ពិធីបុណ្យទន្លេលើកទី២ ឆ្នាំ២០១៦ ខេត្តកំពង់ចាម និងខេត្តត្បូងឃ្មុំ ថ្ងៃទី១១-១៣ ខែមីនា ឆ្នាំ២០១៦

សម្តេច​តេជោ អញ្ជើញ​មកដល់​អាកាស​យាន​ដ្ឋាន​វ៉ាត់តៃ ទីក្រុង​វៀងច័ន្ទ ដើម្បី​អញ្ជើញ​បំពេញ​ទស្សន​កិច្ច កា​រងាររយៈ​ពេល​២ថ្ងៃ នៅ​ប្រទេសឡាវ

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងគណៈប្រតិភូជាន់ខ្ពស់របស់ព្រះរាជាណាចក្រកម្ពុជា បានអញ្ជើញទៅដល់ទីក្រុងវៀងច័ន្ទ សាធារណរដ្ឋប្រជាធិបតេយ្យប្រជាមានិតឡាវ ប្រកបដោយសុវត្តិភាព កាលពីវេលាម៉ោង៩និង១៥នាទី នៅព្រឹកថ្ងៃដដែលនេះ ដើម្បីបំពេញទស្សនកិច្ចការងាររយៈពេល២ថ្ងៃ នៅទីក្រុងវៀងច័ន្ទប្រទេសឡាវ។ យន្តពិសេសរបស់ព្រះរាជាណាចក្រកម្ពុជា បានដឹកនាំគណៈប្រតិភូជាន់ខ្ពស់របស់ព្រះរាជាណាចក្រកម្ពុជា ធ្វើការចុះចតនៅចំណតអាកាសយានដ្ឋានអន្តរជាតិវ៉ាត់តៃ ប្រកបដោយសុវត្តិភាព ក្រោមវត្តមាននៃការធ្វើគារវកិច្ចស្វាគមន៍យ៉ាង ស្និតស្នាលរ៉ាក់ទាក់បំផុត ពីលោកជំទាវ Sounthone XAYACHACK ប្រធានគណៈទាក់ទងការបរទេស នៃគណៈកម្មាធិការមជ្ឈឹមបក្សប្រជាជនបដិវត្តន៍ឡាវ ឯកឧត្តម ហោ សិរីធន ឯកអគ្គរាជទូតវិសាមញ និង ពេញសមត្ថភាព នៃព្រះរាជាណាចក្រកម្ពុជា ប្រចាំសាធារណរដ្ឋប្រជាធិបតេយ្យប្រជាមានិតឡាវ ព្រមទាំងវត្តមានឯកឧត្តម លោកជំទាវ ជាឥស្សរជនជាន់ខ្ពស់រដ្ឋាភិបាលឡាវ និងមន្រ្តីការទូតរបស់ព្រះរាជាណាចក្រកម្ពុជា ប្រចាំសាធារណរដ្ឋប្រជាធិបតេយ្យប្រជាមានិតឡាវជាច្រើនរូប។

ដំណើរបំពេញទស្សនកិច្ចការងារ របស់សម្តេចតេជោនាយករដ្ឋមន្រ្តី និងគណៈប្រតិភូជាន់ខ្ពស់របស់ព្រះរាជាណាចក្រកម្ពុជា ទៅកាន់ប្រទេស ឡាវ នៅពេលនេះ គឺឆ្លើយតបតាមការអញ្ជើញរបស់ឯកឧត្តម ថងស៊ីង ថាំម៉ាវង្ស នាយករដ្ឋមន្រ្តីឡាវ។ ដំណើរទស្សនកិច្ចការងារនេះសោត គឺដើម្បីពង្រឹងនិងពង្រីកទំនាក់ទំនងកិច្ចសហប្រតិបត្តិការ នៃប្រទេសទាំង ពីរ ព្រះរាជាណាចក្រកម្ពុជា និងសាធារណរដ្ឋប្រជាធិបតេយ្យប្រជាមានិតឡាវ ឲ្យកាន់តែរឹងមាំរីកចំរើនទ្វេ ឡើងថែមទៀត ពិសេសការជំរុញទំនាក់ទំនងសេដ្ឋកិច្ច ពាណិជ្ជកម្ម ទេសចរណ៍ វប្បធម៌ កីឡា រួមទាំងការ ទំនាក់ទំនងរវាងប្រជាជន និងប្រជាជននៃប្រទេសទាំងពីរ ក្នុងការប្រាស្រ័យទាក់ទងគ្នាឲ្យកាន់តែជិតស្និត ទ្វេឡើងថែមទៀត ពីមួយថ្ងៃទៅមួយថ្ងៃ។

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ធ្វើទស្សនកិច្ចសារមន្ទីរសព្វទស្សន៍អង្គរ

