អគ្គិសនីកម្ពុជា៖ ប្រកាសផ្អាកផ្គត់ផ្គង់ចរន្តអគ្គិសនីជាច្រើនកន្លែងនៅភ្នំពេញ និងតាមបណ្តាយផ្លូវជាតិលេខ៨ កណ្តាល-ព្រៃវែង

អគ្គិសនី​កម្ពុជានៅ​ថ្ងៃទី០៦ ​ខែតុលា ​ឆ្នាំ២០១៥​ បានចេញ​សេចក្តី​ជូនដំណឹង​មួយដល់​អតិថិជនរបស់​អគ្គីសនី​កម្ពុជា ​ដោយ​បញ្ជាក់ពីការ​ផ្អាកផ្គត់ផ្គង់ ​ចរន្តអគ្គិសនី​ជាច្រើនកន្លែង ​ក្នុងរាជ​ធានីភ្នំពេញ ​និងបណ្តាយ​ផ្លូវជាតិលេខ៨ ​ដើម្បីអនុវត្ត​ការងារ​ជួសជុល ​ផ្លាស់ប្តូរ​ តម្លើងបរិក្ខារ ​និងរុះរើគន្លង​ខែ្សបណ្តាញប​ង្កលក្ខណៈដល់​ការដ្ឋាន​ពង្រីកផ្លូវ​ អគ្គិសនី​កម្ពុជានឹងផ្អាក​ការផ្គត់ផ្គង់​អគ្គិសនី ​នៅតំបន់ភ្លើង​មួយចំនួន​ទៅតាមពេល​វេលា និង​ទីកន្លែងដូច​ខាងក្រោម៖​

១- ថ្ងៃព្រហស្បតិ៍​ទី០៨ ​ខែតុលា ​ឆ្នាំ២០១៥ ​ចាប់ពីម៉ោង​០៩:០០​ ដល់ម៉ោង១៦:០០ ​នឹងផ្អាកការផ្គត់​ផ្គង់អគ្គីសនី ​(១)តំបន់​ភ្លើងលេខ​P552 ​ស្ថិតនៅភូមិត្រ​ពាំងក្រសាំង ​ក្នុងសង្កាត់​ត្រពាំងក្រសាំង​ ខណ្ឌពោធិ៍សែនជ័យ ​និង(២)តំបន់​ភ្លើងមួយ​ចំនួនដែលស្ថិ​តនៅតាមបណ្តោយ​ផ្លូវជាតិលេខ៨​ ចាប់ពីស្រុក​ខ្សាច់កណ្តាល ​ក្នុងខេត្តក​ណ្តាលរហូតដល់​ស្រុកពារាំង ​ក្នុងខេត្ត​ព្រៃវែង។

២-​ ថ្ងៃសុក្រទី០៩​ ខែតុលាឆ្នាំ​២០១៥ ​ចាប់ពីម៉ោង​០៨:០០ ​ដល់ម៉ោង១៣:០០ ​នឹងផ្អាក​ការផ្គត់ផ្គង់អគ្គិសនី​នៅតំបន់​ភ្លើងលេខ ​ប.ត131​ ស្ថិតនៅតាម​បណ្តោយមហាវិថី​សហព័ន្ធរុស្សី ​ក្នុងសង្កាត់​ទឹកល្អក់១ ​ខណ្ឌទួលគោក ​រាជធានីភ្នំពេញ​។