កាកបាទក្រហមកម្ពុជាក្រុងស្វាយរៀង បានផ្តល់អំណោយមនុស្សធម៌របស់អនុសាខាដល់ប្រជាពលរដ្ឋមានជីវភាពខ្វះខាតចំនួន

ស្វាយរៀង៖ ដើម្បីឆ្លើយតបទៅនឹងតម្រូវការជីវភាពប្រចាំថ្ងៃរបស់គ្រួសារមានជីវភាពខ្វះខាតប្រចាំថ្ងៃ នៅថ្ងៃទី ២៣ ខែ សីហា ឆ្នាំ ២០២១ ក្រុមការងាអនុសាខាកាកបាទក្រហមកម្ពុជាក្រុងស្វាយរៀង ដឹកនាំដោយលោក ណុប ចំរើន ប្រធានកិត្តិយសអនុសាខាក្រុង លោក ជួន ចាន់ឬទ្ធី ប្រធានគណៈកម្មាធិការអនុសាខាក្រុង និងមានការនិមន្តចូលរួមពីព្រះគ្រូសច្ចៈកល្យាណោ យ៉ន សុខ សាន្ត បានផ្តល់អំណោយមនុស្សធម៌របស់អនុសាខា ដល់ប្រជាពលរដ្ឋមានជីវភាពខ្វះខាតចំនួន ២១ គ្រួសារ មកពី ៥ សង្កាត់ ក្នុងក្រុងស្វាយរៀង ដែលពិធីនេះប្រារព្វធ្វើនៅនៅទីស្នាក់ការអនុសាខាកាកបាទក្រហមកម្ពុជាក្រុងស្វាយរៀង ។

អំណោយដែលបានផ្តល់ជូមរួមមាន៖ អង្ករ ៣០ គ.ក្រ មី ១ កេស ត្រីខ ១០ កំប៉ុង ម៉ាស ២ ប្រអប់ សាប៊ូ ២ ដុំ ទឹកត្រី ៣ ដប ទឹកស៊ីអ៊ីវ ៣ ដប ថវិកា ៦០,០០០ រៀល ។

ក្នុងពិធីនោះដែរមានសប្បុរសជនចូលរួមតាមរយៈអនុសាខា -ព្រះគ្រូធម្មបាលវង្សា រឹក សាបូ ថវិកា ៤២០.២០០ រៀល  ព្រះគ្រូសច្ចៈកល្យាណោ យ៉ន សុខ សាន្ត ថវិកា ២១០,០០០ រៀល លោកស្រី ប៉ុល ស៊ីវ៉ឺន ថវិកា ២១០,០០០ រៀល លោក កែន រិទ្ធី ថវិកា ៣០០,០០០ រៀល ៕