រសៀលថ្ងៃទី១០ ខែមីនា ឆ្នាំ២០១៦ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានដឹកនាំគណ: ប្រតិភូកាកបាទក្រហមកម្ពុជា ធ្វើទស្សនកិច្ចសារមន្ទីរសព្វទស្សន៍អង្គរ។ មានវត្តមានទទួល    សម្តេចកិត្តិព្រឹទ្ធបណ្ឌិត និងគណ:ប្រតិភូទាំងអស់គឺ ឯកឧត្តមបណ្ឌិត ឃឹម ប៊ុនសុង អភិបាលនៃគណ:អភិបាលខេត្តសៀមរាប ឯកឧត្តមបណ្ឌិត ស៊ុ ម៉ាប់ អគ្គនាយកអាជ្ញាធរជាតិអប្សរា ថ្នាក់ដឹកនាំ មន្ត្រីបុគ្គលិក របស់សាលាខេត្តសៀមរាប និងអាជ្ញាធរជាតិអប្សរាជាច្រើនរូបទៀត។
ជូនដំណើរសម្តេចកិត្តិព្រឹទ្ធបណ្ឌិត ទស្សនាសារមន្ទីរដោយផ្ទាល់ លោក យិត ចាន់ដារដ្ឋ នាយករងសារមន្ទីរសព្វទស្សន៍អង្គរ បានពន្យល់ពីដំណើរការនៃការកសាង និងការដាក់តាំងពិព័រណ៍រូបគំនូរដែលបានរំលេចឲ្យឃើញពីប្រាង្គប្រាសាទដ៏ល្អឯក និងទេសភាពវប្បធម៌នៃឧទ្យានអង្គរទាំងមូល។ គណ: ប្រតិភូក៏បានទស្សនាខ្សែភាពយន្ត3D ដែលបានរំលេចឲ្យឃើញពីការកសាងប្រាសាទដោយបុព្វបុរសខ្មែរតាំងពីសម័យបុរាណកាលមក។
សម្តេចកិត្តិព្រឹទ្ធបណ្ឌិត បានសម្តែងនូវក្តីរំភើប និងកោតសរសើរចំពោះការរៀបចំកសាងសារមន្ទីរនេះឡើងដែលបានរួមចំណែកយ៉ាងសំខាន់ ក្នុងការអប់រំនិងផ្សព្វផ្សាយពីវប្បធម៌របស់ខ្មែរឲ្យបានល្បីល្បាញ ដើម្បីទាក់ទាញភ្ញៀវទេសចរឲ្យចូលមកទស្សនាតំបន់រមណីយដ្ឋានអង្គរ បន្ថែមទៀត។
សារមន្ទីរសព្វទស្សន៍អង្គរដ៏ស្រស់ស្អាតនេះ បំពាក់ដោយសម្ភារៈទំនើបៗ មានទីតាំងស្ថិតនៅជាប់រង្វង់មូលផ្លូវ៦០ម៉ែត្រក្រុងសៀមរាប ហើយត្រូវបានសម្ពោធបើកដំណើរការឲ្យភ្ញៀវទេសចរជាតិ-អន្តរជាតិចូលទស្សនាជាផ្លូវការតាំងពីថ្ងៃទី៤ខែធ្នូ ឆ្នាំ២០១៥មកម្ល៉េះ។ សារមន្ទីរនេះស្ថាបនាឡើងតាមរចនាបទខ្មែរដ៏ល្អប្រណីត ដែលបានដំណើការសាងសង់ឡើង តាំងពីខែសីហាឆ្នាំ២០១១ដោយក្រុមហ៊ុន MansudaeNewtechCorporration Ltd នៅលើផ្ទៃដី៦១១៥ម៉ែត្រការ៉េ មានទំហំបណ្តោយ៨៣,៥ម៉ែត្រ ទទឹង៥៤,៣ម៉ែត្រកំពស់៣៤ម៉ែត្រ ចំណតរថយន្តផ្លូវដើរ និងទីតាំងផ្សេងៗមួយចំនួនទៀត ដែលសាងសង់រួចរាល់នាខែកញ្ញាឆ្នាំ២០១៥នេះ ដោយចំណាយអស់ទឹកប្រាក់ជាង២៤លានដុល្លារអាមេរិក ជាទុនវិនិយោគរបស់ក្រុមហ៊ុនMansudae Oversaes Project Gruop of Companiesនៃប្រទេសកូរ៉េខាងជើង។
សារមន្ទីរនេះបានរៀបចំតាំងពិព័រណ៍ផ្សេងៗ ដោយបានបែងចែកជាច្រើនផ្នែកសំខាន់ៗដូចជា ផ្នែករូបថតនិងគំនូរអំពីប្រវត្តិនៃប្រាសាទនិងភូមិដ្ឋានក្នុងរមណីយដ្ឋានអង្គរនាសម័យព្រះបាទជ័យវរ្ម័នទី៧ ផ្នែកគំនូរសព្វទស្សន៍ដែលនិយាយពីដំណាក់កាលសំខាន់ទាំង៣ក្នុងរាជព្រះបាទជ័យវរ្ម័នទី៧ គឺដំណាក់កាលយុទ្ធសាស្រ្ត ការពារ ដំណាក់កាលសាងសង់ប្រាសាទបាយ័ន និងដំណាក់កាលស្រុករុងរឿង។ រោងភាពយន្ត3D ដែលអាចទទួលភ្ញៀវចូល        ទស្សនាម្តងបាន២០៤នាក់ កន្លែងលក់វត្ថុអនុស្សាវរីយ៍ និងភេសជ្ជៈព្រមទាំងមានកន្លែងបញ្ចាំង វីដេអូឯកសារស្តីពីប្រវត្តិប្រាសាទ និងទីតាំងបុរាណនានាដែលអាចឲ្យអ្នកស្រាវជ្រាវ និស្សិត សិស្សសាធារណជនអាចចូលទៅសិក្សាស្វែងយល់បានទៀតផង៕

ក្រុម​ជំនួយការ​សម្តេច​តេជោ នាំយក​អំណោយ​ចែកជូន​ប្រជាពលរដ្ឋ​ទីទ័ល​ក្រ នៅខេត្ត​កំពង់​ឆ្នាំង

