បេក្ខភាពឈរឈ្មោះបោះឆ្នោតតំណាងរាស្ដ្រ នៅមណ្ឌលខេត្តកណ្ដាល របស់លោក រ៉ុង ឈុន អនុប្រធានគណបក្សភ្លើងទៀន ត្រូវបានច្រានចោល និងគ.ជ.ប បានតម្រូវឲ្យគណបក្សភ្លើងទឿន ប្ដូរបេក្ខជនថ្មី

 នៅថ្ងៃទី០៩ ខែឧសភា ឆ្នាំ២០២៣នេះ គណៈកម្មាធិការជាតិរៀបចំការបោះឆ្នោត (គ.ជ.ប-NEC) បានចេញលិខិតជូនដំណឹងជាផ្លូវការមកគណបក្សភ្លើងទៀន (CLP) ឲ្យបំពេញលក្ខខណ្ឌដែលខ្វះខាតលើការសុំចុះបញ្ជីគណបក្សនយោបាយឈរឈ្មោះបោះឆ្នោត និងបញ្ជីបេក្ខជនឈរឈ្មោះបោះឆ្នោតជ្រើសតាំងតំណាងរាស្ដ្រ នីតិកាលទី៧ ឆ្នាំ២០២៣ របស់គណបក្សភ្លើងទៀន ដែលក្នុងនោះ គ.ជ.ប ក៏បានតម្រូវឲ្យគណបក្សភ្លើងទៀន ធ្វើការប្ដូរបេក្ខជនថ្មីបំពេញបន្ថែមជំនួសបេក្ខភាពលោក រ៉ុង ឈុន ជាបេក្ខជនពេញសិទ្ធិលំដាប់លេខរៀងទី១ នៅមណ្ឌលខេត្តកណ្ដាល ផងដែរ ៕