ក្រសួងធនធានទឹក ចុះពិនិត្យវាយតម្លៃប្រគល់-ទទួល និងបញ្ចប់សុពលភាពការងារជួសជុលទំនប់ការពារទឹក

កណ្តាល-កំពង់ឆ្នាំង៖ នៅថ្ងៃទី២៨ ខែសីហា ឆ្នាំ២០១៩ លោក ឈា ប៊ុនរិទ្ធ អគ្គនាយកកិច្ចការបច្ចេកទេសនៃក្រសួងធនធានទឹក និងឧតុនិយម និងតំណាងក្រសួងសេច្ចកិច្ច និងហិរញ្ញវត្ថុ បានដឹកនាំគណៈកម្មាធិការលទ្ធកម្ម (គល) និង (អល) និងមន្ទីរធនធានទឹក និងឧតុនិយម ខេត្តកណ្តាល និងមន្ទីរធនធានទឹក និងឧតុនិយមខេត្តកំពង់ឆ្នាំង បានចុះពិនិត្យ វាយតម្លៃប្រគល់-ទទួល និងបញ្ចប់សុពលភាព ការងារ (ជំពូក២១) រួមមាន៖

១-ជួសជុលទំនប់ការពារទឹកជំនន់ព្រែកក្តាម២ និងសាងសង់សំណង់សិល្បការ ស្ថិតនៅក្នុងឃុំកោះចិន ស្រុកពញាឮ ខេត្តកណ្តាល សម្រេចបាន១០០ភាគរយ។
២-សាងសង់សំណង់ស្ទាក់ទឹកលើអូរជ្រៃបាក់ និងស្តារអាងទឹកឈ្វាំង ស្ថិតនៅក្នុងឃុំរលាប្អៀរ ស្រុករលាប្អៀរ ខេត្តកំពង់ឆ្នាំង សម្រេច១០០ភាគរយ៕