ការចុះចែកអំណោយស្បៀងសប្បុរសធម៌សម្តេចតេជោ គឺជា បេសកកម្មរបស់ "ក្រុមជំនួយការសម្តេចតេជោ ហ៊ុន សែន  ដែលប្រព្រឹត្តិទៅរៀងរាល់សប្តាហ៍ ក្នុងគោលបំណងចែកជូនប្រជាពលរដ្ឋទីទ័លក្រនៅមូលដ្ឋាន ហើយក៏ត្រូវបានប្រើប្រាស់ជាឱកាសផ្ទាល់សម្រាប់ "ក្រុមជំនួយការសម្តេចតេជោ" ស្វែងយល់ដឹងពីស្ថានភាពពិត នៃសុខទុក្ខប្រជាពលរដ្ឋមូលដ្ឋានលើគ្រប់វិស័យ។

នេះជាវិធីសាស្ត្រនៃការស្ទង់មតិដ៏សំខាន់ ក្នុងការទទួលបានព័ត៌មានពិតនៅមូលដ្ឋាននីមួយៗសម្រាប់ទ្រទ្រង់កិច្ចការនយោបាយរបស់គណបក្សប្រជាជនកម្ពុជា ដែលសម្តេចតេជោ ហ៊ុន សែន ជាប្រមុខ ក្នុងដំណើរឆ្ពោះទៅការបោះឆ្នោតឃុំ-សង្កាត់ ២០១៧។

កាលពីថ្ងៃទី២០ ខែកុម្ភៈ ឆ្នាំ២០១៦ "ក្រុមជំនួយការសម្តេចតេជោ" ដឹកនាំដោយលោក ឈឹម ផលវរៈរិទ្ធ អមដំណើរជាមួយដោយលោក ម៉ុក ច័ន្ទវាសនា សហការជាមួយលោក ម៉ែន សុវណ្ណ ភ្នាក់ងារស្ម័គ្រចិត្តរបស់ "ក្រុមជំនួយការដើម្បីប្រជាជន" ប្រចាំខេត្តកំពង់ឆ្នាំង បានចុះទៅសួរ សុខទុក្ខប្រជាពលរដ្ឋនៅឃុំពន្លៃ ស្រុកបរិបូរណ៌ ខេត្តកំពង់ឆ្នាំង ដោយនាំយកមកជាមួយនូវស្បៀងសប្បុរសធម៌សម្តេចតេជោ ចែកជូនគ្រួសារទីទ័លក្រចំនួន១២គ្រួសារ មាន៖ ចាស់ជរា, មេម៉ាយ និងអតីតយុទ្ធជន មកពីភូមិកែវឡាត, ភូមិអូរ, ភូមិពន្លៃ និងភូមិជើងខ្នារ ដែលក្នុង១ គ្រួសារៗទទួលបាន ៖ អង្ករ ១០គីឡូក្រាម, មីយើង ១កេស, ទឹកស៊ីអ៊ីវ៦ដប និងទឹកត្រី៣ដប។

ប្រជាពលរដ្ឋមូលដ្ឋាន គាត់សប្បាយចិត្ត និងថ្លែងអំណរគុណដល់សម្តេចតេជោ ដោយបញ្ជាក់ប្រាប់ថា ពួកគាត់ពុំដែលមានវាសនាបានទទួលអំណោយម្តងណាទេកន្លងមក។ ពីធីសំណេះសំណាល បានប្រព្រឹត្តទៅរយៈពេលមិនលើសពី ៤៥នាទីទេ ដែលក្នុងឱកាសនោះ លោក ឈឹម ផលវរៈរិទ្ធ ជំនួយការសម្តេចតេជោ បានពាំនាំនូវការផ្តាំផ្ញើរសួរសុខទុក្ខពីសម្តេចតេជោ ហ៊ុន សែន ដោយលោកបានលើកឡើងថា សម្តេចជារដ្ឋបុរស មានព្រហ្មវិហារធម៌ ប្រកបដោយទឹកចិត្តស្រឡាញ់ប្រជាជន និងតែងតែគិតគូរដល់ការលំបាករបស់ប្រជាពលរដ្ឋ និងបានបញ្ជាក់ថាសមិទ្ធផល ដ៏មហាសាលដែលសម្តេចតេជោ ហ៊ុន សែន បានសម្រេចជូនជាតិ និងប្រជាជនកម្ពុជា គឺសន្តិភាព។ ដើម្បីគុណតម្លៃនេះ សម្តេចតេជោសែន បានផ្តាំផ្ញើរដល់ប្រជាពលរដ្ឋគ្រប់រូប គ្រប់និន្នាការ ត្រូវរួមគ្នាការពារថែរក្សាសន្តិភាពនេះឲ្យឋិតឋេរ ពោលគឺ ប្រជាជាតិយើង ត្រូវដើរចៀសឲ្យឆ្ងាយពីគន្លងអតីតកាល ជាពិសេស កុំជឿតាមការញុះញង់អុចអាល បញ្ឆេះកំហឹងផ្ទៃក្នុងប្រជាជាតិខ្មែរ ពីសំណាក់ក្រុមឃោសនានយោបាយបែបទុច្ចរិត។

ជាការពិត កម្ពុជាអនុវត្តរបបនយោបាយប្រជាធិបតេយ្យសេរីពហុបក្ស តែមិនអាចអនុញ្ញាតឲ្យជនណា ឬក្រុមណាមួយជ្រកកោន ដើម្បីបំផ្លាញសន្តិភាពជាតិយើងបានជាដាច់ខាត។ ផ្អែកលើមូលដ្ឋានសន្តិភាព កម្ពុជាមានឱកាសកសាងប្រទេសជាជំហានៗ ឆ្ពោះទៅវឌ្ឍនភាព និងសុខដុមរមនាចៀសផុតពីគ្រោះថ្នាក់ និងមហន្តរាយនៃសង្គ្រាមជាថ្មីម្តងទៀត។

