សម្តេចធិបតី ហ៊ុន ម៉ាណែត៖ កម្ពុជា-កូរ៉េបានដំឡើងកម្រិតទំនាក់ទំនងរវាងគ្នាឱ្យដល់ "ភាពជាដៃគូយុទ្ធសាស្ត្រ"

សម្តេចធិបតី ហ៊ុន ម៉ាណែត បានថ្លែងថា  ការលើកកម្ពស់ទំនាក់ទំនងរវាងកម្ពុជា-កូរ៉េ ពីកម្រិតធម្មតាទៅកម្រិតភាពជាដៃគូយុទ្ធសាស្រ្ត មានន័យថា ទំនាក់ទំនងលើគ្រប់វិស័យទាំងអស់រួមទាំងវិស័យការងារនៃប្រទេសទាំងពីរផង កាន់តែពង្រីក និងកាន់តែពង្រឹងឱ្យកាន់តែមានភាពស៊ីជម្រៅ។

សម្តេចធិបតី ហ៊ុន ម៉ាណែត បានថ្លែងបន្តថា តាមរយៈទំនាក់ទំនងភាពជាដៃគូយុទ្ធសាស្រ្តនេះ យើងសង្ឃឹមថា ពាណិជ្ជកម្មរបស់យើងនឹងកើនឡើងដល់ ២-៣-៤ ពាន់លានដុល្លារ។

សម្តេចធិបតី ហ៊ុន ម៉ាណែត បានថ្លែងដូចនេះនៅក្នុងឱកាសដែលសម្តេចអញ្ជើញជួប «សំណេះសំណាលជាមួយប្រជាពលរដ្ឋខ្មែររស់នៅនិងបំពេញការងារនិងការសិក្សានៅសាធារណរដ្ឋកូរ៉េ» នារសៀលថ្ងៃទី១៨ ខែឧសភា ឆ្នាំ២០២៤៕