្ញ ចន្ទ បានគូសបញ្ជាក់ថា “ដោយមើលឃើញពីការលំបាករបស់ព្រះសង្ឃ និងពុទ្ធបរិស័ទចំណុះជើងវត្តនេះ សម្តេចអគ្គមហាពញាចក្រី ហេង សំរិន និងសប្បុរសជននានា ក៏បានផ្តួចផ្តើម កសាងឡើងវិញនូវឧបដ្ឋានសាលា ដែលមានទំហំ២០ម៉ែត្រគុណនឹង២៥ម៉ែត្រ ធ្វើអំពីបេតុង ដោយចំណាយថវិកាអស់ចំនួន ១៣៨,៥០០ដុល្លារអាមេរិក ហើយនឹងត្រូវដាក់សម្ពោធអោយប្រើប្រាស់នាថ្ងៃនេះ”។

សម្តេចអគ្គមហាពញាចក្រី ហេង សំរិន បានមានប្រសាសន៍ថ្លែងការកោតសរសើរ និងវាយតម្លៃខ្ពស់ចំពោះព្រះចៅអធិការវត្ត និងសប្បុរសជននានាដែលបានចូលរួមកសាងអភិវឌ្ឍនូវវិស័យព្រះពុទ្ធសាសានាដែលជាសាសនារបស់រដ្ឋ។ សម្តេចបានបន្តថា វត្តអារាម និងព្រះពុទ្ធសាសនា បានដើរតួនាទីយ៉ាង សំខាន់ក្នុងសង្គមខ្មែរ។ ទីវត្តអារាមមិនគ្រាន់តែជាទីសក្ការៈសម្រាប់ការគោរពបូជាតាមផ្លូវជំនឿសាសនាប៉ុណ្ណោះទេ ប៉ុន្តែថែមទាំងជាថ្នាលបណ្តុះបណ្តាលនូវចំណេះដឹង បញ្ញាញាណ តម្លៃសីលធម៌ និងស្មារតីរួមរស់សាមគ្គីគ្នាតាមផ្លូវពុទ្ធចក្រ និងអាណាចក្រទៀតផង។

សម្តេចប្រធានរដ្ឋសភា បានមានប្រសាសន៍ ជម្រាបជូនប្រជាពលរដ្ឋ និងអង្គពិធី ទាំងមូលថា រាជរដ្ឋាភិបាលកម្ពុជា ក្រោមការដឹកនាំ របស់សម្តេចអគ្គមហា សេនាបតីតេជោ ហ៊ុន សែន នាយករដ្ឋមន្ត្រី បានកំពុងបន្តកែលំអរប្រសិទ្ធភាពនៃការផ្តល់សេវាសាធារណៈ និងពង្រឹងសមត្ថភាព របស់មន្ត្រីសាធារណៈ ក្នុងការផ្តល់សេវាជូន ប្រជាជនប្រកបដោយភាពស្មោះត្រង់ និងការទទួលខុសត្រូវខ្ពស់។ ម្យ៉ាងវិញទៀត រាជរដ្ឋាភិបាលក៏បានទប់ស្កាត់ និងមានវិធាន ការយ៉ាងម៉ឺងម៉ាត់ ក្នុងការផ្តន្ទាទោសតាម ច្បាប់ចំពោះមន្ត្រីណាដែលបានប្រព្រឹត្តទង្វើខុសច្បាប់ និងប៉ះពាល់ដល់ផលប្រយោជន៍ របស់ប្រជាពលរដ្ឋ។

សម្តេចអគ្គមហាពញាចក្រី ហេង សំរិន បានសង្កត់ធ្ងន់ថា “ទន្ទឹមនឹងនោះរាជ រដ្ឋាភិបាល កម្ពុជា ក៏បានបន្ត ជំរុញ ដំណើរការកែទម្រង់រដ្ឋដ៏ស៊ីជម្រៅនិងគ្រប់ជ្រុងជ្រោយ ដោយខិតខំបង្កើនប្រាក់បៀវត្ស ជូនមន្ត្រីរាជការ លោកគ្រូអ្នកគ្រូ និងកងកម្លាំងប្រដាប់អាវុធ ដើម្បីអោយមាន ជីវភាពល្អប្រសើរឡើង ពិសេសរាជរដ្ឋាភិបាល បានខិតខំកសាងនូវហេដ្ឋារចនាសម័្ពន្ធនានា តាំងពីទីក្រុងរហូតដល់ជនបទ ដើម្បីបម្រើ ដល់សេចក្ដីត្រូវការរបស់ប្រជាពលរដ្ឋ ក្នុងគោលដៅជម្រុញលើកកម្ពស់ជីវភាពរបស់ប្រជាពលរដ្ឋឲ្យមានភាពធូរធារ និងកាត់បន្ថយបានភាពក្រីក្រ”។

Tuesday, April 05, 2016

រដ្ឋមន្រ្តីត្រូវបំពេញការងារឲ្យត្រូវតាមតួនាទីភារកិច្ចនិងច្បាប់

សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានថ្លែងថា សម្តេចមិនដែលបំពានការងាររដ្ឋមន្រ្តីណាមួយទេ ការលូកដៃរបស់សម្តេច ក៏ដោយសារតែរដ្ឋមន្រ្តីទាំងនោះមិនបានធ្វើការងារតាមតួនាទី និងច្បាប់ដែលបានកំណត់។

សម្តេ ចតេជោ ថ្លែងដូច្នេះនៅក្នុងឱកាសអញ្ជើញសម្ពោធដាក់ឲ្យប្រើប្រាស់ជាផ្លូវការនូ វអគាររដ្ឋបាលសាលារាជធានីភ្នំពេញនាព្រឹកថ្ងៃទី០៥ ខែមេសា ឆ្នាំ២០១៦នេះ។

ការលើកឡើងរបស់សម្តេចនាយករដ្ឋមន្រ្តី បានធ្វើឡើងឆ្លើយតបទៅនឹងការលើកឡើងមួយចំនួនថា សម្តេច តែងតែប្រមូលយកអំណាចទៅគ្រប់គ្រងដោយខ្លួនឯង។

ស ម្តេចតេជោ ក៏បានថ្លែងថា សម្តេចមិនដែលបំពានការងារដ្ឋមន្រ្តីទេ សុំតែរដ្ឋមន្រ្តីធ្វើឲ្យបានត្រឹមត្រូវ ទៅតាមតួនាទី និងភារកិច្ច ដើម្បីបម្រើផលប្រយោជន៍ជាតិ និងប្រជាជន។ សម្តេចតេជោនាយករដ្ឋមន្រ្តី ក៏បានបញ្ជាក់ទៀតថា សម្តេច កំពុងតែជំរុញឲ្យរដ្ឋមន្រ្តី ក៏ដូចជាមន្រ្តីរបស់រាជរដ្ឋាភិបាលអនុវត្តឲ្យបានត្រឹមត្រូវទៅតា មច្បាប់៕

Pages