ម៉្យាងវិញទៀត ក្រោមការដឹកនាំរបស់សម្តេចតេជោ ហ៊ុន សែន គឺ យើងគ្រប់គ្នា ត្រូវរួមគ្នាកសាងសង្គមមួយមានការគោរពគ្នាទៅវិញទៅមក ដែលជាកត្តាគន្លឹះមួយក្នុងការធានាដល់សន្តិភាព ដោយបដិសេធចំពោះឥរិយាបទបែប "នាម៉ឺននិយម និងស្តេចត្រាញ់និយម" ដែលជាដើមចមនាំឲ្យមានគម្លាតរវាង "រាស្ត្រ និង មន្ត្រីរដ្ឋ" ដែលជាឥរិយាបទផ្ទុយពីវត្ថុបំណងពិតរបស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា។ ប្រជាពលរដ្ឋ បានសម្តែងការគាំទ្រ និងសង្ឃឹមថា គោលនយោបាយនេះ នឹងធ្វើឲ្យពួកគាត់អាចចាកផុតពីការធ្វើទុក្ខបុកម្នេញពីសំណាក់ "បុគ្គល" អាជ្ញាធរថ្នាក់ក្រោមជាតិ។

សូមបញ្ជាក់ថា ការសំណេះសំណាលនេះ ប្រព្រឹត្តទៅប្រកបដោយភាពល្អូកល្អឺន រីករាយទំនុកចិត្ត និងមានភាពស្និតស្នាលស្មើមុខគ្នា ដោយគ្មានឥរិយាបទក្រអឺតក្រទម។ បរិយាកាសនេះ បានផ្តល់នូវការយល់ចិត្តគ្នា ហើយប្រជាពលរដ្ឋបានសម្តែងនូវសេចក្តីស្រឡាញ់ចំពោះសម្តេចតេជោ ហ៊ុន សែន។ បេសកកម្មរបស់ក្រុមជំនួយការសម្តេចតេជោ បានប្រកាន់យកនូវគំរូរបស់សម្តេចតេជោ ហ៊ុន សែន ក្នុងភាពស្និតស្នាល និងសមញ្ញជាមួយមហាជន ប្រកបដោយលក្ខណៈជាភាតរៈ រួមរស់ក្នុងសហគមន៍ជាតិកម្ពុជាតែមួយ ដោយមិនប្រកាន់ពណ៌សម្បុរនយោបាយ។ បេសកកម្មរបស់យើង គឺផ្តោតសំខាន់លើការលើកស្ទួយនូវការយល់អំពីសេចក្តីស្រឡាញ់ រវាងសម្តេចនាយករដ្ឋមន្ត្រី និងប្រជាជនមូលដ្ឋាន ព្រមទាំងក្នុងគោលដៅពង្រឹងទំនាក់ទំនងជិតស្និតរវាងប្រជាពលរដ្ឋមូលដ្ឋាន ប្រកបដោយប្រសិទ្ធភាព ស្របតាមគំរូដ៏ប្រពៃរិ៍របស់សម្តេចប្រមុខរាជរដ្ឋាភិបាល៕

សម្តេច​តេជោ​នាយករដ្ឋ​មន្រ្តី៖ មនុស្ស ផ្លូវ ទឹក និងភ្លើង ពិតជា​រួមចំណែក​យ៉ាងសំខាន់​ក្នុងការ​អភិវឌ្ឍន៍​ប្រទេស​ជាតិ

យោងតាមទំព័រហ្វេសប៊ុករបស់សម្តេចតេជោ ហ៊ុន សែន ដែលមានឈ្មោះថា Samdech Hun Sen, Cambodian Prime Minister ដែលបានបង្ហោះផ្សាយនៅថ្ងៃទី០៧ ខែមីនា ឆ្នាំ២០១៦ បានឱ្យដឹងថា សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីបើកសន្និសីទចក្ខុវិស័យប្រទេសកម្ពុជាឆ្នាំ២០១៦ នៅសណ្ឋាគារសូហ្វីតែល រាជធានីភ្នំពេញនៅព្រឹកថ្ងៃទី០៧ ខែមីនា ឆ្នាំ២០១៦។

នៅក្នុងពិធីបើកសន្និសីទចក្ខុវិស័យប្រទេសកម្ពុជា ឆ្នាំ ២០១៦ ដែលធ្វើឡើងដោយមានកិច្ចសហការរវាងវិទ្យាស្ថានCDRI និង ធនាគារ ANZ Royal  សហការឧបត្ថមដោយ ក្រុមហ៊ុនធានារ៉ាប់រង Manulife ព្រមទាំងមានការចូលរួមពីវាគ្មិនកិត្តិយស មកពីស្ថាប័នរដ្ឋ វិស័យឯកជន ដៃគូអភិវឌ្ឍន៍ និងអ្នកនយោបាយមួយចំនួនដែលមានជំនាញឯកទេសផ្នែកសេដ្ឋកិច្ច។ សន្និសីទនេះសំដៅជំរុញការងារអភិវឌ្ឍន៍ប្រទេសជាតិឆ្ពោះទៅមុខ ដោយរកដំណោះស្រាយលើការពង្រឹង និងពង្រីកការអភិវឌ្ឍន៍ហេដ្ឋារចនាសម្ព័ន្ធក្នុងប្រទេស និងតភ្ជាប់ទៅក្នុងតំបន់ដើម្បីសម្រួលដល់ការដឹកជញ្ជូនឡូជីស្ទីក (Logistics) អោយកាន់តែមានប្រសិទ្ធភាពខ្ពស់ស្របតាមស្តង់ដារ។

