សម្តេចតេជោ
ហ៊ុន សែន នាយករដ្ឋមន្ត្រី កម្ពុជា បានអនុញ្ញាតឱ្យលោក Davit Puttnam បេសកជនពិសេសនាយក
រដ្ឋមន្ត្រីអង់គ្លេសទទួលបន្ទុកពាណិជ្ជកម្ម ចូលជួបសម្តែងការគួរសម និងពិភាក្សា
ការងារ ដែលជំនួបពិភាក្សានេះ បានធ្វើ ឡើងនៅវិមានសន្តិភាពនៃទីស្តីការគណរដ្ឋមន្ត្រី
នារសៀលថ្ងៃទី៨ ខែវិច្ឆិកា ឆ្នាំ២០១៦។
លោក
Davit Puttnam បានជម្រាប ប្រាប់សម្តេចតេជោ ហ៊ុន សែន ថាលោកបានធ្វើដំណើទៅកាន់
ខេត្តផ្សេងៗ របស់ ប្រទេសកម្ពុជាក្នុងដំណើទស្សនកិច្ច
មកកាន់ប្រទេសកម្ពុជានៅពេលនេះ លោកមានអារម្មណ៍ថា លោកមានជំនឿ
យ៉ាងខ្លាំងទៅលើការអភិវឌ្ឍរបស់ប្រទេសកម្ពុជា។
លោក
Davit Puttnam ក៏បានជម្រាប ជូនសម្តេចដែរថា ចំពោះការចាកចេញ
របស់ចក្រភពអង់គ្លេសពីសហភាពអឺរ៉ុប រហូតមកដល់ពេលនេះ ជាពិសេសនៅ ក្នុងដំណាក់កាលចរចា
លោកមិនបាន ឃើញចំណុចណាមួយ ដែលធ្វើឱ្យមាន
ការប្រែប្រួលធ្វើអោយប៉ះពាល់ដល់ទំនាក់ទំនងពាណិជ្ជកម្មរវាងកម្ពុជា និងចក្រភព
អង់គ្លេសនោះទេ។
ក្នុងន័យនេះជាកាឆ្លើយតប
សម្តេចតេជោ ហ៊ុន សែន បានថ្លែងអំណរគុណ ដល់លោកលោក Davit Puttnam ចំពោះព័ត៌មាននេះ
ហើយក៏មានជំនឿ ជឿជាក់ថា ការចាកចេញរបស់ចក្រភពអង់គ្លេស នេះមិនធ្វើអោយប៉ះពាល់
ដល់ដំណើការទំហំពាណិជ្ជកម្មរវាងកម្ពុជា និងអង់គ្លេសឡើយ ហើយអ្វីដែលកម្ពុជា
ចង់បាននោះគឺពង្រីកបន្ថែមទៀតនូវ ទំហំពាណិជ្ជកម្មរវាងប្រទេសទាំងពីរ
កម្ពុជា-អង់គ្លេស ព្រោះសក្តានុពល សម្រាប់
ពង្រីកទំហំពាណិជ្ជកម្មរវាងប្រទេសទាំងពីរនៅមានច្រើនទៀត៕
No comments:
Post a Comment