សន្និសីទនេះ គឺពិតជាបានរួមចំណែកយ៉ាងសំខាន់ក្នុងការអភិវឌ្ឍន៍ប្រទេសជាតិ ស្របទៅតាមយុទ្ឋសាស្រ្តចតុកោណរបស់រាជរដ្ឋាភិបាលកម្ពុជាដែលផ្តោតទៅលើ មនុស្ស ផ្លូវ ទឹក និងភ្លើងដែលក្នុងនោះ គឺរួមបញ្ចូលនូវដំណោះស្រាយល្អលើចំណុចសំខាន់ៗមួយចំនួនដូចខាងក្រោម៖

១ - ការពង្រឹងនិងពង្រីកផ្លូវជាតិ និងអន្តរជាតិតភ្ជាប់ទៅបណ្តាប្រទេសជិតខាង

២- ពង្រឹងការដឹកជញ្ជូនតាមផ្លូវទឹក

៣- ការបង្កើន និងពង្រីកផ្លូវដែកបន្ថែមទៀត

៤ - ការអភិវឌ្ឍន៍កំពង់ផែសមុទ្រ និងកំពង់ផែទន្លេ

៥- ការបញ្ចុះតំលៃអគ្គីសនី និង

៦ - ការកាត់បន្ថយការចំណាយ ឡូជីស្ទីក (Logistic)

តាមរយៈសន្និសីទនេះ គឺពិតជាបានផ្តល់នូវដំណោះស្រាយល្អៗជាច្រើនដើម្បីធ្វើអោយកាន់តែប្រសើរឡើង នូវហេដ្ឋារចនាសម្ព័ន្ធដឹកជញ្ជូ (Logistic)សំរាប់ការប្រកួតប្រជែងនិងជំរុញកំណើន សេដ្ឋកិច្ចកម្ពុជា និងទាំងក្នុងកម្រិតតំបន់ និងពិភពលោក៕

ស្ថានឯកអគ្គរាជទូតកម្ពុជាប្រចាំប្រទេសម៉ាឡេស៊ីបានអន្តរាគមន៍ជួយពលករ ពលការីនីកម្ពុជាឱ្យបានវិលត្រឡប់មកមាតុប្រទេសវិញ

យោងតាមសេចក្ដីជូនដំណឹងដែលចុះហត្ថលេខាកាលពីថ្ងៃទី០៤ ខែមីនា ឆ្នាំ២០១៦ដោយឯកឧត្តម ជុំ សុន្ទរី អនុរដ្ឋលេខាធិការ និងជាអ្នកនាំពាក្យក្រសួងការបរទេស និង សហប្រតិបត្តិការអន្តរជាតិបានឱ្យដឹងថា ស្ថានឯកអគ្គរាជទូតកម្ពុជាប្រចាំ ប្រទេសម៉ាឡេស៊ី បានអន្តរាគមន៍ ជួយពលករ-ពលការីនី​កម្ពុជា​ចំនួន ០៤រូប ដែលបានទៅធ្វើការនៅប្រទេស ម៉ាឡេស៊ី ហើយជួបប្រទះការ លំបាកក្នុង​ការងារ​ឱ្យបានវិលត្រឡប់មកមាតុប្រទេសវិញ។

ក្នុងសេចក្ដីជូនដំណឹងដដែលនោះបានប​ញ្ជាក់ថា ពលករ ពលការិនីទាំង ០៤រូបនោះ មានឈ្មោះដូចជា ៖ ១- ណន គុណធួន ភេទស្រី អាយុ​ ២២ ឆ្នាំ មានស្រុកកំណើតនៅភូមិវៀង ឃុំសំរោង ស្រុកភ្នំក្រវ៉ាញ ខេត្តពោធិ៍សាត់ បានទៅធ្វើការជាអ្នកបោសសំអាត នៅ​ប្រទេសម៉ាឡេស៊ី​ តាំងពីថ្ងៃទី០៧ ខែមេសា ឆ្នាំ២០១៤ និងបានមក ស្ថានទូត នៅថ្ងៃទី២៤ ខែកុម្ភៈ ឆ្នាំ២០១៦ សុំឱ្យជួយទាមទារប្រាក់ខែ​ពីថៅកែ និងជួយឱ្យបានត្រឡប់មក កម្ពុជាវិញ។ ពលការិនីរូបនេះ បានទទួលប្រាក់ខែគ្រប់ចំនួន ហើយថៅកែបានបង់ថ្លៃពិន័យឱ្យរដ្ឋា​ភិបាល​ម៉ាឡេស៊ី ព្រមទាំងទិញសំបុត្រយន្តហោះឱ្យ ក្រោយ​ពីការអន្តរាគមទាមទារ​ដ៏ស្វិត​ស្វាញ​របស់ស្ថានទូត។ ២- ម៉ន ស្រីស្រស់ ភេទស្រី អាយុ​ ២៦​ឆ្នាំ មានស្រុកកំណើតនៅភូមិក្បាលជួរ ឃុំសំបុក ស្រុក​ចិត្របុរី ខេត្តក្រចេះ បានទៅធ្វើការជាអ្នកបោសសំអាត នៅ​ប្រទេសម៉ាឡេស៊ី​ តាំង​ពីថ្ងៃទី០៤ ខែធ្នូ ឆ្នាំ២០១៤ និងបានមក ស្ថានទូតនៅថ្ងៃទី២៤ ខែកុម្ភៈ ឆ្នាំ២០១៦ សុំជួយឱ្យ បានត្រឡប់មកកម្ពុជាវិញ។ ពលការិនី ម៉ន ស្រីស្រស់ ត្រូវបានស្ថានទូតចេញលិខិតធ្វើដំណើរ បណ្តោះឱ្យ។ ៣- ថាំង ប៉ុម ភេទស្រី អាយុ​ ២៨ ​ឆ្នាំ មានស្រុកកំណើត នៅភូមិ​ជ្រាំងក្រហម ឃុំកំពង់ស្វាយ ស្រុកកំពង់ស្វាយ ខេត្តកំពង់ធំ បានបានទៅធ្វើការជាអ្នកបោសសំអាត នៅ​ប្រទេស​ម៉ាឡេស៊ី​ តាំងពីថ្ងៃទី២៤ ខែកញ្ញា ឆ្នាំ២០១៤ និងបានមកស្ថានទូត នៅថ្ងៃទី២៥ ខែកុម្ភៈ ឆ្នាំ២០១៦ សុំឱ្យជួយទាមទារប្រាក់ខែ​ពីក្រុមហ៊ុន GPGC International PTE.​LTD និងជួយឱ្យ បាន ត្រឡប់មកកម្ពុជាវិញ។

ក្រុមហ៊ុនបានផ្តល់ប្រាក់ខែឱ្យ​ពលការិនី ថាំង ប៉ុម បន្ទាប់ពីស្ថាន ទូតបានធ្វើការអន្តរាគមន៍ទៅក្រុម​ហ៊ុន។ ៤- ឡេះ យ៉ា ភេទប្រុស អាយុ​ ២៦ ​ឆ្នាំ មានស្រុក កំណើតនៅភូមិអូរក្រី ឃុំជីយោ ស្រុក​ចំការលើ ខេត្តកំពង់ចាម បានទៅប្រទេសម៉ាឡេស៊ី ​ តាំង​ពីថ្ងៃទី០៤ ខែធ្នូ ឆ្នាំ២០១៣ ធ្វើការនៅកសិដ្ឋានដាំដំណាំ និងបានមកស្ថានទូត នៅថ្ងៃទី ២៩ ខែ កុម្ភៈ ឆ្នាំ២០១៦ សុំជួយឱ្យ​បានត្រឡប់មកកម្ពុជាវិញ។

អំឡុងពេលរង់ចាំការត្រឡប់មកកម្ពុជាវិញ ស្ថានទូតបានផ្តល់កន្លែងស្នាក់នៅនិងបាន ផ្តល់អាហារជូនដល់​ពលករ ពលការិនីទាំង ០៤រូបនោះផងដែរ។ ពលពលករ-ពលការិនីទាំង០៤រូបនឹង​មកដល់អាកាសយានដ្ឋាន អន្តរជាតិ​ភ្នំពេញ នៅថ្ងៃទី​០៧ ខែមីនា ឆ្នាំ២០១៦ វេលាម៉ោង ០៧:៥០​នាទីព្រឹក តាមជើងយន្តហោះ AK ៥៣៦។

សេចក្ដីជូនដំណឹងនោះបានបញ្ជាក់ទៀតថា ដោយបញ្ហាពលការិនីនៅម៉ាឡេស៊ី និងបញ្ហាស្រ្តីខ្មែរទៅរៀបការ ប្តីនៅប្រទេសចិននៅ តែបន្តកើតមានជាបន្តបន្ទាប់សឹងតែរៀងរាល់ថ្ងៃ ក្រសួងការបរទេស និងសហប្រតិបត្តិការ អន្តរជាតិសូមធ្វើការអំពាវនាវជាថ្មី ម្តងទៀតដល់ឪពុក-ម្តាយ អាណាព្យបាល និងនារីគ្រប់រូបទាំងអស់សូម បង្កើនការប្រុងប្រយ័ត្នចំពោះឧបាយកលបោកប្រាសរបស់មេខ្យល់ហើយ ត្រូវជៀសវាងការធ្វើដំណើរខុស ច្បាប់ទៅកាន់ប្រទេសទាំងនោះ ដែលកន្លងមកបានបង្ហាញ ឱ្យឃើញថាពោរពេញដោយហានិភ័យ៕

សម្តេច ហ៊ុន សែន ស្នើឱ្យម្ចាស់ទូរទស្សន៍ទាំងអស់ចាក់ផ្សាយគ្រប់ទម្រង់សិល្បៈខ្មែរ

 ប្រមុខរាជរដ្ឋាភិបាលកម្ពុជា    សម្តេចអគ្គមហាសេនាបតីតេជោ ហ៊ុន សែន បានស្នើ ឱ្យគ្រប់ស្ថានីយទូរទស្សន៍ចាក់ផ្សាយនូវទម្រង់សិល្បៈបុរាណខ្មែរ និងអំពាវនាវ ឱ្យម្ចាស់ស្ថានីយទូរទស្សន៍ទាំងអស់សហការ ជាមួយ ក្រុមរបាំ ល្ខោនបាសាក់ ឬទម្រង់យីកេ ផ្សេងៗដើម្បីថតការសម្តែងមកចាក់ផ្សាយលើទូរទស្សន៍របស់ខ្លួន ដែលថ្លែងការណ៍នេះធ្វើឡើង នៅក្នុងទិវាវប្បធម៌ជាតិ ៣ មីនា លើកទី ១៨ និង ពិធីបិទមហោស្រពសិល្បៈយុវជនទូទាំង ប្រទេសនាព្រឹកថ្ងៃទី ០៣ ខែមីនា ឆ្នាំ ២០១៦ នៅសាលមហោ ស្រពចតុម្មុខ។

ជាមួយគ្នានោះ សម្តេចតេជោនាយករដ្ឋមន្រ្តីក៏បានស្នើទៅកាន់ពាណិជ្ជករ និងអ្នក ដែលមានធនធានទាំងឡាយឱ្យ គាំទ្រវិស័យសិល្បៈបុរាណខ្មែរ និង កីឡាជាតិ ផងដែរ ពិសេសផ្សាយពាណិជ្ជកម្មនៅក្នុងម៉ោង ភាពយន្ត និង សិល្បៈខ្មែរ។
សម្តេចតេជោ បានមានប្រសាសន៍ថា ខ្ញុំចង់ដាក់តឿនបន្តិចទៅខាងទូរទស្សន៍     កន្លងក្រសួងព័ត៌មានបានតម្រូវឱ្យចាក់នូវភាពយន្តខ្មែរនិងសិល្បៈខ្មែរ អញ្ចឹង ទេបើខ្ញុំជាម្ចាស់ស្ថានីយទូរទស្សន៍វិញខ្ញុំគិតថាទម្រង់អ្វីដែលយើង កំពុងធ្វើនេះ គឺជាផលិតផលសម្រាប់ចិញ្ចឹមទូរទស្សន៍នៅក្នុងប៉ុន្មានម៉ោង នោះឯង ។    សម្តេចបន្តថា ទូរទស្សន៍ខ្លះបានទៅរករឿងតាំងពីទសវត្សរ៍ ៨០ មកចាក់ផ្សាយ  បានអត់អី ទេ ប៉ុន្តែមិនមែនតម្រូវត្រឹមតែបញ្ហាយកទៅចាក់ ក្នុងកម្មវិធីនោះមិនមែន តម្រូវតែភាពយន្តមួយមុខនោះទេ បញ្ហាទាក់ទងជាមួយរបាំ ល្ខោនបាសាក់ ឬជាទម្រង់យីកេ សហការជាមួយក្រុមសិល្បៈ ថតយកទៅទុក ចាក់ផ្សាយ នៅក្នុងម៉ោងនោះទៅ។

សម្តេចតេជោក៏បានអំពាវនាវឱ្យពាណិជ្ជករទាំងឡាយដែលមានផលិតផល ផ្សាយ
ពាណិជ្ជកម្ម សូមមេត្តាចូលរួមផ្សាយពាណិជ្ជកម្មក្នុងកម្មវិធីម៉ោងពេល ដែល ទូរទស្សន៍ចាក់ផ្សាយសិល្បៈខ្មែរ ឬ ភាពយន្ត ខ្មែរ ទាំងចម្រៀងក្តីទាំង ទម្រង់ សិល្បៈនានាផង។ សូមអំពាវនាវអ្នកដែលមានធនាន ទាំង ឡាយគាំទ្រ ទៅដល់វិស័យសិល្បៈខ្មែរហើយក៏គាំទ្រទៅដល់សកម្មភាពកីឡា របស់ កម្ពុជាផងដែរ។

ទិវាវប្បធម៌ជាតិ៣មីនា ជាទិវាដ៏សំខាន់មួយរបស់ប្រទេសជាតិដែលរាជរដ្ឋាភិបាល តែងតែ បានយកចិត្តទុកដាក់រៀបចំប្រារព្ធឡើង ជារៀងរាល់ឆ្នាំដើម្បី រម្លឹកដល់ គុណូបការៈ និងស្នាដៃដ៏វិសេសវិសាលនៃបុព្វបុរសយើង ដែលបានបន្សល់ ទុកនូវមរតកវប្បធម៌  ដ៏សម្បូរបែប ដល់កូនចៅជំនាន់ក្រោយ។

ការប្រារព្ធទិវានេះក៏ជាការជំរុញ ការផ្សព្វផ្សាយការផ្ទេរ ចំណេះដឹង ចំណេះធ្វើ   ជំនាញបច្ចេកទេស និងទេពកោសល្យវប្បធម៌ ក៏ដូចជាការក្រើនរម្លឹក បំផុសស្មារតី និងមនសិការ ដល់ប្រជាពលរដ្ឋទាំងអស់  ជាពិសេសយុវជន ដែលជាទំពាំង ស្នងឫស្សី មានកាតព្វកិច្ច  ក្នុងការថែរក្សាការពារ ឱ្យបានស្ថិតស្ថេរគង់វង្ស នូវវប្បធម៌ ជាតិចម្រុះរបស់សហគមន៍ជនជាតិនៅព្រះរាជាណាចក្រកម្ពុជា។

សម្ដេចតេជោ ហ៊ុន សែន បានមានប្រសាសន៍ថា  ទិវាវប្បធម៌ជាតិ៣មីនា លើក ទី១៨ឆ្នាំ២០១៦នេះ ត្រូវបានរាជរដ្ឋាភិបាលសម្រេចឱ្យរៀបចំ ដោយរក្សា ប្រធានបទ ដដែល  ដូចឆ្នាំមុន(២០១៥) គឺ(យុវជនដើម្បី វប្បធម៌ជាតិ)ដើម្បីយុវជន ក៏ដូចជា ប្រជាពលរដ្ឋ   ចូលរួមសម្រេចឱ្យបានគោលដៅសំខាន់ៗមួយចំនួន ដូចជាការបង្កើត ការស្រឡាញ់ និងស្មារតីរូបរួមកាន់តែខ្លាំងក្លាថែមទៀត និងការផ្ទេរ ទទួលយក      ចំណេះដឹង ជំនាញ បច្ចេកទេសសិល្បៈ វប្បធម៌ សំដៅលើក កម្ពស់ថែរក្សា ការពារវប្បធម៌ជាតិ ក៏ដូចជាវប្បធម៌ចម្រុះនៅកម្ពុជាឱ្យបានគង់វង្ស។

សម្តេចបានបន្តថាជារួមកាលបើយុវជនមានការ យល់ដឹងកាន់តែច្បាស់ និង កាន់តែស៊ីជម្រៅអំពីតម្លៃបេតិកភណ្ឌវប្បធម៌ជាតិនោះ នឹងជំរុញឱ្យពួកគេ ចូលរួមកាន់តែខ្លាំងថែមទៀតក្នុងការ ថែរក្សា   ការពារ និង លើកតម្កើង តម្លៃវប្បធម៌ជាតិ។ នៅពេលដែលយុវជនយើងយល់ដឹង ស្រឡាញ់វប្បធ៌ម ជាតិ នោះពួកគេនឹងរួមចំណែកក្នុងការសិក្សាស្រាវជ្រាវចងក្រងឯកសារវប្បធ៌ម និង ការបង្កើតនូវស្នាដៃថ្មី ៗដែលជាផលិតផលវប្បធម៌ និង ចូលរួមលើកស្ទួយការប្រើ
ប្រាស់សក្តានុពលវប្បធម៌ជាតិ ដែលជាប្រភព មិនចេះរីងស្ងួត  ក្នុងការរួម ចំណែកអភិវឌ្ឍសេដ្ឋកិច្ចជាតិ តាមរយៈការ ធ្វើសេវាកម្ម និងលក់ផលិតផលវប្បធ៍ម សម្រាប់គោលដៅពាណិជ្ជកម្ម និងទេសចរណ៍វប្បធម៌។

ទាំងអស់នេះគឺជាទិដ្ឋភាពដែលបង្ហាញយ៉ាងប្រត្យក្សអំពីភាពប្រទាក់ក្រឡាគ្នាមិនអាច ផ្តាច់ចេញរវាងវិស័យវប្បធម៌  ទេសចរណ៍ និង សេដ្ឋកិច្ច។    ព្រឹត្តិការណ៍ទិវាជាតិនេះ  ពិតជាបានរួមចំណែកបំផុសមនសិការស្នេហាជាតិ ស្មារតីស្រឡាញ់  សម្បត្តិ វប្បធម៌ដល់ប្រជាជាតិខ្មែរ ពីគ្រប់មជ្ឈដ្ឋាន ទាំងក្នុង និង    ក្រៅប្រទេស សំដៅ ផ្សព្វផ្សាយ និងអប់រំ អំពីវប្បធម៌ និងសីលធម៌ដ៏ល្អផូរផង់របស់ជាតិ អំពីផលិតផល វប្បធម៌ខ្មែរដ៏សម្បូរបែប  និងឱ្យចេះរួមគ្នា ជាធ្លុងមួយ ប្រកបដោយឆន្ទៈម្ចាស់ការ មនសិការស្នេហាជាតិ ចេះថែរក្សា    ការពារ និងបណ្ដុះគំនិត លើកតម្កើង កេរដំណែល វប្បធម៌ជាតិ ទាំងរូបី និងអរូបី ឱ្យបានស្ថិតស្ថេរ និងគង់វង្ស។
ជាការពិតរាជរដ្ឋាភិបាលតែងតែបានគាំទ្រ និងបានផ្តល់ឤទិភាពខ្ពស់ ដោយចាត់ ទុកថាវប្បធម៌ខ្មែរ គឺជាព្រលឹងជាតិ និង ជាអត្ត សញ្ញាណខ្មែរ   ដែលមាន តម្លៃមហា សាល ពុំឤចកាត់ថ្លៃបាន ព្រមទាំងជាមូលដ្ឋានគ្រឹះក្នុងការផ្សា ភ្ជាប់ ទំនាក់ទំនង ដ៏រឹងមាំពីសង្គមមួយ ទៅសង្គមមួយ  ពីក្រុមមួយទៅក្រុមមួយ  ពីបុគ្គលម្នាក់ ទៅបុគ្គលម្នាក់ ឱ្យចេះរួមរស់ជាមួយគ្នាប្រកបដោយភាពសុខដុម រមនាដោយ គ្មានការរើសអើង។ យើងទាំងអស់គ្នាបានដឹងហើយថា កម្ពុជាគឺជាទឹកដីដែល សម្បូរ  ទៅដោយសម្បត្តិបេតិកភណ្ឌវប្បធម៌ទាំងរូបី និង អរូបី ដូចជារមណីយដ្ឋាន បុរាណ  ទីក្រុងបុរាណ  ប្រាង្គប្រាសាទ  របាំ  ល្ខោន  តន្ត្រី សិល្បៈសូនរូប សិប្បកម្ម
ម្ហូប ឤហារប្រពៃណីទំនៀមទម្លាប់ជាដើម ដែលបុព្វបុរសដូនតាយើងបាន បន្សល់ទុកមក៕